ଭାରତ ମାତା କି ଜୟ ।
ଭାରତ ମାତା କି ଜୟ ।
ଭାରତ ମାତା କି ଜୟ ।
ନମସ୍କାର ତାମିଲନାଡୁ!
ତାମିଲନାଡୁର ରାଜ୍ୟପାଳ ଶ୍ରୀ ଆର ଏନ ରବି ଜୀ, ତାମିଲନାଡୁର ମୁଖ୍ୟମନ୍ତ୍ରୀ ଶ୍ରୀ ଏମକେ ଷ୍ଟାଲିନ ଜୀ, କେନ୍ଦ୍ର ସରକାରରେ ମୋର ସହଯୋଗୀ ଶ୍ରୀ ଅଶ୍ୱିନୀ ବୈଷ୍ଣବ ଜୀ, ଶ୍ରୀ ଜ୍ୟୋତିରାଦିତ୍ୟ ସିନ୍ଦିଆ ଜୀ, ଏବଂ ତାମିଲନାଡୁର ଭାଇ ଓ ଭଉଣୀମାନେ, ଆପଣ ସମସ୍ତଙ୍କୁ ମୋର ଶୁଭେଚ୍ଛା ।
ସାଥୀମାନେ,
ତାମିଲନାଡୁ ଆସିବାକୁ ସବୁବେଳେ ଭଲ ଲାଗିଥାଏ । ଏହା ଇତିହାସ ଏବଂ ଐତିହ୍ୟର ଘର । ଏହା ଏବଂ ସାହିତ୍ୟର ଭମି ଅଟେ । ଏହା ଦେଶପ୍ରେମ ଏବଂ ଜାତୀୟ ଚେତନାର ମଧ୍ୟ କେନ୍ଦ୍ର ଅଟେ । ଆମର ଅନେକ ଅଗ୍ରଣୀ ସ୍ୱାଧୀନତା ସଂଗ୍ରାମୀ ତାମିଲନାଡୁର ଥିଲେ ।
ସାଥୀମାନେ,
ମୁଁ ଜାଣେ ଯେ ମୁଁ ଏକ ଉତ୍ତମ ସମୟରେ ଆପଣଙ୍କ ନିକଟକୁ ଆସିଛି । କିଛିଦିନ ମଧ୍ୟରେ, ତାମିଲ ପୁଥଣ୍ଡୁ ଏଠାକୁ ଆସିଯିବ । ଏହା ନୂତନ ଶକ୍ତି, ନୂତନ ଆଶା, ନୂତନ ଆକାଂକ୍ଷା ଏବଂ ନୂତନ ଆରମ୍ଭ ପାଇଁ ଏହା ଏକ ଉତ୍ତମ ସମୟ । ନୂତନ ପିଢ଼ିର କିଛି ଭିତ୍ତିଭୂମି ପ୍ରକଳ୍ପ ଆଜିଠାରୁ ଲୋକମାନଙ୍କ ସେବା କରିବା ଆରମ୍ଭ କରିବ । ଅନ୍ୟ କେତେକ ପ୍ରକଳ୍ପ ଉପରେ ବର୍ତ୍ତମାନ ଠାରୁ କାର୍ଯ୍ୟ ଆରମ୍ଭ କରିବ । ସଡ଼କ ପଥ, ରେଳ ପଥ ଏବଂ ବାୟୁ ପଥକୁ ଅନ୍ତର୍ଭୁକ୍ତ କରୁଥିବା ଏହି ପ୍ରକଳ୍ପଗୁଡ଼ିକ ଯାହାକି ନୂତନ ବର୍ଷର ଉତ୍ସବକୁ ଆହୁରି ଉଜ୍ୱଳୟମ କରିବ ।
ସାଥୀମାନେ,
ବିଗତ କିଛିବର୍ଷ ମଧ୍ୟରେ, ଭାରତ ପରମ୍ପରାଗତ ଢାଞ୍ଚା ଦୃଷ୍ଟିରୁ ଏକ ବିପ୍ଳବ ଦେଖୁଛି । ଏହା ଗତି ଏବଂ ମାପ ଦ୍ୱାରା ପରିଚାଳିତ ହୋଇଥାଏ । ଯେତେବେଳେ ମାପର କଥା ଆସେ, ସେତେବେଳେ ଚଳିତ ବର୍ଷର ଆରମ୍ଭରୁ କେନ୍ଦ୍ର ବଜେଟକୁ ଆପଣ ଦେଖିପାରିବେ । ଏଥିରେ ଭିତ୍ତିଭୂମିରେ ବିନିଯୋଗ କରିବା ପାଇଁ ଆମେ ରେକର୍ଡ ପରିମାଣରେ ୧ଠ ଲକ୍ଷ କୋଟି ଟଙ୍କା ରଖିଛୁ । ୨୦୧୪ ତୁଳନାରେ ଏହା ୫ ଗୁଣ ଅଧିକ ଅଟେ! ରେଳ ଭିତ୍ତିଭୂମି ପାଇଁ ନିର୍ଦ୍ଧାରିତ ପରିମାଣ ମଧ୍ୟ ଏକ ସର୍ବକାଳୀନ ରେକର୍ଡ ଅଟେ ।
ସାଥୀମାନେ,
ଯେପର୍ଯ୍ୟନ୍ତ ଗତିର ପ୍ରଶ୍ନ ଉଠୁଛି, କିଛି ପ୍ରଶ୍ନ ଆମକୁ ସଠିକ୍ ଦୃଷ୍ଟିକୋଣ ଦେଇପାରିବ । ୨୦୧୪ ପୂର୍ବର ଅବଧି ତୁଳନାରେ ପ୍ରତିବର୍ଷ ସଂଯୋଗ କରାଯାଉଥିବା ଜାତୀୟ ରାଜପଥର ଦୈର୍ଘ୍ୟ ପ୍ରାୟ ଦ୍ୱିଗୁଣିତ ହୋଇଛି । ୨୦୧୪ ପୂର୍ବରୁ, ପ୍ରତିବର୍ଷ ୬୦୦ ରୁଟ କିଲୋମିଟର ରେଳ ଲାଇନର ବିଦୁତକରଣ । ଆଜି, ଏହା ପ୍ରତିବର୍ଷରେ ପ୍ରାୟ ୪ ହଜାର ରୁଟ କିଲୋମିଟରରେ ପହଂଚିଛି । ୨୦୧୪ ପର୍ଯ୍ୟନ୍ତ ନିର୍ମିତ ବିମାନବନ୍ଦର ସଂଖ୍ୟା ୭୪ ଥିଲା । ୨୦୧୪ ପରଠାରୁ, ଆମେ ଏହାକୁ ଦ୍ୱିଗୁଣିତ କରି ପ୍ରାୟ ୧୫୦କୁ ବୃଦ୍ଧି କରିଛୁ । ତାମିଲନାଡୁରେ ଏକ ଲମ୍ବା ଉପକୂଳ ଅଛି, ଯାହା ବାଣିଜ୍ୟ ପାଇଁ ଗୁରୁତ୍ୱପୂର୍ଣ୍ଣ ଅଟେ । ୨୦୧୪ ପୂର୍ବ ସମୟ ତୁଳନାରେ ଆମର ବନ୍ଦରଗୁଡ଼ିକର କ୍ଷମତା ବୃଦ୍ଧି ପ୍ରାୟ ଦ୍ୱିଗୁଣିତ ହୋଇଯାଇଛି ।
ଗତି ଏବଂ ମାପ କେବଳ ଶାରିରୀକ ଭିତ୍ତିଭୂମିରେ ନୁହେଁ ବରଂ ସାମାଜିକ ଏବଂ ଡିଜିଟାଲ ଭିତ୍ତିଭୂମିରେ ଦେଖାଯାଉଛି। ୨୦୧୪ ସୁଦ୍ଧା ଭାରତରେ ପ୍ରାୟତଃ ୩୮୦ ମେଡିକାଲ କଲେଜ ଥିଲା । ଆଜି, ଆମ ନିକଟରେ ପ୍ରାୟ ୬୬୦ ଅଛି! ଗତ ୯ ବର୍ଷ ମଧ୍ୟରେ ଆମ ଦେଶରେ ଏମ୍ସର ସଂଖ୍ୟା ପ୍ରାୟ ୩ ଗୁଣ ବୃଦ୍ଧି ହୋଇଛି । ଡିଜିଟାଲ କାରବାରରେ ଆମେ ବିଶ୍ୱରେ ଏକ ନମ୍ବରରେ ଅଛୁ । ଆମ ନିକଟରେ ଦୁନିଆର ସବୁଠାରୁ ଶସ୍ତା ମୋବାଇଲ ଡାଟା ମଧ୍ୟ ଅଛି । ପ୍ରାୟ ଦୁଇ ଲକ୍ଷ ଗ୍ରାମ ପଞ୍ଚାୟତକୁ ସଂଯୋଗ କରି ୬ ଲକ୍ଷ କିଲୋମିଟରରୁ ଅଧିକ ଅପ୍ଟିକାଲ ଫାଇବର ବିଛାଯାଇଛି । ଏବଂ ଆଜି, ଭାରତରେ ସହରାଞ୍ଚାଳ ବ୍ୟବହାରୀଙ୍କ ତୁଳନାରେ ଗ୍ରାମୀଣ ଇଣ୍ଟରନେଟ ବ୍ୟବହାରୀଙ୍କ ସଂଖ୍ୟା ଅଧିକ ଅଛି!
ସାଥୀମାନେ,
ଏହି ସମସ୍ତ ଉପଲବ୍ଧିଗୁଡ଼ିକ କାରଣ ଯୋଗୁ କ’ଣ ସମ୍ଭବ ହେଲା? ଦୁଇଟି ଜିନିଷ- କାର୍ଯ୍ୟ ସଂସ୍କୃତି ଏବଂ ଦୃଷ୍ଟିକୋଣ । ପ୍ରଥମରେ ହେଉଛି କାର୍ଯ୍ୟ ସଂସ୍କୃତି । ପୂର୍ବରୁ ଭିତ୍ତିଭୂମି ପ୍ରକଳ୍ପଗୁଡ଼ିକର ଅର୍ଥ ବିଳମ୍ବ ହେଉଥିଲା । ବର୍ତ୍ତମାନ, ସେମାନଙ୍କର ଅର୍ଥ ହେଉଛି ବିତରଣ । ବିଳମ୍ବରେ ବିତରଣ ପର୍ଯ୍ୟନ୍ତ ଏହି ଯାତ୍ରା ଆମର କାର୍ଯ୍ୟ ସଂସ୍କୃତି ଯୋଗୁ ଘଟିଛି। ଆମେ ଆମର ଟିକସଦାତା ମାନଙ୍କ ଦ୍ୱାରା ଦିଆଯାଉଥିବା ପ୍ରତ୍ୟେକ ଟଙ୍କା ପାଇଁ ଆମେ ଉତ୍ତରଦାୟୀ ଅନୁଭବ କରୁଛୁ। ଆମେ ନିର୍ଦ୍ଦିଷ୍ଟ ସମୟସୀମା ସହିତ କାର୍ଯ୍ୟ କରୁଛୁ ଏବଂ ସେମାନଙ୍କ ପୂର୍ବରୁ ମଧ୍ୟ ଫଳାଫଳ ହାସଲ କରୁଛୁ ।
ଭିତ୍ତିଭୂମି ପାଇଁ ଆମର ଦୃଷ୍ଟିକୋଣ ମଧ୍ୟ ପୂର୍ବ ଠାରୁ ଭିନ୍ନ ରହିଛି । କଂକ୍ରିଟ, ଇଟା ଏବଂ ସିମେଣ୍ଟ ଭଳି ଭିତ୍ତିଭୂମି ଆମେ ଦେଖୁନାହୁଁ, ଆମେ ଭିତ୍ତିଭୂମିକୁ ମାନବୀୟ ଚେହେରା ସହିତ ଦେଖୁଛୁ । ଏହା ଆକାଂକ୍ଷାକୁ ସଫଳତାର ସହିତ, ସମ୍ଭାବନା ଥିବା ଲୋକଙ୍କୁ ଏବଂ ବାସ୍ତବତା ସହିତ ସ୍ୱପ୍ନକୁ ସଂଯୋଗ କରୁଛି । ଉଦାହରଣ ସ୍ୱରୂପ, ଆଜିର କିଛି ପ୍ରକଳ୍ପ ନିଅନ୍ତୁ । ସଡ଼କ ପଥ ପ୍ରକଳ୍ପ ମଧ୍ୟରୁ ଗୋଟିଏ ହେଉଛି ବିରୁଦ୍ଧନଗର ଏବଂ ଟେନକାଶୀର କପା ଚାଷୀଙ୍କୁ ଅନ୍ୟ ବଜାର ସହିତ ସଂଯୋଗ କରୁଛି । ଚେନ୍ନାଇ ଏବଂ କୋଏମ୍ବାଟୁର ମଧ୍ୟରେ ବଂଦେ ଭାରତ ଏକ୍ସପ୍ରେସ ଛୋଟ ବ୍ୟବସାୟକୁ ଗ୍ରାହକଙ୍କ ସହିତ ଯୋଡ଼ିଥାଏ । ଚେନ୍ନାଇ ବିମାନବନ୍ଦରର ନୂତନ ଟର୍ମିନାଲ ବିଶ୍ୱକୁ ତାମିଲନାଡୁକୁ ଆଣିଥାଏ । ଏହା ନିବେଶ ଆଣିଥାଏ, ଯାହା ଏଠିକାର ଯୁବକମାନଙ୍କ ପାଇଁ ଆୟର ସୁଯୋଗ ସୃଷ୍ଟି କରିଥାଏ । ସଡ଼କ, ରେଳ ଟ୍ରାକ କିମ୍ବା ମେଟ୍ରୋରେ, ଏହା କେବଳ ଯାନର ଗତିକୁ ବୃଦ୍ଧି କରି ନ ଥାଏ । ଲୋକଙ୍କ ସ୍ୱପ୍ନ ଏବଂ ଉଦ୍ୟୋଗର ଭାବନାକୁ ମଧ୍ୟ ଗତି ଦେଇଥାଏ । ଅର୍ଥ ବ୍ୟବସ୍ଥାକୁ ଶକ୍ତି ମିଳିଥାଏ । ପ୍ରତ୍ୟେକ ଭିତ୍ତିଭୂମି ପ୍ରକଳ୍ପ କୋଟି କୋଟି ପରିବାରର ଜୀବନକୁ ପରିବର୍ତ୍ତନ କରିଥାଏ ।
ସାଥୀମାନେ,
ତାମିଲନାଡୁର ବିକାଶ ଆମ ପାଇଁ ବହୁତ ପ୍ରାଥମିକତା ଅଟେ । ରେଳ ଭିତ୍ତିଭୂମି ପାଇଁ ତାମିଲନାଡୁକୁ ଚଳିତ ବର୍ଷ ୬ ହଜାର କୋଟିରୁ ଅଧିକ ଉଚ୍ଚ ବଜେଟ ଆବଣ୍ଟନ କରାଯାଇଛି । ୨୦୦୯-୨୦୧୪ ମଧ୍ୟରେ ପ୍ରତିବର୍ଷ ଆବଣ୍ଟିତ ହାରାହାରି ରାଶି ୯୦୦ କୋଟିରୁ କମ ଥିଲା । ୨୦୦୪ ଏବଂ ୨୦୧୪ ମଧ୍ୟରେ, ତାମିଲନାଡୁରେ ସଂଯୋଗ ହୋଇଥିବା ଜାତୀୟ ରାଜପଥର ଦୈର୍ଘ୍ୟ ପ୍ରାୟ ୮୦୦ କିଲୋମିଟର ଥିଲା । ୨୦୧୪ରୁ ୨୦୨୩ ମଧ୍ୟରେ, ପ୍ରାୟ ୨୦୦୦ କିଲୋମିଟର ଜାତୀୟ ରାଜପଥ ସଂଯୋଗ କରାଯାଇଥିଲା! ୨୦୧୪-୧୫ ମସିହାରେ, ତାମିଲନାଡୁରେ ଜାତୀୟ ରାଜପଥର ବିକାଶ ତଥା ରକ୍ଷଣାବେକ୍ଷଣରେ ପ୍ରାୟ ୧୨୦୦ କୋଟି ଟଙ୍କା ବିନିଯୋଗ ହୋଇଥିଲା । ୨୦୨୨-୨୩ରେ, ଏହା ୬ ଗୁଣା ବୃଦ୍ଧି ପାଇ ୮୨୦୦ କୋଟିରୁ ଅଧିକ ଟଙ୍କା ହୋଇଗଲା ।
ଗତ କିଛିବର୍ଷ ମଧ୍ୟରେ ତାମିଲନାଡୁରେ ଅନେକ ଗୁରୁତ୍ୱପୂର୍ଣ୍ଣ ପ୍ରକଳ୍ପ ଦେଖିବାକୁ ମିଳିଛି । ପ୍ରତିରକ୍ଷା ଶିଳ୍ପ କରିଡର ଭାରତର ସୁରକ୍ଷାକୁ ମଜବୁତ କରୁଛି ଏବଂ ଏଠାରେ ଚାକିରି ସୃଷ୍ଟି କରୁଛି । ପିଏମ ମିତ୍ରା ମେଗା ଟେକ୍ସଟାଇଲ ପାର୍କ ସହିତ ସମ୍ପୃକ୍ତ ଘୋଷଣା ତାମିଲନାଡୁର ଟେକ୍ସଟାଇଲ କ୍ଷେତ୍ର ପାଇଁ ମଧ୍ୟ ଲାଭଦାୟକ ହେବ । ଗତବର୍ଷ ଆମେ ବେଙ୍ଗାଲୁରୁ-ଚେନ୍ନାଇ ଏକ୍ସପ୍ରେସ ୱେ ପାଇଁ ଭିତ୍ତିପ୍ରସ୍ତର ସ୍ଥାପନ କରିଥିଲୁ । ଚେନ୍ନାଇ ନିକଟରେ ଏକ ମଲ୍ଟି ମୋଡାଲ ଲଜିଷ୍ଟିକ ପାର୍କ ନିର୍ମାଣ ମଧ୍ୟ ଚାଲିଛି । ଭାରତମାଳା ପ୍ରକଳ୍ପ ଅଧିନରେ ମାମଲ୍ଲାପୁରମ ଠାରୁ କନ୍ୟାକୁମାରୀ ପର୍ଯ୍ୟନ୍ତ ସମଗ୍ର ଇଷ୍ଟକୋଷ୍ଟ ରୋଡର ଉନ୍ନତି କରାଯାଉଛି । ଏହି ଅନେକ ପ୍ରକଳ୍ପ ଅଛି ଯାହା ତାମିଲନାଡୁର ଅଭିବୃଦ୍ଧିକୁ ଆଗକୁ ବଢ଼ାଉଛି ଏବଂ ଆଜି ଆଉ କିଛି ପ୍ରକଳ୍ପର ଉଦଘାଟନ କରାଯାଉଛି କିମ୍ବା ଭିତ୍ତିପ୍ରସ୍ଥର ସ୍ଥାପନ କରାଯାଉଛି ।
ସାଥୀମାନେ,
ଆଜି ତାମିଲନାଡୁର ତିନୋଟି ମହତ୍ୱପୂର୍ଣ୍ଣ ସହର- ଚେନ୍ନାଇ, ମଦୁରାଇ ଏବଂ କୋଏମ୍ବାଟୁର ଏହି ପ୍ରକଳ୍ପର ଉଦଘାଟନ କିମ୍ବା ଆରମ୍ଭ ହେବା ଦ୍ୱାରା ସିଧାସଳଖ ଉପକୃତ ହେଉଛନ୍ତି । ଚେନ୍ନାଇ ଆନ୍ତର୍ଜାତିକ ବିମାନବନ୍ଦରରେ ନୂତନ ଇଣ୍ଟିଗ୍ରେଟେଡ ଟର୍ମିନାଲ ବିଲ୍ଡିଂର ଉଦଘାଟନ କରାଯାଇଛି । ଏହା ବଢୁଥିବା ଯାତ୍ରୀଙ୍କ ଚାହିଦାକୁ ପୂରଣ କରିବ । ଏହି ନୂତନ ଟର୍ମିନାଲ ବିଲ୍ଡିଂ ତାମିଲ ସଂସ୍କୃତିର ସୌନ୍ଦର୍ଯ୍ୟକୁ ପ୍ରତିଫଳିତ କରିବା ପାଇଁ ଡିଜାଇନ କରାଯାଇଛି । ଆପଣ ନିଶ୍ଚିତ ଭାବରେ କିଛି ଚମକ୍ରାର ଫଟୋ ଦେଖିଥିବେ । ଛାତ, ଚଟାଣ, ଛାତ କିମ୍ବା ମୂର୍ତ୍ତିର ଡିଜାଇନ ହେଉ, ସେଗୁଡ଼ିକ ମଧ୍ୟରୁ ପ୍ରତ୍ୟେକଟି ଆପଣଙ୍କୁ ତାମିଲନାଡୁର କିଛି ନା କିଛି ଦିଗକୁ ମନେ ପକାଇଦେବ । ବିମାନବନ୍ଦରରେ ପରମ୍ପରା ଉଜ୍ୱଳ ହୋଇଥିବା ବେଳେ, ଏହା ସ୍ଥିରତାର ଆଧୁନିକ ଆବଶ୍ୟକତା ପାଇଁ ମଧ୍ୟ ନିର୍ମିତ । ଏହା ପର୍ଯ୍ୟାବରଣର ଅନୁକୂଳ ସାମଗ୍ରୀର ଉପଯୋଗ କରି ନିର୍ମିତ ହୋଇଛି ଏବଂ ଏଥିରେ ଏଲଇଡି ଆଲୋକ ଏବଂ ସୌର ଶକ୍ତି ଭଳି ଅନେକ ସବୁଜ କୌଶଳ ମଧ୍ୟ ଉପଯୋଗ କରାଯାଇଛି ।
ସାଥୀମାନେ,
ଚେନ୍ନାଇ-କୋଏମ୍ବାଟୁର ସହିତ ସଂଯୋଗ କରୁଥିବା ଅନ୍ୟ ଏକ ବଂଦେ ଭାରତ ଟ୍ରେନ ମଧ୍ୟ ପାଇଛି । ଯେତେବେଳେ ପ୍ରଥମ ବଂଦେ ଭାରତ ଟ୍ରେନ ଚେନ୍ନାଇକୁ ଆସିଲା, ସେତେବେଳେ ମୋର ମନେ ଅଛି ଯେ ମୋର ତାମିଲନାଡୁର ଯୁବ ବନ୍ଧୁମାନେ ବିଶେଷ ଭାବରେ ଉତ୍ସାହିତ ହୋଇଥିଲେ । ମୁଁ ସେତେବେଳେ ବଂଦେ ଭାରତ ଟ୍ରେନର କିଛି ଭିଡିଓ ସୋସିଆଲ ମିଡିଆରେ ଭାଇରାଲ ହେବାର ଦେଖିଲି । ମହାନ ଭିଓ ଚିଦାମ୍ବରମ ପିଲ୍ଲାଇଙ୍କ ଭୂମିରେ ‘ମେଡ ଇନ ଇଣ୍ଡିଆ’ର ଏହି ଗର୍ବ ସ୍ୱାଭାବିକ ଅଟେ ।
ସାଥୀମାନେ,
ସେ ଟେକ୍ସଟାଇଲ କ୍ଷେତ୍ର ହେଉ, ଏମଏସଏମଇ କିମ୍ବା ଶିଳ୍ପ ହେଉ, କୋଏମ୍ବାଟୁର ଏକ ଔଦ୍ୟୋଗିକ ମହାଶକ୍ତି ରହିଛି । ଆଧୁନିକ ସଂଯୋଗ କେବଳ ଏଠିକାର ବା ସ୍ଥାନୀୟ ଲୋକମାନଙ୍କର ଉତ୍ପାଦନକୁ ବୃଦ୍ଧି କରିବ । ବର୍ତ୍ତମାନ ଚେନ୍ନାଇ ଏବଂ କୋଏମ୍ବାଟୁର ମଧ୍ୟରେ ଯାତ୍ରା ମାତ୍ର ୬ ଘଣ୍ଟା ହେବ! ଏହି ବଂଦେ ଭାରତ ଏକ୍ସପ୍ରେସ ଦ୍ୱାରା ସାଲେମ, ଇରୋଡ ଏବଂ ତିରୁପୁର ପରି ବୟନ ଏବଂ ଶିଳ୍ପ ହବକୁ ଲାଭ ମିଳିବ ।
ସାଥୀମାନେ,
ମଦୁରାଇ ତାମିଲନାଡୁର ସାଂସ୍କୃତିକ ରାଜଧାନୀ ବୋଲି କୁହାଯାଇଥାଏ । ଏହା ଦୁନିଆର ସବୁଠାରୁ ପ୍ରାଚୀନ ସହର ଅଟେ । ଆଜିର ପ୍ରକଳ୍ପଗୁଡ଼ିକ ମଧ୍ୟ ଏହି ପ୍ରାଚୀନ ସହରର ଆଧୁନିକ ଭିତ୍ତିଭୂମିକୁ ବୃଦ୍ଧି କରିଥାଏ । ସେମାନେ ଜୀବନର ସହଜତା ଏବଂ ମଦୁରାଇକୁ ଯାତ୍ରା କରିବାର ସହଜତା ପ୍ରଦାନ କରନ୍ତି । ତାମିଲନାଡୁର ଦକ୍ଷିଣ-ପଶ୍ଚିମ ତଥା ଉପକୂଳବର୍ତ୍ତୀ ଅଞ୍ଚଳର ଅନେକ ଜିଲ୍ଲା ମଧ୍ୟ ଆଜିର ଅନେକ ପ୍ରକଳ୍ପ ଦ୍ୱାରା ଉପକୃତ ହେଉଛନ୍ତି ।
ସାଥୀମାନେ,
ତାମିଲନାଡୁ ହେଉଛି ଭାରତର ଅଭିବୃଦ୍ଧି ଇଞ୍ଜିନ ମଧ୍ୟରୁ ଅନ୍ୟତମ । ମୁଁ ନିଶ୍ଚିତ ଯେ ଆଜି ଉଦଘାଟିତ ହୋଇଥିବା ପ୍ରକଳ୍ପଗୁଡ଼ିକ ତାମିଲନାଡୁବାସୀଙ୍କ ଆକାଂକ୍ଷାକୁ ଉତ୍ସାହ ଦେବ । ଯେତେବେଳେ ଉଚ୍ଚ-ଗୁଣବତ୍ତା ଥିବା ପାରମ୍ପରିକ ଢାଞ୍ଚା ଏଠାରେ ରୋଜଗାର ସୃଷ୍ଟି କରିବ, ସେତେବେଳେ ଆୟ ବଢ଼ିବ ଏବଂ ତାମିଲନାଡୁ ବଢ଼ିବ । ଯେତେବେଳେ ତାମିଲନାଡୁର ବୃଦ୍ଧି ହେବ, ସେତେବେଳେ ଭାରତର ବୃଦ୍ଧି ହେବ । ଆପଣଙ୍କ ଭଲପାଇବା ପାଇଁ ବହୁତ ବହୁତ ଧନ୍ୟବାଦ । ନମସ୍କାର!
