লুপা করোর 100 হেনবগী শেনফম চঙনা শাগদবা সন্ত শিরোমনী গুরুদেব শ্রী রবিদাসজী মেমোরিএলগী উরেপ উয়ুং পি.এম.না তমখ্রে
লুপা করোর 1580 হেন্না চঙনা পায়খৎকদবা রোদ প্রোজেক্ত অনিগী উরেপ উয়ুংসু পি.এম.না তমখ্রেলুপা করোর 2475 হেন্না চঙনা দব্লিং তৌখিবা কোতা-বিনা রেল লম্বীবু লৈবাক মীয়ামদা খুৎশিন্নখ্রে“সন্ত শিরোমানী গুরুদেব শ্রী রবিদাসজী মেমোরিএল অসিদা ফজবগী মতৌগা লোয়ননা দিভিনিতীগী মগুনশু চেনগনি”“সন্ত রবিদাসজীনা হন্থবা মিৎয়েংদা য়েংবগী থৌওংগা লান্থেংনবা ঙম্নবগীদমক্তা খুন্নাইদা পাঙ্গল হাপ্পীরমখি”“ঙসি, লৈবাক অসিনা নিংতম্বগী ইথিলগা লোয়ননা তুংলমচত্তা খোঙদারী অমসুং মীখা পোনবগী ৱাখল্লোনবু য়াদ্রে”“অমৃত কাল অসিদা ঐখোয়না লৈবাক অসিদগী লাইরবা অমসুং চাবা ফংদবগী ফিভম মুত্থৎনবা হোৎনরি”“লাইরবশিংনা থেংনরিবা চাবা ফংদবা অমসুং মশাবু ইকায় খুম্নবগী থেংনরিবা অৱাবা অসি খঙবা ঙম্মি। ঐহাক্তি অদোমগী ইমুংগী মীওইনি অমসুং ঐহাক্না অদোমগী অৱাবা খঙনবগীদমক্তা লাইরিকশিংদা য়েংবগী মথৌ তাদে”“ঐখোয়না মিৎয়েং চঙলিবা অসিদি খুন্নাইগী কাঙলুপ খুদিংবু মপাঙ্গল হাপ্পা অমসুং লাইরবশিংগী য়াইফ য়ুম্বালদনি”ঙসিদি, দলিত, শোতভারত ইমানা য়াইফরে।
ভারত ইমানা য়াইফরে।
থৌরম অসিদা তিনবীরিবা মধ্য প্রদেশকী রাজ্যপাল শ্রী মঙ্গুভাই পতেল, মুখ্য মন্ত্রী শ্রী শিবরাজ সিংহ চৌহান, কেন্দ্রগী মন্ত্রী মন্দলদা লৈরিবা ঐহাক্কী মরুপশিং, শ্রী বিরেন্দ্র খাতিক, জ্যোতিরাদিত্য সিন্দিয়া, প্রহাদ পতেল, মধ্য প্রদেশ সরকারকী মন্ত্রীশিং, এম.পি.শিং মফম খুদিংমক্তগী লাকপা মুনীশিং অমসুং মশিং য়াম্না লাক্লিবা ঐহাক্কী নুংশিজরবা ইচিল ইনাওশিং।
সাগরগী লমদম, সন্তশিংনা ঐখোয়গী ইরক্তা তিনবীরিবা, সন্ত রবিদাসজী অমসুং খুন্নাইগী তোঙান-তোঙানবা কাঙলুপ কয়াগী য়াম্লবা মীয়ামনা থৌজাল পীনবা তিল্লরে। ঙসিদি সাগরদা নুঙাই য়াইফবগী ইপাক অমা উবা ফংলে। লৈবাক্না নুংঙাই য়াইফরিবা অসিবু পুম্নমক্কী ওইহন্নবা, ঙসিদি, সন্ত শিরোমানী গুরুদেব শ্রী রবিদাসজী মেমোরিএলগী উরেপ উয়ুং তম্লিবনি। সন্তশিংগী থৌজানবীদুনা, ঙসিগী অঙনবদা ‘ভুমী পুজন’দা শরুক য়াবা ফংলিবনি অমসুং অদুগা ঐহাক অসি কাশিগী পার্লিয়ামেন্তকী মেম্বর অমনি মসিনা ঐহাকপু অমুক্কা হেন্না নুংঙাইবা পোকহল্লে। মমিং লৈরবা সন্ত রিবিদাসকী থৌজালদগী ঙসিদি ঐহাক্না উরেপ উয়ুং তমলে অমসুং চহি অমা মখাইগী মতুংদা লাইশঙ অসিগী শঙ্গাবদসু শরুক য়াবা ফংগনি। অদুগা সন্ত রিবিদাসনা ঐহাকপু মফম অসিদা অমুক হন্না লাক্নবা খুদোংচাবা অমা পীরগনি। সন্ত রবিদাসজীগী পোক্নফম বনারস লমদমদা কয়ারক হন্না চৎপগী খুদোংচাবা ফংখি। ঙসিদি নখোয়গী নমাংদা ঐহাক লৈররে। ঙসি মসিগী সাগর হায়রিবা লমদম অসিদগী সন্ত শিরোমনি পুজ্য রিবিদাসজীগী চরন্দা খুরুমজরি।
ইচিল ইনাওশিং,
সন্ত রবিদাসজীগী পাউতাকশিংদগী থোক্লকপা দিভিনিতীগা লোয়ননা য়েংবদা নীংথিজবগী মতৌ অনিমক সন্ত শিরোমানী গুরুদেব শ্রী রবিদাসজী মেমোরিএল অসিদা চেনগনি। মেমোরিএল অসি শাবদা খুঙ্গং 20000 অমসুং তুরেল 300গী লৈহাও শিজিন্নখিবনা মরম ওইরগা ঙসিদি মেমোরিএল অসিদা ‘সম্রাস্ত’গী ইথিল শাগোন্নরি। মধ্য প্রদেশকী ইমুং কয়ানা ‘সম্রাস্ত ভোজ’কীদমক্তা হৱাই-চেংৱাই মরাং কাইনা থারকখি। ঙসিমকসু সাগরদা য়াত্রা মঙাসু লোইশিনখি। অদুগা মসিগী নুঙাই য়াইফবগী য়াত্রা অসি মসিদা লোইদে অমসুং মসিগী য়াত্রাশিং অসিনা খুন্নাইগী নুংশি চানবগী অনৌবা য়ুগ অমা হৌদোক্লগনি। ঐহাক্না মধ্য প্রদেশ সরকারবু মসিগী থবক অসিগীদমক থাগৎপা ফোঙদোকচরি, মুখ্য মন্ত্রী ভাই শিবরাজ জী অমসুং নখোয় পুম্নমকপু থাগৎপা ফোঙদোকচরি।
মরুপশিং,
ইথিল অমসুং চাউখৎপগী (প্রেরনা অমসুং প্রগতী) মতৌনা অমত্তা ওইরক্লবদা, অনৌবা য়ুগ অমা হৌদোকই। ঙসিদি ঐখোয়গী লৈবাক ঐখোয়গী এম.পি.শিংনা মসিগী থৌনা অসিগা লোয়ননা মাংলোমদা চংশিল্লি। প্রোজেক্তশিং, হায়বদি, রোদ প্রোজেক্ত অনি অমসুং কোতা-বিনা রেল লম্বী দব্লিং তৌরে। মসিগী চাউখৎ থৌরাংগী প্রোজেক্তশিং অসিনা সাগর অমসুং নক্নবা মফমশিংগী মীয়ামদা হেন্না ফরবা খুদোংচাবা কয়া পীগনি। মসিগী ইচিল ইনাও খুদোংমকপু থাগৎপা ফোঙদোকচরি।
মরুপশিং,
লৈবাক্না নিংতম্বগী চহি 75 মপুং ফারকপা অমসুং ঐখোয়গী মমাংদা অমৃত কালগী মথংগী চহি 25না মাঙদা লৈরকপা মতমদা সন্ত রবিদাসজী মেমোরিএলগী উরেপ উয়ুং তম্লি। অমৃতকাল অসিদা ঐখোয়গী মমাংগী মতমশিংদগী পারা তম্বগা লোয়ননা লমদম অসিগী হেরিতেজবুসু তুংলমচত্তা পুফম থোকই। লৈবাক অসিনা চহি লিশিং অমগী খোঙচৎ লোইশিনখ্রে। হায়রিবা অশাংবা মতম অসিগী মনুংদা খুন্নাইদা ফত্তবা ইথিল লাকপা হায়বসিদি মহৌশাগী থৌওংনি। মসিগুম্বা ফত্তবশিংবু তান্থোকখিনবগীদমক্তা রবিদাসজীগুম্বা সন্ত নত্ত্রগা মহাত্মা অমা মতম মতমগী মতুং ইন্না থোক্লক্লি অসিদি ঐখোয়গী ভারতকী খুন্নাইগী মপাঙ্গল কনবননি। সন্ত রবিদাসজী অসি মুঘলনা লৈবাক অসিদা লৈঙাক্লিঙৈ অমসুং খুন্নাইনা খল কায়বা, হন্থনা য়েংবা অমসুং মীওৎ-মীনৈনা খম থেংবা য়ুগতা পোকখিবনি। মসিগুম্বা মতমসিদা খুন্নাইগী ফত্তবশিংবু মীয়ামদা খঙহন্দুনা মসিবু তান্থোকপগী পাম্বৈ তাকখিবা অদুদি সন্ত রবিদাসজীনি। সন্ত রবিদাসজীনা হায়;
जात पांत के फेर महि, उरझि रहई सब लोग।
मानुष्ता कुं खात हई, रैदास जात कर रोग॥
হায়বদি নাকল অমদা, মীয়াম্না কাস্ত অমসুং ক্রীদকা মাইয়োক্নরি অমসুং মসিনা মীওইগী মচৎপু মাংহল্লি। অদুগা অতোপ্পা নাকল অমদনা, ফত্তবনা মীওই খুন্নাইবু মাঙ তাকহল্লি। ঐখোয়গী থাজবশিং অসি মাংহন্নবা হোৎনবা, ঐখোয়গী শক্লোন অসি মুত্থৎনবা অথিংবশিং থম্বা অমসুং মুঘলগী মতমদা লৈরম্বা সন্ত রবিদাসজীনা লৈবাক্কী থৱাইবু মিৎকপ থোকহনবগা লোয়ননা খুন্নাইদা চৎনরিবা পামদবা থৌওং কয়াগী মাইয়োক্তা খোল্লাও লাওখি। রবিদাসজীনা হায়;
पराधीनता पाप है, जान लेहु रे मीत|
रैदास पराधीन सौ, कौन करेहे प्रीत ||
হায়বদি মীখা পোনবা হায়বসিনা খ্বাইদগী চাউবা পাপনি। মদুবু য়াবা অমদি মদুগী মাইয়োক্তা লেপ্তবা মীওইশিং অদুদি কনা অমত্তনা নুংশিদে। সন্ত রবিদাসজীনা খুন্নাইগী মফমদা হন্থনা য়েংবা মিৎয়েংগী মাইয়োক্তা লেপ্নবা থৌনা অমসুং পাঙ্গল হাপখি। ছত্রপতি ভীর শিবাজীনা মসিবু ইথিল ওইনা শিজিন্নদুনা হিন্দবী স্বরাজ্যগী ফম্বাক শেমখিবনি। ভারতকী নিংতম ইহৌগী মতমদা নিংতম লান্মী কয়াগী থম্মোইনুংদা চঙবা ঙমখ্রিবা ইথিল অদুদি মসিনি। ঙসিদি, লৈবাক অসিনা নিংতম্বগী চপ মান্নবা ইথিল অসিগা লোয়ননা তুংলমচত্তা খোঙদারী অমসুং মীখা পোনবগী ৱাখল্লোনবু তান্থোক্লি।
মরুপশিং,
রৈদাসজীনা মহাক্কী ৱারোল অমদা থম্বীরম্মি অমসুং সিবরাজজীনা মদুমক পনখি-
ऐसा चाहूं राज मैं, जहां मिलै सबन को अन्न।
छोट-बड़ों सब सम बसै, रैदास रहै प्रसन्न॥
হায়বদি সমাজ হাববসি লারবা ইনাক খুনবা থীদনা কনা মত্তনা চরা হেন্দুনা থম্লোইদবনি। ঐখোয়না অমৃত কাল অসিদা লৈবাক অসিদগী লাইরবা অমসুং চাবা ফংদবগী ফিভম্বু মুত্থৎনা হোৎনরি। লাইচৎ মনুংদা অসিগুম্বা অচৌবা অৱাবা অমা মায়োক্নখিবা অদু অদোম্না উরম্লগনি।মালেম পুম্বগী সিস্তেম লৈকা তাখি, উপাই লৈতদুনা লেপতুনা লৈখি। মীপুম খুদিংমক্না দলিত অমসুং ত্রাইবেলশিংগী মরমদা য়াম্না অৱাবা পোকখি। চহি চামাগী মতুংদা অসিগুম্বা অচৌবা অৱাবা অমা লাকপা অসিদা মসিগী সমাজগী সেক্সন অসিনা করম্না হিংবা ঙমখিবনো হায়না ময়াম্না হংনরকই। অদুবু ঐহাক্না ঐহাক্কী লাইরবা ইচিল ইনাওশিং অসিবু চরা হেল্লগা তুম্বা য়ারোই হায়বা ৱারেপ লৌখি। ঐহাক্না লাইরবশিংনা থেংনরিবা চাবা ফংদবা অমসুং মশাবু ইকায় খুম্নবগী থেংনরিবা অৱাবা অসি খঙবা ঙম্মি। ঐহাক্তি অদোমগী ইমুংগী মীওইনি অমসুং ঐহাক্না অদোমগী অৱাবা খঙনবগীদমক্তা লাইরিকশিংদা য়েংবগী মথৌ তাদে। মসিদগী ঐখোয়না প্রধান মন্ত্রী গরীব কল্যান য়োজনা হৌদোকখি। য়োজনা অসিগী মখাদা মখাদা মীওই করোর 80 হেনবগী মফমদা লেম্না রেসন পীখি। অদুগা ঙসিদি মসিগী থৌওং অসিবু মালেম পুম্বনা থাগৎনরি।
মরুপশিং,
ঙসি লৈবাক অসিনা লাইরবশিংগী পাইখৎলিবা য়োজনা খুদিংমক্তা দলিত, শোত্থরবা ত্রাইবলশিংনা খ্বাইদগী চাউনা কান্নবা ফংলি। মমাংগী সরকারশিংনা পাইখৎপা য়োজনশিং অসি মীখলগী মতমদা খক্তা পাইখৎলি হায়বা নখোয়না খংলমগনি। হান্নগী মতমগা মান্নদবা মতৌ অমগুম্না, লৈবাক অসিনা ঙসিদি দলিত, লাইরবা, ত্রাইবেল অমসুং নুপীশিংগী নাকনদা পুন্সিগী থাক খুদিংদা লেপ্লি। ঙদোম্না য়োজনাশিং অসিগী মতাংদা য়েংবা মতমদা অঙাং পোকপগী মতমদা, মাত্রু বন্দনা য়োজনাগী খুত্থাংদা মমা অমসুং অঙাং অদু মশা-মউ ফনা লৈনবা মীরোলবী নুপীশংদা লুপা লিশিং 6 তেংবাংলি। অঙাং পোক্লবা মতুংদা অঙাংশিং অদু লায়না তিন্না নাবা য়াই হায়বসি নখোয়না খংলমলগনি। নৌনা পোকপা অঙাংশিংগী তোতেল ভেক্সিন সেক্যুরিতী ওইরিবা মিসন ইন্দ্রধনুশ অসিনা মরম ওইরগা, মমা অমসুং অঙাং করোর 5.5 হেনবদা ইম্যুনাইজ তৌখ্রে।
মরুপশিং,
ভারত মচা করোর 7পু সিক্কল সেল এনেমিয়াদগী কন্নবা কেম্পেন অমা ঙসি ঐখোয়না পায়খৎলি। লৈবাক অসি 2025দা TB মুত্থৎনবা হোৎনরি, কালা-অজার অমসুং এন্সেফেলাইতিস নাবগী চাং তপ্না তপ্না হন্থরক্লি। দলিৎ অমসুং খ্বাইদগী লাইরবা শোত্থরবা ইমুং মনুংশিংনা মসিগী অনাবা অসি মায়োক্নরি। করিগুম্বা লায়েংবা মথৌ তারবদি অয়ুশমান য়োজনাগী মখাদা হোস্পিতালশিংদা লেম্না লায়েংনবা শিল-লাংলি। মীয়াম্না মখোয়না মোদী কার্দ পায় হায়নৈ। লুপা লাক্ষ 5 ফাওবগী লেম্না লাইয়েংবগীদমক্তা অদোমগী ইচানুপা (প্রধান মন্ত্রী) লৈরি।
মরুপশিং,
পুন্সিদা এজুকেসন হায়বসি য়াম্না মরু ওই। ঙসিদি ত্রাইবল অঙাংশিংগী মহৈ মশিং তম্নবা লৈবাক অসিদা অফবা স্কুলশিং থমখ্রে। এক্লাব্য রেসিদেন্সিএল স্কুল 700 ত্রাইবলগী মফমশিংদা হাংদোকখ্রে। সরকারনা মখোয়দা লাইরিক তম্নবা লাইরিক অমসুং স্কোলার্শিপ পীরি। মিদ-দে মীলগী সিস্তেম অসিসু ফগৎহন্দুনা অঙাংশিংদা মচি ওইবা চীঞ্জাকশিং ফংহল্লি। ইচানুপীশিংনা মান্ননা মাংজিল থানবা নুপীমচাশিংগী সুকনয়া সামৃধী য়োজনা, হৌদোকখ্রে। স্কুল লোয়রবা মতুংদা অৱাংবা থাক্কী মহৈ মশিং তম্নবা SC, ST, OBC মহৈরোইশিং নুপামচা অমসুং নুপীমচাশিংগী তোঙানবা স্কোলার্শিপ পীরি। MUDRA লোনগী মখাদা SC, STগী মশিং য়াম্লবা কম্ম্যুনিতী মেম্বরশিংদা লোন পীরিবা অসিগুম্বা খোঙথাং অসিনা মখোয়গী মংলানশিং অদু মংফাওনবা ঙম্লগনি।
মরুপশিং,.
SC, ST সমাজগী খল্লগা ঐখোয়না স্তেন্দঅপ ইন্দিয়া য়োজনা হৌদোকখি। স্তেদঅপ ইন্দিয়াগী মখাদা SC, ST নহাশিংদা পুন্না লুপা করোর লিশিং 8কী শেলগী তেংবাং পীখিবা। ঐখোয়গী ত্রাইবল ইচিল ইনাওশিংনা উমংগী লন-থুমদগী মখোয়গী জিবিকা ওইজরি। লৈবাক অসিনা মখোয়গীদমক বন ধন য়োজনা পাইখৎলি। ঙসিদি MSPগী মনুংদা উমংগী পোত্থোক 90 না কান্নবা ফংলি। মসিগী মথক্তা দলিৎ, শোত্থরবা মীওই অমত্তনা ময়ুম লৈতবা য়াদে, লাইরবা মীপুম খুদিংমক্কী য়ুম অমমম লৈহনগনি। মসিগীদমক মৈ, ঈশিং অমসুং গ্যাস কন্নেক্সন য়াওবা প্রধান মন্ত্রী অৱস য়োজনা পীরি। মসিগী ফল ওইনা SC-ST খুন্নাইগী মখোয়গুম্বা মীওইশিংনা ঙসিদি মশা মথন্নতা লেপচবা ঙমজরে। মখোয়না মান্নবা থাক লৈদুনা খুন্নাইদা চুনবা ফম অমা ফংজরে।
মরুপশিং,
সাগর হায়বসি মমিংদসু সাগর য়াওবা জিলা অমনি অমসুং মসিবু একর 400গী লাখা বঞ্জারা পাৎকা লোয়ননা শক্তাক্লি। লমদম অসিগা অচৌবা মরী লৈনরিবা লাখা বঞ্জারা পাৎ অসি য়াম্না মরুওই। লাখা বঞ্জারানা চহি কয়াগী মমাংদগী ঈশিংগী মরু ওইবা খঙখ্রবনি। অদুবু লমদম অসিদা চহি দিকেদ কয়াদগী সরকার পাইদুনা লাক্লিবা মীওইশিং অসিনা লাইরবশিংদা থক্নবা ঈশিং ফাওবা পীরমদে। ঐখোয়গী সরকারনা মসিগী থবক অসিমকপু জল জীবন মিসনগী খুত্থাংদা পাংথোক্লি। দলিত, শোত্থবা খুন্নাই অমসুং ত্রাইবেলগী মফমশিংদা ঙসিদি তোতী ঈশিং য়ৌরে। লাখা বঞ্জারাগী চৎনবী অসিবু খুমাং হেন্না চাউখৎহন্নবগীদমক্তা লৈবাক্কী জিলা খুদিংদা অমৃত সরোবর 75 শাবগী থবক চত্থরি। মসিগী পাৎশিং অসিনা নিংতম্বগী ইথিলগী খুদম অমা অমসুং নুংশি চান্নবগী মফম অমা ওইরগনি।
মরুপশিং,
ঙসিদি, দলিত, শোত্থরবা, মীরায়বীরবা নত্ত্রগা ত্রাইবেল ওইরো, ঐখোয়গী সরকারনা মখোয়না ফংফম থোকপা ইকায় খুম্নবা উৎপগা লোয়ননা অনৌবা খুদোংচাবশিং ফংহল্লি। খুন্নাই অসিগী মীওইশিং অমসুং পুৱারী অনিমক মপাঙ্গল শোনবা অমত্তা নত্তে। লৈবাক শেম্বগী থৌওংশিংদা মশক থোকপা থৌদাং য়াখিবা, অমসুং অমগী মতুংদা অমা থোকখিবা খুন্নাই অসিগী শক্নাইরবা মীওই কয়া লৈরি। মসিনা মরম ওইরগা, লৈবাক অসিনা মখোয়গী পুন্সি ৱারীবু চাউথোকচবগা লোয়ননা ঙাক শেল্লিবনি। বনারসতা লৈবা সন্ত রবিদাসজীগী পোক্নফম লমদমগী লাইশঙ মশক ফজথোকহনখ্রে। সন্ত রবিদাসজীগী মিং লৌদুনা মিংথোল্লিবা ভোপালগী গোবিন্দপুরাদা গ্লোবেল স্কিল পার্ক শাখ্রে। বাবা সাহেবকী পুন্সিগা মরী লৈনবা মরু ওইবা মফমশিংবু পঞ্চ তীর্থ হায়না শেমগৎলি। অমসুং ত্রাইবেল খুন্নাইগী মশক থোক্লবা পুৱারীশিংবু অমর ওইহন্নবা রাজ্য কয়াদা ম্যুজিয়মশিং শারি। লৈবাক অসিনা লোর্দ বির্সা মুন্দাগী মপোক কুমওনবু জঞ্জিতিয় গৌরব দিবস হায়না পাংথোকপা হৌরে। মধ্য প্রদেশকী হবিবগঞ্জ রেলৱে স্তেসন অসি গোন্দ খুন্নাইগী মহারানী কমলাপতিগী মিং লৌদুনা মিংথোনখি। পতালপানী স্তেসনবুনা তান্ত্য মামাগী মিং লৌদুনা মিংথোনখি। ঙসিদি দলিত, শোত্থরবা অমসুং ত্রাইবেলগী চৎনবীশিং অসিবু লৈবাক অসিদা অহানবা ওইনা ইকায় খুম্নবা হৌরক্লে। ঐখোয়না ‘সবকা সাথ, সবকা বিকাস, সবকা বিশ্বাস অমসুং সবকা প্রয়াস’কী ৱারেপ লৌদুনা মাংলোমদা চৎপীয়ু। সন্ত রবিদাসজীগী পাউতাকশিংনা লৈবাক্কী মীয়াম্বু খোঙচৎ অসিদা অমত্তা ওইনা চৎহনবদা তেংবাংখিগনি হায়বগী থাজবা থমখি। ঐখোয় পুন্না খুৎশম্নদুনা ভারত অসি চাউখৎলবা লৈবাক অমা অথিংবা লৈতনা শেমলসি। মসিগী থৌনা অসিগা লোয়ননা নখোয় পুম্নমকপু থাগৎপা ফোঙদোকচরি, য়াইফ মঙ্গল পীজরি।
থাগৎচরি।
