প্রধান মন্ত্রী শ্রী নরেন্দ্র মোদীগী চেবাউদা লিস্তেনস্তাইনগী হেরেদিতেরী প্রিন্স, ঐচ.এস.ঐচ. প্রিন্স এলোইসনা নই দিল্লীদা পাংথোক্কদৌরিবা ২০২৬কী এ.আই. ইম্পেক্ত সমিৎতা শরুক য়ানবা ভারত্তা লাকখ্রে।
প্রধান মন্ত্রী শ্রী নরেন্দ্র মোদীনা ২০২৬গী ফেব্রুৱারী ২০দা সমিৎ অসিগী নাকলদা ঐচ.এস.ঐচ. প্রিন্স এলোইসকা উনখ্রে। লুচিংবা অনিনা ভারত অমসুং লিস্তেনস্তাইননা নুংশি চান্নবা অমসুং মরুপ-মপাং ওইবা নাকল অনিগী মরী লৈনরি হায়না অমুক হন্না ফোংদোকখি।
২০২৫গী ওক্তোবর থাদা ইন্দিয়া-তেপা ফ্রী ত্রেদ এগ্রীমেন্ত চৎনবা হৌরকপদা লুচিংবশিংনা তরাম্না ওকখি। এগ্রীমেন্ত অসিনা নাকল অনিগী শেন্মিৎলোনগা মরী লৈনবদা অনৌবা ইনোৎ পীগনি হায়না লুচিংবশিংনা থাজবা থমখি। লাক্কদৌরিবা চহী ১৫ অসিদা ভারত্তা তি.ই.পি.এ.না য়ু.এস. দোল্লর বিল্লিয়ন ১০০গী ইনভেস্তমেন্তকী খুদোংচাবা ফংলগনি হায়না লুচিংবা অনিমক্না পনখি। মখোয়না মরুওইনা মমল য়াম্লবা মেন্যুফেকচরিং, এদভান্স তেক্নোলোজীশিং অমসুং ইনোবেসন দাইভর্ন ওইবা সেক্তরশিংদা মতেং পীনবা য়ানখি।
মীফম অসিনা ভারত-লিস্তেন্তাইন পার্তনরশিপ মখা তানা মপাঙ্গল কনখৎহন্নবগী মায়কৈদা মরুওইবা খোংথাং অমা ওইখি অমসুং লৈবাক অনিমক্না অমনা অমবু কান্নবা য়াবা মতেং পীনবা হেনগৎহন্নবা শরুক য়ামিন্নবগী ফিরেপ অদু অমুক হন্না ফোংদোকখি।
Met HSH Hereditary Prince Alois of Liechtenstein in Delhi earlier today. Discussed the strong potential of economic linkages between our nations, particularly after the India-EFTA and cooperation in areas such as innovation, technology, skilling, R&D among others. pic.twitter.com/fvLuIZNwBu
— Narendra Modi (@narendramodi) February 20, 2026
