প্রধান মন্ত্রীনা ‘শ্রী রাম জন্ম ভুমী তির্থ ক্ষেত্র’ ত্রস্ত শেম্নবা লাওথোকখ্রে

প্রধান মন্ত্রী শ্রী নরেন্দ্র মোদীনা ঙসি পর্লিয়ামেন্ততা সুপ্রিম কোর্তকী ওদরগী মতুং ইন্না অয়োধ্যাদা রাম মন্দির অমা শেমগৎ শাগৎপা য়েংশিন্নবগীদমক ত্রস্ত অমা লাওথোকখ্রে।

প্রধান মন্ত্রীনা হায়খি, “সুপ্রিম কোর্তকী দিরেক্সনদা য়ুমফম ওইরগা ঐহাক্কী সরকারনা ঙসি ‘শ্রী রাম জন্ম ভুমী তির্থ ক্ষেত্র’ ত্রস্ত শেম্নবা প্রপোজেল অয়াবা পীখ্রে। ত্রস্তনা অয়োধ্যাদা চিংলেম্বা রাম মন্দির অমা শানবগীদমক মনীং তম্না ৱারেপ পুম্নমক লৌগনি।”

অয়োধ্যাদা সুপ্রিম কোর্তকী পুৱারী ওইরবা জুরীগী রায়গা লোয়ননা ৱারেপ

প্রধান মন্ত্রীনা হায়খি মদুদি ওনরেবল সুপ্রিম কোর্তকী দাইরেক্সন্দা সরকারনা উত্তর প্রদেশ সরকারদা সুন্নি ৱাকফ বোর্দত্তা একর মঙাগী লম পীনবা হায়জখি অমসুং রাজ্য সরকারনা হায়জবা অদু য়াবীখি।

ঐখোয় পুম্নমক্না ভগবান রাম অমসুং অয়োধ্যাগা মরী লৈনরিবা হিস্তোরিকেল অমসুং স্পিরিচুয়েল সিগনিফিকেন্স অদু খঙলে।

প্রধান মন্ত্রীনা হায়খি, “চিংলেম্বা রাম মন্দির শাবা অমদি রাম লিলা য়েংনবগীদমক লাক্লিবা ভক্তশিংগী স্পিরিত অদু পুক্নিংদা থমদুনা সরকারনা অতোপ্পা মরুওইবা ৱারেপ অমগা লৌরে। সরকারনা ৱারেপ লৌরে মদুদি চাউরাক্না একর ৬৭.৭০৩গী লৌশিল্লিবা লম অসি নৌনা শেম্লবা শ্রী রাম জন্ম ভুমী তির্থ ক্ষেত্র ত্রস্ততা ত্রান্সফর তৌরগনি।”

ভারতকী প্রজাশিংনা উৎখিবা করেক্তর অদু প্রধান মন্ত্রীনা থাগৎখ্রে

প্রধান মন্ত্রীনা অয়োধ্যা ইসুদা ওনরেবল সুপ্রিম কোর্তকী ৱারেপকী মতুংদা শান্তি অমসুং অপুনবগী ফিভম ঙাক্তুনা থম্বদা লৈবাক অসিনা উৎখিবা মতৌ অদু থাগৎপা ফোংদোকখি।

মহাক্না ৱাফম অসিবু অমুক হন্না ফোংদোক্লদুনা ত্বিতরদা হায়খি, “ভারতকী মীয়াম্না দেমোক্রেতিক প্রোসেস অমসুং প্রোসিদ্যুরশিংদা থাজবা থম্লি। ঐহাক্না ভারতকী প্রজা কোতি ১৩০বু ইকায় খুম্নজরি।”

ভারত্তা লৈরিবা কম্ম্যুনিতী পুম্নমক অচৌবা ইমুং অমগী মীহুৎশিংনি

প্রধান মন্ত্রীনা ফোংদোকখি মদুদি ঐখোয় পুম্নমক ইমুং অমগী মীহুৎশিংনি। মসি ভারতকী হৌনশা পুকচেলনি। ঐখোয়না ভারত মচা পুম্নমক নুঙাইনা অমসুং হকচাং ফনা লৈবা পাম্মি। সবকা সাথ, সবকা বিকাস, সবকা বিশ্বাসনা লমজিংদুনা ভারত মচা পুম্নমক্কী য়াইফনবগীদমক ঐখোয়না থবক তৌরি।

প্রধান মন্ত্রীনা মখা তাখি, “ঐখোয় পুল্লপ পুন্না অচৌবা রাম মন্দির অমা শানবগী মায়কৈদা থবক তৌরসি।”