প্রধান মন্ত্রী শ্রী নরেন্দ্র মোদীনা জুলাই 02-03, 3035দা ঘানাদা চৎকনি। মসি প্রধান মন্ত্রীগী ঘানাদা অহানবা বাইলেতরেল খোঙচৎনি। মসি চহি তরাগী খুজিং অহুমগী মতুংদা ভারতকী প্রধান মন্ত্রীনা ঘানাদা চৎপা খোঙচৎ ওইরি। খোঙচৎ অসিগী মনুংদা, প্রধান মন্ত্রীনা ঘানাগী রাস্ত্রপতিগা লোয়ননা মপাঙ্গল কনবা নাকল অনিগী ওইবা মরী অদু য়েংশিন্নবা অমসুং ইকোনোমিক, ইনর্জী অমসুং দিফেন্স কোলাবোরেসন অমসুং দিবেলপমেন্ত কোওপরেসন পার্তনরশিপকী খুত্থাংদা মসিবু হেন্না মপাঙ্গল কনখৎহন্নবা খন্ন-নৈনগনি। খোঙচৎ অসিনা লৈবাক অনিগী মরক্তা লৈনরিবা মরী হেন্না চেৎশিলহন্নবা অমসুং ECOWAS [ইকোনোমিক কম্ম্যুনিতী ওফ ৱেস্ত অফ্রিকান স্তেতস] অমসুং অফ্রিকান য়ুনিয়নগা লোয়ননা ভারতকী মরী হেন্না চেৎশিলহন্নবা লৈবাক অনিগী অচেৎপা ফিরেপ অদু অমুক হন্না ফোংদোক্কনি।
মহাক্কী খোঙচৎকী অনিশুবা শরুকদা, রিপব্লিক ওফ ত্রিনিদাদ অমসুং তোবেগোগী প্রধান মন্ত্রী, ঐচ.ই. কমলা পরসাদ-বিসেসরনা বর্তন তৌরকপদগী প্রধান মন্ত্রীনা জুলাই 03 - 04, 2025দা ত্রিনিদাদ অমসুং তোবেগো (T&T) দা ওফিসিএল ভিজিৎ অমা চৎকনি। মসিনা প্রধান মন্ত্রী ওইনা মহাক্কী লৈবাক অসিদা অহানবা খোঙচৎ ওইগনি অমসুং 1999দগীদি প্রধান মন্ত্রীগী থাক্তা T&Tদা অহানবা বাইলেতরেল খোঙচৎ ওইগনি। খোঙচৎ অসিগী মনুংদা, প্রধান মন্ত্রীনা ত্রিনিদাদ অমসুং তোবেগোগী রাস্ত্রপতি, ঐচ.ই. খৃস্তিন কারলা কানগলু, অমসুং প্রধান মন্ত্রী ঐচ.ই. কমলা পরসাদ-বিসেসর অমসুং ভারত-ত্রিনিদাদ অমসুং তোবেগোগী মরী মখা তানা চেৎশিলহন্নবা ৱারী শাগনি। প্রধান মন্ত্রীনা T&Tগী পার্লিয়ামেন্তকী জোইন্ত সেসন অমদা ৱা ঙাংগনি হায়নসু পানরি। প্রধান মন্ত্রীগী T&T খোঙচৎ অসিনা লৈবাক অনিগী মরক্তা লৈনরিবা অচেৎপা অমসুং পুৱারী ওইরবা মরী অসিদা অনৌবা শাহৌ অমা পীরগনি।
মহাক্কী খোঙচৎকী অহুমশুবা শরুক্তা, রিপব্লিক ওফ আর্জেন্তিনাগী রাস্ত্রপতি, ঐচ.ই. মিস্তর জেভিয়র মাইলীনা বর্তন তৌরকপদগী জুলাই 04-05, 2025দা ওফিসিএল ভিজিৎ অমদা আর্জেন্তিনাদা চৎকনি। প্রধান মন্ত্রীনা রাস্ত্রপতি মাইলীগা লোয়ননা লৈবাক অনিগী ওইবা ৱারী শানগনি। মখোয়না হৌজিক চত্থরিবা কোওপরেসন অদু য়েংশিনগনি অমসুং দিফেন্স, এগ্রিকলচর, মাইনিং, ওইল অমসুং গ্যাস, রিন্যুএবল ইনর্জী, ত্রেদ অমসুং ইনভেস্তমেন্ত অমসুং মীয়ামগী মরক্তা লৈনরিবা মরী য়াওনা মরুওইবা লমশিংদা ভারত-আর্জেন্তিনাগী পার্তনরশিপ মখা তানা হেনগৎহন্নবা লম্বীশিং অদু খন্নগনি। প্রধান মন্ত্রীগী বাইলেতরেল খোঙচৎ অসিনা ভারত অমসুং আর্জেন্তিনাগী মরক্তা লৈরিবা মল্তিফেসেতেদ স্ত্রেতেজিক পার্তনরশিপবু হেন্না চেৎশিলহল্লগনি।
মহাক্কী খোঙচৎকী মরিশুবা শরুকদা, ফেদরেতিব রিপব্লিক ওফ ব্রাজিলগী রাস্ত্রপতি, ঐচ.ই. লুইজ ইনাসিও লুলা দা সিলভানা বর্তন তৌরকপদগী 17শুবা BRICS সম্মিৎ 2025দা শরুক য়ানবা অমসুং মসিগী মতুংদা স্তেৎ ভিজিৎ অমা ওইনা জুলাই 5-8, 2025 ফাওবা ব্রাজিলদা চৎকনি। মসি প্রধান মন্ত্রীগী ব্রাজিলদা মরিশুবা খোঙচৎনি। 17শুবা BRICS লুচিংবশিংগী সম্মিৎ অসি রিও দি জেনেরোদা পাংথোক্লগনি। সম্মিৎ অসিগী মনুংদা, প্রধান মন্ত্রীনা মালেমগী ওইবা মরুওইবা ইসুশিং হায়বদি গভর্নান্স, শান্তি অমসুং সেক্যুরিতী, মল্তিলেতরেলিজম মপাঙ্গল কনখৎহনবা, আর্তিফিসিএল ইন্তেলিজেন্স, ক্লাইমেৎ এক্সন, মালেমগী হকশেল, শেন্মিৎলোন অমসুং শেল-থুমগী হিরমশিং য়াওনা ৱাফমশিং খন্ন-নৈনগনি। প্রধান মন্ত্রীনা সম্মিৎ অসিগী নাকলদা লৈবাক অনিগী ওইবা মীফম কয়া অমসু পাংথোক্কনি। ব্রাজিলদা চৎকদবা স্তেৎ ভিজিৎকীদমক, প্রধান মন্ত্রীনা ব্রাজিলিয়াদা চৎকনি মফম অদুদা মহাক্না রাস্ত্রপতি লুলাগা লৈবাক অনিগী মরক্তা ত্রেদ, দিফেন্স, ইনর্জী, স্পেস, তেক্নোলোজী, এগ্রিকলচর, হেল্থ অমসুং মীয়ামগী লৈনরিবা মরীশিং য়াওনা হিরমশিংদা স্ত্রেতেজিক পার্তনরশিপ পাকথোক-চাওথোকহন্নবগী মতাংদা নাকল অনিগী ওইবা খন্ন-নৈন্নবশিং পাংথোক্কনি।
মহাক্কী খোঙচৎকী অরোইবা শরুক্তা, নামিবিয়াগী রাস্ত্রপতি, ঐচ.ই. দোক্তর. নেতুম্বো নন্দি-নদাইৎৱাহনা বর্তন তৌরকপদগী জুলাই 09, 2025দা নামিবিয়াদা স্তেৎ ভিজিৎ অমা চৎকনি। মসি প্রধান মন্ত্রীগী নামিবিয়াদা অহানবা খোঙচৎনি অমসুং ভারতকী প্রধান মন্ত্রীগী নামিবিয়াদা অহুমশুবা খোঙচৎনি। মহাক্কী খোঙচৎ মনুংদা, প্রধান মন্ত্রীনা রাস্ত্রপতি নন্দি-নদাইৎৱাহগা লৈবাক অনিগী ওইবা ৱারী শানগনি। প্রধান মন্ত্রীনা নামিবিয়াগী ফাউন্দিং ফাদর অমসুং অহানবা রাস্ত্রপতি, লৈখিদ্রবা দোক্তর সেম নুজোমাদা ইকাই খুম্নবা উৎকনি। মহাক্না নামিবিয়াগী পার্লিয়ামেন্ততা ৱা ঙাংগনি হায়নসু পানরি। প্রধান মন্ত্রীগী খোঙচৎ অসিনা নামিবিয়াগা লোয়ননা ভারতকী তোঙান তোঙানবা মখলগী অমসুং অচেৎপা পুৱারীগী মরীশিং অদু অমুক হন্না নিংশিংহল্লি।
