নমস্কার মরুপশিং,

নিংথম থাগী অইংবনা হন্দক্তি খরা থেংথরবসু, অমসুং তপ্না লাক্লবসু, রাজনীতিগী মৈশাদি খোঙজেল য়াঙনা হেনগৎলক্লি। ঙরাংমক্তদা, রাজ্য মরিগী মীখল হাইদোকখি, য়াম্না নুংঙাইবা মহৈ ফংখ্রে।

লৈবাক্কী মীচম মীয়ামগী নুংঙাই য়াইফবগীদমক্তা অমসুং লৈবাক্কী অফবা তুংগী মতম অমগীদমক্তা খোঙফম চেৎপশিংগী ওইনা, ঙরাংগী মহৈশিং অসিদি পুক্নীং থৌগৎনীংঙাই য়াম্না ওই। অখন্নবা মীওই কাঙলুপ ওইনা, শহর অমসুং খুঙ্গংগী নুপী, খুন্নাই পুম্নমক্কী কাঙলুপ খুদিংগী শহর অমসুং খুঙ্গংদা লৈবা নহা, খুন্নাই খুদিংগী লৌমী, ঐহাক্কী লৈবাক্কী লাইরবশিং হায়রিবা মরু ওইবা কাঙলুপশিংবু মপাঙ্গল লৈহনবা মতমদা লৈবাক্কী তুংগী মতমগী ফিভম লেপকনি। মপুং ওইবা থৌরাং য়াত্তুনা অমসুং লাস্ত মেইল দেলিবরী শোইদনা তৌহন্নবা হোৎনদুনা ৱাখল্লোনশিং অসি ইনবা মীওইশিংদা মপুং ওইনা তেংবাংলি। অফবা লৈঙাক অমা লৈরকপা মতমদা মীয়ামগী অপাম্বশিংবু নীংথিনা পাংথোকই, অদুনা, এন্তি-ইনকমবেন্ত হায়বা ৱাহৈ অসিগী ৱাহন্থোক মাঙলকই। মীওই খরনা মসিবু প্রো-ইঙ্কম্বেন্সী কৌবা, মীওি খরনা অফবা লৈঙাক হায়বা, মীওই খরনা নুং-পান ফাওনা উবা, মীওই খরনা লৈবাক অমসুং মীয়ামগী অপাম্বা ফংহন্নবা অফবা থৌরাং য়াৎপা হায়নসু কৌনবগী মতৌ উদবা নত্তে, অদুবু, মসিগী এক্সপেরিএন্স অসিদি লেপ্তনা থেংনরি। মসিগুম্বা নীংথিরবা মেন্দেত অসিগী মতুংদা, ঐখোয়না ঙসি পার্লিয়ামেন্তকী অনৌবা লাইশঙ অসিদা উন্নরি।

 

পার্লিয়ামেন্ত হাউস অসিগী অনৌবা কমপ্লেক্স অমা শঙ্গাখিবা মতমদা অপীকপা সেসন অমস ফমখি অমসুং পুৱারি ওইরবা ৱারেপ অমসু লৌখি। অদুবু হন্দক্কী মতাং অসিদদি, হাউস অসিদা মতম শাংনা থবক তৌবগী খুদোংচাবা ফংলগনি। মসিনা অনৌবা হাউস ওইবনা, মরী লৈনবা থৌদোকশিং শীন লাঙবদা খুদোংচাদবা খরদি অদুমক লাকপা য়াই। থবক অমা লেপ্তনা পাংথোক্লকপা মতমদা, এম.পি., মীথুংলেন, অমসুং মীদিয়াগী মীওইশিংসু থবকশিং অসিদা খরা শেমদোকপা মতমদা হেন্না নুংঙাইবা ওইগনি হায়না খনবসু য়াওগনি। ইকায় খুম্ননীংঙাই ওইরবা উপ-রাস্ত্রপতি অমসুং চেয়রমেনগী লুচিং মখাদা হায়রিবা থবকশিং অসি লেপ্তনা মিতয়েং চঙলি, অদুগা মসিগুম্বা থৌওং খরা অদোম্না থেংনবা থোক্লবদি, মদুদা মিৎয়েং চঙদুনা তঙাই ফদবা থবকশিং পাংথোকপীয়ু হায়না ঐহাক্না মীয়ামগী মফমদা হায়জরি।

লৈবাক অসিনা নেগেতিবিতীবু ইন্থোকখ্রে। ঐহাক্না সেসন হৌরমদাই খুদিংগী ঐহাক্কী ওপোজিসনগী মরুপশিংগা ৱারী শাই, ঐখোয়গী মপুং ওইবা তীম্না মখোয়গা ৱা তান্নৈ, অদুগা ঐখোয়না উন্নবা মতম খুদিংদসু, মীয়াম্না তেংবাংবীনবা ৱাফম থমজৈ। হন্দক্কী মতাংদসু হায়রিবা থবক খুদিংমক পাংথোকই। ঐহাক্না ঐখোয়গী এম.পি. খুদিংদসু মীয়াম মাঙদা হায়জৈ। মসিগী গনতন্ত্রগী লাইশঙ অসিদি মীয়ামগী অপাম্বা পীনবা অমসুং চাউখৎপা ভারত অমগী অচেৎপা ফম্বাক শেম্বগী য়াম্না মরু ওইবা প্লেতফোর্ম অমনি।

 

হাউস অসিদা থাংগৎকদৌরিবা বিল খুদিংগী মতাংদা ঐখোয়গী এম.পি.শিংনা মমুৎ তানা খন্থবীরগা মতিক চানা শেম শাদুনা লাকপীনবা ঐহাক্না হায়জরি। এম.পি.শিংনা মরী লৈনবা ৱাফমগী মতাংদা গ্রাউন্দ এক্সপেরিএন্স য়াম্না লৈবসু য়াওই, অদুনা মখোয়গী পাউতাকশিংনা য়াম্না মরু ওইরকপসু য়াওই। অদুনা, মদুগী মতাংদা খন্নদ্রবদি, লৈবাক্না হীরম অদুগা মরী লৈনবা ৱাফম মাঙজগদৌরিবনি। অদুনা, ঐহাক্না অদোম্না নীংথিনা শেম শাদুনা লাকপীনবা অমুক্কা হন্না হায়জরি।

হন্দক্কী মীখলগী ফলগা মরী লৈননা হায়রবদি, মসিদি ওপোজিসন্দা লৈরিবা মরুপশিংগীদমক্তদি য়াম্না ফবা খুদোংচাবা অমনি। সেসন অসিদা, মায়থীবগী অশাওবা ফোংদোক্কে হায়বা থৌরাং য়াৎপগী মহুত্তা মসিদগী পরা তমদুনা নেগেতিবিতীগী চৎনবী থাদোক্তুনা তুংলমচত্তা খোঙদারবদি, লৈবাক্না মখোয়দা য়েংলিবা মিৎয়েংদা অহোংবা লাক্কনি। মখোয়না ওপোজিসন্দা লৈজরবসু, মখোয়গী মফমদা অনৌবা থোঙ কয়া হাংদোক্লকপসু য়াই, অদুগা মখোয়না চাউখৎ থৌরাংগী ৱাখল্লোন পুদুনা লাকপীনবা ঐহাক্না হায়জরি। ঐখোয়না খোঙ্কাপ তরা কানবা মতমদা, অদোমসু খোঙ্কাপ তরানিথোই কান্দুনা ৱারেপ অমা লৌবীয়ু।

মীপুম খুদিংগী ফ্যুচর অসি য়াম্না ফরগনি, নীংবা কাইগদবগী ৱাফম অমত্তা লৈররোই। অদুবু, মপান্দা মায়থীবগী অশাওবদু হাউস অসিদদি তাইনবীগনি হায়বা ৱাফম ঐহাক থমজনীংই। পেন্দবা নুংঙাইতবদি অদুমক লৈগনি, অদোমগী পাঙ্গল উৎনবা করিগুম্বা অমদি অদোমসু তৌনীংগনি, অদুবু গনতন্ত্রগী লাইশঙ অদুবু মদুগী ফম্বাক্তি ওইহনবীগনু। ঐহাক্কী মতম শাংলবা এক্সপেরিএন্সতা য়ুম্ফম ওইরগা ঐহাক্না হৌজিকসু হায়জরি, অদোমগী মওং-মতৌদা খরদি শেমদোকপীয়ু, য়ানিংদবা ফোংদোক্লিবনি হায়দনা য়ানিংদে হায়বগী চৎনবী তোকপীরো, লৈবাক্কী চাউখৎ থৌরাংগীদমক্তা পোজিতিব ওইবা থৌওংশিংদা শৌগৎপীয়ু। থৌরাং অসিদা অৱাৎপা লৈবশিংদা খন্ন-নৈনসি। মসিগুম্বা মতমসিদা লৈবাক্কী ৱাখল্লোন্দা থোক্লক্লিবা ফত্তবা মতৌশিংবুসু ঐখোয়না নুংশিনবা ওন্থোকপা য়াইনা। অদুনা, তাঞ্জা অমা লৈরি, খুদোংচাবা অসি মাঙহনবীগনি।

 

মসিননি, ঐহাক্না হাউস অসিদা তেংবাংনবগী মতৌ লৈনবা হোৎনজরিবা। ঙসিসু, রাজনীতিগী মিৎয়েংদগী ঐহাক্না হায়জনীংবদি, লৈবাক অসিদা পোজিতিবিতীগী পাউজেল পীবনা অদোমগী অফবা ওইগনি, অদোমগী শক্তাক অসি ফত্তবা অমসুং নেগেতিবিতী ওইহল্লোইদবনি। মসিদি গনতন্ত্রগী ওইনা অফবা থৌওংদি নত্তে। গনতন্ত্রা অমদা ওপোজিসনগীসু মান্ননা মরু ওইবা লৈ, চপ মান্নবা ভেল্যু লৈ অমসুং মপাঙ্গলসু চপ মান্নফম থোকই। অদুনা, গনতন্ত্রগী অফবা ওইহন্নবগীদমক্তা, ঐহাক্না ৱাখল্লোন অসিবু অমুক্কা হন্না ফোংদোকচরি।

ইং 2047, লৈবাক অসিনা চাউখৎপা ভারত হায়বা পান্দম ফংহনবা য়াম্না কুইনা ঙাইবা পামদ্রে। ঐখোয়না তুংলমচত্তা লেপ্তনা খোঙদাগদবনি হায়বা ৱাখল্লোন অমা লৈবাক্কী খুন্নাই খুদিংদা লাক্লে। ঐখোয়গী ইকায়খুম্ননীংঙাই ওইরবা এম.পি.শিংনা ৱাখল্লোন অসিবু ইকায় খুম্নগদবনি অমসুং পাঙ্গলগা লোয়ননা হাউস অসিদা তেংবাংগদবনি। মসি ঐহাক্কী রিক্বেস্তনি। ঐহাক্না অদোম মরুপশিংগী মফমদা য়াইফ পাওজেল পীজরি।

পুম্নমকপু থাগৎচরি।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
PM Modi shares two takeaways for youth from Sachin Tendulkar's recent Kashmir trip: 'Precious jewel of incredible India'

Media Coverage

PM Modi shares two takeaways for youth from Sachin Tendulkar's recent Kashmir trip: 'Precious jewel of incredible India'
NM on the go

Nm on the go

Always be the first to hear from the PM. Get the App Now!
...
Robust 8.4% GDP growth in Q3 2023-24 shows the strength of Indian economy and its potential: Prime Minister
February 29, 2024

The Prime Minister, Shri Narendra Modi said that robust 8.4% GDP growth in Q3 2023-24 shows the strength of Indian economy and its potential. He also reiterated that our efforts will continue to bring fast economic growth which shall help 140 crore Indians lead a better life and create a Viksit Bharat.

The Prime Minister posted on X;

“Robust 8.4% GDP growth in Q3 2023-24 shows the strength of Indian economy and its potential. Our efforts will continue to bring fast economic growth which shall help 140 crore Indians lead a better life and create a Viksit Bharat!”