ঙসি রিপব্লিক ওফ ফিনলেন্দগী রাস্ত্রপতি ঐচ.ই. এলেকজেন্দর স্তবনা প্রধান মন্ত্রী শ্রী নরেন্দ্র মোদীদা তেলিফোন তৌরকখ্রে।
রাস্ত্রপতি স্তবনা য়ুক্রেনগী লানগী মতাংদা ৱারোইশিন পুরক্নবা য়ুরোপ, য়ুনাইতেদ স্তেৎস অমসুং য়ুক্রেনগী লুচিংবশিংনা ৱাশিংতনদা পাংথোকখিবা হন্দক্কী মীফমশিং অদুগী মতাংদা মহাক্কী এসেসমেন্ত অদু পাউদমখি।
প্রধান মন্ত্রী মোদীনা লান অসিগী শান্তি ওইনা ৱারোইশিন পুরক্নবগীদমক অমসুং ঙন্না শান্তি অমদি তংদু লৈতাবা পুরক্নবগীদমক ভারতনা লেপ্পা লৈতনা শৌগৎলি হায়না অমুক হন্না ফোংদোকখ্রে।
লুচিংবশিংনা ইন্দিয়া-ফিনলেন্দ বাইলেতরেলগী মরীদা খুমাং চাউশিল্লিবা অদুসু য়েংশিনখি অমসুং ক্বান্তম তেক্নোলোজীশিং, 6G, আর্তিফিসিএল ইন্তেলিজেন্স, সাইবরসেক্যুরিতী অমসুং সস্তেনেবিলিতী য়াওনা অনৌবা লমশিংদা পার্তনরশিপ হেনগৎহন্নবা মখোয়গী ফিরেপ নৌনা ফোংদোকখি।
রাস্ত্রপতি স্তবনা নাকল অনিমক্তা কান্নবা ফংহনগদবা ইন্দিয়া-EU ফ্রী ত্রেদ এগ্রীমেন্ত অমা ঙন্না লোইশিন্নবগীদমক ফিনলেন্দনা শৌগৎলি ফোংদোকখি। মহাক্না 2026তা ভারতনা য়ুম্বু ওইগদৌরিবা AI ইম্পেক্ত সম্মিৎ অসি মায়পাক্নবগীদমক মতেং পীগনিসু ফোংদোকখি।
প্রধান মন্ত্রীনা রাস্ত্রপতি স্তবতা ভারত্তা অথুবা মতমদা লাকপীনবা বর্তন তৌখি। লুচিংবশিংনা অদুমক পাউ ফাওনদুনা লৈনবা য়ানখি।
Had a good conversation with President Alexander Stubb. Finland is a valued partner in the EU. Discussed ways to strengthen cooperation in key sectors such as trade, technology and sustainability. Exchanged perspectives on the ongoing efforts for peaceful resolution of the…
— Narendra Modi (@narendramodi) August 27, 2025
