ঐখোয় পুনশিন্নদুনা লৈবা মতমদা ঐখোয় হেন্না কনখৎলক্কনি অমদি হেন্না ফরক্কনি হায়বসি কোবিদনা ঐখোয়দা তাকখি: প্রধান মন্ত্রী
“হ্যুমেন রিসাইলেন্সনা অতোপ্পা খুদিংমক্তদগী হেন্না শক্তি লৈ হায়না উৎখিবগী মওং অসি চারোন-শুরোনশিংনা নিংশিংদুনা লৈহৌরগনি”“লাইরবা মীওইশিংনা সরকারশিংদা হেন্না তাংজহন্দুনা লাইরবা লান্থেংনবা ঙম্লোই৷ লাইরবা মীশিংনা সরকারশিংবু থাজবা য়াবা পার্তনরশিংনি হায়না খনবা হৌরকপা মতমদা লাইরবা লান্থেংনবা ঙমগনি”“লাইরবশিংদা থৌনা পীনবা হোৎনবদা শক্তি শজিন্নবা মতমদা, মখোয়দা লাইরবা লান্থেংনবা ঙম্বগী থৌনা অদু ফংই”“ক্লাইমেত চেঞ্জ হন্থনবগী খ্বাইদগী লাইবা অমদি খ্বাইদগী মাই পাকপা লম্বী অদুদি মহৌশাগা চুশিন্নবা পুন্সি মহিংশিংদা পুরককপা অদুনি”“মালেমগী খ্বাইদগী ফাওরবা এনবাইরোনমেন্তেলিস্তশিংগী মনুংদা মহাত্ম গান্ধী মনুং চল্লি৷ মহাক্না জিরো কার্বন ফূতপ্রিন্তস লাইফস্তাইল অমা লমজিংখি৷ মহাক্না তৌখিবা খুদিংমক্তা, অতৈ-অতোপ্পশিংদগী ঐখোয়গী গ্রহগী য়াইফনবা মহাক্না পাংথোকখি”“গান্ধী জিনা ত্রস্তীশিপকী দোক্ত্রিনদা ৱাফম থমখি, ঐখোয় পুম্নমক অসি গ্রহ অসিগী ত্রস্তীশিংনি, গ্রহ অসিবু চেকশিন্না থম্বা অসিনা‘গ্লোবেল সিতিজন লাইব’তা প্রধান মন্ত্রীনা ভিদিওদা ৱা ঙাংখ্রেখুরুমজরি!
মসিগী নহা ওইরিবা অমসুং ইচং থৌরবা মীয়াম পুনবা অসিদা ৱা ঙাংবা ফংজবা অসি য়াম্না নুঙাইজৈ। ঐখোয়গী মালেমগী ফজরবা মখল কয়া অমা লৈরিবা অসি ঐহাক্কী ইফমদদি মালেমগী ওইবা ইমুং-মনুং অমনি।
গ্লোবেল সিতিজন খোঙজং অসিদা ইশৈ-নোংমাই অমসুং অনৌবা ৱাখল কয়া অমা পুথোক্তুনা মালেম অসিবু অমত্তা ওইনা পুনশিন্নবা হোৎনরি। ইশৈ-নোংমাই অসি শান্ন-খোৎনবগুম্না অমত্তা ওইনা পুনশিনবা ঙম্বা মহৌশাগী ওইবা গুন অমা লৈজৈ। শক্নাইরবা হেনরী দেবিদ থোরোনা হায়বিরম্মী, অমসুং ঐহাক্না পঞ্জরি: “ঐহাক্না ইশৈ-নোংমাই তাবা মতমদা, ঐহাক্না খুদোংথীবগী অকিবা লৈতে। ঐহাক্না চৈনা কয়া খাঙবা ঙম্মী। ঐহাক্না য়েক্নবা অমত্তা উদে। ঐহাক্না মতমগী খ্বায়দগী অঙনবা অমসুং খ্বায়দগী অথেংবা ফাওবা মরী লৈনহল্লি”।
ইশৈ-নোংমাইনা ঐখোয়গী পুন্সিদা ইং-চিক্না লৈহল্লি। মসিনা ৱাখল অমসুং হকচাং পুম্বা ইংথহল্লি। ভারত অসি থায়নগী ইশৈ-নোংমাই কয়াগী হৌরকফম্নি। রাজ্য খুদিং, মফম খুদিং, ইশৈ-নোংমাইগী তোঙান-তোঙানবা মওং কয়া অমা লৈজরি। ঐহাক্না অদোম পুম্নমকপু ভারত্তা লাক্নবা বার্তোন তৌজরি অমসুং ঐখোয়গী ইশৈ-নোংমাইগী মগুন অমসুং মখলশিং অসি খঙদোকপিয়ু।
মরুপশিং,
ঙসিদগী চহি অনিগী মমাংদা, মীওইবা জাতি অসিনা পুন্সি চুপ্পগী ওইনা অমু্ক্তং ওইবা মালেমগী লায়চৎ লান্থেংনরি। লায়চৎ অসি থেংনবদা ঐখোয় পুন্না হোৎনমিন্নখিবা অসিনা ঐখোয়দা পারা অমা তম্বিরি মদুদি ঐখোয় অমত্তা ওইনা পুনবা অসিনা হেন্না কনবা অমসুং হেনবা ফবা ওইরি। ঐখোয়না মসিগী অপুনবগী ইথিল অসি ঐখোয়গী কোবিদ-১৯গী লান্মীশিং, দোক্তরশিং, নর্সশিং, মেদিকেল স্তাফশিংনা লায়চৎ অসি লান্থেংনবদা মখোয়গী অঙম্বা থাক্তা হোৎনখিবা অসিদা উবা ফংবনি। ঐখোয়না মসিগী ইথিল অসি মতম চানা অনৌবা ভেক্সিন পুথোকখিবা ঐখোয়গী সাইন্তিস্তশিং অমসুং ইনোভেতরশিংদা ফবা ফংলি। লাক্কদৌরিবা মীরোল অসিনা মীওইবা খুনাইনা করিগম্বা অমা লাকপদা য়াম্না থুনা অঙম তাল্লি হায়বা নিংশিংদুনা লৈহৌরগনি।
কোবিদকী মথক্তা অতৈ অৱাবা কয়া অমসু মায়য়োক্নরি। মসিদা খ্বায়দগী অৱাবা মায়য়োক্নরিবা অসি লায়রবা পনখৈ অসিনি। লায়রবা পনখৈ অসি সরকারদা হেন্না তাংলগসু কোকপা ঙমদ্রি। লায়রবগী পনখৈ অসি লায়রবশিংনা সরকার অসি অশেংবা মরুপনি হায়না থাজবা ঙম্লবা খক্তদা লান্থেংনবা ঙমগনি। থাজবা পার্তনরনা ইনফ্রাস্ত্রকচর কয়া শেমগৎতুনা মতম পুম্বগী ওইনা লায়রবা পনখৈদগী নান্থোকপা ঙমগনি।
মরুপশিং,
শক্তিনা লায়রবদা শক্তি ওইনা শিজিন্নরবা মতমদা, মখোয়না লায়রবা পনখৈগীদমক লান্থেংনবগী থৌনা লৈগনি। মরম অদুনা ঐখোয়না হোৎনরিবা অসিদা বেঙ্ককী কান্নবা ফংদবশি বেঙ্কিং পীবা, মীওই মিল্লিয়ন কয়া অমদা সোসিএল সেক্যুরিতী পীবা, ভারত মচা মিল্লিয়ন ৫০০দা লেম্না অমসুং মতিক চাবা হেলথকেয়র পীবা অসি য়াওরি। ঐখোয়গী সহর অমসুং খুঙ্গংশিংদা ময়ুম লৈজদবশিংদা য়ুম মিল্লিয়ন ৩০ শাবিখিবদা অদোম্না শোইদনা হরাওবা ফাওবিগনি। য়ুম অমা হায়বা অসি লৈফম খক্কী ৱাফম নত্তে। য়ুম অমা লৈবা অসিনা অদোমগী লেমজনিঙাইনি। অতোপ্পা মীয়ামগী ওইবা খোঙজং অমনা ভারত্তা থক্নবা ঈশিংগী কন্নেক্সন য়ুম্থোং খুদিংদা য়ৌহনবা অসিনি। মমাং চহিগী থা খরদগী হৌজিক ফাওবা, ঐখোয়গী নাগরীকশিং মিল্লিয়ন ৮০০দা লেম্না চেং-হৱায় ফংহল্লি। হায়রিবা অসিনা অমসুং অতৈ হোৎনরিবা কয়া অমনা লায়রবগী পনখৈগী মায়োক্তা লান্থেংনবদা থৌনা অমা পীরি।
মরুপশিং,
অইং অশা ওন্নরকপগী অকিবা অসি ঐখোয়গী মাংদা তাদুনা লৈরি। মালেমগী অকোইবদা অওনবা লাক্লিবশিং অসি ঐখোয় ইশা-ইশাদগী হৌরকখিবনি হায়বা অসি মালেম অসিনা য়াজফম থোকই। অইং অশা ওন্নরকপা মুথৎনবগী খ্বায়দগী লায়বা অমসুং মায় পাক্নবা লম্বী অসি ঐখোয়গী পুন্সি মহিং অকোইবগা পুন্না চৎমিন্নবা অসিনি।
শক্নাইরবা মহাত্মা গান্ধীবু মহাক্কী শান্তি অমসুং অহিংসাগী ৱাখল্লোনবু পাক শন্না খঙনরি। অদুবু, মহাক অসি খ্বায়দগী মশক থোকপা এনভাইরোনমেন্তলিস্তকী মনুংদা অমনি হায়বা অদোম্না খঙবিবরা। মহাক্না জেরো কার্বোন ফুতপ্রিন্তগী লাইফস্তাইল লুচিংখি। মহাক্না তৌবশিংদা, অতৈ অতোপ্পশিংগী মথক্তা ঐখোয়গী প্লানেৎ অসিগা য়াইফনবতা হান্না তৌখি।
ঙসিদি, ভারত অসি অমত্তা ঙাইরবা জি-২০ লৈবাক অমনি মদুদি পেরিস কম্মিৎমেন্তগা ত্রেক্তা লৈরিবা। ইন্তর্নেস্নেল সোলর এলাইয়েন্স অমসুং কোলিএসন ফোর দিজাস্তর রিজিলেন্স ইনফ্রাস্ত্ররচরগী বেন্নর মখাদা মালেম অসি অমত্তা ওইনা পুরকপগীদমক ভারতনা চাউথোকচরি।
মরুপশিং,
মীওইবা খুনাই অমা চাউখৎনবগীদমক ভারতকী চাউখৎ থৌরাংদা ঐখোয়না থাজৈ। মালেমমগী খ্বায়দগী লিরবা স্ক্রীপচর রিগ ভেদা অসি হায়দুনা ঐহাক্না লোইশিনজগে। মালেমগী নাগরীকশিং য়োকখৎলিঙৈদা বর্সেস অসিনা সনাগী মগুন হৌজিক ফাওবা লেপ্লি।
রিগ ভেদানা হায়রি:
সংগচ্ছঘ্বংসংবদঘ্বংসংবোমনাংসিজানতাম
দেবাভাগংয়থাপুর্বসজানানওপাসতে॥
সমানোমন্ত্র:সমিতি:সমানীসমানংমন:সহচিত্তমাছাম।
সমানংমন্ত্রমঅভিমন্ত্রয়েব:সমানেনবোহবিছাজুহোমি॥
সমানীবআকুতি:সমানাহদয়ানিব:।
সমানমস্তুবোমনোয়থাব: সুসহাসতি॥
মসিগী ৱাহন্থোক্তি:
ঐখোয়না মাংলোমদা পুন্না চৎলসি, খোলাও অমত্তা ওইনা লাওরসি;
ঐখোয়গী ৱাখল্লোনশিং য়ানবা অমা পুরক্লসি অমসুং ঐখোয়দা লৈজরিবশিং ফোংদোক্নরসি, ইশ্বরনা তৌবা মতৌগুম্না।
ঐখোয়না মান্নবা পান্দম অমসুং মান্নবা ৱাখল্লোন পীনরসি। অসিগুম্ব অমত্তা ওইবগীদমক থৌনিরসি।
ঐখোয়না ঐখোয় অমত্তা ওইনা পুনশিন্নবা পান্দম অমা অমসুং আসা অমা লৌমিন্নরসি।
মরুপশিং,
মালেমগী ওইবা নাগরীক অমগীদমক মসিদগী হেন্না ফবা করি আসা অমা লৈগনি? অসিগুম্বা অপুনবা প্লানেৎ অমগীদমক ঐখোয় পুন্না হোৎনমিন্নবা য়াই।
অদোম্বু থাগৎচরি।
অদোম্বু য়াম্না থাগৎচরি
