Share
 
Comments

প্রধান মন্ত্রী শ্রী নরেন্দ্র মোদীনা হায়খ্রে মদুদি চহি চা অসি এসিয়াগী চহি চা ওইহনবা অসি বিমস্তেক্কী থবক্নি মরমদি মসি মীওইবা অপুনবগী শরুক মঙাগী মনুংদা অমনি অমসুং মসিগী অপুনবা পাঙ্গল অসি জি.দি.পি. ত্রিলিয়ন ৩.৮নি। মহাক্না ঙসি ভিদিও কনফরেন্সকী থোংদা ‘প্রারম্ভঃ স্তার্তঅপ ইন্দিয়া ইন্তর্নেস্নেল সমিৎ’তা ৱা ঙাংখি।

প্রধান মন্ত্রীনা হায়খি মদুদি মতিং লৈবা ইনর্জী অসি বঙ্গলাদেশ, ভুতান, নেপাল, শ্রীলঙ্কা, ম্যানমার অমসুং থাইলেন্দগুম্বা বিমস্তেক লৈবাকশিংদা স্তার্তঅপকী লমশিংদা ফংই। প্রধান মন্ত্রীনা হায়খি মদুদি চহি চা অসি দিজিতেল রিভোলুসনগী চহি চানি অমসুং অনৌবা কুমগী ইনোভেসনশিংগী চহি চানি। এসিয়াগী চহি চাসুনি। মরম অদুনা, হায়রিবা মফমশিং অসিদগী তুংলমচৎকী তেক্নোলোজী অমসুং ওন্ত্রপ্রিনরশিংনা লাকপা অসি ঐখোয়গী মতম অসিগী অপাম্বনি। মসিগীদমক্তা, প্রধান মন্ত্রীনা ফোংদোকখি মদুদি তেংবাং পীনবগী ৱাখল্লোন লৈবা এসিয়াগী লৈবাকশিংনা থৌদাং অসি লৌগদবনি অমসুং অমত্তা ওইনা পুন্না থবক তৌমিন্নগদবনি। মহাক্না হায়খি মদুদি লৈবাক অসিদা নাৎকী, সিবিলাইজেসন অমসুং মরীশিংগী মান্নবা লন-থুম লৈরি। ঐখোয়না ঐখোয়গী ৱাখল্লোন, ঐখোয়না খনবশিং অমসুং ঐখোয়গী অফবশিং শরুক য়ামিন্নরি, মরম অসিনা ঐখোয়গী মায় পাকপা অসিসু শিয়র তৌমিন্নগদবনি। প্রধান মন্ত্রীনা হায়খি মদুদি থৌদাং অসি বিমস্তেক লৈবাকশিংনা পুফম থোকই মরমদি ঐখোয়না মালেম অসিগী মীওইবশিংগী শরুক মঙাগী মনুংদা অমগীদমক থবক তৌরি।

প্রধান মন্ত্রীনা লমদম অসোমগী নহাশিংগী খাংবা কনবা, ইনর্জী অমসুং লাংতক্নবদা অনৌবা ওইথোকপা য়াবশিং অদু পনখি। মদুনা মরম ওইদুনা, মহাক্না হায়খি মদুদি ২০১৮দা বিমস্তেক সমিৎতা তেক্নোলোজী অমসুং ইনোভেসনগীদমক্তা পুন্না থবক তৌমিন্ননবা হায়খি অমসুং বিমস্তেক স্তার্তঅপ কনক্লেব অমগীদমক হৌদোকখি। প্রধান মন্ত্রীনা হায়খি মদুদি ঙসিগী স্তার্তঅপ ইন্দিয়া ইন্তর্নেস্নেল কনক্লেব অসি মদুগী ৱাশক অদুবু মপুং ফাহনবগী মায়কৈদা থাংজিল্লিবা খোঙথাং অমনি।

শ্রী মোদীনা লমদম অসোমদা বিমস্তেক্কী লৈবাকশিংগী মরক্তা শম্নবা অমদি ললোন-ইতিক তৌবগী মরী হেনগৎহন্নবা পায়খৎলিবা খোঙথাংশিংগী মতাংদা পনখি। মহাক্না নীংশিংখি মদুদি দিজিতেল কনেক্তিবিতী হেনগৎহন্নবগীদমক বিমস্তেক্কী মন্ত্রীশিংনা ২০১৮দা ইন্দিয়া মোবাইল কংগ্রেসতা শরুক য়াখি। মতৌ অসুম্না, ঙাকশেল, দিজাস্তর মেনেজমেন্ত, স্পেস, লৌউ-শিংউ অমসুং বিজিনেস অসিনচিংবা লমশিংদা মখা তানা তেংবা পীনরি। প্রধান মন্ত্রীনা থাজবা ফোংদোকখি মদুদি “লমশিং অসিদা অচেৎপা মরী লৈনবনা ঐখোয়গী স্তার্তঅপতা কান্নবা পীগনি মদুনা ভেল্যু ক্রিএসন সাইকল অমদা লমজিংগনি, হায়বদি ইনফ্রাস্ত্রকচর, লৌউ-শিংউ অমসুং ললোন-ইতিক তৌবা অসিনচিংবা লমশিংদা মরী হেন্না চেৎশিলহল্লগনি মদুনা ঐখোয়গী স্তার্তঅপ্তা মতেং পাংগনি।”

সেবা অমসুং সমর্পনগী চহি 20 তাক্লিবা ফোতো 20
Mann KI Baat Quiz
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Business optimism in India at near 8-year high: Report

Media Coverage

Business optimism in India at near 8-year high: Report
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 29 নবেম্বর, 2021
November 29, 2021
Share
 
Comments

As the Indian economy recovers at a fast pace, Citizens appreciate the economic decisions taken by the Govt.

India is achieving greater heights under the leadership of Modi Govt.