পি.এম কিষান সমরিদ্ধি কেন্দ্র লাখ ১.২৫ মীয়ামদা কৎথোকখ্রে
পি.এম-কিষানগী মখাদা লুপা করোর ১৭,০০০ রোমগী ১৪শুবা ইন্সতোলমেন্তশিং য়েন্থোকখ্রেফার্মর প্রদুসর ওর্গনাইজেসন ১৫০০ ওপন নেতৱার্ক ফোর দিজিতেল কম্মর্স(ও এন দি সি)দা শরুক য়াবগী থবক হৌদোকখ্রেয়ুরিয়া গোল্দ-সলফর তৈরবা য়ুরিয়া হৌদোকখ্রেঅনৌবা মেদিকেল কলেজ মঙা শঙ্গাখ্রে অমসুং মেদিকেল কলেজ তরেৎ উরেপ-উয়ুং তমখ্রে“কেন্দ্র সরকারনা লৌমীশিংগী অৱাবশিং অমসুং দরকার ওইবশিং খঙই”“সরকারনা ঐখোয়গী লৌমীশিংদা য়ুরিয়া মমলগী অৱাবা লৈহল্লোই। লৌমী অমনা য়ুরিয়া লৈবা চৎপা মতমদা, মোদীগী গরেন্তি অমা মহাক্না থাজৈ”“চাউখৎলবা খুঙ্গংশিং ওইরবা মতমদা ভারত চাউখৎপা ঙমগনি”“ঐখোয়গী পান্দমদি রাজস্থান্দা অনৌবা ইনফ্রাস্ত্রকচর শেমগৎপনি”“ঐখোয়গী মালেম শীনবা থুংনা রাজস্থানগী চাউথোকচবা অমসুং হেরিতেচগী অনৌবা মশক অমা তাক্কনি”রাজস্থানগী রাজ্যপাল কালরাজ মিশ্রা, য়ুনিয়ন মিনিস্তর নরেন্দ্র সিংহ তোমার, অতোপ্পা মিনিস্তরশিং, পর্লিয়ামেন্তগী ঐগী মরুপশিং, লেজিসলেচরশিং অমসুং অতোপ্পা শক্নাইরবশিং অমসুং থৌরম অসিদা শরুক য়ারিবা লৈবাক্কী মফম কয়াগী লৌমী করোর কয়া। রাজস্থানগী লৌমী করোর কয়া ঐনা কোক নোঞ্জরি। ঙসিগী মরুওইবা থৌরম অসি য়েংলিবা রাজস্থানগী ঐগী নুংশিরবা ইচিন-ইনাওশিং অমসুং ইচন-ইচেশিং।
খাতু শ্যাম জিগী লৈবাক অসিনা ভারতকী মফম কয়াদগী লাই খুরুম্বা লাকপশিং অমুক হন্না থাজবা পীরি। খেখৱাতকী অথৌবশিংগী লমদম অসিদগী তোঙান-তোঙানবা চাউখৎ-থৌরাংগী প্রোজেকশিং হৌদোকপগী খুদোংচাবা অমা ফংবা অসি ঐগী লাইবক ফবনি। লৌমীশিংগী য়াইফনবা পি.এম কিষান সম্মান নিধিগী মখাদা লুপা করোর লিশিং ১৮ লৌমীশিংগী বেঙ্ক একাউন্তশিংদা দাইরেক্ত ওইনা পীখ্রে।
ঙসি লৈবাক অসিদা পি.এম কিষান সামরিদ্ধী কেন্দ্র লাখ ১.২৫ হেন্না থবক হৌরে। খুঙ্গং অমসুং ব্লোক থাক্তা লৌমী করোর কয়া কান্নবা ফংলগনি। ঙসি, ফার্মর প্রদুসর ওর্গনাইজেসনশিং ওপন নেতৱার্ক ফোর দিজিতেল কম্মর্স(ও এন দি সি)দা শরুক য়াবা অসিনা লৌমীশিংনা লৈবাক্কী মফম অমদগী হেক্তা মখোয়গী পোৎথোকশিং কৈথেলদা য়ৌহনবদা লাইহল্লগনি। ঙসিগী চাউখৎ-থৌরাংগী প্রোজেকশিং অসিনা লৈবাক অসিগী মীয়াম অমসুং লৌমী কয়া কান্নবা পীরগনি।
ঙসি লৈবাক অসিগী লৌমীশিংগী অনৌবা য়ুরিয়া গোল্দ হৌদোক্লে। হায়রিবা থবকশিং অসিগী মথক্তা, রাজস্থানগী অনৌবা মেদিকেল কলেজ অমসুং এক্লাভ্য মোদেল স্কুলশু হৌদোক্লে। লৈবাক অসিগী মীয়াম, রাজস্থানগী মীয়াম অমসুং ঐগী লৌমী ইচিন-ইনাওশিং অমসুং ইচন-ইচেশিংদা ঐনা য়াইফ-পাউজেল পীজরি।
মরুপশিং,
সিকার অমসুং সেখাৱাত লমদম অসি লৌমীশিংগী মরুওইবা মফম অমনি। মখোয়না থবক কন্না শুবগী মমাঙদা খুদোংচাদবশিং করিশু নত্তে হায়বা লৌমীশিংনা উৎলে। ঈশিং মরাং কাইনা ফংদ্রবসু, লৌমীশিংনা মহৈ-মরোংগী পোৎথোকশিং মরাং কাইনা পুথোক্লি। লৌমীশিংগী থৌনা, লৌমীশিংনা থবক কন্না শুবা অসিনা লৈবাক-লৈহাওদগী সনা পুথোক্লে। মরম অদুনা লৈবাক অসিগী লৌমীশিংগীদমক ঐখোয়গী সরকারনা লেপ্লি।
মরুপশিং,
লমদম অসিগী লম্মিৎ-তুমিৎ অসি খুদোংচাদবা কয়া লৈরবসু মখোয়না থবক কন্না শুবা অসিগীদমক ইকায়খুম্নবা উৎচরি। হৌজিক কেন্দ্রদা লৈরিবা সরকার অসিনা লৌমীশিংগী অৱাবশিং অমসুং দরকার ওইবশিং খঙই। হৌখিবা চহি ৯দা মরুদগী হৌরগা কৈথেল ফাওবগী অনৌবা থবকশিং পায়খৎলে। ২০১৫দা রাজস্থানগী সুরতগরদা সোইল হেল্থ কার্দ স্কিম হৌদোকখিবা অদু ঐ নিংশিংলি। স্কিম অসিগী মখাদা, লৌমী করোর কয়া লৈবাক-লৈহাওগী ফিবমগী মতাংদা য়ুম্ফম ওইবা লৌশিংনা অচুম্বা ৱারেপশিং লৌবা ঙমহল্লে।
ঙসি রাজস্থানদগী অমুক হন্না লৌমীশিংগী অচৌবা স্কিম অমা হৌদোকপা অসিদা ঐ হরাওই। ঙসি লৈবাক শীনবা থুংনা পি.এম কিষান সামরিদ্ধী কেন্দ্র লাখ ১.২৫ মীয়ামদা কৎথোক্লে। হায়রিবা কেন্দ্রশিং অসিনা লৌমীশিং য়াইফনবা লম্বী শেমগনি। লৌমীশিংগী দরকার ওইবশিং মফম অমদা পুন্না ফংহন্নবা প্রধান মন্ত্রীনা পি.এম কিষান সমরিদ্ধি কেন্দ্রশিং লিংখৎপনি। লৌমীশিংদা হারশিং, মরু-মরাংশিং, খুৎলায়শিং, লৈবাক-লৈহাও চাংয়েং তৌনবগী খুদোংচাবা অমসুং সরকারগী তোঙান-তোঙানবা স্কিমশিংগী ই-পাউশিং ফংহন্নবা খুদোংচাবশিং প্রধান মন্ত্রীনা পি.এম কিষান সমরিদ্ধি কেন্দ্রনা লৈবাক অসিগী লৌমীশিংদা পীগনি। লৌমীশিংনা কেন্দ্রশিংদা চৎকদবনি অমসুং মফম অদুদা ফংলরিবা লৌশিংগী কান্নবা লৌগদবনি। চহি অসি লোইদ্রিঙৈ মমাঙদা অহেনবা পি.এম কিষান কেন্দ্র সামরিদ্ধী কেন্দ্র লাখ ১.৭৫ লিংখৎকনি।
মরুপশিং,
ঙসি,লৌমীশিংগী চাদিং হন্থহন্নবা হৌজিক পাল্লিবা সরকার অসিনা থবক পায়খৎলি অমসুং মখোয়গী দরকার ওইরকপা মতমদা মখোয়গী মতেং পাংলি। পি.এম কিষান সম্মান নিধি অসি লৌমীশিংগী বেঙ্ক একাউন্তশিংদা হকথেংননা ফন্দশিং পীবা মালেমদা খ্বাইদগী চাউবা স্কিম্নি। হৌজিক ফাওবদা লৌমীশিংগী বেঙ্ক একাউন্তশিংদা লুপা করোর লাখ ২.৬০ হেন্না হকথেংননা পীখ্রে অমসুং করিগুম্বা ঙসিগী ১৪শুবা ইন্সতোলমেন্ত অসি থারবদি লৌমীশিংনা তোঙান-তোঙানবা চাদিং তৌবা ঙম্লগনি। লৈবাক অসিগী য়ুরিয়াগী মমল অসি সরকারনা লৌমীশিংগী চাদিং হন্থহনবগী খুদম অমনি।
ঐখোয়গী সরকারনা কমদৌনা ঐখোয়গী লৌমীশিংগী শেন কনবা ঙম্নবা য়ুরিয়াগী মমল হন্থহনবা অসিসু খুদম অমনি। কোরোনাভাইরস লাইচৎ অমসুং রুসিয়া-য়ুক্রেন লালনা হার ফংহনবগী থবকশিংদা অচৌবা চৈথেং পীরিবা অসিগী মতাংদা প্রধান মন্ত্রীনা হায়খি হৌজিক পাল্লিবা সরকার অসিনা মসিগী অৱাবা লৈবাক অসিগী লৌমীশিংদা ফংহন্দ্রে। ভারত্তা য়ুরিয়া বেগ অমদা লুপা ২৬৬ পীবা মতমদা, পাকিস্তান্দা লুপা ৮০০, বাংলাদেসতা লুপা ৭২০, চাইনাদা লুপা ২১০০ অমসুং য়ু.এস.এদা লুপা ৬০০০ পীরি। সরকারনা ঐখোয়গী লৌমীশিংদা য়ুরিয়া মমলগী অৱাবা লৈহল্লোই। য়ুরিয়া মমলনা মরম ওইদুনা ভারতকী লৌমীশিং ৱাহনবা ঐখোয়গী দরকারনা য়াদে। মসিগী অশেংবা মশক অদু লৈবাক অসিগী লৌমীশিংনা নুমিৎ খুদিংগী থেংনরি। লৌমী অমনা য়ুরিয়া লৈবা চৎপা মতমদা, মোদীগী গরেন্তি অমা মহাক্না থাজৈ।
মরুপশিং,
রাজস্থানগী লৌমীশিং থবক কন্না শুদুনা মিল্লেতশিং থারি। হৌজিক ঐখোয়গী লৈবাক্কী তোঙান-তোঙানবা মফমশিংদা মখল কয়াগী মিল্লেতশিং থারে। হৌজিক ঐখোয়গী সরকারনা মিল্লেতশিং অসি শ্রী অন্ন হায়না খঙনরে। ভারতকী শ্রী অন্ন মালেমগী কৈথেলশিংদা য়ৌহন্নবা ঐখোয়গী সরকারনা হোৎনরি। সরকারনা পায়খৎলিবা থবকশিং অসিদগী শ্রী অন্ন পুথোকপা অমসুং শেম-শাবা অমসুং মপান্দা থাদোকপা হেনগৎলে। ঐনা হন্দক য়ু.এস.এদা চৎলুবা খোঙচৎ অদুদা হবাইদ হাওসনা শীনবা চাক্লেন অমদা রাস্ত্রপতি জো বাইদেনগা লোয়ননা মিল্লেতশিংগী মথেলশিং চামিন্নখি।
মরুপশিং,
মিল্লেত থাবা লৈবাক অসিগী অপীকপা লৌমীশিং, ঐখোয়গী রাজস্থানগী লৌমীশিং সরকারনা পায়খৎলিবা থবকশিংগী কান্নবা ফংলে। ঙসি লৈবাক অসিদা পায়খৎলিবা অচৌবা থবকশিং অসিনা লৌমীশিংগী পুন্সিদা অচৌবা অহোংবা কয়া লাক্লে।
মরুপশিং,
খুঙ্গংশিং চাউখৎলবা মতমদা ভারত চাউখৎপা ঙমগনি। মরম অদুনা সহরশিংদগী থাপ্না লৈবা খুঙ্গংশিংদা খুদোংচাবা খুদিংমক ফংহন্নবা সরকারনা থবক পায়খৎলি। চহি ৯গী মমাঙদা রাজস্থান্দা মেদিকেল কলেজ ১০ খক লৈরমখি। ঙসিদি মশিং ৩৫ য়ৌরে। মসিনা অনকপা মফমশিংদা মেদিকেলগী খুদোংচাবশিং ফগৎহল্লে অমসুং মেদিকেল মহৈরোয়শিংদা মগুন লৈবা মেদিকেল ইজুকেসন ফংহল্লে। ঙসি শঙ্গারিবা অমসুং উরেপ-উয়ুং তম্লিবা মেদিকেল কলেজশিং অসিনা রাজ্য অসিগী মফম কয়াদা মেদিকেল ইনফ্রাস্ত্রকচর ফগৎহল্লগনি।
অনৌবা মেদিকেল কলেজশিং অসিনা চিত্তোগর, ধোলপুর, সিরোহি, সিকার অমসুং শ্রী গঙ্গানগর অমসুং বারান, বুন্দি, কারাওলি, ঝুনঝুনু, সাৱাই মাধোপুর, জয়সালমর অমসুং তোনকতা অনা-লায়য়েংগী খুদোংচাবশিং ফগৎহল্লগনি। হৌজিক মীয়াম্না লায়য়েংনবা দিল্লি অমসুং জয়পুরদা চৎলরোই। মেদিকেল ইজুকেসন ফংহনবগা লোয়ননা, ইমা লোলদা মেদিকেল ইজুকেসন পীনবা থবকশিং পায়খৎলে। হৌজিক লায়রবা মীওই অমগী মচানুপা নত্ত্রগা মচানুপী অমা ইংলিস হৈতবনা মরম ওইদুনা দোক্তর অমা ওইবা ঙমদবা অদু লৈররোই। মসি মোদীগী থাজবনি।
মরুপশিং,
চহি কয়া খুঙ্গংশিংদা অফবা স্কুলশিং লৈতদবগী খুঙ্গংশিং অমসুং লায়রবশিং শোৎথনা লৈরমখি অমসুং চাউখৎত্রিবা অমসুং ত্রাইবেল ফুরুপশিংগী অঙাংশিং মখোয়গী মঙলানশিং মঙফাওননবা পাম্বৈ অমতা লৈরমদে। হৌজিক সরকারনা ইজুকেসনগী বজেত হেনগৎহল্লে অমসুং এক্লাভ্য রেসিদেন্সিএল স্কুলশিং লিংখৎতুনা ত্রাইবেল নহারোলশিংদা কান্নবা পীরে।
মরুপশিং,
অচৌবা মঙলানশিং মঙলবা মতম খক্তদা চাউনা মাইপাকপা ঙম্মী। রাজস্থান অসি চহিচা কয়া মালেম অসি অঙকপা পোকহনখিবা রাজ্য অমনি। রাজস্থানগী অনৌবা চাউখৎ-থৌরাং পায়খৎপা মতমদা লমদম অসিগী হেরিতে ঙাক-শেনগদবনি। ঐখোয়গী পান্দমদি রাজস্থান্দা অনৌবা ইনফ্রাস্ত্রকচর শেমগৎপনি। হৌখিবা থা খরগী মমাঙদা হায়-তেক এক্সপ্রেৱে অনি শঙ্গাখ্রে অমসুং দিল্লি-মুম্বাই এক্সপ্রেসৱে অমসুং অমৃতশর-জামনগর এক্সপ্রেসৱেগী অচৌবা শরুক অমা ফাওদুনা রাজস্থান্না চাউখৎপগী অনৌবা যুগ অমা হৌরে। রাজ্য অসিদগী বন্দে ভারত এক্সপ্রেস ত্রেন চেনবা হৌরে। সরকারনা তুরিজমগা মরী লৈনবা ইনফ্রাস্ত্রকচরশিং শেমগৎনবা শেন থাদরে অমসুং মসিনা রাজ্য অসিদা অনৌবা খুদোংচাবা কয়া পীরগনি। রাজস্থান্না “ঐখোয়গী লমদা লাক্লো” হায়না কৌরকপদা এক্সপ্রেসৱে অমসুং অফবা রেলগী খুদোংচাবশিংনা লমকোয়বশিংদা খুদোংচাবা পীগনি। শ্বাদেস দর্সন স্কিমগী মখাদা খাতু শ্যাম জি লাইশঙ শেমগৎ-শাগৎপগী থবকশিং পায়খৎলে। ঐখোয়গী মালেম শীনবা থুংনা রাজস্থানগী চাউথোকচবা অমসুং হেরিতেচগী অনৌবা মশক অমা তাক্কনি।
মরুপশিং,
রাজস্থাগী চীফ মিনিস্তর নুমিৎ খর মশা ঙমদদুনা লৈরকখি, মহাক্কী মখোঙদা অনাবা খর লৈখি। মহাক ঙসিগী থৌরম অসি শরুক য়াগদবনি, অদুবু খুদোংচাদবা অদুনা মরম ওইদুনা লাকপা ঙমখিদ্রে। মহাক্কী অনাবা ফগৎলক্নবা ঐনা ঈশ্বরগী মফমদা থৌনিজরি অমসুং লৈবাক অসিগী লৌমীশিংগী মরুওইবা থবকশিং মীয়ামদা কৎথোকপগীদমক রাজস্থানগী মীয়ামদা য়াইফ-পাউজেল পীজবগা লোয়ননা ঐগী ৱারোল লোইশিঞ্জরে।
অদোম থাগৎচরি!
