पंतप्रधान नरेंद्र मोदी यांच्या अध्यक्षतेखालील आर्थिक व्यवहारविषयक मंत्रिमंडळ समितीने आज कर्नाटक आणि आंध्र प्रदेशातील बेल्लारी-गुंटकल विभागासाठी तिसऱ्या आणि चौथ्या रेल्वे मार्गाच्या कामाला मंजुरी दिली. या प्रकल्पाचा एकूण खर्च अंदाजे 1,264 कोटी रुपये इतका आहे.
हा प्रकल्प पीएम-गती शक्ती राष्ट्रीय बृहत आराखडानुसार आखण्यात आला असून, एकात्मिक नियोजन आणि हितधारकांशी सल्लामसलत करून, मल्टी-मोडल कनेक्टिव्हिटी आणि लॉजिस्टिक कार्यक्षमता वाढवण्यावर लक्ष केंद्रित करण्यात आले आहे. हा प्रकल्प प्रवासी, वस्तू आणि सेवांच्या वाहतुकीसाठी अखंड कनेक्टिव्हिटी प्रदान करेल.
कर्नाटक आणि आंध्र प्रदेश या राज्यांमधील 3 जिल्ह्यांचा समावेश असलेला हा प्रकल्प भारतीय रेल्वेच्या सध्याच्या नेटवर्कचा सुमारे 46 किलोमीटर विस्तार करेल.
प्रस्तावित मल्टी-ट्रॅकिंग प्रकल्पामुळे 99 गावांची कनेक्टिव्हिटी सुधारणार असून, याचा लाभ सुमारे सात लाख नागरिकांना मिळेल.
क्षमता वाढल्यामुळे बल्लारी किल्ला आणि श्री कुमार स्वामी मंदिर यासारख्या देशातल्या अनेक प्रमुख पर्यटन स्थळांची रेल्वे कनेक्टिव्हिटी सुधारेल.
प्रस्तावित प्रकल्प लोहखनिज, डोलोमाईट, चुनखडी, लोह आणि पोलाद, कोळसा, खते, अन्नधान्य इत्यादी वस्तूंच्या वाहतुकीसाठी महत्वाचा आहे. क्षमता विकासाच्या कामांमुळे 16.22 एमटीपीए (दशलक्ष टन प्रतिवर्ष) क्षमतेची अतिरिक्त मालवाहतूक होईल. रेल्वे हे पर्यावरणस्नेही आणि ऊर्जा कार्यक्षम वाहतुकीचे साधन असल्यामुळे, हवामान विषयक उद्दिष्टे साध्य करायला आणि देशाचा लॉजिस्टिक खर्च कमी करायला सहाय्य होईल. यामुळे देशाची तेलाची आयात (1.32 कोटी लिटर) कमी होईल आणि कार्बन उत्सर्जन (6.67 कोटी किलो) कमी होईल, जे 0.27 कोटी झाडांची लागवड करण्याइतके प्रभावी आहे.
रेल्वे मार्गाच्या वाढत्या क्षमतेमुळे गतिशीलतेत लक्षणीय वाढ होईल, परिणामी परिचालन कार्यक्षमता सुधारेल आणि भारतीय रेल्वेची सेवा विश्वासार्हता सुधारेल. मल्टी-ट्रॅकिंग चा हा प्रस्ताव कार्यान्वयन सुव्यवस्थित करण्यासाठी आणि वाहतुकीची कोंडी कमी करण्यासाठी सज्ज आहे. हा प्रकल्प पंतप्रधान नरेंद्र मोदी यांच्या ‘नव्या भारता'च्या संकल्पनेशी सुसंगत असून, या प्रकल्पामुळे या प्रदेशाचा सर्वांगीण विकास होऊन, रोजगाराच्या आणि स्वयंरोजगाराच्या संधी वाढतील, परिणामी, इथले नागरिक 'आत्मनिर्भर' बनतील.
The Cabinet’s approval for the 3rd and 4th railway lines on the Ballari-Guntakal section will strengthen connectivity and logistics across Karnataka and Andhra Pradesh.
— Narendra Modi (@narendramodi) July 24, 2026
It will enhance passenger mobility and support the efficient movement of key commodities. It will also improve…
ಬಳ್ಳಾರಿ-ಗುಂತಕಲ್ ವಿಭಾಗದಲ್ಲಿ 3ನೇ ಮತ್ತು 4ನೇ ರೈಲು ಮಾರ್ಗಗಳ ನಿರ್ಮಾಣಕ್ಕೆ ಸಂಪುಟ ನೀಡಿರುವ ಅನುಮೋದನೆಯು, ಕರ್ನಾಟಕ ಮತ್ತು ಆಂಧ್ರಪ್ರದೇಶ ರಾಜ್ಯಗಳಲ್ಲಿ ಸಂಪರ್ಕ ಹಾಗೂ ಸಾಗಾಣಿಕೆ ಸಾಮರ್ಥ್ಯವನ್ನು ಬಲಪಡಿಸಲಿದೆ.
— Narendra Modi (@narendramodi) July 24, 2026
ಇದು ಪ್ರಯಾಣಿಕರ ಸುಗಮ ಸಂಚಾರವನ್ನು ಹೆಚ್ಚಿಸಲಿದ್ದು, ಪ್ರಮುಖ ಉತ್ಪನ್ನಗಳ ಪರಿಣಾಮಕಾರಿ ಸಾಗಣೆಗೆ ಬೆಂಬಲ ನೀಡಲಿದೆ.…
బళ్లారి-గుంతకల్ విభాగం మధ్య 3, 4వ రైల్వే లైన్ నిర్మాణానికి కేంద్ర మంత్రివర్గం ఆమోదం తెలపడం ద్వారా కర్ణాటక, ఆంధ్రప్రదేశ్ రాష్ట్రాల మధ్య అనుసంధానం మరియు సరుకు రవాణా సామర్థ్యం బలోపేతం అవుతుంది.
— Narendra Modi (@narendramodi) July 24, 2026
ఈ ప్రాజెక్ట్ ద్వారా ప్రయాణికుల రాకపోకలు మరింత సౌకర్యవంతంగా మారడంతో పాటు, కీలక వస్తువుల…
