पंतप्रधान नरेंद्र मोदी यांच्याशी आज फिनलंड प्रजासत्ताकाचे राष्ट्राध्यक्ष अलेक्झांडर स्टब यांनी दूरध्वनीवरून संवाद साधला.
राष्ट्राध्यक्ष स्टब यांनी युक्रेनमधील संघर्ष सोडवण्याबाबत युरोप, अमेरिका आणि युक्रेनच्या नेत्यांमध्ये वॉशिंग्टनमध्ये झालेल्या अलिकडच्या बैठकींवरील आपले मूल्यांकन पंतप्रधान मोदी यांच्यासमोर मांडले.
पंतप्रधान मोदी यांनी संघर्षाचे शांततापूर्ण निराकरण तसेच शांतता आणि स्थैर्याची लवकरच पुनर्स्थापना याबाबत भारताच्या सातत्यपूर्ण पाठिंब्याचा पुनरुच्चार केला.
दोन्ही नेत्यांनी भारत-फिनलंड द्विपक्षीय संबंधांमधील प्रगतीचा आढावा घेतला आणि क्वांटम तंत्रज्ञान, 6जी, कृत्रिम बुद्धिमत्ता, सायबर सुरक्षा आणि शाश्वतता यासारख्या उदयोन्मुख क्षेत्रात भागीदारी वाढविण्याच्या आपल्या वचनबद्धतेचा पुनरुच्चार केला.
राष्ट्राध्यक्ष स्टब यांनी परस्पर फायदेशीर असणारा भारत-युरोपियन युनियन मुक्त व्यापार कराराची अंमलबजावणी लवकर करण्यासाठी फिनलंडचा पाठिंबा असल्याचे पुन्हा एकदा अधोरेखित केले. भारताने 2026 मध्ये आयोजित केलेल्या कृत्रिम बुद्धिमत्ता प्रभाव शिखर संमेलनाच्या यशासाठी फिनलंडच्या राष्ट्राध्यक्षांनी पाठिंबा दर्शविला.
पंतप्रधान नरेंद्र मोदी यांनी राष्ट्रपती स्टब यांना लवकरात लवकर भारत भेटीवर येण्याचे निमंत्रण दिले. दोन्ही नेत्यांनी परस्पर संपर्क कायम राखण्यास संमती दर्शवली.
Had a good conversation with President Alexander Stubb. Finland is a valued partner in the EU. Discussed ways to strengthen cooperation in key sectors such as trade, technology and sustainability. Exchanged perspectives on the ongoing efforts for peaceful resolution of the…
— Narendra Modi (@narendramodi) August 27, 2025
