ରାଷ୍ଟ୍ରପତି ମହାଭାଗ ପଲ କଗାମ,
ସମ୍ମାନୀୟ ପ୍ରତିନିଧି ଦଳ,
ଗଣମାଧ୍ୟମର ସଦସ୍ୟ,
ଏହା ହେଉଛି ପ୍ରଥମ ଅବସର ଯେତବେଳେ କି ଭାରତର କୌଣସି ପ୍ରତିନିଧି ଦଳ ରୱାଣ୍ଡା ଆସିଛନ୍ତି । ଆଉ ମୋର ସୌଭାଗ୍ୟ ହେଉଛି ଯେ ମୋ ବନ୍ଧୁ କଗାମେଙ୍କ ନିମନ୍ତ୍ରଣ ଫଳରେ ଏହି ସୁଅବସର ମୋତେ ମିଳିଛି ।
ରାଷ୍ଟ୍ରପତି କଗାମେଙ୍କ ବନ୍ଧୁତ୍ୱପୂର୍ଣ୍ଣ ଶବ୍ଦ ଏବଂ ମୋର ତଥା ମୋର ପ୍ରତିନିଧି ଦଳଙ୍କୁ ଯଥୋଚିତ ଭବ୍ୟ ସ୍ୱାଗତ ଏବଂ ସମ୍ମାନ ପାଇଁ ମୁଁ ହୃଦୟରୁ କୃତଜ୍ଞତା ପ୍ରକଟ କରୁଛି । ରାଷ୍ଟ୍ରପତି କଗାମେ ସ୍ୱୟଂ ମୋତେ ସ୍ୱାଗତ କରିବା ପାଇଁ ବିମାନବନ୍ଦର ଆସିଥିଲେ । ତାଙ୍କର ଏହି ସ୍ୱତନ୍ତ୍ର ଆଚରଣ ହେଉଛି ସମଗ୍ର ଭାରତ ପାଇଁ ସମ୍ମାନ । ଆସନ୍ତାକାଲି ସକାଳେ କିଗାଲି ଗଣସଂହାର ସ୍ମାରକୀରେ ଶ୍ରଦ୍ଧାଞ୍ଜଳି ଅର୍ପଣ କରିବି । 1994 ଗଣସଂହାର ପରେ ରୱାଣ୍ଡା ଯେଉଁ ଶାନ୍ତି ପ୍ରକ୍ରିୟା ଗ୍ରହଣ କରିଛି, ତାହା ବାସ୍ତବରେ ପ୍ରଶଂସନୀୟ ଏବଂ ସ୍ଵତନ୍ତ୍ର । ରାଷ୍ଟ୍ରପତି କଗାମେଙ୍କ କୁଶଳ ନେତୃତ୍ୱ ଫଳରେ ହିଁ ପ୍ରଭାବୀ ଓ ସକ୍ଷମ ଶାସନ ଦ୍ୱାରା ରୱାଣ୍ଡା ଆଜି ଦ୍ରୂତ ଗତିରେ ଆର୍ଥିକ ପ୍ରଗତି କରୁଛି ।
ବନ୍ଧୁଗଣ,
ଭାରତ ଓ ରୱାଣ୍ଡା ମଧ୍ୟରେ ସମ୍ବନ୍ଧ ସମୟର କଷଟି ପଥରରେ କଷି ହୋଇ ସୁଦୃଢ଼ ହୋଇଛି । ଆମ ପାଇଁ ଏହା ହେଉଛି ଗର୍ବର ବିଷୟ ଯେ ରୱାଣ୍ଡାର ଆର୍ଥିକ ବିକାଶ ଏବଂ ରାଷ୍ଟ୍ରୀୟ ବିକାଶ ଯାତ୍ରାରେ ଭାରତ ଆପଣଙ୍କ ବିଶ୍ୱସ୍ଥ ଭାଗିଦାର ରହିଛି । ରୱାଣ୍ଡାର ବିକାଶ ଯାତ୍ରାରେ ଆମର ଯୋଗଦାନ ଆଗକୁ ମଧ୍ୟ ଚାଲୁରହିବ । ଆମେ ତାଲିମ,ପ୍ରାଦ୍ୟୋଗିକୀ, ଭିତ୍ତିଭୂମିର ବିକାଶ ଏବଂ ପ୍ରକଳ୍ପ ସହାୟତା କ୍ଷେତ୍ରରେ ସହଯୋଗ କରିଆସିଛୁ । ଅର୍ଥ,ପରିଚାଳନା, ଗ୍ରାମୀଣ ଉନ୍ନୟନ ଏବଂ ଆଇସିଟି ପରି କ୍ଷେତ୍ରରେ ଆମେ ରୱାଣ୍ଡା ପାଇଁ ଅଗ୍ରଣୀ ଭାରତୀୟ ସଂସ୍ଥାନମାନଙ୍କରେ ତାଲିମ ପ୍ରଦାନ କରିଥାଉ । ସାମର୍ଥ୍ୟ ନିର୍ମାଣରେ ଏହି ଯୋଗଦାନକୁ ଆମେ ଆହୁରି ବୃଦ୍ଧି କରିବାକୁ ଚାହିଁବୁ । ଆଜି ଆମେ 2 ଶହ ନିୟୁତ ଡଲାରର ଋଣ ସହାୟତା ଏବଂ ପ୍ରଶିକ୍ଷଣ ବିଷୟ ଉପରେ ବୁଝାମଣା କରିଛୁ । ଆଜି ଆମେ ଚମଡା ଭଳି ନୂତନ କ୍ଷେତ୍ର ଏବଂ ଗୋପାଳନ ଓ ଦୁଗ୍ଧ ଉନ୍ନୟନ କ୍ଷେତ୍ରରେ ଗବେଷଣା ସହିତ ଦୁଇ ଦେଶ ମଧ୍ୟରେ ସହଯୋଗର ବିଭିନ୍ନ କ୍ଷେତ୍ର ଉପରେ ମଧ୍ୟ ଚର୍ଚ୍ଚା କରିଛୁ । ଏହି ସନ୍ଦର୍ଭରେ ମୁଁ କାଲି ରାଷ୍ଟ୍ରପତି କଗାମେଙ୍କ ସହିତ ରୁବେରୁ ଆଦର୍ଶ ଗ୍ରାମକୁ ଯାତ୍ରା କରିବା ବାବଦରେ ଅନେକ ପରିମାଣରେ ଉତ୍ସୁକ ଅଛି । ଭାରତ ହେଉଛି ସ୍ୱୟଂ ଏକ କୃଷି ପ୍ରଧାନ ଦେଶ ଏବଂ ଆମର ଅଧିକାଂଶ ଜନସଂଖ୍ୟା ଗ୍ରାମରେ ବାସ କରନ୍ତି । ଏବଂ ଏଥିପାଇଁ ମୁଁ ଗ୍ରାମୀଣ ଜୀବନକୁ ସୁଧାରିବା ପାଇଁ ରୱାଣ୍ଡାର ଅନୁଭବରୁ ଏବଂ ରାଷ୍ଟ୍ରପତିକଗାମେଙ୍କ ପଦକ୍ଷେପରୁ ଲାଭାନ୍ୱିତ ହେବାକୁ ଚାହୁଁ । ନିର୍ମାଣ କ୍ଷେତ୍ର, ଆତିଥ୍ୟ ଏବଂ ପର୍ଯ୍ୟଟନ ସହିତ ଆମେ ଏପରି ବହୁତ କ୍ଷେତ୍ର ପ୍ରସ୍ତାବିତ କରିଛୁ, ଯେଉଁଥିରେ କି ଭାରତ ଏବଂ ରୱାଣ୍ଡା ମଧ୍ୟରେ ବ୍ୟାପକ ବିକାଶମୂଳକଭାଗିଦାରୀକୁ ମଜଭୁତ କରିପାରିବେ । ଆମେ ନିଜର ବ୍ୟବସାୟିକ ଏବଂ ନିବେଶ ସମ୍ବନ୍ଧକୁ ଆହୁରି ଅଧିକ ମଜଭୁତ କରିବାକୁ ଚାହୁଁ । ଆଉ ଏଥିପାଇଁ ରାଷ୍ଟ୍ରପତି କଗାମେ ଏବଂ ମୁଁ ଆସନ୍ତାକାଲି ଦୁଇ ଦେଶର ପ୍ରମୁଖ ବ୍ୟବସାୟିକ ନେତୃବୃନ୍ଦଙ୍କୁ ଭେଟିବୁ ଏବଂ ତାଙ୍କର ପ୍ରସ୍ତାବ ଉପରେ ବିଚାର କରିବୁ ।
ବନ୍ଧୁଗଣ
ମୋତେ ଏହା କହି ପ୍ରସନ୍ନତା ହେଉଛି କି ଆମେ ଖୁବ ଶୀଘ୍ର ରୱାଣ୍ଡାରେ ହାଇ କମିଶନ ଖୋଲିବାକୁ ଯାଉଛୁ । ଏହାଫଳରେ କେବଳ ଆମ ସରକାରମାନଙ୍କ ମଧ୍ୟରେ ଘନିଷ୍ଠ ସମ୍ବାଦ ସମ୍ଭବ ହେବ ନାହିଁ, ବରଂ ଏଥିସହିତବାଣିଜ୍ୟ ଦୂତାବାସ, ପାସପୋର୍ଟ ଏବଂ ଭିସା ତଥା ଅନ୍ୟାନ୍ୟ ସୁବିଧା ମଧ୍ୟ ସୁଲଭ ହେବ । ଆମେ ଦୁଇ ଦେଶ ମଧ୍ୟରେ ସମ୍ବନ୍ଧକୁ ଆଗାମୀ ସମୟରେ ଆହୁରି ଅଧିକ ଉଚ୍ଚସ୍ତରକୁ ନେଇଯିବା ନେଇ ଆଶାନ୍ୱିତ ଅଛୁ ।
ମୁଁ ପୁଣିଥରେ ରାଷ୍ଟ୍ରପତି କଗାମେଙ୍କୁ ମୋର ହାର୍ଦ୍ଦିକ କୃତଜ୍ଞତା ଅର୍ପଣ କରୁଛି । ଆହୁରି ମଧ୍ୟ 125କୋଟି ଭାରତୀୟମାନଙ୍କ ତରଫରୁ ରୱାଣ୍ଡାର ଜନସାଧାରଣଙ୍କୁ ଶୁଭକାମନା ଜଣାଉଛି ।
ଧନ୍ୟବାଦ ।
A historic first for India & Rwanda. pic.twitter.com/pZeZqezX0k
— PMO India (@PMOIndia) July 23, 2018
Furthering India-Rwanda co-operation. pic.twitter.com/1WFBqekKOj
— PMO India (@PMOIndia) July 23, 2018
Improving business ties between India & Rwanda. pic.twitter.com/fyqX0h2TZw
— PMO India (@PMOIndia) July 23, 2018
