ତେଲଙ୍ଗାନା ପ୍ରଜଳଂଦରିକୀ ନା ଅଭିନନ୍ଦଲୁ...
ତେଲଙ୍ଗାନାର ରାଜ୍ୟପାଳ ତାମିଲସାଇ ସୌଦରାଜନ ଜୀ, କେନ୍ଦ୍ର ମନ୍ତ୍ରିମଣ୍ଡଳର ମୋର ସହଯୋଗୀ ନୀତିନ ଗଡ଼କରୀ ଜୀ, ଜି. କିଶନ ରେଡ୍ଡି ଜୀ, ଭାଇ ସଞ୍ଜୟ ଜୀ, ଅନ୍ୟ ମହାନୁଭବ ଏବଂ ତେଲଙ୍ଗାନାର ମୋର ଭାଇ ଓ ଭଉଣୀମାନେ । ନିକଟରେ ତେଲଙ୍ଗାନା ନିଜର ସ୍ଥାପନାର ୯ ବର୍ଷ ପୂରଣ କରିଛି । ତେଲଙ୍ଗାନା ରାଜ୍ୟ ହୁଏତ ନୂଆ ହୋଇଛି କିନ୍ତୁ ଭାରତର ଇତିହାସରେ ତେଲଙ୍ଗାନାର ଯୋଗଦାନ, ଏଠିକାର ଲୋକମାନଙ୍କର ଯୋଗଦାନ ସବୁବେଳେ ବହୁତ ବଡ଼ ରହିଛି । ତେଲୁଗୁ ଲୋକମାନଙ୍କର ସାମର୍ଥ୍ୟ ସବୁବେଳେ ଭାରତର ସାମର୍ଥ୍ୟକୁ ବଢ଼ାଇଛି । ସେଥିପାଇଁ ଆଜି ଯେତେବେଳେ ବିଶ୍ୱର ପଞ୍ଚମ ସବୁଠାରୁ ବଡ଼ ଅର୍ଥନୈତିକ ଶକ୍ତି ହୋଇପାରିଛି ତେବେ ସେଥିରେ ମଧ୍ୟ ତେଲଙ୍ଗାନାର ଲୋକମାନଙ୍କର ବଡ଼ ଭୂମିକା ରହିଛି । ଏବଂ ଏମିତିରେ, ଆଜି ଯେତେବେଳେ ସମଗ୍ର ବିଶ୍ୱ ଭାରତରେ ବିନିଯୋଗ ପାଇଁ ଆଗକୁ ଆସୁଛନ୍ତି, ବିକଶିତ ଭାରତକୁ ନେଇ ଏତେ ଉତ୍ସାହ ଅଛି । ସେତେବେଳେ ତେଲଙ୍ଗାନାର ସମ୍ମୁଖରେ ସୁଯୋଗ ହିଁ ସୁଯୋଗ ଅଛି ।
ସାଥୀମାନେ,
ଆଜିର ନୂତନ ଭାରତ, ଯୁବକମାନଙ୍କ ଭାରତ ଅଟେ, ଅନେକ ଶକ୍ତିରେ ପରିପୂର୍ଣ୍ଣ ଭାରତ ଅଟେ । ଏକବିଂଶ ଶତାବ୍ଦୀର ଏହି ତୃତୀୟ ଦଶନ୍ଧିରେ ଆମ ନିକଟରେ ସ୍ୱର୍ଣ୍ଣିମ କାଳ ଆସିଛି । ଆମକୁ ଏହି ସ୍ୱର୍ଣ୍ଣିମ କାଳର ପ୍ରତ୍ୟେକ ସେକେଣ୍ଡକୁ ସମ୍ପୂର୍ଣ୍ଣ ଭାବରେ ବ୍ୟବହାର କରିବାକୁ ହେବ । ଦେଶର କୌଣସି ମଧ୍ୟ କୋଶ, ଦ୍ରୁତ ବିକାଶର କୌଣସି ମଧ୍ୟ ସମ୍ଭାବନାରେ ପଛରେ ରହିବା ଉଚିତ ନୁହେଁ । ଏହି ସମ୍ଭାବନାକୁ ଶକ୍ତି ଦେବା ପାଇଁ ଗତ ୯ ବର୍ଷରେ ଭାରତ ସରକାର ତେଲଙ୍ଗାନାର ବିକାଶରେ, ଏଠିକାର ସଂଯୋଗୀକରଣ ଉପରେ ବିଶେଷ ଧ୍ୟାନ ଦେଇଛନ୍ତି । ଏହି କ୍ରମରେ ଆଜି ତେଲଙ୍ଗାନାର ସଂଯୋଗୀକରଣ ଏବଂ ଉତ୍ପାଦନ ସହିତ ଜଡ଼ିତ ୬ ହଜାର କୋଟି ଟଙ୍କାର ପ୍ରକଳ୍ପର ଶିଳାନ୍ୟାସ କରାଯାଇଛି । ଏହି ସମସ୍ତ ପ୍ରକଳ୍ପ ପାଇଁ ତେଲଙ୍ଗାନାର ଜନସାଧାରଣଙ୍କୁ ବହୁତ ବହୁତ ଶୁଭେଚ୍ଛା ଜଣାଉଛି ।
ସାଥୀମାନେ,
ନୂତନ ଲକ୍ଷ୍ୟ ଥିବ ତେବେ ନୂତନ ରାସ୍ତା ମଧ୍ୟ ପ୍ରସ୍ତୁତ କରିବାକୁ ପଡ଼ିଥାଏ । ଭାରତର ଦ୍ରୁତ ବିକାଶ ପୁରାତନ ଭିତ୍ତିଭୂମିର ଶକ୍ତି ଉପରେ ସମ୍ଭବ ନ ଥିଲା । ଯିବା-ଆସିବାରେ ଯଦି ଅଧିକ ସମୟ ନଷ୍ଟ ହେବ, ଲଜିଷ୍ଟିକ୍ସ ଯଦି ମହଙ୍ଗା ହେବ, ତେବେ ବାଣିଜ୍ୟ କ୍ଷେତ୍ରରେ ମଧ୍ୟ କ୍ଷତି ହୋଇଥାଏ ଏବଂ ଲୋକମାନଙ୍କୁ ମଧ୍ୟ ଅସୁବିଧା ହୋଇଥାଏ । ସେଥିପାଇଁ ଆମର ସରକାର ପୂର୍ବରୁ ବହୁତ ଅଧିକ ଦ୍ରୁତ ଗତିରେ ଏବଂ ମାପରେ କାର୍ଯ୍ୟ କରୁଛନ୍ତି । ଆଜି ସମସ୍ତ ପ୍ରକାରର ଭିତ୍ତିଭୂମି ପାଇଁ ପୂର୍ବରୁ ଅନେକ ଗୁଣ ଅଧିକ ଦ୍ରୁତ ଗତିରେ କାର୍ଯ୍ୟ ହେଉଛି । ଆଜି ସମଗ୍ର ଦେଶରେ ରାଜପଥ, ଏକ୍ସପ୍ରେସ ୱେ, ଇକନୋମିକ କରିଡର, ଇଣ୍ଡଷ୍ଟ୍ରିଆଲ କରିଡର ଗୋଟିଏ ଜାଲ ବିଛାଇଛି । ଦୁଇ ଲେନର ରାଜପଥ କୋର ଲେନ ପାଇଁ ଏବଂ ଚାରି ଲେନ ରାଜପଥ ୬ ଲେନରେ ପରିବର୍ତ୍ତନ କରାଯାଉଛି । ୯ ବର୍ଷ ପୂର୍ବରୁ ଯେଉଁ ତେଲଙ୍ଗାନାର ଜାତୀୟ ରାଜପଥର ନେଟୱର୍କ ୨୫୦୦ କିଲୋମିଟର ଥିଲା । ଆଜି ଏହାର ବୃଦ୍ଧି ଘଟି ୫୦୦୦ କିଲୋମିଟର ହୋଇ ସାରିଛି । ଆଜି ତେଲଙ୍ଗାନାରେ ୨୫୦୦ କିଲୋମିଟରର ଜାତୀୟ ରାଜପଥ ପ୍ରକଳ୍ପର ନିର୍ମାଣ ପାଇଁ ଅଲଗା ଅଲଗା ଚରଣରେ ଅଛି । ଭାରତମାଳା ପ୍ରକଳ୍ପ ଅନ୍ତର୍ଗତ ଯେଉଁ ଡର୍ଜନ ଡର୍ଜନ କରିଡର୍ସ ଦେଶରେ ନିର୍ମାଣ ହେଉଛି । ସେଥିରୁ ଅନେକ ତେଲଙ୍ଗାନା ହୋଇ ଯାଉଛି । ହାଇଦ୍ରବାଦ-ଇଂଦୋର ଇକନୋମିକ କରିଡର, ସୁରଟ-ଚେନ୍ନାଇ ଇକନୋମିକ କରିଡର, ହାଇଦ୍ରାବାଦ-ପଣଜୀ ଇକନୋମିକ କରିଡର, ହାଇଦ୍ରାବାଦ-ବିଶାଖପଟନମ ଇଣ୍ଟର କରିଡର ଏମିତି ଅନେକ ଉଦାହରଣ ଆମ ସମ୍ମୁଖରେଅଛି । ଗୋଟିଏ ଭାବରେ, ତେଲେଙ୍ଗାନାର ପଡ଼ୋଶୀ ଆର୍ଥିକ କେନ୍ଦ୍ରଗୁଡିକୁ ସଂଯୋଗ କରୁଛି ଏବଂ ଆର୍ଥିକ ଗତିବିଧିଗୁଡ଼ିକର କେନ୍ଦ୍ର ତିଆରି ହେଉଛି ।
ସାଥୀମାନେ,
ଆଜି ନାଗପୁର-ବିଜୟୱାଡ଼ା କରିଡରର ମଂଚୋରିୟଲରୁ ୱ।ରାଙ୍ଗଲ ସେକ୍ସନର ମଧ୍ୟ ଶିଳାନ୍ୟାସ ହୋଇଛି । ଏହି ତେଲେଙ୍ଗାନାକୁ ମହାରାଷ୍ଟ୍ର ଏବଂ ଆନ୍ଧ୍ର ପ୍ରଦେଶରୁ ଆଧୁନିକ ସଂଯୋଗୀକରଣ ଦେଇଥାଏ । ଏହାଦ୍ୱାରା ମଂଚୋରିୟଲ ଏବଂ ୱ।ରାଙ୍ଗଲ ମଧ୍ୟରେ ଥିବା ଦୂରତା ବହୁତ କମ ହୋଇଯିବ ଏବଂ ଟ୍ରାଫିକ ଉଡର ସମସ୍ୟାକୁ ମଧ୍ୟ କମ କରିବ । ଏହା ବିଶେଷ ଭାବରେ ସେହି ବାଟ ଦେଇ ଯାଇଥାଏ, ଯେଉଁଠାରେ ବିକାଶର ଅଭାବ ଥିଲା, ଯେଉଁଠି ଆମର ଆଦିବାସୀ ସମ୍ପ୍ରଦାୟର ଭାଇ-ଭଉଣୀମାନେ ବହୁ ସଂଖ୍ୟାରେ ରହୁଛନ୍ତି । ଏହି କରିଡର, ବହୁ ପରିମାଣରେ ସଂଯୋଗୀକରଣର ଦୃଷ୍ଟି ମଧ୍ୟ ମଜଭୁତ ହେବ । କରୀମନଗର-ୱ।ରାଙ୍ଗଲ ସେକ୍ସନରେ ୪ ଲେନ ପରିବର୍ତ୍ତନ ହେବାରେ ହାଇଦ୍ରାବାଦ-ୱ।ରାଙ୍ଗଲ ଇଣ୍ଡଷ୍ଟ୍ରିଆଲ କରିଡର, କାକତିୟା ମେଗା ଟେକ୍ସଟାଇଲ ପାର୍କ ଏବଂ ୱ।ରାଙ୍ଗଲ ଏସଇଜେଡର ସଂଯୋଗୀକରଣ ମଧ୍ୟ ସଶକ୍ତ ହେବ ।
ସାଥୀମାନେ,
ଭାରତ ସରକାର, ଆଜି ତେଲେଙ୍ଗାନାରେ ଯେଉଁ ସଂଯୋଗ ବଢୁଛି । ତାହାର ଲାଭ ତେଲେଙ୍ଗାନାର ଇଣ୍ଡଷ୍ଟ୍ରିକୁ ହେଉଛି, ଏଠିକାର ପର୍ଯ୍ୟଟନକୁ ହେଉଛି । ତେଲେଙ୍ଗାନାରେ ଯେଉଁ ଅନେକ ହେରିଟେଜ ସେଣ୍ଟର୍ସ ଅଛି, ଆସ୍ଥାର ସ୍ଥାନ ଅଛି, ସେଠାରେ ଯିବା ଆସିବା ବର୍ତ୍ତମାନ ଏବଂ ଅଧିକ ସୁବିଧାଜନକ ହେଉଛି । ଏଠାରେ ଯେଉଁ ଏଗ୍ରିକଲଚର ସହିତ ଜଡ଼ିତ ଉଦ୍ୟୋଗ ଅଛି, କରୀମନଗରର ଗ୍ରାନାଇଟ ଇଣ୍ଡଷ୍ଟ୍ରି ଅଛି, ତାହାକୁ ମଧ୍ୟ ଭାରତ ସରକାରଙ୍କ ଏହି ପ୍ରୟାସରୁ ସାହାଯ୍ୟ ମିଳୁଛି । ଅର୍ଥାତ ଚାଷୀ ହୁଅନ୍ତୁ କିମ୍ବା ଶ୍ରମିକ, ଛାତ୍ର ହୁଅନ୍ତୁ କିମ୍ବା ବୃତ୍ତିଗତ, ସମସ୍ତଙ୍କୁ ଏହାର ଲାଭ ହେଉଛି । ଏହାଦ୍ୱାରା ଯୁବଗୋଷ୍ଠୀ ସେମାନଙ୍କ ଘର ନିକଟରେ ରୋଜଗାର, ସ୍ୱରୋଜଗାରର ନୂତନ ସୁଯୋଗ ମଧ୍ୟ ମିଳୁଛି ।
ସାଥୀମାନେ,
ଯୁବକମାନଙ୍କ ପାଇଁ ରୋଜଗାରର ଆହୁରି ବଡ଼ ମାଧ୍ୟମ ଦେଶର ଉତ୍ପାଦନ କ୍ଷେତ୍ରରେ ସୃଷ୍ଟି ହେଉଛି, ମେକ ଇନ୍ ଇଣ୍ଡିଆ ଅଭିଯାନ ସୃଷ୍ଟି ହେଉଛି । ଆମ ଦେଶରେ ଉତ୍ପାଦନକୁ ପ୍ରୋତ୍ସାହିତ କରିବା ପାଇଁ ପିଏଲଆଇ ଯୋଜନା ଆରମ୍ଭ ହୋଇଛି । ଅର୍ଥାତ ଯିଏ ଅଧିକ ଉତ୍ପାଦନ କରୁଛି, ତାହାକୁ ଭାରତ ସରକାରଙ୍କ ପକ୍ଷରୁ ବିଶେଷ ସାହାଯ୍ୟ ମିଳୁଛି । ଏହା ଅନ୍ତର୍ଗତ ୫୦ରୁ ଅଧିକ ବଡ଼ ପ୍ରକଳ୍ପ ଏଠାରେ ତେଲେଙ୍ଗାନାରେ ଅଛି । ଆପଣ ଜାଣିଛନ୍ତି ଯେ ଭାରତ ଚଳିତ ବର୍ଷ ପ୍ରତିରକ୍ଷା ଏକ୍ସପୋର୍ଟରେ ନୂତନ ରେକର୍ଡ କରିଛି । ଭାରତର ଡିଫେନ୍ସ ଏକ୍ସପୋର୍ଟ ୯ ବର୍ଷ ପୂର୍ବରୁ ଏକ ହଜାର କୋଟି ଟଙ୍କାରୁ ମଧ୍ୟ କମ ଥିଲା । ଆଜି ଏହା ୧୬ ହଜାର କୋଟି ଟଙ୍କା ଅତିକ୍ରମ କରିଛି । ଏହାର ଲାଭ ହାଇଦ୍ରାବାଦ ସ୍ଥିତ ଭାରତ ଡାୟନାମିକ୍ସ ଲିମିଟେଡକୁ ମଧ୍ୟ ହେଉଛି ।
ସାଥୀମାନେ,
ଆଜି ଭାରତୀୟ ରେଳ ମଧ୍ୟ ଉତ୍ପାଦନ କ୍ଷେତ୍ରରେ ନୂତନ ରେକର୍ଡ, ନୂତନ ଠିକଣା ପ୍ରସ୍ତୁତ କରୁଛନ୍ତି । ବର୍ତ୍ତମାନ ସମୟରେ ମେଡ୍ ଇନ୍ ଇଣ୍ଡିଆ ବଂଦେ ଭାରତ ଟ୍ରେନଗୁଡ଼ିକର ବହୁତ ଚର୍ଚ୍ଚା ଅଛି । ଗତ ବର୍ଷମାନଙ୍କରେ ଭାରତୀୟ ରେଳ ହଜାର ହଜାର ଆଧୁନିକ କୋଚ ଏବଂ ଲୋକମୋଟିଭ କରିଛନ୍ତି । ଭାରତୀୟ ରେଳର ଏହି କାୟାକଳ୍ପରେ ବର୍ତ୍ତମାନ କାଜୀପେଟ ମଧ୍ୟ ମେକ୍ ଇନ୍ ଇଣ୍ଡିଆର ନୂତନ ଶକ୍ତିର ସହିତ ଯୋଡ଼ି ହେବାକୁ ଯାଉଛନ୍ତି । ବର୍ତ୍ତମାନ ଏଠାରେ ପ୍ରତ୍ୟେକ ମାସରେ ଡର୍ଜନ ଡର୍ଜନ ୱେଗନ ନିର୍ମାଣ ହେବ । ଏହାଦ୍ୱାରା ଏହି କ୍ଷେତ୍ର ରୋଜଗାରରେ ନୂତନ ସୁଯୋଗ ତିଆରି ହେବ, ଏଠିକାର ପ୍ରତ୍ୟେକ ପରିବାରକୁ କୌଣସି ନା କୌଣସି ଭାବରେ ଲାଭ ହେବ । ଏଠାରେ ସବକା ସାଥ, ସବକା ବିକାଶ ଅଛି । ବିକାଶର ଏହି ମନ୍ତ୍ର ଉପରେ ତେଲେଙ୍ଗାନାକୁ ଆମକୁ ଆଗକୁ ବଢ଼ାଇବାକୁ ହେବ। ପୁଣିଥରେ ଆପଣ ସମସ୍ତଙ୍କୁ ଏପରି ଅନେକ ପ୍ରଗତିଶୀଳ କାର୍ଯ୍ୟକ୍ରମ ପାଇଁ ଆୟୋଜନ ପାଇଁ, ବିକାଶର ନୂତନ ଧାରା ପାଇଁ ବହୁତ ବହୁତ ଶୁଭେଚ୍ଛା ଜଣାଉଛି । ବହୁତ ବହୁତ ଧନ୍ୟବାଦ ଜଣାଉଛି! ଧନ୍ୟବାଦ!
