ସେୟାର
 
Comments
PM Modi inaugurates Y01 Naturopathic Wellness Centre in New York via video conferencing

ନମସ୍କାର, ପ୍ରାକୃତିକ ଚିକିତ୍ସା କେନ୍ଦ୍ରର ଉଦଘାଟନ ଅବସରରେ ନ୍ୟୁୟର୍କ ରାଜ୍ୟରେ ଏକତ୍ରିତ ହୋଇଥିବା ମାନ୍ୟଗଣ୍ୟ ବ୍ୟକ୍ତି ଓ ନିମନ୍ତ୍ରିତ ଅତିଥିଗଣ, ଅନ୍‌ଲାଇନରେ ଏବଂ ଟେଲିଭିଜନରେ ଏହି କାର୍ଯ୍ୟକ୍ରମ ଦେଖୁଥିବା ଦର୍ଶକଗଣ । ଭଦ୍ର ମହିଳା ଓ ଭଦ୍ର ବ୍ୟକ୍ତିମାନେ, ଅନ୍ତରାଷ୍ଟ୍ରୀୟ ଯୋଗ ଦିବସ ଅବସରରେ ଅନେକ ଅନେକ ଶୁଭେଚ୍ଛା ।

ଆଜି ସକାଳେ, ହିମାଳୟର ପାଦ ଦେଶରେ ଅବସ୍ଥିତ ସୁନ୍ଦର ଡେରାଡୁନ ସହରରେ ସମାଜର ବିଭିନ୍ନ ବର୍ଗର ହଜାର ହଜାର ଲୋକଙ୍କ ସହିତ ଏକାଠି ହୋଇ ଏହି ଉତ୍ସବକୁ ପାଳନ କରି ମୁଁ ବେଶ ଆନନ୍ଦିତ । ବିଗତ କିଛି ଦିନ ହେବ ସମଗ୍ର ଦୁନିଆର ଲୋକ ଏହି ସମାରୋହରେ ଭାଗ ନେଉଥିବାର ସ୍ପଷ୍ଟ ଚିତ୍ର ମୁଁ ଦେଖି ପାରୁଛି । କେବଳ ମାତ୍ର ତିନି ବର୍ଷ ମଧ୍ୟରେ ଏହି କାର୍ଯ୍ୟକ୍ରମ ବିଶ୍ୱବ୍ୟାପୀ ଏକ ସାର୍ବଜନିକ ଆନ୍ଦୋଳନ ଭାବେ ଜନ୍ମ ନେଇଛି । ଅନେକ ଦେଶରେ ଏହା ସାର୍ବଜନିକ ଜୀବନର ଏକ ଅଭିନ୍ନ ଅଙ୍ଗ ପାଲଟି ଯାଇଛି । ଦୈନନ୍ଦିନ ଅନୁଧ୍ୟାନରୁ ଏହାର ପ୍ରଭାବ ସୁଦୂର ପ୍ରସାରୀ ବୋଲି ଅନୁଭବ କରାଯାଉଛି । ଅନ୍ତରାଷ୍ଟ୍ରୀୟ ଯୋଗ ଦିବସ ପାଳନ ଅବସରରେ, ମୁଁ ତିନୋଟି ଭିନ୍ନ ଭିନ୍ନ ବିଷୟ ଅନୁଧ୍ୟାନ କରୁଛି । ଅନ୍ୟ କେତେକ ଦେଶରେ ମଧ୍ୟ ତାହା ସେହି ସମାନ ବିଷୟ ବୋଲି ମୁଁ ବିଶ୍ୱାସ କରୁଛି ।

ସର୍ବ ପ୍ରଥମେ, ଏହା ଲକ୍ଷ ଲକ୍ଷ ଲୋକଙ୍କ ପାଇଁ ଦୀକ୍ଷାର ଅବସର ପାଲଟି ଯାଇଛି । ଯୋଗ ଭାବନାରେ ପ୍ରେରିତ ହୋଇ ସେମାନେ ନିଜକୁ ଏଥିରେ ସାମିଲ କରିବା ପାଇଁ ପ୍ରତିଶ୍ରୁତିବଦ୍ଧ ହୋଇଛନ୍ତି ।

ଦ୍ୱିତୀୟରେ, ଏହା ହେଉଛି ଏକ ଅବସର ଯେତେବେଳେ ଯୋଗ ସହିତ ପୂର୍ବରୁ ଜଡିତ ସେହି ଲୋକମାନେ ନିଜକୁ ନିଜେ ଅନୁଧାବନ କରିବା ପାଇଁ ସମର୍ପିତ ହୋଇଛନ୍ତି ।

ତୃତୀୟରେ, ଏକ ସୁନ୍ଦର ଶବ୍ଦର ପରିପ୍ରକାଶ । ହଜାର ହଜାର ବ୍ୟକ୍ତି ଓ ସଂସ୍ଥାନ, ଯୋଉଁମାନେ ପ୍ରଥମରୁ ଯୋଗ ମାଧ୍ୟମରେ କିଛି ପ୍ରାପ୍ତ କରିଛନ୍ତି, ସେମାନେ ଅନ୍ୟମାନଙ୍କ ପାଖରେ ପହଞ୍ଚୁଛନ୍ତି ଯେଉଁମାନଙ୍କ ପାଖରେ ଏହା ପହଞ୍ଚି ନାହିଁ । ଏହି ପ୍ରକ୍ରିୟାରେ ଅନ୍ତରାଷ୍ଟ୍ରୀୟ ଯୋଗ ଦିବସ, ବିଶ୍ୱର ଅନେକ ଭାଗରେ ଉତ୍ସବ ଭାବେ ପାଳନ କରାଯାଉଛି । ଯୋଗ ଶବ୍ଦର ଅର୍ଥ ହେଉଛି ‘ଏକାଠି ହେବା’ ଯୋଡିବା । ସେଥିପାଇଁ, ଯୋଗ ପ୍ରତି ରୁଚି ବା ଆଗ୍ରହ ବୃଦ୍ଧି ପାଉଛି । ମୋର ବିଶ୍ୱାସ ଯେ, ଯୋଗ ସମଗ୍ର ବିଶ୍ୱକୁ ଏକାଠି ବାନ୍ଧି ରଖିବାର ଶକ୍ତି ପାଲଟିବ ।

ମୁଁ ଆନନ୍ଦିତ ଯେ, ଆପଣମାନେ ଅନ୍ତରାଷ୍ଟ୍ରୀୟ ଯୋଗ ଦିବସକୁ ପ୍ରାକୃତିକ ଆରୋଗ୍ୟ କେନ୍ଦ୍ର ଉଦଘାଟନ ଦିବସ ଭାବେ ବାଛିଛନ୍ତି । ମୁଁ ଆଶାବାଦୀ ଯେ ଏହି କେନ୍ଦ୍ର ଯୋଗର ମହତ୍ୱ ସହିତ ସମନ୍ୱିତ ହୋଇ ଆପଣମାନଙ୍କର ସମସ୍ତ ପଦକ୍ଷେପ ଓ କାର୍ଯ୍ୟକ୍ରମକୁ ସୁଦୃଢ କରିବାରେ ପ୍ରୟାସ କରିବ ।
ବନ୍ଧୁଗଣ, ପାରମ୍ପରିକ ଭାରତୀୟ ଜ୍ଞାନ ବ୍ୟବସ୍ଥା, ଯେପରି ଯୋଗ ଏବଂ ଆୟୁର୍ବେଦ, ଆମକୁ ସୁସ୍ଥ ରଖିବାରେ ସାହାଯ୍ୟ କରେ । ତାହା ଆମ ଶରୀର ଏବଂ ମସ୍ତିଷ୍କ ଉଭୟର ଅନ୍ତର୍ନିହିତ ଦୁର୍ବଳତାକୁ ଦୂର କରିବାରେ ମାର୍ଗଦର୍ଶନ କରିଥାଏ । ଏହା ହେଉଛି ସେହି ବ୍ୟବସ୍ଥା, ଯାହା ଲୋକଙ୍କୁ ଆରୋଗ୍ୟ ଏବଂ ସମ୍ମାନ ପ୍ରଦାନ କରିଥାଏ । ଏହା ପ୍ରତି ସେମାନଙ୍କର ଦୃଷ୍ଟିକୋଣ ନା ଅନଧିକାର ପ୍ରବେଶ ଅଥବା ଅଚାନକ ନୁହେଁ । ଏହା ବେଳେ ବେଳେ ପାରମ୍ପରିକ ଉପଚାର ଏବଂ ଏହାକୁ ଉପଯୋଗ କରୁଥିବା ଲୋକଙ୍କ ଜୀବନରେ ପରିବର୍ତ୍ତନ ଓ ସତେଜତା ଆଣିଥାଏ । ଆଧୁନିକ ଜୀବନ ଶୈଳୀ ଆମ ଶରୀର ଓ ମସ୍ତିଷ୍କକୁ ସୁପ୍ତ କରିଦେଇଥାଏ । । ସ୍ୱାସ୍ଥ୍ୟ ରକ୍ଷା ଦିଗରେ ପାରମ୍ପରିକ ଉପଚାର ବେଶ ଗୁରୁତ୍ୱପୂର୍ଣ୍ଣ, କିନ୍ତୁ ଦୁର୍ଭାଗ୍ୟ ଜନକ ଭାବେ ଏହା ଆରୋଗ୍ୟ ଅପେକ୍ଷା ଅଧିକ ପ୍ରତିରୋଧକାରୀ । ଏକଥା କେହି ଅସ୍ୱୀକାର କରିବେ ନାହିଁ ଯେ, ଆମେ ବର୍ତ୍ତମାନର ବିଶାଳ ସ୍ୱାସ୍ଥ୍ୟଗତ ଆହ୍ୱାନର ସମାଧାନ କରିବା ପାଇଁ ପାରମ୍ପରିକ ଔଷଧର ଆବଶ୍ୟକତା ରହିଛି । କିନ୍ତୁ ଏହା ମଧ୍ୟ ସତ୍ୟ ଅବା ତଥ୍ୟ ଯେ, ଉଭୟ ମଧ୍ୟରେ ଅନେକ ଅସମାହିତ ପ୍ରଭେଦ ରହିଛି । ସମଗ୍ର ଦୁନିଆର ସ୍ୱାସ୍ଥ୍ୟ ବିଶେଷଜ୍ଞ ମାନେ ଏବେ ଏହି ତଥ୍ୟକୁ ସ୍ୱୀକାର କରିବା ସହିତ ପ୍ରଶଂସା କରୁଛନ୍ତି କି ଯୋଗ ଏବଂ ଆର୍ୟୁବେଦ ଭଳି ପଦ୍ଧତି ପାରମ୍ପରିକ ଔଷଧିୟ ବ୍ୟବସ୍ଥା ଠାରୁ ବହୁତ ଭଲ ଏବଂ ପରିପୂରକ ମଧ୍ୟ । ଏହି ସାମଗ୍ରିକ ପଦ୍ଧତି ଆରୋଗ୍ୟ ଏବଂ ପ୍ରତିଶେଧକ ଉପରେ ଧ୍ୟାନ କେନ୍ଦ୍ରୀତ କରିଥାଏ । ଏହି ସାମଗ୍ରିକ ପଦ୍ଧତି ଆପଣେଇବା ଦ୍ୱାରା ବ୍ୟକ୍ତି ଏବଂ ସମୁଦାୟର ସ୍ୱାସ୍ଥ୍ୟ ଏବଂ ଆରୋଗ୍ୟର ମାତ୍ରା ବୃଦ୍ଧି କରିଥାଏ । କେତେକ ଲୋକଙ୍କ ଧାରଣା ଯେ ଯୋଗ କେବଳ ବ୍ୟାୟାମ ଓ ମୁଦ୍ରା ମଧ୍ୟରେ ସୀମିତ । କିନ୍ତୁ ଏଥିରେ ମନ, ଶରୀର ଏବଂ ଆତ୍ମା ମଧ୍ୟରେ ଗଭୀର ଅନ୍ୱେଷଣ ସାମିଲ ହୋଇ ରହିଥାଏ । ନିଜେ ନିଜକୁ ଅଧିକ ପରିମାଣରେ ବୁଝିବା ପାଇଁ ଏହା ଭିନ୍ନ ଭାବକୁ ଜନ୍ମ ଦେଇଥାଏ । ଚିନ୍ତାରୁ ମୁକ୍ତି, ମୋକ୍ଷ ମାର୍ଗରେ ଆମକୁ ଅଗ୍ରସର କରାଇବାରେ ଯୋଗ ହେଉଛି ଏକ ଗଭୀର ଦର୍ଶନ ।

ବନ୍ଧୁଗଣ,

ମୁଁ ସବୁବେଳେ ବଶ୍ୱାସ କରି ଆସିଛି ଯେ, ଯୋଗର କୌଣସି ଧର୍ମ ନାହିଁ । ଏଥିରେ ବ୍ୟବହାରିକ ପଦକ୍ଷେପ ରହିଛି ଯାହା ପ୍ରତ୍ୟେକଙ୍କୁ ଲାଭ ଦେଇପାରେ, ଏପରିକି ସେମାନଙ୍କୁ ଯେଉଁମାନେ ନିଜକୁ ଧାର୍ମିକ ବୋଲି ଭାବନ୍ତି ନାହିଁ । ଆଧୁନିକ ଯୋଗ ପଦ୍ଧତିରେ ସବୁବେଳେ ପ୍ରାଚୀନ ତତ୍ତ୍ଵ ଏବଂ ଜ୍ଞାନ ସାମିଲ ହୋଇ ରହିଛି । ତାହା ହେଉଛି ମୌଳିକ ଏବଂ ନୈତିକ ସିଦ୍ଧାନ୍ତ, ଶରୀରକୁ ସୁସ୍ଥ ରଖିବା ପାଇଁ ବିଭିନ୍ନ ମୁଦ୍ରା, ଆଧ୍ୟାତ୍ମିକ ଦର୍ଶନ, ଗୁରୁମାନଙ୍କର ନିର୍ଦ୍ଦେଶ, ମନ୍ତ୍ର ଜପ କରିବା, ଶ୍ୱାସ କ୍ରିୟାକୁ ଶାନ୍ତ କରିବା ଏବଂ ଧ୍ୟାନ ମାଧ୍ୟମରେ ମସ୍ତିଷ୍କକୁ ସ୍ଥିର ରଖିବା । ଯୋଗ ବ୍ୟକ୍ତିର ଜୀବନ ଶୈଳୀରେ ପରିବର୍ତ୍ତନ ଆଣିବା ଉପରେ ଗୁରୁତ୍ୱ ଦିଏ, ଫଳରେ ଜୀବନ ଶୈଳୀରେ ଦେଖାଦେଉଥିବା ବ୍ୟତିକ୍ରମକୁ ସହଜରେ ରୋକାଯାଇ ପାରିବ ଓ ନିୟନ୍ତ୍ରିତ କରାଯାଇ ପାରିବ । ଯୋଗ ବିଶେଷଜ୍ଞମାନେ ନିଜର ଦୈନନ୍ଦିନ ଅଭ୍ୟାସକୁ ନିଜ ମଧ୍ୟରେ ବେଶ ଲାଭ ପ୍ରଦାନକାରୀ ଭାବିଥାଆନ୍ତି, ଯାହାଦ୍ୱାରା ସ୍ୱାସ୍ଥ୍ୟରେ ଉନ୍ନତି, ଚିନ୍ତା ଶକ୍ତିରେ ବିକାଶ ଏବଂ ମାନସିକ ସ୍ପଷ୍ଟତା ଆଉ ଜୀବନରେ ଆନନ୍ଦ ମିଳିଥାଏ । ବିଶ୍ୱାସ କରାଯାଏ ଯେ, କିଛି ଯୋଗ ମୁଦ୍ରା ଏବଂ ପ୍ରାଣାୟାମ ଅନେକ ରୋଗକୁ ନିୟନ୍ତ୍ରିତ କରିବାରେ ସାହାଯ୍ୟ କରିଥାଏ, ଯାହା ଶତାବ୍ଦୀ ଶତାବ୍ଦୀ ଧରି ଭାରତରେ ପ୍ରଚଳିତ ହେଉଛି । ଏବେ ଆଧୁନିକ ବିଜ୍ଞାନ ଏଥିପାଇଁ ନିର୍ଭର ଯୋଗ୍ୟ ସହାୟତା ପ୍ରଦାନ କରୁଛି । ବିଜ୍ଞାନ ଏହା ଦର୍ଶାଇଛି ଯେ ଯୋଗ ମାଧ୍ୟମରେ ହୃଦୟ, ମସ୍ତିଷ୍କ, ଅନ୍ତସ୍ରାବୀ ଗ୍ରନ୍ଥୀ ସହିତ ଶରୀର ଅନେକ ଅଙ୍ଗର କାର୍ଯ୍ୟକୁ ନିୟନ୍ତ୍ରିତ କରିବା ସମ୍ଭବ ହୋଇଥାଏ ।

ଆଜି, ପାଶ୍ଚାତ୍ୟ ଦେଶରେ ଯୋଗ ପ୍ରତି ଦୃତ ଗତିରେ ଆଗ୍ରହ ବୃଦ୍ଧି ପାଉଛି । ଏହା କହିବା ଅତିଶୟୋକ୍ତି ହେବ ନାହିଁ ଯେ ପାଶ୍ଚାତ୍ୟ ଦୁନିଆରେ ଯୋଗକୁ ବହୁତ ପ୍ରଶଂସା କରାଯାଉଛି । ମୋତେ ଅବଗତ କରାଯାଇଛି ଯେ, କେବଳ ଯୁକ୍ତରାଷ୍ଟ୍ର ଆମେରିକାରେ 20 ନିୟୁତରୁ ଅଧିକ ଲୋକ ଯୋଗ ଅଭ୍ୟାସ କରୁଛନ୍ତି ଏବଂ ପ୍ରତି ବର୍ଷ ସେମାନଙ୍କ ସଂଖ୍ୟା ପାଞ୍ଚ ପ୍ରତିଶତ ବୃଦ୍ଧି ପାଇବାରେ ଲାଗିଛି । ଯୁକ୍ତରାଷ୍ଟ୍ର ଆମେରିକା ଏବଂ ୟୁରୋପରେ ଅନେକ ଆଧୁନିକ ଚିକିତ୍ସା ସଂସ୍ଥାନ ଯୋଗକୁ ଅନେକ ବ୍ୟତିକ୍ରମ ପାଇଁ ବିକଳ୍ପ ଉପଚାର ଭାବେ ଆପଣାଇଛନ୍ତି । ବିଳମ୍ବରେ ହେଲେ ମଧ୍ୟ ଯୋଗ ଉପରେ ବହୁତ ଗବେଷଣା କରାଯାଉଛି । ଭାରତ ସରକାର ସାର୍ବଜନିକ ସ୍ୱାସ୍ଥ୍ୟ ସେବାରେ ପରିକ୍ଷାମୂଳକ ଭାବେ ପାରମ୍ପରିକ ପଦ୍ଧତି ବ୍ୟବହାର କରିବା ପାଇଁ ପ୍ରତିଶ୍ରୃତିବଦ୍ଧ । ବିଗତ ବର୍ଷ ଆମେ ଘେଷଣା କରିଥିବା ରାଷ୍ଟ୍ରୀୟ ସ୍ୱାସ୍ଥ୍ୟ ନୀତିରେ ପ୍ରତିଶେଧକ ଆରୋଗ୍ୟ ବ୍ୟବସ୍ଥା ଉପରେ ଗୁରୁତ୍ୱ ଦେଇଛୁ । ଆମେ ସାରା ଦେଶରେ ସଂକ୍ରାମକ ରୋଗର ନିୟନ୍ତ୍ରଣ ଓ ପ୍ରତିରୋଧ ପାଇଁ ବ୍ୟାପକ କାର୍ଯ୍ୟକ୍ରମ ଆରମ୍ଭ କରିଛୁ । ଭାରତ ହେଉଛି ବିଶ୍ୱର ଦ୍ୱିତୀୟ ସବୁଠାରୁ ଅଧିକ ଜନସଂଖ୍ୟା ଥିବା ବିଶାଳ ଦେଶ । ଆଜି ଗ୍ରହଣ ଯାଉଥିବା ପଦକ୍ଷେପରୁ ପରିଣାମ ମିଳିବା ପାଇଁ ହୁଏତ କିଛି ବର୍ଷ ଲାଗିବ କିନ୍ତୁ ମୋର ସଂପୂର୍ଣ୍ଣ ବିଶ୍ୱାସ ଫଳପ୍ରଦ ପରିଣାମ ଖୁବଶୀଘ୍ର ଦୃଶ୍ୟମାନ ହେବ ।

ଶେଷରେ, ମୁଁ ପୁଣିଥରେ କହିବାକୁ ଚାହିଁବି କି ଆପଣଙ୍କର ପ୍ରକୃତିକ ଆରୋଗ୍ୟ ସୁବିଧା, ଯେଉଁମାନେ ଏଠାକୁ ଆରାମ ଏବଂ ଆରୋଗ୍ୟ ଲାଭ କରିବାକୁ ଆସିବେ ସେମାନଙ୍କୁ ଯୋଗର ସୁଫଳ ପ୍ରଦାନ କରିବା ଦିଗରେ କାର୍ଯ୍ୟ କରିବ । ମୁଁ ଏହା ଜାଣି ଆନନ୍ଦିତ ଯେ, ଆପଣଙ୍କର ଆରୋଗ୍ୟ କେନ୍ଦ୍ର ମଣିଷର ବ୍ୟକ୍ତିଗତ ଜୀବନର ଅବଷାଦ ଦୂର କରିବା ପ୍ରତ୍ୟେକ ପଦକ୍ଷେପରେ ସାହାଯ୍ୟ କରିବ । ଏହା ଗୁରୁତ୍ୱପୂର୍ଣ୍ଣ ଯେ ସାରା ଜୀବନ ଆରୋଗ୍ୟ ରଖିବା ଏହାର ଉଦ୍ଦେଶ୍ୟ । ମୁଁ ଭାବୁଛି ଯେ, ବୈଜ୍ଞାନିକ ଦୃଷ୍ଟିକୋଣରୁ ପ୍ରାମାଣିକତା ଏବଂ ବିଶ୍ୱାସ ପ୍ରତି ସମ୍ମାନ ଏହି ଉଦ୍ଦେଶ୍ୟରେ ନିହିତ ରହିଛି । ଏହିଭଳି ଦୃଷ୍ଟିକୋଣ ସହିତ ଆରୋଗ୍ୟ କେନ୍ଦ୍ର ଆନ୍ଦୋଳନ ମହତ୍ୱପୂର୍ଣ୍ଣ ଯୋଗଦାନ ଦେଇପାରିବ ଆଉ ଯୁକ୍ତରାଷ୍ଟ୍ର ଆମେରିକାରେ ବୃହତ ସଂଖ୍ୟାର ଲୋକ ଯୋଗର ଲାଭ ପାଇପାରିବେ । ଏହା ମଧ୍ୟ ମେତେ ଆନନ୍ଦ ପ୍ରଦାନ କରୁଛି ଯେ ଆପଣଙ୍କର ଏହି କେନ୍ଦ୍ର ପ୍ରତ୍ୟେକ୍ଷ ଭାବେ ପାଞ୍ଚ ଶହ ଏବଂ ଅପ୍ରତ୍ୟକ୍ଷ ଭାବେ ପନ୍ଦର ଶହ ନିଯୁକ୍ତି ସୁଯୋଗ ସୃଷ୍ଟି କରିପାରିବ । ଏହିପରି ଭାବେ ଏହା ସମୁଦାୟର ଗୁରୁତ୍ୱପୂର୍ଣ୍ଣ ସଦସ୍ୟ ହୋଇପାରିବ । ଆପଣମାନଙ୍କର ଏହି ଉଦ୍ୟମ ପାଇଁ ମୁଁ ଶୁଭକାମନା ଜଣାଉଛି ।

ଧନ୍ୟବାଦ । ବହୁତ ବହୁତ ଧନ୍ୟବାଦ

 

 

ପ୍ରଧାନମନ୍ତ୍ରୀ ମୋଦୀଙ୍କ 'ମନ କି ବାତ' ପାଇଁ ଆପଣଙ୍କ ବିଚାର ଏବଂ ଅନ୍ତର୍ଦୃଷ୍ଟି ପଠାନ୍ତୁ !
20ଟି ଫୋଟଚିତ୍ର 20 ବର୍ଷର ସେବା ଓ ସମର୍ପଣର ବ୍ୟାଖ୍ୟା କରୁଛି
Explore More
ଆମକୁ ‘ଚଳେଇ ନେବା’ ମାନସିକତାକୁ ଛାଡି  'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ

ଲୋକପ୍ରିୟ ଅଭିଭାଷଣ

ଆମକୁ ‘ଚଳେଇ ନେବା’ ମାନସିକତାକୁ ଛାଡି 'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ
Powering the energy sector

Media Coverage

Powering the energy sector
...

Nm on the go

Always be the first to hear from the PM. Get the App Now!
...
Social Media Corner 18th October 2021
October 18, 2021
ସେୟାର
 
Comments

India congratulates and celebrates as Uttarakhand vaccinates 100% eligible population with 1st dose.

Citizens appreciate various initiatives of the Modi Govt..