शेअर करा
 
Comments
PM Modi receives 'Global Goalkeeper Award' for the Swachh Bharat Abhiyan
In last five years a record more than 11 crore toilets were constructed: PM Modi
Swachh Bharat mission has benefited the poor and the women most: PM Modi

अमेरिकेतल्या बिल आणि मेलिंडा गेट्स फाऊंडेशनतर्फे पंतप्रधान नरेंद्र मोदी यांना ग्लोबल गोलकीपर पुरस्काराने सन्मानित करण्यात आले आहे. न्यूयॉर्क इथे संयुक्त राष्ट्रांच्या सर्वसाधारण सभेदरम्यान काल पंतप्रधानांना हा पुरस्कार प्रदान करण्यात आला. स्वच्छ भारत अभियानाची यशस्वी अंमलबजावणी केल्याबद्दल त्यांची यंदाच्या पुरस्कारासाठी निवड करण्यात आली होती.

स्वच्छ भारत अभियान जनचळवळ म्हणून यशस्वी करणाऱ्या भारतीय जनतेला पंतप्रधानांनी हा पुरस्कार समर्पित केला.

“स्वच्छ भारत अभियानाचे यश हे भारतीय जनतेचे यश आहे. ही चळवळ त्यांनी जनचळवळ बनवली आणि ती यशस्वी होईल यासाठी प्रयत्न केले”, असे पंतप्रधानांनी हा पुरस्कार स्वीकारल्यानंतर सांगितले.

महात्मा गांधी यांच्या 150व्या जयंतीवर्षात हा पुरस्कार मिळणे, हा आपल्यासाठी अत्यंत महत्वाचा क्षण आहे, असे पंतप्रधान म्हणाले. 130 कोटी भारतीयांनी प्रतिज्ञा केली तर कुठलेही आव्हान पेलले जाऊ शकते, याचे मूर्तिमंत उदाहरण म्हणजे स्वच्छ भारत अभियान आहे, असे पंतप्रधान म्हणाले. महात्मा गांधी यांच्या स्वच्छ भारत या स्वप्नपूर्तीसाठी भारत लक्षणीय प्रगती करत आहे, असे पंतप्रधान म्हणाले.

“गेल्या 5 वर्षात भारतात 11 कोटींपेक्षा अधिक शौचालये बांधली गेली. या अभियानाचा लाभ गरीब आणि महिलांना झाला”, असे पंतप्रधानांनी नमूद केले. या अभियानामुळे सार्वजनिक स्वच्छता आणि आरोग्य यात केवळ सुधारणा झाली नाही, तर गावांमधल्या अर्थकारणालाही चालना मिळाली, असे ते म्हणाले.

जागतिक पातळीवर सार्वजनिक स्वच्छतेच्या संदर्भात सुधारणा करायच्या असतील, तर भारत आपले अनुभव आणि कौशल्य यांचे सहकार्य करायला कायम तत्पर असेल, असेही त्यांनी सांगितले. सार्वजनिक स्वच्छतेच्या दिशेने एकत्रित प्रयत्न व्हायला हवेत, अशी अपेक्षा त्यांनी व्यक्त केली.

फिट इंडिया मुव्हमेंट आणि जलजीवन मिशन या दोन मोहिमांच्या माध्यमातून भारत प्रतिबंधात्मक आरोग्य सुविधा क्षेत्रात काम करत आहे, असेही पंतप्रधानांनी सांगितले.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Click here to read full text speech

Modi Govt's #7YearsOfSeva
Explore More
चलता है' ही मनोवृत्ती सोडायची वेळ आता आली आहे. आता आपण 'बदल सकता है' असा विचार करायला हवा : पंतप्रधान मोदी

लोकप्रिय भाषण

चलता है' ही मनोवृत्ती सोडायची वेळ आता आली आहे. आता आपण 'बदल सकता है' असा विचार करायला हवा : पंतप्रधान मोदी
PM Modi at UN: India working towards restoring 2.6 crore hectares of degraded land by 2030

Media Coverage

PM Modi at UN: India working towards restoring 2.6 crore hectares of degraded land by 2030
...

Nm on the go

Always be the first to hear from the PM. Get the App Now!
...
पंतप्रधान नरेंद्र मोदी 16 जून रोजी विवा टेकच्या पाचव्या वार्षिक कार्यक्रमात बीजभाषण करणार
June 15, 2021
शेअर करा
 
Comments

पंतप्रधान नरेंद्र मोदी 16 जून 2021 रोजी संध्याकाळी 4 वाजता विवा टेकच्या पाचव्या आवृत्तीत बीज भाषण करतील. विवा टेक 2021 येथे बीज भाषण करण्यासाठी पंतप्रधानांना मानद अतिथी म्हणून आमंत्रित केले गेले आहे.

कार्यक्रमातील इतर प्रमुख वक्त्यांमध्ये फ्रान्सचे अध्यक्ष  इमॅन्युएल मॅक्रॉन, स्पेनचे पंतप्रधान  पेद्रो सान्चेझ आणि युरोपियन देशांचे मंत्री / खासदार यांचा समावेश आहे. अॅपलचे सीईओ  टीम कूक,.फेसबुकचे अध्यक्ष आणि सीईओ मार्क झुकरबर्ग आणि मायक्रोसॉफ्टचे अध्यक्ष ब्रॅड स्मिथ आदींसह कॉर्पोरेट नेत्यांचा या कार्यक्रमात सहभाग असेल.

विवा टेक हा युरोपमधील सर्वात मोठा डिजिटल आणि स्टार्टअप कार्यक्रमांपैकी एक आहे, जो 2016 पासून दरवर्षी  पॅरिसमध्ये होतो. एक प्रसिद्ध फ्रेंच मीडिया समूह - प्रसिद्ध जाहिरात आणि विपणन समूह आणि लेस इकोस हा फ्रेंच माध्यम समूह संयुक्तपणे याचे आयोजन करतात.  ते  तंत्रज्ञान नवसंशोधन आणि स्टार्टअप परिसंस्थेतील हित धारकांना एकत्र आणतात  आणि त्यात प्रदर्शन, पुरस्कार, पॅनेल चर्चा आणि स्टार्टअप स्पर्धा यांचा समावेश असतो. विवा टेकचा पाचवा वार्षिक कार्यक्रम 16-19 जून 2021 दरम्यान होणार आहे.