କିରଗିଜ ପ୍ରଜାତନ୍ତ୍ରର ରାଷ୍ଟ୍ରପତି ମହାନୁଭବ ଶ୍ରୀ ଆଲମେଜବେକ ଆତମବାୟେଭ,
ଉପସ୍ଥିତ ଭଦ୍ରମହିଳା ଓ ଭଦ୍ରବ୍ୟକ୍ତିଗଣ ଏବଂ ଗଣମାଧ୍ୟମର ସଦସ୍ୟବୃନ୍ଦ ।
ରାଷ୍ଟ୍ରପତି ଆଲମାଜବେକ ଆତମବାୟେଭଙ୍କୁ ତାଙ୍କ ପ୍ରଥମ ଆନୁଷ୍ଠାନିକ ଭାରତ ଗସ୍ତ ଅବସରରେ ସ୍ଵାଗତ କରିବାର ସୁଯୋଗ ପାଇ ମୁଁ ଖୁବ ଆନନ୍ଦିତ । ରାଷ୍ଟ୍ରପତି ମହୋଦୟ, ଗତ ବର୍ଷ ମୋର କିରଗିଜ ପ୍ରଜାତନ୍ତ୍ର ଗସ୍ତ କାଳରେ ଆପଣ ମୋତେ ଯେଉଁ ଭବ୍ୟ ସ୍ଵାଗତ ସମ୍ବର୍ଦ୍ଧନା ଓ ଆତିଥେୟତା ପ୍ରଦାନ କରିଥିଲେ, ତାର ସ୍ମୃତି ମୋ ମନରେ ସତେଜ ରହିଛି । ଏବେ ଆପଣଙ୍କ ଭାରତ ଗସ୍ତ ଆମର ସହଯୋଗ ଏବଂ ବିଭିନ୍ନ ପର୍ଯ୍ୟାୟର ଯୋଗାଯୋଗର ମାତ୍ରାକୁ ଆହୁରି ବୃଦ୍ଧି କରିବାରେ ଯଥେଷ୍ଟ ମାତ୍ରାରେ ସହାୟକ ହେବ । ଭାରତ ଓ କିରଗିଜସ୍ତାନ ମଧ୍ୟରେ ଶହ ଶହ ବର୍ଷର ଐତିହାସିକ ଯୋଗସୂତ୍ର ଓ ସମ୍ପର୍କ ରହିଆସିଛି ଯାହା ସଦ୍ଭାବନାରେ ଭରପୂର । ଉଭୟ ଦେଶର ଜନସାଧାରଣଙ୍କ ମଧ୍ୟରେ ସହଯୋଗର ଏକ ବିଚିତ୍ର ଉଷ୍ମତା ରହିଛି ଯାହା କେନ୍ଦ୍ର ଏସିଆ ପର୍ଯ୍ୟନ୍ତ ବ୍ୟାପ୍ତ । ପୁଣି ଗଣତାନ୍ତ୍ରିକ ମୂଲ୍ୟବୋଧ ଓ ପରମ୍ପରା ଉପରେ ଉଭୟ ରାଷ୍ଟ୍ର ସମାନ ଭାବେ ଆସ୍ଥାବାଦୀ । କିରଗିଜସ୍ତାନରେ ଗଣତାନ୍ତ୍ରିକ ପରମ୍ପରାର ଏକ ସୁଦୃଢ଼ ଭିତ୍ତି ସ୍ଥାପନର ସବୁ ଶ୍ରେୟ ରାଷ୍ଟ୍ରପତି ଶ୍ରୀ ଆତମବାୟେଭଙ୍କୁ ଯାଏ ।
ବନ୍ଧୁଗଣ,
ଆମର ଦ୍ଵିପାକ୍ଷିକ ସହଯୋଗ ପ୍ରସଙ୍ଗରେ ରାଷ୍ଟ୍ରପତି ଆତମବାୟେଭ ଏବଂ ମୁଁ ବ୍ୟାପକ ଆଲୋଚନା କରୁଛୁ । ସେହି ଦ୍ଵିପାକ୍ଷିକ ସହଯୋଗ ପରିସରକୁ ବ୍ୟାପକ ଓ ନିବିଡ କରିବା ଉପରେ ଆମେ ଗୁରୁତ୍ଵାରୋପ କରୁଛୁ । ସେହିପରି ଆତଙ୍କବାଦ, ଉଗ୍ରବାଦ ଏବଂ ମୌଳବାଦ ଭଳି ସମାନ ଚାଲେଞ୍ଜଠାରୁ ଆମ ଯୁବଗୋଷ୍ଠୀ ଓ ସମାଜକୁ କିପରି ସୁରକ୍ଷିତ ରଖାଯାଇପାରିବ ସେହି ପ୍ରସଙ୍ଗରେ ଆମେ ଆଲୋଚନା କରୁଛୁ । ଉପୟ ପକ୍ଷ ଉପକାରସିଦ୍ଧ ହେବା ଭଳି ଏପରି ଚାଲେଞ୍ଜର ମୁକାବିଲା ସକାଶେ ଆମେ ଘନିଷ୍ଠତାର ସହ କାନ୍ଧକୁ କାନ୍ଧ ମିଳାଇ କାର୍ଯ୍ୟ କରିବା ସକାଶେ ସହମତ ହୋଇଛୁ । କେନ୍ଦ୍ର ଏସୀୟ କ୍ଷେତ୍ରକୁ ଦୀର୍ଘକାଳୀନ ଶାନ୍ତି, ସ୍ଥିରତା ଓ ସମୃଦ୍ଧିର କ୍ଷେତ୍ରରେ ପରିଣତ କରିବା ସକାଶେ ଆମର ସମାନ ଲକ୍ଷ୍ୟରେ କିରଗିଜ ପ୍ରଜାତନ୍ତ୍ର ଏକ ବଳିଷ୍ଠ ସହଯୋଗୀ ବୋଲି ଆମେ ବିବେଚନା କରୁ । ଏହି ସବୁ ପ୍ରସଙ୍ଗରେ ମିଳିତ ଭାବେ କାର୍ଯ୍ୟ କରିବା ନିମନ୍ତେ ସାଂଘାଇ ସହଯୋଗ ସଂଗଠନ (ଏସସିଓ) ଆମକୁ ମୂଲ୍ୟବାନ କାର୍ଯ୍ୟଯୋଜନାର ଢ଼ାଂଚା ଯୋଗାଇଦେଇପାରିବ ।
ବନ୍ଧୁଗଣ,
ରାଷ୍ଟ୍ରପତି ଆତମାବାୟେଭ ଏବଂ ମୁଁ ପ୍ରତିରକ୍ଷା କ୍ଷେତ୍ରରେ ଆମର ସହଯୋଗ କାର୍ଯ୍ୟକ୍ରମର ସମୀକ୍ଷା କରୁଛୁ । କିରଗିଜ-ଭାରତ ପାର୍ବତ୍ୟ ବାୟୋ-ମେଡିକାଲ ଗବେଷଣା କେନ୍ଦ୍ର ଆମ ସହଯୋଗର ଏକ ସଫଳ ଉଦାହରଣ । ଏହା ଏକ ସଫଳ ଓ ଉପକାରସିଦ୍ଧ ଗବେଷଣା ପ୍ରୟାସ ଏବଂ ଏହାକୁ ଆମେ ଆଗକୁ ବଢାଇବାକୁ ଚାହୁଁ । ପୁନଶ୍ଚ, କିରଗିଜ ପ୍ରଜାତନ୍ତ୍ରରେ ଆମେ ଏକ କିରଗିଜ-ଭାରତ ମିଳିତ ସାମରିକ ତାଲିକ କେନ୍ଦ୍ର ସ୍ଥାପନ ଦିଗରେ କାର୍ଯ୍ୟ ଆରମ୍ଭ କରିଛୁ । ଆତଙ୍କବାଦ ନିରୋଧୀ ଆମର ମିଳିତ ସାମରିକ ଅଭ୍ୟାସ ଏକ ବାର୍ଷିକ କାର୍ଯ୍ୟକ୍ରମରେ ପରିଣତ ହୋଇଛି । ଏହାର ପରବର୍ତ୍ତୀ କାର୍ଯ୍ୟକ୍ରମ କିରଗିଜ ପ୍ରତାନ୍ତ୍ରରେ ଆସନ୍ତା ବର୍ଷ ପ୍ରାରମ୍ଭରେ ଆୟୋଜନ କରାଯିବ ।
ବନ୍ଧୁଗଣ,
ଆମ ଦୁଇ ରାଷ୍ଟ୍ରଙ୍କ ମଧ୍ୟରେ ଆର୍ଥିକ ସହଯୋଗକୁ ଘନିଷ୍ଠ କରିବାର ଆବଶ୍ୟକତା ନେଇ ରାଷ୍ଟ୍ରପତି ଆତମବାୟେଭ ଏବଂ ମୁଁ ସହମତ ହୋଇଛୁ । ଏହି ଉଦ୍ଦେଶ୍ୟ ହାସଲ ନିମନ୍ତେ ଆମେ ଦ୍ଵିପାକ୍ଷିକ ବାଣିଜ୍ୟ ଓ ଆର୍ଥିକ ସହଯୋଗକୁ ସୁଦୃଢ଼ କରିବା ଦିଗରେ କାର୍ଯ୍ୟ କରୁଛୁ ଏବଂ ଦୁଇ ଦେଶର ଲୋକ-ଲୋକଙ୍କ ମଧ୍ୟରେ ଅଧିକ ପ୍ରତ୍ୟକ୍ଷ ସମ୍ପର୍କ ପାଇଁ ପ୍ରୟାସ ଜାରି ରଖିବୁ । ସ୍ଵାସ୍ଥ୍ୟସେବା, ପର୍ଯ୍ୟଟନ, ସୂଚନା ପ୍ରଯୁକ୍ତି, କୃଷି, ଖଣିଖନନ ଓ ଶକ୍ତି କ୍ଷେତ୍ରରେ ଉଭୟ ଦେଶର ଶିଳ୍ପ ଓ ବାଣିଜ୍ୟ ସଂସ୍ଥାମାନେ ଅଧିକ ସହଯୋଗ କରିବା ପାଇଁ ଆମେ ପ୍ରୋତ୍ସାହନ ଯୋଗାଇଦେବୁ । ଆମେ ଆମର ବିକାଶ ସହଯୋଗକୁ ବୃଦ୍ଧି କରିବା ସହ ଲୋକମାନଙ୍କ ଦକ୍ଷତା ବୃଦ୍ଧି ଓ ତାଲିମ ପ୍ରଦାନ ଲାଗି ନିଷ୍ପତ୍ତି ଗ୍ରହଣ କରିଛୁ । ଏଭଳି କାର୍ଯ୍ୟକ୍ରମରେ ଉଭୟ ଦେଶର ନାଗରିକଙ୍କୁ କେନ୍ଦ୍ରବିନ୍ଦୁ ଭାବେ ଗ୍ରହଣ କରାଯାଇଛି । କିରଗିଜ ପ୍ରଜାତନ୍ତ୍ର ସହ ବୈଷୟିକ ଓ ଆର୍ଥିକ ସହଯୋଗ କାର୍ଯ୍ୟକ୍ରମରେ ଆମେ ଯୁବଗୋଷ୍ଠୀଙ୍କ ଆଦାନପ୍ରଦାନ ଉପରେ ବିଶେଷ ଗୁରୁତ୍ଵ ଆରୋପ କରିଛୁ । ଆଜି ସ୍ଵାକ୍ଷରିତ ବୁଝାମଣା ଏବଂ ପୂର୍ବରୁ ହୋଇଥିବା ସହମତ ଏ ଦିଗରେ କାର୍ଯ୍ୟ କରିବାକୁ ସହାୟକ ହେବ । କେନ୍ଦ୍ର ଏସିଆ କ୍ଷେତ୍ର ସହ ପ୍ରଥମ ପ୍ରୟାସ ସ୍ଵରୂପ, ଆମେ ଗତବର୍ଷ କିରଗିଜ ପ୍ରଜାତନ୍ତ୍ର ସହ ଏକ ଟେଲି ମେଡିସିନ ସଂଯୋଗ ସ୍ଥାପନ କରିଥିଲୁ । କିରଗିଜ ପ୍ରଜାତନ୍ତ୍ରର ଅନ୍ୟାନ୍ୟ କ୍ଷେତ୍ରକୁ ଏହି କାର୍ଯ୍ୟକ୍ରମର ସଂପ୍ରସାରଣ ସକାଶେ ଆମେ ଏବେ ଆବଶ୍ୟକ ପଦକ୍ଷେପ ଗ୍ରହଣ କରୁଛୁ ।
ବନ୍ଧୁଗଣ,
୨୦୧୭ ମସିହା ମାର୍ଚ୍ଚ ମାସରେ ଭାରତ ଓ କିରଗିଜ ପ୍ରଜାତନ୍ତ୍ର ପରସ୍ପର ମଧ୍ୟରେ କୂଟନୈତିକ ସମ୍ପର୍କ ସ୍ଥାପନର ୨୫ତମ ବାର୍ଷିକୀ ପାଳନ କରିବେ । ଏହି ମାଇଲଖୁଂଟର ଆମେ ଯେତିକି ନିକଟତର ହେଉଛୁ, ରାଷ୍ଟ୍ରପତି ଆତମବାୟେଭଙ୍କ ଭାରତ ଗସ୍ତ ଏହି ପ୍ରକ୍ରିୟାକୁ ଆଗେଇ ନେବା ଓ ସମ୍ପର୍କକୁ ଆହୁରି ନିବିଡ କରିବା ଦିଗରେ ଯଥେଷ୍ଟ ସହାୟକ ହେବ । ନିକଟରେ ଆମ ମଧ୍ୟରେ ହୋଇଥିବା ଆଲୋଚନା ଏବଂ ଆଗାମୀ ମାସ ଏବଂ ବର୍ଷରେ ଆମର ସମ୍ପର୍କର ଡୋରୀକୁ ଆହୁରି ମଜଭୁତ କରିବ । ରାଷ୍ଟ୍ରପତି ଆତମବାୟେଭଙ୍କ ଭାରତ ଗସ୍ତ ସ୍ମରଣୀୟ ଏବଂ ଫଳପ୍ରସୂ ହେଉ ବୋଲି ମୁଁ କାମନା କରୁଛି ।
ଆପଣମାନଙ୍କୁ ଧନ୍ୟବାଦ ।
ଆପଣମାନଙ୍କୁ ସମସ୍ତଙ୍କୁ ଅଶେଷ ଧନ୍ୟବାଦ ।
The relationship between India and the Kyrgyz Republic is filled with goodwill from centuries of shared historical links: PM @narendramodi
— PMO India (@PMOIndia) December 20, 2016
We discussed how we could work together to secure our youth & society against common challenges of terrorism, extremism & radicalism: PM
— PMO India (@PMOIndia) December 20, 2016
Kyrgyz Republic is a valuable partner in our common pursuit of making Central Asia a region of sustainable peace, stability & prosperity: PM
— PMO India (@PMOIndia) December 20, 2016
President Atambaev and I agreed on the need to connect our economies more deeply: PM @narendramodi
— PMO India (@PMOIndia) December 20, 2016
We will work to strengthen bilateral trade and economic linkages and facilitate greater people-to-people exchanges: PM @narendramodi
— PMO India (@PMOIndia) December 20, 2016
PM @narendramodi on economic ties: We will encourage engagement in healthcare, tourism, IT, agriculture, mining and energy. pic.twitter.com/Zz1W60O92N
— Vikas Swarup (@MEAIndia) December 20, 2016
— Vikas Swarup (@MEAIndia) December 20, 2016
PM @narendramodi: We have decided to build on our development cooperation including in capacity building and training. pic.twitter.com/BIgHnitJx5
— Vikas Swarup (@MEAIndia) December 20, 2016
PM concludes: As we approach 25 years of diplomatic relations President's visit will drive our efforts of deepening our partnership. pic.twitter.com/48rZXaZ2wS
— Vikas Swarup (@MEAIndia) December 20, 2016
