ਪ੍ਰਧਾਨ ਮੰਤਰੀ, ਸ਼੍ਰੀ ਨਰੇਂਦਰ ਮੋਦੀ ਅਤੇ ਬੰਗਲਾਦੇਸ਼ ਦੀ ਪ੍ਰਧਾਨ ਮੰਤਰੀ, ਸ਼ੇਖ ਹੁਸੀਨਾ 18 ਮਾਰਚ 2023 ਨੂੰ 1700 ਵਜੇ (ਆਈਐੱਸਟੀ) ਵੀਡੀਓ- ਕਾਨਫਰੰਸ ਦੇ ਜ਼ਰੀਏ ਭਾਰਤ-ਬੰਗਲਾਦੇਸ਼ ਮੈਤਰੀ ਪਾਈਪਲਾਈਨ ਦਾ ਉਦਘਾਟਨ ਕਰਨਗੇ ।
ਇਹ ਭਾਰਤ ਅਤੇ ਬੰਗਲਾਦੇਸ਼ ਦੇ ਦਰਮਿਆਨ ਸੀਮਾ ਪਾਰ ਪਹਿਲੀ ਊਰਜਾ ਪਾਈਪਲਾਈਨ ਹੈ, ਜਿਸ ਨੂੰ 377 ਕਰੋੜ ਰੁਪਏ ਦੀ ਅਨੁਮਾਨਿਤ ਲਾਗਤ ਨਾਲ ਬਣਾਇਆ ਗਿਆ ਹੈ, ਜਿਸ ਵਿੱਚੋਂ ਪਾਈਪਲਾਈਨ ਦੇ ਬੰਗਲਾਦੇਸ਼ ਵਿੱਚ ਨਿਰਮਿਤ ਹਿੱਸੇ ਉੱਤੇ ਲਗਭਗ 285 ਕਰੋੜ ਰੁਪਏ ਦੀ ਲਾਗਤ ਆਈ ਹੈ ਜਿਸ ਨੂੰ ਅਨੁਦਾਨ ਸਹਾਇਤਾ ਦੇ ਤਹਿਤ ਭਾਰਤ ਸਰਕਾਰ ਨੇ ਵਹਨ ਕੀਤਾ ਹੈ ।
ਪਾਈਪਲਾਈਨ ਵਿੱਚ ਪ੍ਰਤੀ ਸਾਲ 1 ਮਿਲੀਅਨ ਮੀਟ੍ਰਿਕ ਟਨ ਹਾਈ-ਸਪੀਡ ਡੀਜਲ (ਐੱਚਐੱਸਡੀ) ਪਹੁੰਚਾਣ ਦੀ ਸਮਰੱਥਾ ਹੈ। ਇਹ ਸ਼ੁਰੂਆਤ ਵਿੱਚ ਉੱਤਰੀ ਬੰਗਲਾਦੇਸ਼ ਦੇ ਸੱਤ ਜ਼ਿਲ੍ਹਿਆਂ ਵਿੱਚ ਹਾਈ ਸਪੀਡ ਡੀਜਲ ਦੀ ਸਪਲਾਈ ਕਰੇਗੀ ।
ਭਾਰਤ-ਬੰਗਲਾਦੇਸ਼ ਮੈਤਰੀ ਪਾਈਪਲਾਈਨ ਦੇ ਸੰਚਾਲਨ ਨਾਲ ਭਾਰਤ ਤੋਂ ਬੰਗਲਾਦੇਸ਼ ਤੱਕ ਐੱਚਐੱਸਡੀ ਲਿਆਉਣ - ਲੈ ਜਾਣ ਦਾ ਇੱਕ ਸਥਾਈ, ਭਰੋਸੇਯੋਗ, ਕਿਫਾਇਤੀ ਅਤੇ ਵਾਤਾਵਰਣ ਅਨੁਕੂਲ ਸਾਧਨ ਸਥਾਪਤ ਹੋਵੇਗਾ ਅਤੇ ਦੋਨਾਂ ਦੇਸ਼ਾਂ ਦੇ ਦਰਮਿਆਨ ਊਰਜਾ ਸੁਰੱਖਿਆ ਵਿੱਚ ਸਹਿਯੋਗ ਨੂੰ ਹੋਰ ਵਧਾਏਗਾ।
