ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ସାଇପ୍ରସ ଗଣରାଜ୍ୟର ରାଷ୍ଟ୍ରପତି ମହାମହିମ ଶ୍ରୀ ନିକୋସ୍ କ୍ରିଷ୍ଟୋଡୋଲିଡେସଙ୍କ ସହ ଆନୁଷ୍ଠାନିକ ଆଲୋଚନା କରିଛନ୍ତି । ରାଷ୍ଟ୍ରପତି ଭବନରେ ପହଞ୍ଚିବା ପରେ, ପ୍ରଧାନମନ୍ତ୍ରୀଙ୍କୁ ରାଷ୍ଟ୍ରପତି କ୍ରିଷ୍ଟୋଡୋଲିଡେସ୍ ସ୍ୱାଗତ କରିଥିଲେ ଏବଂ ଏକ ଆନୁଷ୍ଠାନିକ ଅଭିବାଦନ ଜଣାଇଥିଲେ । ଗତକାଲି, ଏକ ସ୍ୱତନ୍ତ୍ର ସଂକେତ ସ୍ୱରୂପ, ପ୍ରଧାନମନ୍ତ୍ରୀଙ୍କୁ ବିମାନବନ୍ଦରରେ ରାଷ୍ଟ୍ରପତି କ୍ରିଷ୍ଟୋଡୋଲିଡେସ୍ ଭବ୍ୟ ସ୍ୱାଗତ କରିଥିଲେ, ଯାହା ଦୁଇ ରାଷ୍ଟ୍ର ମଧ୍ୟରେ ପାରସ୍ପରିକ ବିଶ୍ୱାସ ଏବଂ ନିବିଡ଼ ବନ୍ଧୁତାକୁ ପ୍ରତିଫଳିତ କରୁଛି ।
ଦୁଇ ନେତା ଭାରତ-ସାଇପ୍ରସ ସମ୍ପର୍କରେ ରହିଥିବା ସମାନ ମୂଲ୍ୟବୋଧକୁ ପୁନଃସ୍ଥାପିତ କରିଥିଲେ । ସେମାନେ ପରସ୍ପରର ସାର୍ବଭୌମତ୍ୱ ଏବଂ କ୍ଷେତ୍ରୀୟ ଅଖଣ୍ଡତାକୁ ସମ୍ମାନ ଦେବା ପାଇଁ ସ୍ୱୀକୃତିକୁ ପୁନର୍ବାର ଦୋହରାଇଥିଲେ । ଏପ୍ରିଲ ୨୦୨୫ରେ ପହଲଗାମରେ ହୋଇଥିବା ବର୍ବର ଆତଙ୍କବାଦୀ ଆକ୍ରମଣର ଦୃଢ଼ ନିନ୍ଦା ଏବଂ ଆତଙ୍କବାଦ ବିରୋଧରେ ଭାରତକୁ ପ୍ରଦାନ କରାଯାଇଥିବା ଏକତା ଏବଂ ସମର୍ଥନ ପାଇଁ ପ୍ରଧାନମନ୍ତ୍ରୀ ସାଇପ୍ରସକୁ ଧନ୍ୟବାଦ ଜଣାଇଥିଲେ । ଏହା ଆତଙ୍କବାଦର ମୁକାବିଲା ପାଇଁ ଉଭୟ ଦେଶର ଦୃଢ଼ ପ୍ରତିବଦ୍ଧତାକୁ ସୂଚିତ କରୁଛି । ପ୍ରଧାନମନ୍ତ୍ରୀ ସାଇପ୍ରସର ଏକତା ଏବଂ ଜାତିସଂଘ ସୁରକ୍ଷା ପରିଷଦ ପ୍ରସ୍ତାବ, ଅନ୍ତର୍ଜାତୀୟ ଆଇନ ଏବଂ EU ଆକ୍ୱିସ୍ ଆଧାରରେ ସାଇପ୍ରସ ସମସ୍ୟାର ଶାନ୍ତିପୂର୍ଣ୍ଣ ସମାଧାନ ପାଇଁ ଭାରତର ସମର୍ଥନକୁ ମଧ୍ୟ ଦୋହରାଇଥିଲେ ।
ଉଭୟ ନେତା ବାଣିଜ୍ୟ ଓ ନିବେଶ, ବିଜ୍ଞାନ ଓ ଗବେଷଣା, ସାଂସ୍କୃତିକ ସହଯୋଗ ଏବଂ ଜନ ସମ୍ପର୍କ ସମେତ ଦ୍ୱିପାକ୍ଷିକ ସମ୍ପର୍କର ବିଭିନ୍ନ ଦିଗରେ ଚାଲିଥିବା ସହଯୋଗର ସମୀକ୍ଷା କରିଥିଲେ ଏବଂ ଫିନଟେକ୍, ଷ୍ଟାର୍ଟ-ଅପ୍, ପ୍ରତିରକ୍ଷା ଶିଳ୍ପ, ସଂଯୋଗୀକରଣ, ନବସୃଜନ, ଡିଜିଟାଲାଇଜେସନ୍, ଏଆଇ ଏବଂ ଗତିଶୀଳତା ଭଳି ନୂତନ କ୍ଷେତ୍ରରେ ସହଯୋଗ ପାଇଁ ମାର୍ଗ ଅନ୍ୱେଷଣ କରିଥିଲେ । ରଣନୈତିକ କ୍ଷେତ୍ରରେ ସହଯୋଗକୁ ସୁଦୃଢ଼ କରିବା ପାଇଁ ଦୁଇ ପକ୍ଷ ଏକ ପାଞ୍ଚ ବର୍ଷର କାର୍ଯ୍ୟଖସଡା ପ୍ରସ୍ତୁତ କରିବାକୁ ସହମତ ହୋଇଥିଲେ । ସେମାନେ ସାଇବର ଓ ସାମୁଦ୍ରିକ ସୁରକ୍ଷା ଆଲୋଚନା ଏବଂ ଆତଙ୍କବାଦ, ନିଶାଦ୍ରବ୍ୟ ଓ ଅସ୍ତ୍ରଶସ୍ତ୍ର ଚାଲାଣ ପ୍ରସଙ୍ଗରେ ସୂଚନାର ସମୟଭିତ୍ତିକ ଆଦାନପ୍ରଦାନ ପାଇଁ ଏକ ବ୍ୟବସ୍ଥା ପ୍ରସ୍ତୁତ କରିବାକୁ ମଧ୍ୟ ସହମତ ହୋଇଥିଲେ । ନେତାଦ୍ୱୟ ଜାନୁଆରୀ ୨୦୨୫ ରେ ସ୍ୱାକ୍ଷରିତ ଦ୍ୱିପାକ୍ଷିକ ପ୍ରତିରକ୍ଷା ସହଯୋଗ କାର୍ଯ୍ୟକ୍ରମକୁ ପ୍ରଶଂସା କରିଥିଲେ ଯାହା ଦୁଇ ଦେଶ ମଧ୍ୟରେ ପ୍ରତିରକ୍ଷା ସହଭାଗୀତାକୁ ସ୍ଥୂଳ ରୂପ ଦେବ । ସେମାନେ ଆର୍ଥିକ ସମ୍ପର୍କକୁ ଆହୁରି ନିବିଡ଼ କରିବା ପାଇଁ ଭାରତ-ଗ୍ରୀସ୍-ସାଇପ୍ରସ୍ (IGC) ବ୍ୟବସାୟ ଏବଂ ନିବେଶ ପରିଷଦ ପ୍ରତିଷ୍ଠାକୁ ସ୍ୱାଗତ କରିଥିଲେ । ଉଭୟ ନେତା ବ୍ୟବସାୟ, ପର୍ଯ୍ୟଟନ, ଜ୍ଞାନ ଏବଂ ନବସୃଜନ ସଂଯୋଗକୁ ସୁଦୃଢ଼ କରିବା ପାଇଁ ବିମାନ ସଂଯୋଗ ବୃଦ୍ଧି କରିବା ଉପରେ ମଧ୍ୟ ଆଲୋଚନା କରିଥିଲେ । ପ୍ରଧାନମନ୍ତ୍ରୀ ଜୋର ଦେଇଥିଲେ ଯେ ଭାରତ ମଧ୍ୟ ପୂର୍ବ ୟୁରୋପ ଅର୍ଥନୈତିକ କରିଡର [IMEC] ଏହି କ୍ଷେତ୍ରରେ ଶାନ୍ତି ଏବଂ ସମୃଦ୍ଧି ଦିଗରେ ସହଯୋଗ ପ୍ରଦାନ କରିବ ।
ନେତାମାନେ ବହୁପାକ୍ଷିକତା ଏବଂ ଜାତିସଂଘ ସୁରକ୍ଷା ପରିଷଦ ସଂସ୍କାର ସମେତ ବିଶ୍ୱ ଶାସନ ପ୍ରତିଷ୍ଠାନର ସଂସ୍କାର ପ୍ରତି ସେମାନଙ୍କର ପ୍ରତିବଦ୍ଧତାକୁ ପୁନଃଦୋହରାଇଥିଲେ । ପ୍ରଧାନମନ୍ତ୍ରୀ ଏକ ସଂସ୍କାରିତ UNSCରେ ଭାରତର ସ୍ଥାୟୀ ସଦସ୍ୟତା ପାଇଁ ସାଇପ୍ରସର ସମର୍ଥନକୁ ଦୋହରାଇଥବା ଯୋଗୁଁ ରାଷ୍ଟ୍ରପତି କ୍ରିଷ୍ଟୋଡୋଲିଡେସଙ୍କୁ ଧନ୍ୟବାଦ ଜଣାଇଥିଲେ । ସେମାନେ ପଶ୍ଚିମ ଏସିଆ ଏବଂ ୟୁରୋପରେ ଚାଲିଥିବା ଦ୍ୱନ୍ଦ୍ୱ ସମେତ ବିଶ୍ୱ ପ୍ରସଙ୍ଗ ଉପରେ ମଧ୍ୟ ମତ ବିନିମୟ କରିଥିଲେ ।
ପ୍ରଧାନମନ୍ତ୍ରୀ ରାଷ୍ଟ୍ରପତି କ୍ରିଷ୍ଟୋଡୋଲିଡସ୍ଙ୍କୁ ଭାରତ ଗସ୍ତ ପାଇଁ ଆମନ୍ତ୍ରଣ କରିଥିଲେ । ଏହି ଗସ୍ତ ସମୟରେ ନିକୋସିଆ ବିଶ୍ୱବିଦ୍ୟାଳୟରେ ଏକ ଭାରତ ଅଧ୍ୟୟନ ICCR ଚେୟାର ପ୍ରତିଷ୍ଠା ପାଇଁ ଏକ ବୁଝାମଣାପତ୍ର ସ୍ୱାକ୍ଷରିତ ହୋଇଥିଲା । ବୈଠକ ପରେ ଭାରତ-ସାଇପ୍ରସ୍ ସହଭାଗୀତା ଉପରେ ଏକ ମିଳିତ ଘୋଷଣାନାମା ଜାରି କରାଯାଇଥିଲା ।
President Nikos Christodoulides and I held wide-ranging talks, covering the full range of India-Cyprus relations. It’s widely known that bilateral ties between our nations are time-tested. Today, we talked about cooperation in areas like defence, security, trade, technology,… pic.twitter.com/LmoOIZVjw9
— Narendra Modi (@narendramodi) June 16, 2025
We also discussed how to deepen cultural linkages. Yoga and Ayurveda are gaining popularity in Cyprus, which is gladdening to see. Tourism is another area where there is rich potential. We also deliberated on how to improve connectivity.
— Narendra Modi (@narendramodi) June 16, 2025
We are both convinced about the transformative potential of the India–Middle East–Europe Economic Corridor. This Corridor will boost peace and prosperity.
— Narendra Modi (@narendramodi) June 16, 2025
Ο Πρόεδρος Νίκος Χριστοδουλίδης και εγώ πραγματοποιήσαμε εκτενείς συνομιλίες, οι οποίες κάλυψαν όλο το φάσμα των σχέσεων Ινδίας-Κύπρου. Είναι ευρέως γνωστό ότι οι διμερείς δεσμοί μεταξύ των εθνών μας έχουν δοκιμαστεί στο χρόνο. Σήμερα, μιλήσαμε για τη συνεργασία στους τομείς της… pic.twitter.com/usLdXcuCv3
— Narendra Modi (@narendramodi) June 16, 2025
