ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ବିଭିନ୍ନ ରାଜ୍ୟ ପାଇଁ ହରିୟାଣାର ଗୁରୁଗ୍ରାମରେ ଆଜି ପ୍ରାୟ ୧ ଲକ୍ଷ କୋଟି ଟଙ୍କାର ୧୧୨ଟି ଜାତୀୟ ରାଜପଥ ପ୍ରକଳ୍ପର ଉଦଘାଟନ ଏବଂ ଶିଳାନ୍ୟାସ କରିଛନ୍ତି । ବୈଷୟିକ ଜ୍ଞାନକୌଶଳ ଜରିଆରେ ସାରା ଦେଶରୁ ଲକ୍ଷ ଲକ୍ଷ ଲୋକ ଏହି କାର୍ଯ୍ୟକ୍ରମ ସହ ଯୋଡ଼ି ହୋଇଥିଲେ।
ଏହି ଅବସରରେ ଉଦବୋଧନ ଦେଇ ପ୍ରଧାନମନ୍ତ୍ରୀ ଦିଲ୍ଲୀରେ କାର୍ଯ୍ୟକ୍ରମ ଆୟୋଜନ କରିବାର ସଂସ୍କୃତିଠାରୁ ଆରମ୍ଭ କରି ଦେଶର ଅନ୍ୟାନ୍ୟ ସ୍ଥାନରେ ବଡ଼ କାର୍ଯ୍ୟକ୍ରମ ଆୟୋଜନ ପର୍ଯ୍ୟନ୍ତ ପରିବର୍ତ୍ତନ ବିଷୟରେ ଉଲ୍ଲେଖ କରିଥିଲେ । ସେ କହିଥିଲେ ଯେ ଆଜି ଆଧୁନିକ ଯୋଗାଯୋଗ ଦିଗରେ ଦେଶ ଆଉ ଏକ ବଡ଼ ଏବଂ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛି । ଐତିହାସିକ ଦ୍ୱାରକା ଏକ୍ସପ୍ରେସୱେର ହରିୟାଣା ସେକ୍ସନକୁ ଲୋକାର୍ପଣ କରି ଖୁସି ବ୍ୟକ୍ତ କରି ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଏହା ଦିଲ୍ଲୀ ଏବଂ ହରିୟାଣା ମଧ୍ୟରେ ଯାତ୍ରା ଅନୁଭୂତିକୁ ସବୁଦିନ ପାଇଁ ବଦଳାଇଦେବ ଏବଂ "କେବଳ ଯାନବାହନରେ ନୁହେଁ ବରଂ ଏହି ଅଞ୍ଚଳର ଲୋକଙ୍କ ଜୀବନରେ ମଧ୍ୟ ପରିବର୍ତ୍ତନ ଆଣିବ"।
ପ୍ରକଳ୍ପଗୁଡ଼ିକର କାର୍ଯ୍ୟାନ୍ୱୟନର ଗତିରେ ପରିବର୍ତ୍ତନ ଉପରେ ଗୁରୁତ୍ୱାରୋପ କରି ପ୍ରଧାନମନ୍ତ୍ରୀ କହିଥିଲେ ଯେ ୨୦୨୪ର ତିନି ମାସରୁ କମ୍ ସମୟ ମଧ୍ୟରେ ୧୦ ଲକ୍ଷ କୋଟି ଟଙ୍କାରୁ ଅଧିକ ମୂଲ୍ୟର ପ୍ରକଳ୍ପକୁ ରାଷ୍ଟ୍ର ଉଦ୍ଦେଶ୍ୟରେ ସମର୍ପିତ କରାଯାଇଛି କିମ୍ବା ସେଗୁଡ଼ିକର ଶିଳାନ୍ୟାସ କରାଯାଇଛି । ଆଜିର ୧୦୦ରୁ ଅଧିକ ଟଙ୍କାର ପ୍ରକଳ୍ପ ମଧ୍ୟରେ ଦକ୍ଷିଣରେ କର୍ଣ୍ଣାଟକ, କେରଳ ଏବଂ ଆନ୍ଧ୍ରପ୍ରଦେଶର ଉନ୍ନୟନ ପ୍ରକଳ୍ପ, ଉତ୍ତର ପ୍ରଦେଶ ଏବଂ ହରିୟାଣା ସମ୍ବନ୍ଧୀୟ ଉନ୍ନୟନ ମୂଳକ କାର୍ଯ୍ୟ, ପୂର୍ବକୁ ପଶ୍ଚିମବଙ୍ଗ ଏବଂ ବିହାରର ପ୍ରକଳ୍ପ ପ୍ରତିନିଧିତ୍ୱ କରୁଥିବା ବେଳେ ପଶ୍ଚିମରୁ ମହାରାଷ୍ଟ୍ର, ପଞ୍ଜାବ ଏବଂ ରାଜସ୍ଥାନର ପ୍ରମୁଖ ପ୍ରକଳ୍ପ ରହିଛି। ଆଜିର ପ୍ରକଳ୍ପଗୁଡ଼ିକ ମଧ୍ୟରେ ଅମୃତସର ଭଟିଣ୍ଡା ଜାମନଗର କରିଡରରେ ୫୪୦ କିଲୋମିଟର ବୃଦ୍ଧି ଏବଂ ବେଙ୍ଗାଲୁରୁ ରିଙ୍ଗରୋଡର ବିକାଶ ଅନ୍ତର୍ଭୁକ୍ତ ବୋଲି ପ୍ରଧାନମନ୍ତ୍ରୀ କହିଛନ୍ତି।
ଶ୍ରୀ ନରେନ୍ଦ୍ର ମୋଦୀ ଭିତ୍ତିଭୂମି ବିକାଶର ପରିବର୍ତ୍ତନଶୀଳ ପ୍ରଭାବ ଉପରେ ଗୁରୁତ୍ୱାରୋପ କରିଥିଲେ ଏବଂ ସମସ୍ୟାରୁ ସମ୍ଭାବନାକୁ ପରିବର୍ତ୍ତନ ଉପରେ ଆଲୋକପାତ କରିଥିଲେ । ଆହ୍ୱାନକୁ ସୁଯୋଗରେ ପରିଣତ କରିବାର ଗୁରୁତ୍ୱ ଉପରେ ସେ ସୂଚନା ପ୍ରଦାନ କରିଥିଲେ, ଯାହା କି ତାଙ୍କ ଶାସନର ଏକ ପରିଚୟ ।
ଦ୍ୱାରକା ଏକ୍ସପ୍ରେସୱେର ଉଦାହରଣ ଦେଇ ପ୍ରଧାନମନ୍ତ୍ରୀ ମୋଦୀ ବାଧାବିଘ୍ନକୁ ଅଭିବୃଦ୍ଧିର ବାଟରେ ପରିଣତ କରିବା ପାଇଁ ତାଙ୍କ ସରକାରଙ୍କ ପ୍ରତିଶ୍ରୁତିବଦ୍ଧତାର ପ୍ରମାଣ ବୋଲି ଦର୍ଶାଇଥିଲେ। ଅତୀତରେ ଯେଉଁ ଅଞ୍ଚଳରେ ଏକ୍ସପ୍ରେସ ୱେ ନିର୍ମାଣ କରାଯାଉଛି ତାହାକୁ କିପରି ଅସୁରକ୍ଷିତ ବୋଲି ବିବେଚନା କରାଯାଉଥିଲା ଏବଂ ସୂର୍ଯ୍ୟାସ୍ତ ପରେ ମଧ୍ୟ ଲୋକେ ଏହି ସ୍ଥାନକୁ ଯିବାକୁ ଚାହୁଁ ନଥିଲେ ବୋଲି ସେ ମନେ ପକାଇଥିଲେ। ତେବେ ଆଜି ଏହା ପ୍ରମୁଖ ନିଗମମାନଙ୍କ ପାଇଁ ଏକ ହବ୍ ଭାବରେ କାର୍ଯ୍ୟ କରୁଛି, ଯାହା ଜାତୀୟ ରାଜଧାନୀ ଅଞ୍ଚଳ (ଏନସିଆର)ର ଦ୍ରୁତ ବିକାଶରେ ଯୋଗଦାନ କରୁଛି ।
ଦ୍ୱାରକା ଏକ୍ସପ୍ରେସୱେକୁ ଦିଲ୍ଲୀର ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦର ସହ ସଂଯୋଗ କରିବାର ରଣନୈତିକ ଗୁରୁତ୍ୱ ଉପରେ ପ୍ରଧାନମନ୍ତ୍ରୀ ଆଲୋକପାତ କରିଥିଲେ । ସେ ଗୁରୁତ୍ୱାରୋପ କରିଥିଲେ ଯେ ଏଭଳି ଭିତ୍ତିଭୂମି ପ୍ରକଳ୍ପଗୁଡିକ ଯୋଗାଯୋଗକୁ ବଢ଼ାଇଥାଏ, ଯାହା ଦ୍ରୁତ ଅର୍ଥନୈତିକ କାର୍ଯ୍ୟକଳାପ ଏବଂ ଏନସିଆରର ଉନ୍ନତ ଏକୀକରଣକୁ ଆଗେଇ ନେଇଥାଏ ।
ଭିତ୍ତିଭୂମି ପ୍ରକଳ୍ପଗୁଡ଼ିକୁ ଠିକ୍ ସମୟରେ ଶେଷ କରିବା ଦିଗରେ ହରିୟାଣା ସରକାର ବିଶେଷ କରି ମୁଖ୍ୟମନ୍ତ୍ରୀ ମନୋହର ଲାଲ୍ ଖଟ୍ଟରଙ୍କ ଉଦ୍ୟମକୁ ପ୍ରଧାନମନ୍ତ୍ରୀ ମୋଦୀ ପ୍ରଶଂସା କରିଛନ୍ତି। ବିକଶିତ ହରିୟାଣା ଏବଂ ବିକଶିତ ଭାରତ ପାଇଁ ଗୁରୁତ୍ୱପୂର୍ଣ୍ଣ ରାଜ୍ୟର ଭିତ୍ତିଭୂମିର ଆଧୁନିକୀକରଣ ପାଇଁ ସେମାନଙ୍କ ସମର୍ପଣକୁ ସେ ପ୍ରଶଂସା କରିଥିଲେ।
ପ୍ରଧାନମନ୍ତ୍ରୀ ଦିଲ୍ଲୀ-ଏନସିଆର ଅଞ୍ଚଳରେ ଭିତ୍ତିଭୂମି ବିକାଶ ପାଇଁ ତାଙ୍କ ସରକାରଙ୍କ ସାମଗ୍ରିକ ଦୃଷ୍ଟିକୋଣକୁ ଦୋହରାଇଥିଲେ । ଦ୍ୱାରକା ଏକ୍ସପ୍ରେସୱେ, ପେରିଫେରାଲ ଏକ୍ସପ୍ରେସୱେ ଏବଂ ଦିଲ୍ଲୀ-ମେରଟ ଏକ୍ସପ୍ରେସୱେ ଭଳି ପ୍ରମୁଖ ପ୍ରକଳ୍ପଗୁଡିକୁ ଠିକ୍ ସମୟରେ ଶେଷ କରିବା ଉପରେ ସେ ଗୁରୁତ୍ୱାରୋପ କରିଥିଲେ । ମେଟ୍ରୋ ଲାଇନର ସମ୍ପ୍ରସାରଣ ଏବଂ ଅନ୍ତର୍ଜାତୀୟ ବିମାନବନ୍ଦର ନିର୍ମାଣ ସହିତ ଏହି ପ୍ରକଳ୍ପଗୁଡ଼ିକର ଉଦ୍ଦେଶ୍ୟ ହେଉଛି ଟ୍ରାଫିକ ଭିଡ଼କୁ ହ୍ରାସ କରିବା ଏବଂ ଏହି ଅଞ୍ଚଳରେ ପ୍ରଦୂଷଣ ହ୍ରାସ କରିବା । "ଏକବିଂଶ ଶତାବ୍ଦୀର ଭାରତ ହେଉଛି ବଡ଼ ଦୃଷ୍ଟିକୋଣ ଏବଂ ବଡ଼ ଲକ୍ଷ୍ୟର ଭାରତ", ପ୍ରଧାନମନ୍ତ୍ରୀ କହିଥିଲେ ।
ଭିତ୍ତିଭୂମି ବିକାଶ ଏବଂ ଦାରିଦ୍ର୍ୟ ଦୂରୀକରଣ ମଧ୍ୟରେ ସମ୍ପର୍କ ଉପରେ ପ୍ରଧାନମନ୍ତ୍ରୀ ମୋଦୀ ଗୁରୁତ୍ୱାରୋପ କରିବା ସହ ଗ୍ରାମାଞ୍ଚଳରେ ଉନ୍ନତ ସଡ଼କ ଏବଂ ଡିଜିଟାଲ ଯୋଗାଯୋଗ କିପରି ଗ୍ରାମବାସୀଙ୍କ ପାଇଁ ନୂତନ ସୁଯୋଗ ସୃଷ୍ଟି କରେ ତାହା ଉପରେ ଆଲୋକପାତ କରିଥିଲେ । ଡିଜିଟାଲ ଭିତ୍ତିଭୂମି ଏବଂ ସ୍ୱାସ୍ଥ୍ୟ ସେବା ଏବଂ ଶିକ୍ଷା ଭଳି ଅତ୍ୟାବଶ୍ୟକ ସେବା ର ଉପଲବ୍ଧତା ଦ୍ୱାରା ଗ୍ରାମୀଣ ଭାରତରେ ନୂତନ ସମ୍ଭାବନାର ଆବିର୍ଭାବ ବିଷୟରେ ସେ ଉଲ୍ଲେଖ କରିଥିଲେ । ବିଗତ ୧୦ ବର୍ଷ ମଧ୍ୟରେ ୨୫ କୋଟି ଭାରତୀୟଙ୍କୁ ଦାରିଦ୍ର୍ୟମୁକ୍ତ କରିବାରେ ଏଭଳି ପଦକ୍ଷେପ ସହାୟକ ହୋଇଛି ଏବଂ ଭାରତ ପଞ୍ଚମ ବୃହତ୍ତମ ବିଶ୍ୱ ଅର୍ଥନୀତିରେ ପରିଣତ ହୋଇଛି ବୋଲି ସେ ଆହୁରି କହିଛନ୍ତି ଯେ ଦେଶରେ ଏହି ଦ୍ରୁତ ଭିତ୍ତିଭୂମି ନିର୍ମାଣ କାର୍ଯ୍ୟ ଭାରତକୁ ବିଶ୍ୱର ତୃତୀୟ ବୃହତ୍ତମ ଅର୍ଥନୈତିକ ଶକ୍ତିରେ ପରିଣତ କରିବ । ସମଗ୍ର ଭାରତରେ ଭିତ୍ତିଭୂମି ବିକାଶକୁ ତ୍ୱରାନ୍ୱିତ କରିବା ପାଇଁ ସରକାରଙ୍କ ପ୍ରତିଶ୍ରୁତିବଦ୍ଧତାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୋହରାଇଛନ୍ତି। ଏଭଳି ପଦକ୍ଷେପ କେବଳ ଦେଶର ଅର୍ଥନୀତିକୁ ସୁଦୃଢ଼ କରିବ ନାହିଁ ବରଂ ବିଶେଷ କରି ଯୁବବର୍ଗଙ୍କ ପାଇଁ ଅନେକ ନିଯୁକ୍ତି ସୁଯୋଗ ସୃଷ୍ଟି କରିବ ବୋଲି ସେ ଗୁରୁତ୍ୱାରୋପ କରିଥିଲେ।
ଇଷ୍ଟର୍ଣ୍ଣ ପେରିଫେରାଲ ଏକ୍ସପ୍ରେସୱେ (୨୦୦୮ରେ ୨୦୧୮ରେ ସମ୍ପୂର୍ଣ୍ଣ ହୋଇଥିବା), ଦ୍ୱାରକା ଏକ୍ସପ୍ରେସୱେ ଭଳି ବର୍ତ୍ତମାନର ସରକାରଙ୍କ ଦ୍ୱାରା ସମ୍ପୂର୍ଣ୍ଣ ହୋଇଥିବା ଅନେକ ଦୀର୍ଘ ଦିନର ଅଟକି ରହିଥିବା ପ୍ରକଳ୍ପ ବିଷୟରେ ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ । ଆଜି ଆମ ସରକାର ଯେଉଁ କାର୍ଯ୍ୟର ଶିଳାନ୍ୟାସ କରୁଛନ୍ତି, ତାହାକୁ ଠିକ୍ ସମୟରେ ଶେଷ କରିବା ପାଇଁ କଠିନ ପରିଶ୍ରମ କରୁଛନ୍ତି। ତା'ପରେ ନିର୍ବାଚନ ହେଉଛି କି ନାହିଁ ତାହା ଆମେ ଦେଖୁନାହୁଁ। ଗାଁରେ ଲକ୍ଷ ଲକ୍ଷ କିଲୋମିଟର ଅପ୍ଟିକ୍ ଫାଇବର, ଛୋଟ ସହରରେ ଏୟାରପୋର୍ଟ, ରାସ୍ତା ଭଳି ପ୍ରକଳ୍ପ ନିର୍ବାଚନ ସମୟ ନିର୍ବିଶେଷରେ ଶେଷ ହୋଇଛି।
ପ୍ରଧାନମନ୍ତ୍ରୀ କହିଛନ୍ତି, "ପୂର୍ବରୁ ବିଳମ୍ବ ହେଉଥିଲା, ଏବେ ଡେଲିଭରି ହେଉଛି। ପୂର୍ବରୁ ବିଳମ୍ବ ହେଉଥିଲା, ଏବେ ବିକାଶ ହୋଇଛି। ସେ କହିଛନ୍ତି ଯେ ୯ ହଜାର କିଲୋମିଟର ହାଇସ୍ପିଡ୍ କରିଡର ସୃଷ୍ଟି କରିବା ଉପରେ ଗୁରୁତ୍ୱ ଦିଆଯାଉଛି ଯେଉଁଥିରୁ ୪ ହଜାର କିଲୋମିଟର ନିର୍ମାଣ ହୋଇସାରିଛି । ୨୦୧୪ ରେ ୫ଟି ସହର ତୁଳନାରେ ମେଟ୍ରୋ ୨୧ଟି ସହରରେ ପହଞ୍ଚିଛି। ବିକାଶ ଲକ୍ଷ୍ୟନେଇ ଏହି କାମ କରାଯାଉଛି। ଉଦ୍ଦେଶ୍ୟ ଠିକ୍ ହେଲେ ଏହି ସବୁ କାର୍ଯ୍ୟ ହୋଇଥାଏ। ଆଗାମୀ ୫ ବର୍ଷ ମଧ୍ୟରେ ବିକାଶର ଏହି ଗତି ବହୁଗୁଣିତ ହେବ ବୋଲି ପ୍ରଧାନମନ୍ତ୍ରୀ କହିଛନ୍ତି ।
ଏହି ଅବସରରେ ହରିୟାଣା ରାଜ୍ୟପାଳ ଶ୍ରୀ ବନ୍ଦାରୁ ଦତ୍ତାତ୍ରେୟ, ମୁଖ୍ୟମନ୍ତ୍ରୀ ଶ୍ରୀ ମନୋହର ଲାଲ, କେନ୍ଦ୍ରମନ୍ତ୍ରୀ ଶ୍ରୀ ନିତିନ ଗଡକରୀ, ଶ୍ରୀ ରାଓ ଇନ୍ଦ୍ରଜିତ୍ ସିଂ, ଶ୍ରୀ କ୍ରିଷନ ପାଲ, ହରିୟାଣାର ଉପମୁଖ୍ୟମନ୍ତ୍ରୀ ଶ୍ରୀ ଦୁଃଶ୍ୟ ଚୌଟାଲା ପ୍ରମୁଖ ଉପସ୍ଥିତ ଥିଲେ।
ପୃଷ୍ଠଭୂମି
ଜାତୀୟ ରାଜପଥ-୪୮ରେ ଦିଲ୍ଲୀ ଓ ଗୁରୁଗ୍ରାମ ମଧ୍ୟରେ ଟ୍ରାଫିକ୍ ପ୍ରବାହରେ ଉନ୍ନତି ଆଣିବା ଏବଂ ଭିଡ଼ ହ୍ରାସ କରିବା ପାଇଁ ପ୍ରଧାନମନ୍ତ୍ରୀ ଐତିହାସିକ ଦ୍ୱାରକା ଏକ୍ସପ୍ରେସୱେର ହରିୟାଣା ସେକ୍ସନକୁ ଉଦଘାଟନ କରିଥିଲେ । ୮ ଲେନ୍ ବିଶିଷ୍ଟ ଦ୍ୱାରକା ଏକ୍ସପ୍ରେସୱେର ୧୯ କିଲୋମିଟର ଦୀର୍ଘ ହରିୟାଣା ସେକ୍ସନ ପ୍ରାୟ ୪,୧୦୦ କୋଟି ଟଙ୍କା ବ୍ୟୟରେ ନିର୍ମିତ ହୋଇଛି ଏବଂ ଏଥିରେ ୧୦.୨ କିଲୋମିଟର ଦୀର୍ଘ ଦିଲ୍ଲୀ-ହରିୟାଣା ସୀମାରୁ ବସାଇ ରେଳ ଓଭର ବ୍ରିଜ୍ (ଆରଓବି) ଏବଂ ୮.୭ କିଲୋମିଟର ଦୀର୍ଘ ବସାଇ ଆରଓବିରୁ ଖେରକି ଦୌଲା ପର୍ଯ୍ୟନ୍ତ ଦୁଇଟି ପ୍ୟାକେଜ୍ ଅନ୍ତର୍ଭୁକ୍ତ । ଏହା ଦିଲ୍ଲୀର ଆଇଜିଆଇ ବିମାନବନ୍ଦର ଏବଂ ଗୁରୁଗ୍ରାମ ବାଇପାସ୍ କୁ ସିଧାସଳଖ ସଂଯୋଗ ପ୍ରଦାନ କରିବ ।
୯.୬ କିଲୋମିଟର ଦୀର୍ଘ ୬ ଲେନ୍ ବିଶିଷ୍ଟ ଅର୍ବାନ ଏକ୍ସଟେନ୍ସନ୍ ରୋଡ୍-୨ (ୟୁଇଆର୍-୨)- ନାଙ୍ଗଲୋଇ-ନଜଫଗଡ଼ ରୋଡରୁ ଦିଲ୍ଲୀର ସେକ୍ଟର ୨୪ ଦ୍ୱାରକା ସେକ୍ସନ୍ ପର୍ଯ୍ୟନ୍ତ ପ୍ୟାକେଜ୍-୩; ଉତ୍ତରପ୍ରଦେଶରେ ପ୍ରାୟ ୪,୬୦୦ କୋଟି ଟଙ୍କା ବ୍ୟୟରେ ଲକ୍ଷ୍ନୌ ରିଙ୍ଗରୋଡର ତିନୋଟି ପ୍ୟାକେଜ୍ ବିକଶିତ ହୋଇଛି। ଆନନ୍ଦପୁରମ୍ – ପେନ୍ଦୁର୍ଥି - ଆନ୍ଧ୍ରପ୍ରଦେଶ ରାଜ୍ୟରେ ପ୍ରାୟ ୨,୯୫୦ କୋଟି ଟଙ୍କା ବ୍ୟୟରେ ଜାତୀୟ ରାଜପଥ ୧୬ ର ଅନାକାପଲ୍ଲୀ ସେକ୍ସନ ବିକଶିତ ହୋଇଛି। ହିମାଚଳ ପ୍ରଦେଶରେ ପ୍ରାୟ ୩,୪୦୦ କୋଟି ଟଙ୍କା ମୂଲ୍ୟର ଜାତୀୟ ରାଜପଥ-୨୧ (୨ଟି ପ୍ୟାକେଜ୍)ର କିରତପୁରରୁ ନେରଚକ ସେକ୍ସନ୍; ଡୋବାସପେଟ - ହେସକୋଟ ସେକ୍ସନ (ଦୁଇଟି ପ୍ୟାକେଜ) କର୍ଣ୍ଣାଟକରେ ୨,୭୫୦ କୋଟି ଟଙ୍କା ମୂଲ୍ୟର ଏବଂ ଦେଶର ବିଭିନ୍ନ ରାଜ୍ୟରେ ୨୦,୫୦୦ କୋଟି ଟଙ୍କାର ଅନ୍ୟ ୪୨ଟି ପ୍ରକଳ୍ପ ସାମିଲ୍ ରହିଛି।
ପ୍ରଧାନମନ୍ତ୍ରୀ ସାରା ଦେଶରେ ବିଭିନ୍ନ ଜାତୀୟ ରାଜପଥ ପ୍ରକଳ୍ପର ଶିଳାନ୍ୟାସ କରିଥିଲେ । ଆନ୍ଧ୍ରପ୍ରଦେଶରେ ୧୪,୦୦୦ କୋଟି ଟଙ୍କା ମୂଲ୍ୟର ବେଙ୍ଗାଲୁରୁ - କଡାପ୍ପା - ବିଜୟୱାଡା ଏକ୍ସପ୍ରେସୱେର ୧୪ଟି ପ୍ୟାକେଜ ପାଇଁ ଶିଳାନ୍ୟାସ କରାଯିବ। କର୍ଣ୍ଣାଟକରେ ୮,୦୦୦ କୋଟି ଟଙ୍କାର ଜାତୀୟ ରାଜପଥ-୭୪୮ଏର ବେଲଗାମ - ହୁଙ୍ଗୁଣ୍ଡ - ରାଇଚୁର ସେକ୍ସନର ୬ ଟି ପ୍ୟାକେଜ୍; ହରିୟାଣାରେ ୪,୯୦୦ କୋଟି ଟଙ୍କା ମୂଲ୍ୟର ଶାମଲି - ଅମ୍ବାଲା ରାଜପଥର ତିନୋଟି ପ୍ୟାକେଜ୍; ଅମୃତସରର ଦୁଇଟି ପ୍ୟାକେଜ୍ - ପଞ୍ଜାବରେ ୩,୮୦୦ କୋଟି ଟଙ୍କାର ଭଟିଣ୍ଡା କରିଡର; ଏହା ସହିତ ଦେଶର ବିଭିନ୍ନ ରାଜ୍ୟରେ ୩୨,୭୦୦ କୋଟି ଟଙ୍କାର ୩୯ଟି ପ୍ରକଳ୍ପ ରହିଛି।
ଏହି ପ୍ରକଳ୍ପଗୁଡ଼ିକ ଜାତୀୟ ରାଜପଥ ନେଟୱାର୍କର ଅଭିବୃଦ୍ଧି ଦିଗରେ ଗୁରୁତ୍ୱପୂର୍ଣ୍ଣ ଯୋଗଦାନ ଦେବା ସହିତ ସାମାଜିକ-ଅର୍ଥନୈତିକ ଅଭିବୃଦ୍ଧିକୁ ପ୍ରୋତ୍ସାହିତ କରିବା, ନିଯୁକ୍ତି ସୁଯୋଗ ବୃଦ୍ଧି କରିବା ଏବଂ ଦେଶର ବିଭିନ୍ନ ଅଞ୍ଚଳରେ ବାଣିଜ୍ୟ ଏବଂ ବ୍ୟବସାୟକୁ ପ୍ରୋତ୍ସାହିତ କରିବାରେ ସହାୟକ ହେବ ।
Next-gen infrastructure for 'Viksit Bharat.' pic.twitter.com/htVRhqeC3A
— PMO India (@PMOIndia) March 11, 2024
21वीं सदी का भारत बड़े विजन का भारत है।
— PMO India (@PMOIndia) March 11, 2024
ये बड़े लक्ष्यों का भारत है। pic.twitter.com/VJE6k5dYeD
देश में तेजी से हो रहा इंफ्रास्ट्रक्चर निर्माण का काम, भारत को उतनी ही तेजी से दुनिया की तीसरी सबसे बड़ी आर्थिक ताकत भी बनाएगा। pic.twitter.com/tZONdCcjIo
— PMO India (@PMOIndia) March 11, 2024
Honouring taxpayers. pic.twitter.com/0WkABpNQlO
— PMO India (@PMOIndia) March 11, 2024
