২০২২গী জনুৱারী ২৭তা ভর্চুএল ফোর্মেৎ অমদা প্রধান মন্ত্রী শ্রী নরেন্দ্র মোদীনা কজখস্তান, কীর্গীজ রিপব্লিক, তাজিকিস্তান, তুর্কমেনিস্তান অমসুং উজবেকিস্তানগী রাস্ত্রপতিশিং শরুক য়াবগা লোয়ননা ইন্দিয়া-সেন্ত্রেল এসিয়া সম্মিৎকী অহানবা মীফম হোস্ত তৌগনি। মসিনা ভারত অমসুং সেন্ত্রেল এসিয়া লৈবাকশিংগী মরক্তা লুচিংবশিংগী থাক্তা অসিগুম্বা মখলগী অহানবা এঙ্গেজমেন্ত ওইরগনি।
অহানবা ইন্দিয়া-সেন্ত্রেল এসিয়া সম্মিৎ অসি সেন্ত্রেল এসিয়া লৈবাকশিংগা লোয়ননা ভারতকী গ্রোৱিং এঙ্গেজমেন্তকী রিফ্লেক্সন অমনি, মদুনা ভারতকী “এক্সতেন্দিং নাইবরহুদ”কী শরুক অমা ওইরি। প্রধান মন্ত্রী শ্রী নরেন্দ্র মোদীনা ২০১৫দা সেন্ত্রেল এসিয়া লৈবাক পুম্নমক্তা পুৱারী ওইরবা খোংচৎ অমা চৎখি। মখা তারকপদা, বাইলেতরেল অমসুং মল্তিলেতরেল ফরমশিংদা অৱাংবা থাকশিংদা একচেঞ্জশিং পাংথোকখ্রে।
ফোরেন মিনিস্তরশিংগী থাক্তা ইন্দিয়া-সেন্ত্রেল এসিয়া দাইলোগ হৌরকপদা, অহুমশুবা মীফম ২০২১গী দিসেম্বর ১৮-২০ ফাওবা নই দিল্লীদা পাংথোকখিবদা, ইন্দিয়া-সেন্ত্রেল এসিয়া মরীশিংদা ইম্পেতস অমা ফংহনখি। ২০২১গী নবেম্বর ১০দা নই দিল্লীদা পাংথোকখিবা রিজনেল সেক্যুরিতী দাইলোগ ওন অফগানিস্তানদা সেন্ত্রেল এসিয়ান লৈবাশিংগী নেস্নেল সেক্যুরিতী কাউন্সিলশিংগী সেক্রেতরীশিংনা শরুক য়াখিবা অদুনা অফগানিস্তানদা কমন রিজনেল এপ্রোচ্ছ অমা আউতলাইন তৌরে।
অহানবা ইন্দিয়া-সেন্ত্রেল এসিয়া সম্মিৎ মনুংদা লুচিংবশিংনা ইন্দিয়া-সেন্ত্রেল এসিয়াগী লৈনরিবা মরী অনৌবা অৱাংবা থাক্তা পুখৎনবা খন্নরবা য়াই। মখোয়না রিজনেল অমসুং ইন্তরনেস্নেল ইসুশিংদা মীৎয়েংশিং একচেঞ্জ তৌনবা য়াবগী ওইথোকপসু লৈরি অখন্ননা হৌজিক ওইরিবা রিজনেল সেক্যুরিতীগী ফিভমদা।
সম্মিৎ অসি কমপ্রেহেন্সিব অমসুং মতম কুইনা চৎনগদবা ইন্দিয়া-সেন্ত্রেল এসিয়া পার্তনরশিপ অমদা ভারত অমসুং সেন্ত্রেল এসিয়ান লৈবাকশিংগী লুচিংবশিংনা মরুওইনা শরুক য়াবগী খুদমনি।
