ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଫେବୃଆରୀ 14ରେ ଉତ୍ତରାଖଣ୍ଡର ରୁଦ୍ରପୁର ଗସ୍ତ କରିବେ । ଏହି ଗସ୍ତ କାଳରେ ସେ ରାଜ୍ୟ ସମନ୍ୱିତ ସମବାୟ ବିକାଶ ପ୍ରକଳ୍ପର ଶୁଭାରମ୍ଭ କରିବେ ଏବଂ ଦୀନଦୟାଲ ଉପାଧ୍ୟାୟ କୃଷକ କଲ୍ୟାଣ ଯୋଜନାର ହିତାଧିକାରୀଙ୍କୁ ଋଣ ଚେକ ପ୍ରଦାନ କରିବା କାର୍ଯ୍ୟକ୍ରମ ରହିଛି ।
ସମବାୟ, କୃଷି ଏବଂ ଆନୁସଙ୍ଗିକ କ୍ଷେତ୍ରକୁ ଶକ୍ତିଶାଳୀ କରି ଉତ୍ତରାଖଣ୍ଡ ଗ୍ରାମାଞ୍ଚଳର ଆର୍ଥିକ ସ୍ଥିତିରେ ଉନ୍ନତି ଆଣିବା ସମନ୍ୱିତ ସମବାୟ ବିକାଶ ପ୍ରକଳ୍ପର ଉଦ୍ଦେଶ୍ୟ । କୃଷି ଏବଂ ଆନୁଷଙ୍ଗିକ କ୍ଷେତ୍ରକୁ ସହାୟତା ପ୍ରଦାନ କରାଯାଇ ଉତ୍ତରାଖଣ୍ଡର ପାହାଡିଆ ଅଞ୍ଚଳରୁ ବାଧ୍ୟତାମୂଳକ ପ୍ରବାସନକୁ ରୋକାଯାଇପାରିବ । ଏହି ପ୍ରକଳ୍ପର ପ୍ରଥମ କିସ୍ତି ଅର୍ଥ 100 କୋଟି ଟଙ୍କାର ଚେକ ଉତ୍ତରାଖଣ୍ଡ ମୁଖ୍ୟମନ୍ତ୍ରୀଙ୍କୁ ପ୍ରଦାନ କରିବେ ଯାହାକି ଜାତୀୟ ସମବାୟ ବିକାଶ ସହାୟକ ଦ୍ୱାରା ରାଜ୍ୟ ସରକାରଙ୍କୁ ହସ୍ତାନ୍ତର କରାଯିବ ।
ପ୍ରଧାନମନ୍ତ୍ରୀ ଏହି ଅବସରରେ ଦୀନ ଦୟାଲ ଉପାଧ୍ୟାୟ କୃଷକ କଲ୍ୟାଣ ଯୋଜନାର ହିତାଧିକାରୀଙ୍କୁ ଋଣ ଚେକ ପ୍ରଦାନ କରିବେ । ଉତ୍ତରାଖଣ୍ଡ ସରକାରଙ୍କର ଏହି ଯୋଜନା ଅଧିନରେ କୃଷକମାନଙ୍କୁ ସର୍ବନିମ୍ନ 2 ପ୍ରତିଶତ ସୁଧ ହାରରେ ଏକ ଲକ୍ଷ ଟଙ୍କା ବହୂମୁଖୀ କାର୍ଯ୍ୟ ପାଇଁ ମିଳିପାରିବ । ଆଗାମୀ 2022 ସୁଦ୍ଧା ରାଜ୍ୟରେ କୃଷକମାନଙ୍କ ଆୟ ଦ୍ୱିଗୁଣିତ କରିବା ଲକ୍ଷ୍ୟରେ ଏହି ଯୋଜନା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ।
ପ୍ରଧାନମନ୍ତ୍ରୀ 7 ନଭେମ୍ବର, 2018ରେ ଉତ୍ତରାଖଣ୍ଡର ହର୍ଷିଲଠାରେ ଭାରତୀୟ ସେନା ଏବଂ ଆଇଟିବିପି ଜବାନମାନଙ୍କ ସହ ଦିପାବଳୀ ଉତ୍ସବ ପାଳନ କରିବା ପାଇଁ ଯାଇଥିଲେ । 7 ଅକ୍ଟୋବର,2018ରେ ଡେରାଡୁନଠାରେ ଆୟୋଜିତ ‘ଉତ୍ତରାଖଣ୍ଡ ଲକ୍ଷ୍ୟସ୍ଥଳ: ପୁଞ୍ଜିନିବେଶ ସମ୍ମିଳନୀ 2018’ କୁ ସମ୍ବୋଧନ କରିବା ପାଇଁ ଯାଇଥିଲେ ।
