মহারস্ত্রগী গোবর্নর, সি.পি. রাধাকৃষ্ণ জী, মুখ্য মন্ত্রী, শ্রী একনাথ শিন্দে জী, উপ মুখ্য মন্ত্রী, দেবেন্দ্র ফদনাবিস জী, অজিত পৱার জী, কেন্দ্রদা ঐগা পুন্না থবক তৌমিন্নরিবা, মীরোল কয়া অমদা মহাক্কী শৈশক্কী মমি থনম্বা আসাতাই জী, শক্নাইরবা এক্তর ভাই সচিন জী, নামদেৱ কাম্বলে জী, সদানন্দ মোরে জী, মহারাস্ত্র সরকারগী মন্ত্রী, ভাই দিপক জী, মঙ্গলপ্রভাত লোরা জী, বি.জে.পি. মুম্বাইগী প্রেসিদেন্ত, ভাই আশিস জী, অতৈ-অতোপ্পা শক্নাইরবা ইচে-ইচল, ইয়াম্বা-ইনাওশিং!
অগদি সুরুৱাতীলাচ মহারাস্ত্রতিল, মহারাস্ত্রবাহেরিল আনি, সর্ৱ জগতীল মরাথি ভাশক মন্দথিঞ্চে মরাথি ভাসেলা অভিজাত ভাসা মহনজে, ক্লাসিকেল লেঙগ্বেজ চা, দর্জা মিথাল্যাবদল, অতিশয় মনাপাসুন, অভিনন্দন কর্তো।
কেন্দ্র সরকারনা মরাথি লোলবু থাক ৱাংবা লোলগী স্তেতস পীখ্রে। ঙসি মরাথি লোলগী পুৱারিদা য়াম্না মরু ওইবা তাঞ্জা অমনি অমসুং মোরে জীনা য়াম্না ফজবা মওংদা মসিবু সম অপ তৌখি। মসিগী ৱারেপ, মসিগী পুংজা অসিগীদমক্তা মহারাস্ত্রগী মীয়াম্না, মরাথি লোল ঙাংবা মীপুম খুদিংমক্না দেকেদ কবা ঙাইদুনা লাকখি। মহারাস্ত্রগী মঙলান অসিবু মঙফাওনহন্নবা করিগুম্বা খরদং পাংথোক্নবগী খুদোংচাবা ফংবা অসি ঐগীদি য়াম্না লাইবক ফবনি। ঙসিগী য়াম্না নুংঙাইরবা নুমিৎ অসিবু ময়ামগা লোইননা শরুক য়ামিন্ননবগীদমক্তা নখোয় ময়ামগী মরক্তা য়াওরিবনি। মরাথিগা লোইননা বেঙ্গালি, পালি, প্রাক্রিত অমসুং অসমিজ লোলবু ক্লাসিকেল লেঙ্গ্বেজগী মিংথোল পীখ্রে। ঐহাক্না লোলশিং অসিগা মরি লৈনবা মীপুম কুদিংমক্তা নুংঙাইবা ফোংদোক্লি।
মরুপশিং,
মরাথি লোলগী পুৱারি অসি য়াম্না ইনাক খুল্লম্মি। লোল অসিদগী চেন্থরকপা লৌশিংগী ঈচেলনা মিরোল কয়া অআ লমজিং-লমতাকপীখি অমসুং মখোয়না হৌজিকশু লম্বি তাকপীরি। লোল অসিগী মতেংনা, সন্ত গ্যানেস্বরনা ভেদান্তাগী খন্ন-নৈনবা কয়াদা মীশিংবু পুক্নিং চিংশিল্লি। গ্যানেস্বরনা গিতাদগী ফংলকপা ৱাখল-লৌশিং অদুনা ভারতকী স্পিরিচুৱল ৱিসদম অদুবু অমুক হন্না হিংগৎহনখ্রে। সন্ত নামদেবনা লাইনিংবগী লম্বেলদা কন্সিয়সনেসবু হেন্না মপাঙ্গল কনখৎহনখি। অসিগা চপ মান্ননা সন্ত তুকারামনা মরাথি লোলদা রেলিজিয়স এৱেয়রনেসকী কেমপেন অমা হৌদকখ্রে। অমসুংসন্ত চোখামেলানা খুনাইদা অহোংবা পুরক্নবগী খোংজঙবু হেন্না মপাঙ্গল কনখৎহনখি।
আজ মহারাস্ত্র আনি মরাথি ধর্ম ৱাধৱিনাৱ্য
থোর সন্তানা মী সাস্তাঙ্গ কর্তো।
মরাথি ভাশেলা হা দর্জা মহঞ্জে সমপুর্ন দেশনি
ছত্রপতি শিৱাজী মহারাজ য়ানা ত্যাঞ্চা রাজ্যভিশেকাচ্য
তীনসে পন্নাস ৱে ৱ্যা ৱর্শাত কেলেলা মানাচা মুজরা আহে।
মরুপশিং,
ভারতকী নিংতম লানগী পুৱারিদা মারাথি লোলনা লৌখিবা থৌদাং অদুনা অমুকশু হেন্না ফজহল্লে। মহারাস্ত্রগী য়াওল্লোই লুচিংবশিং অমসুং থিঙ্করশিংনা মীয়ামদা খঙহন্নবা অমসুং অমত্তা ওইনা পুনশিন্নবগী পাম্বৈ অমা ওইনা শিজিন্নখি। লোকমান্য তিলকনা মরাথি পাউ-চে, কেস্রিগী খুত্থাংদামীতোপকী সাসন অদুবু নিকহনখি। মরাথিদা পীখিবা মহাক্কী ভাসনশিং অদুনা মীপুম খুদিংমক্তা স্বরাজ ফংনবগী ৱাখল্লোন অদু পোকহনখি। মরাথি লোলনা অচুম্বগীদমক্তা অমসুং ইক্বালিতীগীদমক্তা লান্থেংনবদা খুমাং চাউশিনহনবদা য়াম্না চাউবা থৌদাং লৌখি। গোপাল গনেশ অগরকারনা মহাক্কী মরাথি পাউ-চে সুধারক্কী খুত্থাংদা সোসিয়েল রিফোর্মশিংগী কেমপেন অদু য়ুমথোং খুদিংদা য়ৌহনখি। গোপাল কৃষ্ণ গোখলেনা নিংতম লালদা লমজিং-লমতাক পীনবগী পাম্বৈ অমা ওইনা মরাথি লোল অসি শিজিন্নখি।
মরুপশিং,
মরাথি সহিত্য অসি ভারতকী পারি-পুরিনা থম্বিরম্বা মপাল নাইদ্রবা লন্নি, মসিদা ঐখোয়গী সভ্যতা অমসুং সন্সকৃতিগী ওইবা ৱারি কয়া অমা চেকশিন্না থম্লি। মহারাস্ত্রদা মরাথি সহিত্যগী খুত্থাংদা , স্বরাজ, স্বদেশি, ইমালোল অমসুং ইমাগী চৎনবীগী ৱাখল্লোন অসি শন্দোরকপা হৌরকখি। নিংতম ঈহৌ মনুংদা হৌদোরকখিবা গনেস উৎসব অমসুং শিব জয়ন্তিগী থৌরম, ৱির সৱর্করগুম্বা নিংতম লান্মীশিংগী ৱাখল্লোন, বাবাসাহেব অম্বেদকরগী সোসিয়েল ইক্বালিতী মুবমেন্ত, মাহার্ষি কর্ৱেগী এমপাৱরমেন্ত কেমপেন, মহারাস্ত্রগী ইন্দস্ত্রিয়েলাইজেশন, এগ্রিকলচরেল রিফোর্মশিংগী মতাংদা পাইখৎলম্বা থবকশিং, মখোয়শিং অসিগী পুনশি চেংজেলদি মারাথি লোলনি। ঐখোয়গী লৈবাক অসিগী কলচরেল দাইভর্সিতী অদু মরাথি লোলগা পুনবদগী অমুক্কশু হেন্না ইনাক খুলহনলে।
মরুপশিং,
লোল হায়বসি পাউ ফাওননবগী পাম্বৈ খক্তমক নত্তে, লোলগী সন্সকৃতি , পুৱারি, চৎনবী অমসুং সহিত্যগা য়াম্না অচেৎপা মরি লৈনৈ। ঐখোয়না খুনুং ইশৈ পোৱারাগী খুদম পীবা য়াই। পোৱারাগী খুত্থাংদা সত্রপতি সিবাজি মহারাজ অমসুং অতোপ্পা অথৌবশিংগী ৱারিশিং অদু চহি চা কয়াগী মতুংদা ফাওবা ঐখোয়দা তাহল্লি। মসি মতম অসিগী মীরোলদা মারাথি লোলনা পীবা য়াম্না ফজরবা খুদোলনি। ঙসি ঐখোয়না গনপতিগী পুজা তৌবা মতমদা ৱাহৈশিং অসি ঐখোয়গী থমোইদা অদুমক ফাওহল্লি। মসি ৱহৈ খরনা পুনশিল্লগা শেম্বা খক্তা নত্তে, মসি ঐখোয়না নিংজরিবা অদুগী লেপ্পা লৈতবা ঈচেলনি। মসিগী লাইনিং-লাইশোলগী ঈচেল অসিনা লৈবাক শিনথুংনা মরাথি লোলগা শম্নহল্লিবনি। অসুম্না শ্রী ৱিত্থলগী অভঙ্গ তারিবশিং অদুশু মশা মথন্তনা মরাথি লোল অসিগা মরি লৈনহল্লি।
মরুপশিং,
মরাথি লোলবু অসিগুম্বা মাইপাকপা অমা ফংহন্নবগীদমক্তা মরাথি সহিত্যকারশিং, কবিশিং, অইবশিং, অমসুং মশিং থিঙমদ্রবা মরাথিবু নুংশিজবা মীশিংনা মতম শাংনা হোৎনখি। মরাথি লোলবু ক্লাসিকেল লেঙ্গ্বেজকী মিংথোল অসি মমিং লৈরবা সহিত্যকার কয়া অমগী হোৎনজমন্না ফংবা ঙম্লিবনি। মসিদা বালশাস্ত্রি জামভেকর, মহাত্মা জ্যোতিভা ফুলে, সাৱিত্রিবাই ফুলে, কৃষ্ণাজী প্রভাকর খারিলকর, কেশৱসুত, শ্রীপাদ মহাদেব মাতে, অচার্য়া অত্রে, সান্তাবাই শেল্কে, গজানন দিগম্বর মাদগুলকর, কুসুমাগ্রাজনা লৌরম্বা থৌদাং অদু মপাল নাইদে। মারাথি সহিত্যগী চৎনবি অসি য়াম্না লিবদা নত্তনা মাইওন কয়া অমশু লৈ। শক্নাইরবা মীওই কয়া খুদম ওইনা ৱিনোবা ভাৱে, শ্রীপত অমৃত দাঙ্গে, দুরগাবাই ভগৱত, বাবা আমতে, দলিত সহিত্যকার দয়া পৱার, বাবাসাহেব পুরান্দরেনা মরাথি সহিত্যদা শিংথংনিংঙাই ওইবা থৌদাং কয়া অমা লৌখি। ঙসি ঐহাক্না মারাথিগী সেবা তীরম্বা পুরুশোত্তম লক্সমন দেসপান্দে, ফুলা দেসপান্দে পনবা মতমদা মীয়াম্না কঙই, ঐহাকশু দা. আরুনা ধেরে, দা. সদানন্দ মোরে, মাহেশ এলকুঞ্চার, সহিত্য একাদেমি এৱার্দ ফংখ্রবা নামদেব কাম্বলে লৌরম্বা থৌদাংশিং অদুবু নিংশিংদুনা লৈহৌরগনি। আশা বাগে, ৱিজয়া রাজাধ্যক্স, দা, শরনকুমার লিম্বালে, থিয়েতর দাইরেক্তর চন্দ্রকান্ত কুলকর্নিগুম্বা পুকচেল শেংনা অমসুং থৱায় য়াওজবা মীশিং অসিনা চহি কয়াদগী মসিগী মঙলান অসি মঙখি।
মরুপশিং,
সহিত্য অমসুং সন্সকৃতিগা লোইননা মরাথি সিনেমানশু ঐখোয়বু চাউথোকহল্লে। ঙসি ভারত্তা সিনেমাগী শক্তম অসি ভি. সান্তারাম অমসুং দাদা সাহেব ফালকেগুম্বা মীওইশিং অসিনা শেম্লম্বনি। মরাথি থিয়েতরনা খুনাই অসিগী শোত্থরবা মীওইশিং অদুগী খোঞ্জেল অদু তাহনখি। মরাথি থিয়েতরগী শক্নাইরবা কালাকারনা স্তেজ খুদিংমক্তা মহাক্কী তেলেন্ত অদু উৎখি। মরাথি ইশৈ, খুনুং ইশৈ, খুনুং জগোইগী চৎনবীনা মখোয়গী ফজরবা লেগেসী অমা পুদুনা মাং লোমদা কাখৎলি। বালগন্ধর্ব, দা. বসন্তরাও দেসপান্দে, ভিমসেন জোশি, সুধির ফরকে, মোগুবাই কুর্দিকর নত্রগা মতুং তারকপা য়ুক্কী লাতা দিদি, আশাতাই, শঙ্কর মাহাদেৱন, অনুরাধা পদৱালগুম্বা মীওইশিং অসিনা মরাথি ইশৈগী তোপ-তোপ্পা শক্লোন অমা পীবীরে। মরাথি লোলগী থবক তৌরিবা মীশিং মশীং অসি অদুক্কী মতিক য়ামখ্রে, মখোয়গী মতাংদা ৱারি শারবদি নুমিদাংসিমা লোইবা ঙম্লরোই।
মরুপশিং,
ঐহাক্কী লাইবক ফবা হায়গদ্র, মফম অসিদা মী খরনা মরাথিদা ঙাংগদ্র নত্রগা হিন্দীদা ঙাংগদ্র হায়বগী নিংহন্নবা অমা অদুমক লৈ, মরক্তা ঐগী কনেক্সন তৎখ্রে নত্রবদি ঐহাক্না মরাথি লাইরিক অনি নত্রগা অহুমদি গুজরাতিদা হন্দোক্লমলগদবনি। হোজিক্তি চহি ৪০ মমাংদগী এগী কনেক্সন অদু তৎখ্রে, অদু নত্রবদি ঐহাক্না মরাথি ফনা ফজনা ঙাংলম্মি। অদুবু হৌজিক্সু ঐঙোন্দা কা হেন্না অৱাবদি ওইদে অমসুং মসিগী মরমদি, ঐহাক্ন অঙাং ওইরিঙৈ ঙল্লিঙৈ মতমদা, এহমদবাদতা জগন্নাথ মন্দির অমা লৈ মফম অদুদা ঐহাকশু লৈরম্মি। মফম অদুগী মনাক্তা কালিকো মিল লৈরম্মি অমসুং কেলিকো মিলগী থবক তৌবা মীশিংগী ক্বার্তর অদুআ বিরে কৌবা মহারাস্ত্রগী ইমু অমা লৈরম্মি অমসুং ইরাই নুমিত্তা ছুতি লৈরম্মি। মতম অদু স্তেগরিং ওইরম্মি, মতম অদুদা ইলেক্ত্রিসিতিগী খুদোংচাদবা লৈরম্মি, ঐহাক্না পোলিতিকেল কমেন্ত অমত্তা পীবা নত্তে। অদুবু মতম অদু অসুম্না অদুমক ওইরম্মি। ইরাই নুমিত্তা মখোয়গী ছুতি লৈবনা মখোয়গী য়ুমদা উনবা চৎলম্মি। ঐহাক্ননা নিংশিংবদা, মখোয়গী য়ুমথংনবদা অপিকপা নুপীমচা অমা লৈরম্মুই। মহাক্না ঐঙোন্দা মরাথিদা ৱারি শারম্মি। মহাক্না ঐগী গুরু ওইদুনা ঐবু মারাথি তম্বিরম্মি।
মরুপশিং,
মরাথি ক্লসিকেল লেঙ্গবেজকী মিংথোল অসি ফংবদগী মরাথি লোল তম্বা হেনগৎহল্লগনি। মসিনা রিসর্চ অমসুং সহিত্যগী কলেক্সন হেনগৎহল্লগনি। খ্বাইদগী হেন্না মরু ওইবা ৱাফম অমনা ভারতকী য়ুনিভর্সিতীশিংদা মরাথি লোল তম্নবগী খুদোংচাবা লৈরগনি। কেন্দ্র সরকারগী অসিগুম্ববা ফিরেপ অসিনা মরাথি লোল চাউখৎনবগী থবক তৌরিবা ওর্গনাইজেশনশিং, মীশিং অমসুং মহৈরোইশিংদা পুক্নিং থৌগৎলগনি। মসিনা লাইরিক-লাইশুদা অমসুং রিসর্চকী লমদা থবক ফংহল্লগনি।
মরুপশিং,
নিংখা তম্লবা মতুংদা লৈবাক অসিদা অহানবা ওইনা ইমা লোল তম্বদা য়াম্না মরু ওইবা থম্বা সরকার অমা শেম্লিবনি। ঐহাক্না নিংশিংবদা, চহি কয়াগী মমাংদা অমেরিকাদা অমুক চৎপা মতমদা ইমুং অমদা ঐহাক লেক্লম্মি। অমসুং ঐহাক্না ইমুং অদুগী হৈনবী অদুনা ঐগী থমোইদা পানখি। মখোয় তেলগু ইমুংদগী ওইরম্মি অদুবু মখোয়গী ইমুংদা নিয়ম অমা লৈরম্মি, লাইততি অমেরিকন্নি, পুনশিশু অমেরিকননি। অদুবু নিয়ম অমা লৈরম্মি মদুদি করিগুম্বা অমবু ওইরো নুংদাংগী চাক চাবা মতমদা তেবলদা ইমুংগী মীপুম খুদিংমক লৈগদবনি অমসুং অতোপ্পা আমনা নুংদাংগী চাক চাবা মতমদা ইমুংগী মীপুম খুদিংমক্না তেলগু লোল খক্তদা ৱারি শানগদবনি। মসিনা মরম ওইরগা মফম অদুদা পোকপা অঙাং অদুসু তেলগু ফজান ঙাংই। ঐহাক্না মহারাস্ত্রগী ইমুংদা চংলুরবদি হৌজিক ফাওবা নখোয়না মরাথি লোল তাবা ফংগনি। অতোপ্পা মীশিংগী মফমদদি অসুম্না ওইদে, মখোয়না মশাগী মরোল থাদোক্তুনা হেলো-হাই হায়বনা হেন্না নুংঙাইজৈ।
মরুপশিং,
অনৌবা নে্সনেল এজুকেশন পোলিসীগী মতুং ইন্না মরাথিদশু মেদিকেল অমসুং ইঞ্জিনীয়রিং তম্বা য়ারগনি। মসিদা নততনা ঐহাক্না সুপ্রীম কোর্তকী জজকী মাংদা হায়জখি। ঐহাক্না হায়খি মদুদি লাইরবা মীওই অমনা নখোয়গী কোর্ততা লাকপা মতমদা অমসুং নখোয়না মঙোন্দা ইংলিশতা জজমেন্ত পীবা মতমদা, মরাইবক থিরবা মীশক অদুনা করি খঙগনি, নহাক্না করি ৱায়েল পীরিনো হায়বফাও খঙলরোই। লোইননা ঐহাক্না য়াম্না হরাওবা অমনা, ঐখোয়গী জজমেন্তকী ওপরেতিব ওইবা শরুক অদু মমালোলদা পীখ্রে। মরাথিদা ইবা সাইন্স, ইকোনোমিক্স, আর্তস, পোইত্রী অমসুং হীরম কয়া অমগী লাইরিকশিং ফংদুনা লাক্লি অমসুং হেনগৎলক্লি। মসিবু মতম চুপ্পদা হিংদুনা লৈনবা, ঐখোয়না লোল অসিবু ভেহিকল ওফ আইদিয়াস ওইহনগদবনি। ঐখোয়না মরাথি সহিত্যগী থবকশিংবু মীয়ামদা খরা হেন্না শন্দোক্নবা হোৎনগদবনি, ঐহাক্না মরাথি লোল অসি গওবল ওদিয়েন্স ফাওবা য়ৌহনবা পাম্মি। নখোয়নশু খঙলম্লগনি, সরকারনা মরাথি ত্রান্সলেশনগীদমক্তা ভাসিনি এপ অমা শেমখ্রে। নখোয়না মসিবু শোইদনা শিজিন্নবীয়ু। মসিদগী য়াম্না লাইনা নখোয়না ভারতকী অতোপ্পা লোলদা হন্দোকপা য়াগনি। ত্রান্লেশনগী ফীচর অসিনা লোলগী মরক্তা লৈরবা অপনবা অদুবু মুত্থৎলগনি। নখোয়না মরাথি ঙাংবা মতমদা ঐহাক্না ভাসিনি এপ হাংদুনা লেরবদি মদুবু গুজরাতি তাবা ফংগনি। ঐহাক্না হিন্দীদা তাবা ফংগনি। অসুম্না অৱাবা অমা তেকনোলোজীগী মতেংদগী য়াম্না লাইহল্লে।
মরুপশিং,
ঙসি ঐখোয়না অসিগুম্বা পুৱারি ওইবা অসিগুম্বা থৌদোক অসিগী নুংঙাইবদি ফোংদোক্লি অদুবু মসিনা ঐখোয়গীদমক্তা য়াম্না চাউবা থৌদাং অমশু পুদুনা লাক্লি। মরাথি ঙাংবা মীপুম খুদিংমক্না অসিগী ফজরবা লোল অসিবু হেন্না চা্খৎহন্নবা শরুক য়াবা হায়বসি মখোয়গী মথৌদাংনি। মরাথি মীশিংনা চম্বগুম্বনআ মরাথি লোলশু য়াম্না চম্মি। লোল অসিদা য়ারিবমখৈ মীশিং য়াম্না শিজিন্নবা হেনগৎলক্নবা, লোল অসিনা হেন্না চাউথোরক্নবা, মথংগী মীরোলনা লোল অসিগীদমক্তা চাউথোকচাবা ফাওনবা, মসিগীদমক্তা ঐখোয় পুম্নমক্না হোৎনগদবনি। নখোয় ময়াম্না হরাও-তয়াম্না ওক্তুনা, ইকাইখুম্নবীবগীদমক্তা রাজ্য সরকারবু থাগৎপা ফোংদোক্লি। মসি তাঞ্জা চানরুবনি মরমদি ঐহাক্কী অতোপ্পা থৌরম অমগীদমক্তা মফম অসিদা লাকপনি। অদুবু খঙহৌদনা মফম অসিগী মরুপশিংনা ঐঙোন্দা পুং অমতং খাইদোকও হায়বদি মসিগী থৌরম অসি ওইরকখিবনি। অমসুং পুনশি চুপ্পা হায়রিবা ৱাফমশিং অসিগা মরি লৈনদুনা লাক্লবা মফম অসিদা লেংশিল্লিবা দিগ্নিতরীশিংনা থৌরম অসিদা শরুক য়ারিবা অসিমক মারাথি লোলগী মতিক-ময়াই অদুবু উৎথোকই। মসিগীদমক্তা ঐহাক্না নখোয় পুম্নমকপু থাগৎপা ফোংদোকচরি। ঐহাক্না অমুক্কশু হন্না নখোয় পুম্নমকপু মরাথি লোলবু ক্লাসিকেল লেঙ্গ্বেজকী মিংথোল ফংবগীদমক্তা হন্না-হন্না নুঙাইবা ফোংদোক্লি।
মহারাস্ত্রতীল আনি জগাতিল সর্ৱ মরাথিজনানা
খুপ খুপ শুভেচ্ছা দেতো।
খুরুমজরি।
