2014 ମସିହା ସେପ୍ଟେମ୍ବର ମାସରେ ମିଳିତ ଜାତିସଂଘର ସାଧାରଣର ପରିଷଦ ରେ ଉଦ୍ବୋଧନ ଦେଇ ପ୍ରଧାନମନ୍ତ୍ରୀ ମୋଦୀ ବିଶ୍ଵ ସମୁଦାୟକୁ ସମୂହ ଭାବେ ଅନ୍ତରାଷ୍ଟ୍ରୀୟ ଯୋଗ ଦିବସ ପାଳନ ପାଇଁ ଆହ୍ଵାନ ଜଣାଇଥିଲେ । ମହାନ ଭାରତୀୟ ସଂସ୍କୃତିରୁ ଉଦ୍ଭବ ଏହି ବୈଚିତ୍ରମୟ ଯୋଗ ପରମ୍ପରା ପାଇଁ ଏହା ଉପଯୁକ୍ତ ସମ୍ମାନ ହେବ ବୋଲି ସେ ନିଜ ଭାଷଣରେ କହିଥିଲେ ।
2014 ଡିସେମ୍ବର ମାସରେ ମିଳିତ ଜାତିସଂଘ ଏହି ପ୍ରସ୍ତାବକୁ ଗ୍ରହଣ କରିଥିଲା ଏବଂ ବିଶ୍ଵର 177ଟି ରାଷ୍ଟ୍ର ଏହାକୁ ସମର୍ଥନ ଜଣାଇବା ସହ ଜୁନ 21 ତାରିଖକୁ ଆନ୍ତର୍ଜାତିକ ଯୋଗ ଦିବସ ରୂପେ ପାଳନ ନିମନ୍ତେ ସଂକଳ୍ପ ଗ୍ରହଣ କରିଥିଲେ । ଏହି 177 ଟି ରାଷ୍ଟ୍ର ବିଶ୍ଵର ସବୁ ମହାଦେଶର ଏବଂ ସବୁ କ୍ଷେତ୍ରକୁ ପ୍ରତିନିଧିତ୍ଵ କରନ୍ତି ।
ଜୁନ 21କୁ ଆନ୍ତର୍ଜାତିକ ଯୋଗ ଦିବସ ଘୋଷଣା ବିଶ୍ଵରେ ଯୋଗକୁ ଲୋକପ୍ରିୟ କରିବା ଦିଗରେ ଯଥେଷ୍ଟ ମାତ୍ରାରେ ସହାୟକ ହେବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜେ ଯୋଗର ଜଣେ ନିଷ୍ଠାପର ଅଭ୍ୟାସକାରୀ ଏବଂ ଯୋଗରେ ଜ୍ଞାନ, କର୍ମ ଓ ଭକ୍ତିର ଅପୂର୍ବ ସମନ୍ଵୟ ତଥା ଏହା ମଣିଷକୁ “ରୋଗ ମୁକ୍ତି” ଓ “ଭୋଗ ମୁକ୍ତି” ପ୍ରଦାନ କରିବ ବୋଲି ଶ୍ରୀ ମୋଦୀ ମତପୋଷଣ କରିଛନ୍ତି । ବସ୍ତୁତଃ, ଗୁଜରାଟର ମୁଖ୍ୟମନ୍ତ୍ରୀ ଥିବାବେଳେ ଯୁବକମାନଙ୍କ ମଧ୍ୟରେ ଯୋଗକୁ ଅଧିକ ଲୋକପ୍ରିୟ କରିବା ଉଦ୍ଦେଶ୍ୟରେ କାର୍ଯ୍ୟରତ ସେ ଏକ ସ୍ଵତନ୍ତ୍ର ଯୋଗ ବିଶ୍ଵବିଦ୍ୟାଳୟର ଉଦ୍ଘାଟନ କରିଥିଲେ ।
