ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਪ੍ਰਧਾਨਗੀ ਹੇਠ ਆਰਥਿਕ ਮਾਮਲਿਆਂ ਬਾਰੇ ਕੈਬਨਿਟ ਕਮੇਟੀ ਨੇ ਅੱਜ ਬਿਹਾਰ ਵਿੱਚ NH-31 ਅਤੇ NH-231 ਦੇ ਖਗੜੀਆ-ਪੂਰਨੀਆ ਸੈਕਸ਼ਨ (143.529 ਕਿਲੋਮੀਟਰ) ਨੂੰ BOT (ਟੋਲ) ਮੋਡ 'ਤੇ 4-ਲੇਨ ਸਟੈਂਡਰਡ ਵਿੱਚ ਅੱਪਗ੍ਰੇਡ ਕਰਨ ਨੂੰ ਪ੍ਰਵਾਨਗੀ ਦੇ ਦਿੱਤੀ ਹੈ। ਇਸ ਦੀ ਲਾਗਤ 3936.05 ਕਰੋੜ ਰੁਪਏ ਹੈ।
ਬਿਹਾਰ ਵਿੱਚ NH-31 ਅਤੇ NH-231 ਦੇ ਖਗੜੀਆ-ਪੂਰਨੀਆ ਸੈਕਸ਼ਨ ਦੇ ਪ੍ਰਸਤਾਵਿਤ ਅਪਗ੍ਰੇਡੇਸ਼ਨ ਨਾਲ ਖਗੜੀਆ, ਭਾਗਲਪੁਰ, ਕਟਿਹਾਰ ਅਤੇ ਪੂਰਨੀਆ ਜ਼ਿਲ੍ਹਿਆਂ ਦੇ ਸ਼ਹਿਰੀ ਖੇਤਰਾਂ ਵਿੱਚ ਗੰਭੀਰ ਭੂਗੋਲਿਕ ਖਾਮੀਆਂ, ਤਿੱਖੇ ਮੋੜਾਂ ਅਤੇ ਭੀੜ-ਭੜੱਕੇ ਨੂੰ ਦੂਰ ਕੀਤਾ ਜਾਵੇਗਾ। ਇਹ ਪ੍ਰੋਜੈਕਟ ਪੂਰਨੀਆ ਸ਼ਹਿਰ ਲਈ ਇੱਕ ਵਿਸਤ੍ਰਿਤ 6.729 ਕਿਲੋਮੀਟਰ ਗ੍ਰੀਨਫੀਲਡ ਬਾਈਪਾਸ ਵਿਕਸਿਤ ਕਰੇਗਾ। ਇਹ ਪ੍ਰੋਜੈਕਟ ਔਸਤ ਯਾਤਰਾ ਗਤੀ ਵਧਾਏਗਾ , ਯਾਤਰਾ ਸਮੇਂ ਨੂੰ ਲਗਭਗ ਦੋ ਘੰਟੇ ਘਟਾਏਗਾ ਅਤੇ ਸੜਕ ਸੁਰੱਖਿਆ, ਈਂਧਣ ਕੁਸ਼ਲਤਾ ਅਤੇ ਵਾਹਨ ਸੰਚਾਲਨ ਲਾਗਤਾਂ ਵਿੱਚ ਸੁਧਾਰ ਕਰੇਗਾ। ਇਸ ਨਾਲ ਖੇਤਰੀ ਗਤੀਸ਼ੀਲਤਾ ਅਤੇ ਸਮਾਜਿਕ-ਆਰਥਿਕ ਵਿਕਾਸ ਨੂੰ ਹੁਲਾਰਾ ਮਿਲੇਗਾ।
ਇਹ ਪ੍ਰੋਜੈਕਟ ਪੂਰੇ ਬਿਹਾਰ ਭਰ ਵਿੱਚ ਮੁੱਖ ਆਰਥਿਕ, ਸਮਾਜਿਕ ਅਤੇ ਲੌਜਿਸਟਿਕ ਨੋਡਾਂ ਨੂੰ ਸਹਿਜੇ ਹੀ ਜੋੜਦਾ ਹੈ। ਇਸ ਤੋਂ ਇਲਾਵਾ, ਐਲੀਵੇਟਿਡ ਕੌਰੀਡੋਰ 5 ਪੀਐੱਮ ਗਤੀ-ਸ਼ਕਤੀ ਆਰਥਿਕ ਹੱਬ (1 ਟੈਕਸਟਾਈਲ ਕਲਸਟਰ, 2 ਮੈਗਾ ਫੂਡ ਪਾਰਕ, 2 ਫਿਸਿੰਗ ਸੀ-ਫੂਡ ਪਾਰਕ) ਅਤੇ 11 ਲੌਜਿਸਟਿਕ ਹੱਬਸ (4 ਪ੍ਰਮੁੱਖ ਰੇਲਵੇ ਸਟੇਸ਼ਨ, 1 ਹਵਾਈ ਅੱਡਾ, 4 ਰਾਸ਼ਟਰੀ ਰਾਜਮਾਰਗ, 2 ਰਾਸ਼ਟਰੀ ਰਾਜਮਾਰਗ) ਨੂੰ ਜੋੜ ਕੇ ਬਹੁ-ਮਾਡਲ ਏਕੀਕਰਣ ਨੂੰ ਉਤਸ਼ਾਹਿਤ ਕਰੇਗਾ, ਜਿਸ ਨਾਲ ਪੂਰੇ ਖੇਤਰ ਵਿੱਚ ਸਾਮਾਨ ਅਤੇ ਯਾਤਰੀਆਂ ਦੀ ਤੇਜ਼ ਆਵਾਜਾਈ ਨੂੰ ਸੁਵਿਧਾ ਮਿਲੇਗੀ।
ਕੌਰੀਡੋਰ ਦਾ ਨਕਸ਼ਾ:
ਅੰਤਿਕਾ - I: ਪ੍ਰੋਜੈਕਟ ਵੇਰਵੇ
|
ਵਿਸ਼ੇਸ਼ਤਾ |
ਵੇਰਵਾ |
|
ਪ੍ਰੋਜੈਕਟ ਦਾ ਨਾਮ |
ਬਿਹਾਰ ਰਾਜ ਵਿੱਚ NH-31 ਅਤੇ NH-231 ਦੇ ਖਗੜੀਆ-ਪੂਰਨੀਆ ਸੈਕਸ਼ਨ (143.529 ਕਿਲੋਮੀਟਰ) ਨੂੰ BOT (ਟੋਲ) ਮੋਡ 'ਤੇ ਚਾਰ ਲੇਨ ਸਟੈਂਡਰਡ ਵਿੱਚ ਅਪਗ੍ਰੇਡ ਕਰਨਾ। |
|
ਕੌਰੀਡੋਰ |
ਪਟਨਾ-ਪੂਰਨੀਆ |
|
ਲੰਬਾਈ (ਕਿਲੋਮੀਟਰ) |
143.529 |
|
ਕੁੱਲ ਸਿਵਲ ਲਾਗਤ (ਕਰੋੜ ਰੁਪਏ) |
2467.77 |
|
ਜ਼ਮੀਨ ਪ੍ਰਾਪਤੀ ਦੀ ਲਾਗਤ (ਕਰੋੜਾਂ ਰੁਪਏ ਵਿੱਚ) |
290.16 |
|
ਕੁੱਲ ਪੂੰਜੀ ਲਾਗਤ (ਕਰੋੜ ਰੁਪਏ) |
3936.05 |
|
ਮੋਡ |
BOT (Toll) |
|
ਬਾਈਪਾਸ |
6.729 ਕਿਲੋਮੀਟਰ ਲੰਬਾ ਗ੍ਰੀਨਫੀਲਡ ਪੂਰਨੀਆ ਬਾਈਪਾਸ |
|
ਮੁੱਖ ਸੜਕਾਂ ਨੂੰ ਜੋੜਨਾ |
ਰਾਸ਼ਟਰੀ ਰਾਜਮਾਰਗ - NH-27, NH-13, NH-131A ਅਤੇ NH-231 ਸਟੇਟ ਹਾਈਵੇਅਜ਼ - SH-95 ਅਤੇ SH-77 |
|
ਜੁੜੇ ਹੋਏ ਆਰਥਿਕ/ਸਮਾਜਿਕ/ਆਵਾਜਾਈ ਨੋਡ |
ਹਵਾਈ ਅੱਡਾ: ਪੂਰਨੀਆ ਰੇਲਵੇ ਸਟੇਸ਼ਨ: ਖਗੜੀਆ, ਭਾਗਲਪੁਰ, ਕਟਿਹਾਰ, ਪੂਰਨੀਆ ਆਰਥਿਕ ਨੋਡ: 1 ਟੈਕਸਟਾਈਲ ਕਲੱਸਟਰ, 2 ਮੈਗਾ ਫੂਡ ਪਾਰਕ, 2 ਫਿਸਿੰਗ ਸੀ-ਫੂਡ ਪਾਰਕ |
|
ਜੁੜੇ ਹੋਏ ਪ੍ਰਮੁੱਖ ਸ਼ਹਿਰ/ਕਸਬੇ |
ਖਗੜੀਆ, ਭਾਗਲਪੁਰ, ਕਟਿਹਾਰ, ਪੂਰਨੀਆ |
|
ਰੁਜ਼ਗਾਰ ਪੈਦਾ ਕਰਨ ਦੀ ਸੰਭਾਵਨਾ |
32.59 ਲੱਖ ਵਿਅਕਤੀ-ਦਿਨ (ਸਿੱਧੇ) ਅਤੇ 40.55 ਲੱਖ ਵਿਅਕਤੀ-ਦਿਨ (ਅਸਿੱਧੇ) |
