وزیر اعظم جناب نریندر مودی کو آج جمہوریہ فن لینڈ کے صدر عزت مآب الیکزینڈر اسٹب کی جانب سے ایک فون کال موصول ہوئی۔
صدر اسٹب نے یوکرین میں تنازعے کے حل پر واشنگٹن میں یورپ، امریکہ اور یوکرین کے رہنماؤں کے درمیان ہونے والی حالیہ ملاقاتوں کے بارے میں اپنا تجزیہ ساجھا کیا۔
وزیر اعظم مودی نے تنازعے کے پرامن حل اور امن و استحکام کی جلد بحالی کے لیے ہندوستان کی پیہم حمایت کا اعادہ کیا۔
دونوں رہنماؤں نے ہندوستان-فن لینڈ کے باہمی تعلقات میں پیشرفت کا بھی جائزہ لیا اور کوانٹم تکنالوجیوں، 6جی، مصنوعی ذہانت، سائبر سیکورٹی اور پائیداری سمیت ابھرتے ہوئے شعبوں میں شراکت داری میں اضافے کے اپنے عزم کا اعادہ کیا۔
صدر اسٹب نے باہمی طور پر فائدہ مند ہندوستان-یورپی یونین آزاد تجارتی معاہدے کو جلد از جلد حتمی شکل دینے کے لیے فن لینڈ کی حمایت کا اعادہ کیا۔ انہوں نے 2026 میں ہندوستان کی میزبانی میں منعقد ہونے والے اے آئی امپیکٹ سربراہ اجلاس کی کامیابی کے لیے حمایت کی بھی تصدیق کی۔
وزیر اعظم نے صدر اسٹب کو جلد ہی بھارت آنے کی دعوت دی۔ دونوں قائدین نے رابطے میں بنے رہنے پر اتفاق کیا۔
Had a good conversation with President Alexander Stubb. Finland is a valued partner in the EU. Discussed ways to strengthen cooperation in key sectors such as trade, technology and sustainability. Exchanged perspectives on the ongoing efforts for peaceful resolution of the…
— Narendra Modi (@narendramodi) August 27, 2025
