ସେୟାର
 
Comments

2014 ମସିହା ସେପ୍ଟେମ୍ବର ମାସରେ ମିଳିତ ଜାତିସଂଘର ସାଧାରଣର ପରିଷଦ ରେ ଉଦ୍ବୋଧନ ଦେଇ ପ୍ରଧାନମନ୍ତ୍ରୀ ମୋଦୀ ବିଶ୍ଵ ସମୁଦାୟକୁ ସମୂହ ଭାବେ ଅନ୍ତରାଷ୍ଟ୍ରୀୟ ଯୋଗ ଦିବସ ପାଳନ ପାଇଁ ଆହ୍ଵାନ ଜଣାଇଥିଲେ । ମହାନ ଭାରତୀୟ ସଂସ୍କୃତିରୁ ଉଦ୍ଭବ ଏହି ବୈଚିତ୍ରମୟ ଯୋଗ ପରମ୍ପରା ପାଇଁ ଏହା ଉପଯୁକ୍ତ ସମ୍ମାନ ହେବ ବୋଲି ସେ ନିଜ ଭାଷଣରେ କହିଥିଲେ ।



2014 ଡିସେମ୍ବର ମାସରେ ମିଳିତ ଜାତିସଂଘ ଏହି ପ୍ରସ୍ତାବକୁ ଗ୍ରହଣ କରିଥିଲା ଏବଂ ବିଶ୍ଵର 177ଟି ରାଷ୍ଟ୍ର ଏହାକୁ ସମର୍ଥନ ଜଣାଇବା ସହ ଜୁନ 21 ତାରିଖକୁ ଆନ୍ତର୍ଜାତିକ ଯୋଗ ଦିବସ ରୂପେ ପାଳନ ନିମନ୍ତେ ସଂକଳ୍ପ ଗ୍ରହଣ କରିଥିଲେ । ଏହି 177 ଟି ରାଷ୍ଟ୍ର ବିଶ୍ଵର ସବୁ ମହାଦେଶର ଏବଂ ସବୁ କ୍ଷେତ୍ରକୁ ପ୍ରତିନିଧିତ୍ଵ କରନ୍ତି ।



ଜୁନ 21କୁ ଆନ୍ତର୍ଜାତିକ ଯୋଗ ଦିବସ ଘୋଷଣା ବିଶ୍ଵରେ ଯୋଗକୁ ଲୋକପ୍ରିୟ କରିବା ଦିଗରେ ଯଥେଷ୍ଟ ମାତ୍ରାରେ ସହାୟକ ହେବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜେ ଯୋଗର ଜଣେ ନିଷ୍ଠାପର ଅଭ୍ୟାସକାରୀ ଏବଂ ଯୋଗରେ ଜ୍ଞାନ, କର୍ମ ଓ ଭକ୍ତିର ଅପୂର୍ବ ସମନ୍ଵୟ ତଥା ଏହା ମଣିଷକୁ “ରୋଗ ମୁକ୍ତି” ଓ “ଭୋଗ ମୁକ୍ତି” ପ୍ରଦାନ କରିବ ବୋଲି ଶ୍ରୀ ମୋଦୀ ମତପୋଷଣ କରିଛନ୍ତି । ବସ୍ତୁତଃ, ଗୁଜରାଟର ମୁଖ୍ୟମନ୍ତ୍ରୀ ଥିବାବେଳେ ଯୁବକମାନଙ୍କ ମଧ୍ୟରେ ଯୋଗକୁ ଅଧିକ ଲୋକପ୍ରିୟ କରିବା ଉଦ୍ଦେଶ୍ୟରେ କାର୍ଯ୍ୟରତ ସେ ଏକ ସ୍ଵତନ୍ତ୍ର ଯୋଗ ବିଶ୍ଵବିଦ୍ୟାଳୟର ଉଦ୍ଘାଟନ କରିଥିଲେ ।

donation
Explore More
ଆମକୁ ‘ଚଳେଇ ନେବା’ ମାନସିକତାକୁ ଛାଡି  'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ

ଲୋକପ୍ରିୟ ଅଭିଭାଷଣ

ଆମକୁ ‘ଚଳେଇ ନେବା’ ମାନସିକତାକୁ ଛାଡି 'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ
PM Narendra Modi lauds Gautam Gambhir for his contribution to Indian cricket and his work on social causes

Media Coverage

PM Narendra Modi lauds Gautam Gambhir for his contribution to Indian cricket and his work on social causes
...

Nm on the go

Always be the first to hear from the PM. Get the App Now!
...
ସେୟାର
 
Comments

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ଵରେ ଏନଡିଏ ସରାକଙ୍କ ପ୍ରଗତିକୁ ପ୍ରମୁଖ ଅନ୍ତରାଷ୍ଟ୍ରୀୟ ସଂସ୍ଥା ଓ ସଂଗଠନ ଭୂୟସୀ ପ୍ରଶଂସା କରିଛନ୍ତି ଏହାର କାରଣ ହେଲା ଭାରତରେ ପରିବର୍ତ୍ତନର ଚକ ଆଗକୁ ନେବା ପାଇଁ ସରକାର ଗ୍ରହଣ କରିଥିବା ନୀତି

ବିଶ୍ଵବ୍ୟାଙ୍କ ଆଶା ପ୍ରକଟ କରିଥିଲା ଯେ 2014-15 ଆର୍ଥିକ ବର୍ଷରେ ଭାରତର ଆର୍ଥିକ ଅଭିବୃଦ୍ଧି 5.6 ପ୍ରତିଶତ ହୋଇଥିବାବେଳେ 2015-16 ରେ ତାହା 6.4 ପ୍ରତିଶତ ଛୁଇଁବ । ବିଶ୍ଵ ବ୍ୟାଙ୍କ ଏଥିସହ ମତ ଦେଇଥିଲା ଯେ ଏହାକୁ “ମୋଦୀ ଲାଭାଂଶ” ଭାବେ ଯୋଡାଯାଇପାରେ । ବିଶ୍ଵ ବ୍ୟାଙ୍କ ମତରେ ସରକାରଙ୍କ ସଂସ୍କା ନୀତି ଯୋଗୁ ନିବେଶ ବୃଦ୍ଧି ପାଇବା ଆରମ୍ଭ କରିଛି ଏବଂ ତାହା ପୁଣି ତୈଳଦର ହ୍ରାସ ପାଇବା ସତ୍ତ୍ୱେ


ଏଭଳି ସକାରାତ୍ମକ ବିବୃତି ପ୍ରକାଶ କରିଥିଲେ ବିଶ୍ଵବ୍ୟାଙ୍କର ଅଧ୍ୟକ୍ଷ ଶ୍ରୀ ଜିମ ୟୋଙ୍ଗ କିମ । ଶ୍ରୀ କିମଙ୍କ ଭାଷାରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ “ବଳିଷ୍ଠ ଦୂରଦର୍ଶୀ ନେତୃତ୍ଵ” ଦ୍ୱାରା ଭାରତ ଏହାର ଜନସାଧାରଣଙ୍କ ନିମନ୍ତେ ଆର୍ଥିକ ସମାଯୋଜନ କ୍ଷେତ୍ରରେ ଅଦ୍ଭୂତପୂର୍ବ ପ୍ରୟାସ ଆରମ୍ଭ କରିଛି । ଆର୍ଥିକ ସମାଯୋଜନ ସମ୍ପର୍କରେ ଉଲ୍ଲେଖ କରି ସେ ସରକାରଙ୍କ ଜନ ଧନ ଯୋଜନାର ଭୂୟସୀ ପ୍ରଶଂସା କରିଥିଲେ ।

ଆନ୍ତର୍ଜାତିକ ମୁଦ୍ରାପାଣ୍ଠି (IMF) ସୂଚାଇଥିଲା ଯେ ପ୍ରଧାନମନ୍ତ୍ରୀ ମୋଦୀଙ୍କ ସଂସ୍କାର କାର୍ଯ୍ୟକ୍ରମ ଯୋଗୁଁ ଏବଂ ଆନ୍ତର୍ଜାତିକ ବଜାରରେ ତୈଳ ମୂଲ୍ୟ ହ୍ରାସ ଫଳରେ ଭାରତୀୟ ଅର୍ଥବ୍ୟବସ୍ଥା ପୂର୍ବ ପ୍ରତ୍ୟାଶାଠାରୁ ଅଧିକ ଗତିରେ ପ୍ରଗତି ହାସଲ କରିବ ଏବଂ ଏପରିକି ଚୀନକୁ ଟପିଯିବ । IMF ମଧ୍ୟ ଏହି ସଂସ୍କାର ପ୍ରକ୍ରିୟାକୁ ନିବେଶକଙ୍କ ବିଶ୍ଵାସ ବୃଦ୍ଧି ସହ ଯୋଡିଥିଲେ ।

ଆର୍ଥିକ ସହଯୋଗ ଏବଂ ବିକାଶ ସଂଗଠନ (OECD) ମତ ଦେଇଛନ୍ତି ଯେ ଭାରତରେ ଘଟିଥିବା ଆର୍ଥିକ ସଂସ୍କାର କାର୍ଯ୍ୟକ୍ରମ ଭାରତୀୟ ଅର୍ଥବ୍ୟବସ୍ଥାକୁ ସୁଦୃଢ଼, ଏବଂ ଦୀର୍ଘସ୍ଥାୟୀ ବିକାଶ ପଥରେ ଆଗେଇ ନେବାରେ ସହାୟକ ହେବ । ପୁଣି ଏହି ସଂଗଠନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସଂସ୍କାରବାଦୀ ଆଭିମୁଖ୍ୟକୁ ଭୂୟସୀ ପ୍ରଶଂସା କରିଥିଲା ।

ବିଶ୍ଵର ଏକ ପ୍ରମୁଖ ଏବଂ ସମ୍ମାନସ୍ପଦ ଆର୍ଥିକ ବିଶ୍ଳେଷକ ସଂସ୍ଥା ‘ମୁଡି’ ପୂର୍ବରୁ ଭାରତୀୟ ଅର୍ଥବ୍ୟବସ୍ଥାକୁ ‘ସ୍ଥିର’ ବୋଲି ମତ ଦେଇଥିବା ବେଳେ ଏବେ ଏହାକୁ “ସକାରାତ୍ମକ” ବୋଲି ମାନ୍ୟତା ପ୍ରଦାନ କରିଛି । ନିବେଶକମାନଙ୍କୁ ଏହା ବିଶେଷ ଭାବେ ପ୍ରୋତ୍ସାହନ ପ୍ରଦାନ କରୁଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ତାଙ୍କ ଟିମର ସଂସ୍କାର କାର୍ଯ୍ୟକ୍ରମ ବାସ୍ତବିକ ଏଥିଲାଗି ପ୍ରଶଂସାର୍ହ ।

ଭାରତର ବିକାଶ ଧାରା ସମ୍ପର୍କରେ ମିଳିତ ଜାତିସଂଘ ପକ୍ଷରୁ ମଧ୍ୟ ଏକ ଅନୁରୂପ ସକାରାତ୍ମକ ମତ ପ୍ରକାଶ ପାଇଛି । ଜାତିସଂଘ ତାର ବାର୍ଷିକ “ବିଶ୍ଵ ଆର୍ଥିକ ସ୍ଥିତି ଓ ସମ୍ଭାବନା” ମଧ୍ୟବର୍ତ୍ତୀ ସମୀକ୍ଷା ରିପୋର୍ଟରେ ଚଳିତ ବର୍ଷ ତା ପରବର୍ଷ ଭାରତର ଆର୍ଥିକ ପ୍ରଗତି 7%ରୁ ଉପରେ ରହିବ ବୋଲି ଦୃଢ଼ ଆଶା ପୋଷଣ କରିଛନ୍ତି ।

ଅତଃ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସଂସ୍କାରଧର୍ମୀ ମାନସିକତା ଏବଂ ସଂସ୍କାର ପ୍ରକ୍ରିୟାର କ୍ଷିପ୍ରଗତି, ସମଗ୍ର ବିଶ୍ଵର ଦୃଷ୍ଟି ଆକର୍ଷଣ କରିଛି । ସେମାନେ ସଭିଏଁ ଭାରତ ଓ ଭାରତୀୟ ଅର୍ଥବ୍ୟବସ୍ଥାକୁ ଉଚ୍ଚସ୍ଵରରେ ପ୍ରଶଂସା କରିଛନ୍ତି ।