ঙসি অঙনবদা য়ু.এস. সেক্রেতরী ওফ স্তেত এন্তোনী ব্লিঙ্কেনগা প্রধান মন্ত্রী নরেন্দ্র মোদীগা উনখ্রে
সেক্রেতরী ব্লিঙ্কেন্না প্রসিদেন্ত বিদেন অমসুং ভাইস প্রসিদেন্ত হারিসকী হরাও তয়াম্বা প্রধান মন্ত্রীদা পাউদমখি। মহাক্না অঙনবদা প্রধান মন্ত্রীদা ই.এ.এম. অমসুং এন.এস.এ.গা একচেঞ্জদা মহাক্কী মহৈ য়ানবা পাউদমখি অমসুং মখা তানা ইন্দিয়া অমসুং য়ু.এস. স্ত্রাতেজিক ওইবা মরীশিং হায়বদি দিফেন্স, মেরিতাইম সেক্যুরিতী, ত্রেদ অমসুং ইনভেস্তমেন্ত, ক্লাইমেত চেঞ্জ অমসুং সাইন্স অমসুং তেক্নোলোজী য়াওনা অচেৎপা মরী থম্নবা ফোংদোকখি।
প্রধান মন্ত্রীনা প্রসিদেন্ত বিদেন অমসুং ভাইস প্রসিদেন্ত হারিস্তা হরাও তয়াম্বা পীখি অমসুং প্রসিদেন্ত বিদেন্না ক্বাদ, কোবিদ-১৯ অমসুং অইং অশাগী অওনবদা মরী লৈননা লৌখিবা খোঙথাং কয়াদা মহাক্না থাগৎপা ফোংদোকখি।
সেক্রেতরী ব্লিঙ্কেন্না ভারত অমসুং য়ু.এস. অনিগী মরক্তা নাকন অনিগী ওইবা অমসুং মখল কয়াগী হিরমদা পুন্না চৎমিন্নবা হোৎনরিবা অমসুং নাকন অনিনা মরী অসিবু হেন্না চেৎশিন্নবা হোৎনরিবা অসিদা থাগৎপা ফোংদোকখি।
প্রধান মন্ত্রী মোদীনা হায় মদুদি য়ু.এস. অমসুং ভারতকী সমাজনা দেমোক্রেসী, ফ্রীদম অমসুং লিবর্তীদা য়াম্না চেৎনা থাজবা লৈনৈ অমসুং য়ু.এস.তা লৈরিবা ভারত মচাশিংনা নাকন অনিগী মরী অসি হেন্না চেৎশিন্নবা থৌদাং কয়া অমা লৌরি।
প্রধান মন্ত্রীনা পনখি মদুদি ভারত-য়ু.এস.কী মরী হায়বদি কোবিদ-১৯না পীরিবা চৈথেং অসি থেংনবা, মালেমগী ওইবা ইকোনোমী ফগৎহনবা অমসুং অইং অশাগী ওইবা হিরম অসিদা লাক্কদৌরিবা চহি খর অসিদা হেন্না মশক থোকপা অমা ওইরগনি হায়খি।
