Share
 
Comments

نئی دہلی،24؍جون :وزیراعظم ، جناب نریندرمودی کی سربراہی میں جموں وکشمیرکی سیاسی پارٹیوں کے ساتھ بات چیت ختم ہوگئی ہے ۔  جموں وکشمیر  کی ترقی اور  جمہوریت کو مستحکم کرنے کی سمت میں یہ میٹنگ ایک بہت ہی مثبت کوشش ثابت ہوئی ہے ۔ سبھی شرکاء نے بھارت کی جمہوریت اوربھارت کے آئین کے تئیں اپنے مکمل اعتماد کا اظہارکیا۔

وزیرداخلہ جناب امت  شاہ نے سبھی لیڈروں کو جموں وکشمیر کی صور ت حال میں بہتری کے بارے میں جانکاری دی ۔

وزیراعظم نریندرمودی نے  ہرپارٹی کے دلائل اورتجاویز کو پوری سنجیدگی کے ساتھ سنا اورانھوں نے اس حقیقت کی تعریف کی کہ عوام کے تمام نمائندوں نے کھلے  ذہن کے ساتھ اپنے موقف اور نقطہ نظرسے جانکاری فراہم کرائی ۔ وزیراعظم نے  میٹنگ میں دواہم امورپرخصوصی زوردیا۔ انھوں نے کہا کہ ہم سب کو جموں وکشمیر میں بنیادی سطح پرجمہوریت کو آگے لے جانے کے لئے کام کرناہوگا ۔ دوسرے یہ جموں وکشمیر کہ ہمہ گیرترقی بھی ہونی چاہیئے اور ترقی ہرخطے ہرطبقے تک پہنچنی چاہیئے ۔ انھوں نے کہاکہ یہ ضروری ہے کہ تعاون اورعوامی شرکاء کا ایک ماحول قائم ہو۔

وزیراعظم جناب نریندرمودی نے یہ بھی واضح کیاپنچایت اور دیگر بلدیاتی اداروں کے انتخابات جموں وکشمیر میں کامیابی کے ساتھ منعقد ہوئے ہیں اورسلامتی کی صورت حال میں نمایاں بہتری آئی ہے ۔ الیکشن کے اختتام کے بعد 12ہزارکروڑروپے براہ راست پنچایتوں تک پہنچ گئے ہیں ۔ اس سے گاوؤں کی ترقی کی رفتارتیز ہوئی ہے ۔

وزیراعظم نے کہاکہ ہم کو جموں وکشمیر میں اسمبلی چناؤ کے جمہوری عمل سے متعلق اگلے اہم قدم کی طرف رجوع ہوناہے ۔اس کے لئے حدبندی  کے عمل کو تیزی سے پوراکرنا ہوگا ۔ تاکہ ہرخطے اورہرطبقہ اسمبلی میں مناسب سیاسی نمائندگی حاصل کرسکے ۔ انھوں نے کہا کہ یہ بھی ضروری ہے کہ قبائلی علاقوں میں رہنے والے لوگوں ، دلتوں اورپسماندہ لوگوں کو مناسب نمائندگی دی جائے ۔حدبندی کے عمل میں ہرایک کی شرکت سے متعلق میٹنگ میں تفصیل سے گفتگوکی گئی ۔ میٹنگ میں موجودسبھی سیاسی پارٹیوں نے اس عمل میں شرکت کرنے پر اتفاق ظاہرکیا۔

وزیراعظم نے امن اورخوشحالی کے راستے پرجموں وکشمیرکولے جانے کے لئے تمام فریقوں کے تعاون پربھی زوردیا۔ انھوں نے کہا کہ جموں وکشمیر تشدد کے دائرے سے باہر آرہاہے اوروہ استحکام کی طرف بڑھ رہاہے ۔ جموں کشمیرکے عوام میں نئی امید اورنیااعتماد ابھرکر سامنے آرہاہے ۔

وزیراعظم نے یہ بھی کہاکہ ہم کو اس اعتماد اوربھروسے کو مستحکم کرنے کے لئے دن رات کام کرناہوگا اوراس اعتماد کو بہتربنانے کے لئے مل کرکام کرناہے ۔ آج کی میٹنگ جموں کشمیر کی ترقی اورخوشحالی کے علاوہ جمہوریت کو مستحکم کرنے کے لئے ایک اہم قدم ہے ۔ میں آج کی اس میٹنگ میں شرکت کرنے کے لئے تمام سیاسی پارٹیوں کا شکریہ اداکرتاہوں ۔

 

'من کی بات ' کے لئے اپنے مشوروں سے نوازیں.
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Saudi daily lauds India's industrial sector, 'Make in India' initiative

Media Coverage

Saudi daily lauds India's industrial sector, 'Make in India' initiative
...

Nm on the go

Always be the first to hear from the PM. Get the App Now!
...
وزیر اعظم جناب نریندر مودی نے سعودی عرب کے وزیر خارجہ شہزادہ فیصل بن فرحان آل سعود سے گفت و شنید کی
September 20, 2021
Share
 
Comments

وزیر اعظم جناب نریندر مودی نے آج سعودی عرب کے وزیر خارجہ شہزادہ فیصل بن فرحان آل سعود سے ملاقات کی۔

اس ملاقات میں دونوں ممالک کے درمیان اسٹریٹجک پارٹنرشپ کونسل کے زیراہتمام کیے گئے اقدامات سمیت  مختلف جاری دو طرفہ پہل پر پیش رفت کا جائزہ لیا گیا ۔ وزیر اعظم نے توانائی ، اطلاعاتی ٹکنالوجی اور دفاعی مینوفیکچرنگ جیسے اہم شعبوں میں سعودی عرب سے زیادہ سرمایہ کاری دیکھنے کی بھارت کی خواہش کا اظہار کیا۔ 

ملاقات میں افغانستان کی صورت حال پر تبادلہ خیال سمیت علاقائی پیش رفت پر بھی گفت و شنید ہوئی۔

وزیر اعظم نے کوویڈ 19 کی عالمی وبا کے دوران بھارتی افراد کی فلاح و بہبود اور دیکھ بھال کے لیے مملکت سعودی عرب کا خصوصی شکریہ اور ستائش کی۔

وزیر اعظم نے شاہ سلمان اور سعودی عرب کے ولی عہد کے لیے بھی اپنی نیک خواہشات پیش کیں۔