Share
 
Comments

হেদমাস্তর : খুরুমজরি সর!

মোদীজী : খুরুমজরি!

মোদীজী : ঐহাক্না নখোয়দা দিস্তর্বতি তৌদেকো? নখোয় পুম্নমক য়াম্না নুংঙাইবা ৱারীশিং শারম্মি? নখোয়না ওনলাইন কেলোরি বর্ন তৌরি।

হেদমাস্তর : খুরুমজরি সর! অমসুং সর য়াওবীররে, অদোমনা ঐখোয়গী ইরক্তা য়াওবীরকপা অসিগীদমক হন্না-হন্না থাগৎচরি। ঐহাক্না হৌজিক্তা মখোয়দা অখন্নবা মীথুংলেন অমা লাক্কনি হায়না হায়জরম্মিনি সর, মখোয়না অসুম্না সরনা য়াওরক্কনি হায়বা খল্লমলোই অমসুং সর মখোয়না অদোমনা লাকত্রিঙৈ মমাংদগী অদোমগী ৱারী কয়া শারম্মি। মসিদা অদোমগী ফেন য়াম্না য়াওরি।

মোদীজী : ফরে, ঐহাক্না মফম অসিদা থাজদনা য়াওররে অদুবু নখোয়দা দিস্তর্বতি তৌবা পামদে মরমদি নখোয় য়াম্না নুংঙাইনা হরাও মীনোক তমলমখি অমসুং হৌজিক্তি নখোয়দা পরিক্ষাগী ৱাখল ৱানা অমত্তা পোক্তরে হায়না ঐহাক্না ফাওজৈ। মসিনা মরম ওইরগা নখোয়গী হরাওবগী পনখৈ লৈত্রবা মাল্লি। অমসুং কা মনুংদা থোং লোন্দুনা লৈবনা ওনলাইন কেলোরী করম্না বর্ন তৌগনি হায়বা অসিসু নখোয়না তমশিলহৌরে।

মোদীজী : ফরে নখোয়ন পুম্নমক কমদৌরি?

মহৈরোই : নুংঙাইরি সর! য়াম্না নুংঙাইরি সর!

মোদীজী : নখোয় পুম্নমক অনা-অয়েক য়াওদেকো?

মহৈরোই : হোয় সর, য়াওদে!

মোদীজী : নখোয়গী ইমুংগী মীওই পুম্নমক অনা-অয়েক য়াওদেকো?

মহৈরোই : হোয় সর!

মোদীজী : মসিগী মতাংদা ঙরাং নখোয়না তাবা মতম অদুগী মমাংদা তেন্সন লৈরম্বরা অমদি হৌজিক তেন্সন অদু চৎখ্রবরা, অসুম্না তৌবরা?

মহৈরোই : হোয় সর! অচুম্বনি সর!

মোদীজী : হায়বদি নখোয়দা পরিক্ষাগী তেন্সন লৈ হায়বনি?

মহৈরোই : হোয় সর! য়াম্না লৈরম্মি সর!

মোদীজী : অদু ওইরবদি ঐহাক্না লাইরিক ইরিবা অদু কান্নদ্রে, ঐহাক্না একজাম ৱারিয়রদা কৈদৌনুংদা তেন্সন লৈগনু হায়না হায়খি, অদুগা নখোয়না করিগী তেন্সন লৈরিবনো?

মহৈরোই : সর ঐখোয়না নুংতিগী প্রিপরেসন তৌখি, মতম অদুদা তেন্সন লৈবগী ৱাফম লৈখিদে সর।

মোদীজী : করম্বা মতমদা তেন্সন লৈবগে?

মহৈরোই : সর তেন্সন হায়বা অসি করিসু নত্তে অমসুং নহারোলশিংগীদমক হকচাং ফনা থম্বা অসি খ্বাইদগী মরু ওই মরম অসিনা অসিগুম্বা অফবা ৱারেপ অমা লৌবীখিবা অসিগীদমক পুন্সি অসিমা অদোমগী লমন তোনশিনজরবনি।

মোদীজী : অদোমগী মিং করি কৌবগে অমুক্তা হায়বীয়ু?

মহৈরোই : সর হিতেশ্বর শর্মা, পঞ্চকুলাদগী।

মোদীজী : হিতেশ্বর শর্মাজী! পঞ্চকুলাদা লৈরিরা?

মহৈরোই : হোয় সর!

মোদীজী : করম্বা সেক্তরদা?

মহৈরোই : সেক্তর ১০দা সর!

মোদীজী : ঐহাক্না তরেৎতা লৈরম্মি, মফম অদুদা চহি কয়া লৈরকখি।

মহৈরোই : ঙসিতা খংঙি ঐহাক্তি সর।

মোদীজী : হোয়, ঐহাক মফম অদুদা লৈরমখি।

মহৈরোই : হোয় সর, সর অদোমবু য়াম্না সপ্পোর্ত তৌবা মীওই কয়ানা মফম অসিদা অদোমবু অমুক হন্না উবা পাম্লি।

মোদীজী : ফরে, ইনাও নহাক তরাশুবদা তোপ্পর ওইখি, অদুনা তরানিথোই শুবদসু মীকোক থোংনবা য়ুমদা শেম-শারম্লগনি। হৌজিক পরিক্ষা অসি তোক্লবনিনা নহাক শেম-শাবা পুম্নমক লেপ্লবরা?

মহৈরোই : সর ঐহাক্না ৱাফম অদুমক হায়রম্লিবনি, অনীংবা-অপাম্বশিংই লৈগনি অদুবু ঐহাক্না মসিদা নুংঙাইবা পোকই সর মরমদি করিগুম্বা ঐহাক্না পরিক্ষা অসি থারবদি প্রেসর হেনগৎলক্কনি সেচুরেসন পোইন্ত অমা য়ৌগনি অমসুং মসি য়াম্না শাফবদি ওইদে অমসুং অদোমনা য়াম্না অফবা ৱারেপ অমা লৌরকখি। অমসুং ঐহাক্না থাজৈ মদুদি তোপ্পর ওইগরে নত্ত্রগা হোৎনবা কনবা ওইরবসু, হোৎনবা কনবা অদু কৈদৌনুংদা লেম্না মাংদে, লৌশিং অদু মতম চুপ্পদা ঐখোয়দা লেংদনা লৈহৌই। অমসুং কানগুম্বা লেপ্পা লৈতনা লাইরিক ওরাইরিবা, কনসিস্তেন্ত ওইবা অদুদা সর ক্রাইতেয়িয়া অমা হেক্তা লাকপা মতমদা অদোমনা ৱারেপ অমা হেক্তা লৌরবসু মদুদা মহাক্না অদুমক মীকোক থোংবা ওইগনি। অদুনা মখোয়না মসিদা য়াম্না ৱানীংঙাই ওইদে, মীওই খরনা তোপ্পরদি নুংঙাইরম্লরোই নত্ত্রগা অসিগুম্বা কয়া হায়নরি। ঐখোয়না পেপর অসি অমুক হন্না থানবগী প্রবিজন অমদি থমখি হায়বা ঐহাক্না য়াজৈ। অদুনা মসি য়াম্না ৱাখল লৈনা লৌবা ৱারেপ অমনি হায়না ঐহাক্না লৌজৈ অমসুং মসিদা ঐখোয়না পুন্সি অসিমা অদোমগী লমন তোনশিনজরগনি।

মোদীজী : ফরে অঙাংশা, মীওই খরা লৈ মশানা মশাবু য়াম্না থৌনা ফবনি হায়না লৌজৈ। য়াম্না থৌনা লৈবনি হায়না খঞ্জৈ অমসুং ঐহাক মাস্ক উপলোই, কাংলোন ঙাক্না চৎলোই, ঐহাক মসি তৌরোই হায়না হায়রি। মতম অদুদা নখোয়দা করি ফাওবগে?

মহৈরোই : সর কাংলোনশিং অসি ঙাক্তবদি য়াদে... অদোমনা হৌজিক হায়খিবা অদুগুম্না মীয়াম্না মাস্ক উপ্পু য়াদবা নত্ত্রগা কোবিদকী গাইদলাইনশিং ফোলো তৌ য়াদবা মতম অদুদা য়াম্না শাওনিংবা পোকই মরমদি ঐখোয়গী সরকারনা লাইচৎ অসিগী মতাংদা এৱের্নেস পীরি, ইন্তরনেস্নেল ওর্গনাইজেসনশিংনা এৱের্নেস কয়া পীরি। মীয়াম্না ভাব তাদবা মতমদা য়াম্না নুংঙাইতে। অমসুং ঐহাক্না অদোমদা করিগুম্বা খরা সিয়র তৌবা পামজৈ মদুদি ঐখোয়না অমসুং ঐখোয়গী লৈকাইগী অঙাংশিংনা থা খরগী মমাংদা মফম অসিদা অনলোক তৌবা মতমদা এৱের্নেস দ্রাইব অমা চত্থখি। অমসুং ঐখোয়না স্ত্রীৎ প্পেশিং পাঙথোকপা, ঐখোয়না মফম অমদগী অমদা চৎতুনা মীয়ামদা কোবিদ গাইদলাইনশিং ঙাক্না চৎপা, সোসিএল দিস্তেন্সিং থম্বা, মাস্ক উপ্পা অমসুং মখোয়বু শুদোক-চামথোকপা অসি য়াম্না মরু ওই অমসুং নখোয়না মসি ঙাক্না চৎপীয়ু হায়না হায়জখি। অদুনা করিগুম্বা ঐখোয়না ঐখোয়গী থাক্তা লৌখৎপা য়াবা থৌরাং লৌখৎলবা অমসুং ইশানা থৌদাং লৌরবদি অচৌবা অহোংবা অমা পুরক্কনি হায়না ঐহাক্না খঞ্জৈ।

মোদীজী : ফরে ঐহাক্না খঙনীংবদি নখোয়গুম্বা ১২শুবা তম্লিবা অঙাংশিংগী ৱাখলদা ইমুং অসিদা মথংদা করি থোক্লগবা হায়না খন্দুনা লৈ হায়বা ঐহাক্না খংঙি। নহান ফাওবা হায়বদি তাং অমগী অয়ুক ফাওবা, ঙসি মসি পারগনি, হয়েং মসি পাগে, অয়ুক পুং মঙাদা হৌগৎকনি, পুং মরিদা হৌগৎকনি, মসি তৌগে, মদু তৌগে, পুম্নমক খল্লমগনি, তাইম-তেবল পুম্নমক শেমদুনা থম্লমগনি। খঙহৌদনা পুম্নমক অসি তোকখ্রবদা, অহাংবা অমা লাকপা মতমদা, অহাংবা অসি নখোয়না করম্না মেনশিনগনি?

মহৈরোই : খুরুমজরি সর! গুৱাহারি রোয়েল নোবল স্কুলদগী বিধি চৌধরীনি!

মোদীজী : গুৱাহাতিদগীরা?

মহৈরোই : হোয় সর!

মোদীজী : গুৱাহাতিদগীরা?

মহৈরোই : সর, অদোমনা মীপুম খুদিংমক্কী ৱাখল্লোন্দা অয়ুক অদু ফাওবা ৱাখল্লোন কয়া অমা লৈরমগনি হায়না হায়বীরিবা মওং অদুদা ঐহাক্না শুপ্নগী হায়জনীংবদি সর অদোমনা হৌবগা অদোমনা অদোমগী একজাম ৱারিয়রগী মতাংদা অদোমনা হায়বীখি, মসিদা ঐহাক্না পুম্নমক্ত ৱাফম অমা হায়জনীংঙি মদুদি ঐহাক্না তরা শুবা তম্লি হায়বদি ঐহাক্না তরাশুবগী পরিক্ষা থারমদাইদা ঐহাক্না ত্রেবেল তৌখি, কলকত্তাদগী মফম অসিদা লাকখি মদুদা এয়রপোর্ত্তা অদোমগী লাইরিক অদু উখি। সর ঐহাক্না মদু খুদক্তা লৈখি অমসুং ঐহাক্কী তরাশুবগী পরিক্ষাসু তৌগদৌরবনি। মসি ঐহাক ইশানা থেংনরকপা অদুনি, সর ঐহাক্না থা অমা ফাওবা নুংতিগী লাইরিক অদু পাখি অমসুং অদোমনা লাইরিক অদুগী অহৌবদা পরিক্ষাবু হরাও-কুহ্মৈ অমা ওইনা লৌনবা হায়বীখি। অদুনা সর হরাও-কুহ্মৈবু করিগীদমক অকীবা পোক্কদোইনো? হায়বদি হরাও-কহ্মৈগীদমক্তা ঐখোয়না মদু মাই পাক্নবা শেম-শাখি অমসুং অদোমনা য়োগগী খ্বাইদগী অচৌবা মন্ত্র অমা পীখি অমদি লাইরিক অদু য়োগগী মন্ত্রনা লৌশিনখি। অদুনা ৱাফম অনি অসি ঐহাক্কী ৱাখলদা তৎতনা লৈখি মদুদি ফীভম ফত্তে, পুম্নমক্তি লৈরে হায়না লৌরসি, অদুবু ঐখোয়না ৱাখল্লোন অসিগা লোইননা পরিক্ষাগীদমক শেম-শাখিবা, ঐহাক্না তরানিথোইশুবদা শেম-শাখিবগী মওং পুম্নমক অদুদা লাইরিক অসিনা মরম ওইদুনা অৱাবা মায়োক্নখিদে অসিগীদমক সর অদোমবু থাগৎচরি।

মোদীজী : ঐহাক্না হংখিবা ৱাহং অদুগী পাউখুম ফংলে অমসুং নহা ওইরিবা নুপামচা অমনা মখুৎ লেপ্তনা থংগৎলি, মহাক খুদোংচাবা ফংদ্রে। নহাক্কী নমিং করি কৌবগে?

মহৈরোই : সর ঐহাক্কী ইমিং নন্দন হেগদে কৌই।

মোদীজী : নন্দন হেগদে, নহাক কর্নাতক্তগীরা?

মহৈরোই : হোয় সর কর্নাতক্কী বেঙ্গলুরদগীনি সর!

মোদীজী : হায়বীয়ু!

মহৈরোই : সর ঐহাক্না পরিক্ষা অসি ঐহাক্কী পুন্সিগী অরোইনা পরিক্ষানি হায়না লৌজদেম সর তুংদা পরিক্ষা কয়া অমা লাক্কনি। হৌজিক ঐখোয়গী হকচাং ফনা থম্বা তাই অমসুং তুংদা লাক্কদবা পরিক্ষাশিংগীদমক শেম শাবা তাই।

মোদীজী:  হৌজিক নখোয় পরিক্ষাদগী ফ্রী ওইরে, অদুদি ৱাখলদা আই.পি.এল. য়েংদুনা মতম লেনগে নত্ত্রগা চেম্পিয়ন লীগকী ফাইনেল য়েংগে নত্ত্রআ ফ্রেঞ্চ ওপন য়েংগে হায়না খনবরা নত্ত্রগা জুলাইদা হৌগদবা ওলিম্পিক অসিগীদমক খনগদ্রা, ভারতকী ওইনা ওলিম্পিক অসিগীদমক কনা-কনা চৎকনি? মখোয়গী বেকগ্রাউন্দ অসি করিনো? তাং ২১ অসি য়োগগী নুমিৎনি মসিদা ৱাখল থাদগদ্রা নত্ত্রগা করিদা ৱাখল থাদগনি?

মহৈরোই : পুম্নমক অসিদা ৱাখল থাদগনি সর!

মোদীজী : আনোক উপ্পী ইচানুপী অসি করিগুম্বা খরা হায়নীংলি, মঙোন্দা খুদোংচাবা ফংদনা লৈরে।

মহৈরোই : খুরুমজরি সর! সর ঐখোয়গী পরিক্ষা অদু অদোমনা কেন্সেল তৌখ্রে হায়না হেক খঙবগা অহানবদা য়াম্না হরাওখি মদুদি হোজিক স্ত্রেস অমদি হন্থরে, হৌজিক ঐখোয়না ঐখোয়গী কম্পিতিতিব পরিক্ষাশিংগী খক্তা শেম শাবা ফংলগনি হায়বা খংখি। মমাংদা বোর্দকী শেম শারবা মতুংদা কম্পিতিতিব পরিক্ষাশিংগী শেম শাবা হায়না খলমখি। হৌজিক্তি ঐখোয়গী কম্পিতিতিব পরিক্ষাশিংগী শেম শানবা ঐখোয়দা মতম মরাং কাইন ফংলে। অদুনা সর ঐখোয়না য়াম্না থাগৈচরি।

মোদীজী : অদুদি ৱাখলদগী পরিক্ষাগী ৱাখল অসি লেংদনা লৈরি?

মহৈরোই : হোয় সর, চুম্মি অদুমক লেংদনা লৈরি।

মোদীজী : করিগুম্বা অদোম য়ুমদা লৈবা তারবদি অদোমগী ইমা-বাবানা অদোমনা হায়রিবা পুম্নমক তারিবা নত্ত্রা?

মহৈরোই : হোয় সর!

মোদীজী : কয়াদা লৈ উৎলকউনে?

মহৈরোই : সর ঐহাক্না কৌজরকখিগে সর!

মোদীজী : কয়াদা লৈ উৎলকউনে?

মোদীজী : খুরুমজরি!

গর্জিয়ন : খুরুমজরি সর!

মোদীজী : অদুদি অদোম করি ফাওবিবগে, ইচানু্পী অসি হৌজিক ফ্রী ওইবা অসিদা?

গর্জিয়ন : সর মদু অচুম্বা ৱারেপ অমনি মরমদি লৈবাক পুম্বদা ফীভম অসি য়াম্না লুরি অমসুং অঙাংশিং অসিদা পীরম্বা অৱাবা অদুদি কোকখ্রে, মখোয়না মখোয়গী তুংগী কেরিয়রগীদমক  শেম শাবা হৌবা য়ারগনি, ঐখোয়দা নুংঙাইবা পোকই।

মোদীজী : য়েংঙু নখোয়না মসি পোজিতিব ওইনা লৌবিবা অসি নুংঙাই। অতৈ অঙাংশিংনা করি হায়বা পাম্বগে?

মহৈরোই : খুরুমজরি সর! ঐহাক কেন্দিয়া বিদ্যালয় বেঙ্গলুরদগীনি। সর ঐহাক সরবু য়াম্না পামজবা ফেন অমনি।

মোদীজী : থাগৎচরি!

মহৈরোই : সর অদোমগী ৱারেপ অসি য়াম্না ফৈ মরমদি সরনা তেক্তা কাইদনা লৈরবদি অতৈ লিশিং কয়া তেক্তা কাইদনা থম্বা ঙমগনি।

মোদীজী : হকচাং ফবনা লন্নি হায়না ঐখোয়গী হায়নবা লৈ নত্ত্রা?

মহৈরোই : হোয় সর, ঐখোয়গীদমক্তদি সরদগী ইথিল লৌজরি।

মোদীজী : ফরে হকচাং ফনা থম্নবা করি তৌবগে, পুং কয়া তৌবগে অমসুং করি তৌবগে?

মহৈরোই: ঐহাক্না অয়ুক খুদিং হৌগৎগা য়োগ তৌই অমসুং মিনিৎ কুনথ্রা তৌই সর, য়োগ অমসুং হকচাং শাজেল তৌই সর, ঐহাক অমসুং ঐহাক্কী ইনাও নুপা ঐখোয় অনিনা পুন্না তৌমিন্নৈ সর।

মোদীজী : য়েংঙু নহাক্কী ইমুং-মনুংদা তারি, ঐহাক্না হংলদি নহাক শোইদনা ফাগনি।

মহৈরোই : নত্তে সর! মিনিৎ কুনথ্রা নুমিৎ খুদিংগী তৌই সর, ঐহাক অমদি ইনাও নুপা পুন্না তৌই সর, নুমিৎ খুদিংগী য়োগ তৌই অমসুং ঐহাক্কী ৱাখল নুংঙাইনবা নুমিৎ খুদিংগী ঐহাক তবলা থিল্লি সর। ঐহাক চহি অমগী মমাংদগী তবলাগী ত্রেনিং তৌরি অদুনা নুমিৎ খুদিংগী তবলা থিন্দুনা ৱাখল নুংঙাইনা থম্মি সর।

মোদীজী : অদুদি ম্যুজিক অসি নখোয়গী ইমুংগী মীপুম খুদিংমক্না ইকাই খুমনৈ?

মহৈরোই : হোয়, ঐহাক্কী ইমানা সিতারসু খোংঙি সর অমসুং তানপুরাসু খোংঙি।

মোদীজী : অদুনা ইমুংদা ম্যুজিক্কী ৱাখল্লোন লৈ।

মোদীজী : ঐহাক্কা ৱারী শাবগী হৌজিক ফাওবদা খুদোংচাবা ফংদ্রিবশিংদা ঐহাক্না খুদোংচাবা পীগনি। হৌজিক ঐহাক্কী ইমাংদা অঙৌবা ইয়রফোন হাপ্পী নুপীমচা অমা লৈরি মহাক্না করিগুম্বা খরা হায়নীংলি।

মহৈরোই : খুরুমজরি সর! ঐহাক্কী ইমিং কশিশ নেগী কৌই, ঐহাক হিমাচল প্রদেশকী সোলনগী এম.আর.এ.দি.এ.ভি. পন্লিক স্কুলদা তম্মি। সর ঐহাক্না শুপ্নগী হায়জনীংবদি মসি মঙলান অমা মঙ ফাওনবগুম্বনি, হায়বদি অদোমগী অসুম্না উন্নগনি হায়না ঐহাক্না কৈদৌনুংদা খল্লুবা তৌদে। অমসুং সরনা লৌখিবা ৱারেপ অদুগীদমক অদোমবু থাগৎচরি হায়না হায়জনীংঙি মরমদি +২দা তম্লিবা মহৈরোই ঐখোয়গী ওইনা চহি অমা মখাই অসি অদুমক লেংদনা লৈরকখি। করিগুম্বা মখল অমতগী দিবেলপমেন্ত লৈখিদে অমসুং রিতার্দেসন অমত্তসুলৈখিদে মরম অসিনা সরনা ৱারেপ অসি লৌবীরকপদা নুংঙাইবা পোকচৈ অমসুং সরবু থাগৎপা ফোঙদোকচরি।

মোদীজী : খুৎ থাংগৎলক্লিবী অঙাং, করি হায়নীংঙি ইচাদি।

মহৈরোই : খুরুমজরি সর! ঐহাক ক্লাস XII তম্লিবী দিল্লী পব্লিক স্কুল, জয়পুর, রাজস্থানদগীনি। ঐহাক্কী ইমিং জন্নৎ সাক্ষী কৌই। ১২গী বোর্দ পরিক্ষাগীদমক অদোমনা লৌখিবা ৱারেপ অদুবু ঐহাক্না তরাম্না ওকচৈ। হৌজিক ওইরিবা ফীভম অসি য়েংলগা ৱারেপ অদু অচুম্বা খোঙথাংনি মরমদি অঙাংশিং শাফনা থম্বা অমসুং হকচাং ফনা থম্বা অসি মরু ওই। ঐখোয়না সি.বি.এস.ই.দা লেংবা নাইদ্রবা থাজবা থম্লি মদুদি মখোয়না ইভাল্যুএনগীদমক থম্লকপা ক্রাইতেরিয়া পুম্নমক মহৈরোইগী য়াইফনবা ওইগনি। ঐখোয়না কন্না হোৎনবগী মহৈ ঐখোয়না শোইদনা ফংগনি হায়না ঐহাক্না থাজবা থম্লি, থাগৎচরি সর।

মোদীজী : ফরে অদুদি লৈরিবা মমা-মপা পুম্নমক স্ক্রীন্দা লাকহনবীয়ু, ইনাক্তা ইমা-ইপা লৈরবদি কৌশিনবীয়ু মরমদি মখোয় য়াওনীংলমগনি অমসুং ঐহাক্কী ওইনসু নখোয় পুম্নমক্কা ৱারী শাবনা ফগনি। ঐহাক্কী মাংদা লৈরিবা নহা, হায়বীয়ু। অঙৌবা ফুরিৎ লিৎলিবা মীওই অসিনা করিগুম্বা খরা হায়রি।

মহৈরোই ১ : সর হৌজিক ইমা লৈতে অদুবু ইমাগা ঐহাক্কা পুন্না লৈবা মতমদা মহাক্না মোদীজীনা শোইদনা তৌরক্কনি, ৱাখল ৱাগনু হায়না হায়বীখি অমসুং লোকদাউন তৌরিঙৈ মনুং অদুদা কোইসু শাংলকখি মদুদা ইমানা হায় অসুম্না থম্লদি কমাইনা তৌগনি মদুদা ঐহাক্না ইমাদা হায় মোদীজীগী ফেন ওইরুবনা কোই অসুম্না খাকপদা অকাইবা লৈতেনা।

মহৈরোই ২ : সর ঐহাক্কী মিং শিবঞ্জলি অগর্ৱাল কৌই ঐহাক কেন্দ্রিয়া বিদ্যালয়, জে.এন.য়ু., নই দিল্লীদগী মহৈরোইনি। সর ঐহাক্না হায়জনীংবদি পরিক্ষা কেন্সেল তৌরবনিনা, ঐখোয়না ফংলিবা অহেনবা মতম অসি ঐহাক্না ঐহাক্কী এন্ত্রান্সকী পরিক্ষাশিং থানবা শেম শাবা, অমসুং কম্পিতিতিব পরিক্ষাশিং থানবা শেম শাবদা শোইদনা শিজিনগনি অমসুং সরনা পরিক্ষা কেন্সেল তৌবীবগীদমক অদোমবু হন্না-হন্না থাগৎচরি।

মোদীজী : নখোয় পুম্নমক অসুম্না তৌরসু চে অমদা নম্বর ইদুনা ফম্বীয়ু, ঐহাক্না নম্বর অদু হায়জরক্কে অদুগা ঐহাক্না মশিং অদু খুদক্তা কৌজরক্কে। নত্ত্রবদি তৌরিবা অসি ঐহাক্না নখোয়গী নমিং খঙবা নত্তে মরমদি ঐহাক খঙহৌদনা লাকপনি অমদি নখোয়দা অৱাবা পীররে।

গর্জিয়ন : হেল্লো সর! ঐখোয় অদোমবু য়াম্না পামজবা ফেনশিংনি। অদোমনা লৌরকপা ৱারেপ খুদিংমক অঙাংশিংগী য়াইফনবা ওইরগনি। ঐখোয়না সরগীদমক লেপ্পী অমসুং মতম চুপ্পদা লেপকনি।

মোদীজী : নম্বর ৱন?

গর্জিয়ন : খুরুমজরি সর! য়াম্না থাগৎচরি সর, অদোমগী ৱারেপ অদু ঐখোয়গী অঙাংশিংগী ওইনা য়াম্না অফবনি, হৌজিক মখোয়দা....

মোদীজী : ঐহাক্না হৌজিক্তা নখোয় পুম্নমক্তা হায়খ্রে মদুদি ৱারেপ অসিগী মতাংদা, পরিক্ষাগী মতাংদা ৱারী শাররোইসি হায়না। অতোপ্পা ৱারী ওইনা শাসিরা?

গর্জিয়ন : য়াই সর, য়াই! নুংঙাইবা ৱারী শাসি হায়রগনি ঐহাক্না ঙসি অদোমগা উন্নজবা ফংজবা অসিদা নুংঙাইবা অসিগুম্না শহরুখ খান উন্নবদা পোকখিদে। মসি মঙজরকপা মঙলান অমা মঙ ফাওনবনি অমসুং মসি য়াম্না ফৈ সর, নহাক্না খ্বাইদগী অফবনি অমসুং হৌজিক ঐখোয়গী অঙাংশিংগী তুংদা লাক্কদবা মতমশিং অসি মখোয়না নীংথিনা শিজিন্নহনদুনা মখোয়গী কেরিয়র শেম্বদা শিজিন্নহনগনি।

মোদীজী : ২৬

গর্জিয়ন : সর ঐহাক দান্সর অমনি, ঐহাক্না মেন্তেল হেল্থ অমসুং ফিজিকেল হেল্থকীদমক শগোই শাই। ঐহাক্না কথক শাজৈ, সাইক্লিং তৌবা পাম্বা মতমদা ঐহাক সাইক্লিং তৌই অমসুং অদোমগী রিজল্ত অদোমগী ৱারেপ অদু তারবা মতুংদা ঐহাক পুং বারো ফাওবা তুমখি মরমদি পরিক্ষানা মরম ওইরগা অয়ুক পুং নিপানদা অদুম হৌগৎখি অদুবু নুমিৎ অদুদি ঐহাক পুং বারো ফাওবা তুমখি সর।

মহৈরোই : সর ঐগী মিং.... ঐহাক তামিলনাদুদগীনি সর! সর ঐহাক্না বোর্দ কেন্সেল তৌগনি হায়না খনখি অদুনা ঐহাক্না লাইরিক য়াম্না পাখিদে। ঐখোয় রাজস্থানদগী ওইজরবসু তামিল নাদুদা লৈ।

মোদীজী : অদুদি নহাক এস্ত্রোলোজীসু তম্বরা, এস্ত্রোলোজী খঙবরা? অদু ওইরবদি অসুম্না থোক্কনি হায়বা অসি করম্না খঙলিবনো?

মহৈরোই : হোয় সর! ঐহাক্না চুম্না থোরকপা য়াই হায়না খল্লুবনি অমসুং ৱারেপ অদু অফবা ৱারেপ অমনি... লোকদাউন্না মরম ওইরগা ইমুংগী মীওইংশিংগা নুংঙাইনা মতম লেনখি।

মোদীজী : য়েংঙু, চয়োল অমগী মনুংদা ইমুংগী মীওই পুম্বনা শাওরক্লগনি। নহাক মসি তৌবা য়ারোই, নহাক ঙন্না হৌগৎতে, চৎলো ইরু লুথোকলুরো, নহাক ইরুজথোক্তে, চৎলো নহাক্কী বাবা হল্লকপা মতম ওইরে, য়েংঙু হৌজিক চৈবা হৌরক্লগনি।

মহৈরোই : খুরুমজরি সর! ঐহাক্কী মিং তমন্না কৌই, ঐহাক দি.এ.ভি. মোদেল স্কুল, ৱেস্ত বেঙ্গলদগীনি। অদোমনা হায়খিবা অদুগুম্না ঐখোয়দা মতম য়াম্না লৈখি অদুনা ঐহাক্কী মরুপশিংগা লোইননা ঐহাক্না লোকদাউন মনুংদা য়ুত্যুব চেনেল অমা হাংখি অসুম্না মদুদা ঐখোয়না মীৎয়েং চংখি। মদুগা লোইননা ঐহাক্না.....

মোদীজী : করি মমিং কৌবগে? য়ুত্যুব চেনেল অদু করি মমিং কৌবগে?

মহৈরোই : তমন্নাশর্মিলী... মদুদা ঐখোয়না তোঙান-তোঙানবা ভিদিওশিং হাপখি। ঐখোয়না অপীকপা শৈরেং অমা ইখি, মদুগী মতাংদসু ঐখোয়না ভিদিও অমা শেমখি। শোর্ত ফিম্ম অমসু লৈ মদুসু ঐখোয়না হাপখি।

মোদীজী : ২১, হায়য়ু ইচা!

মহৈরোই : সর ঐহাক্কী অবোক অমসুং বাবাগা লোইননা লৈজরি।

গর্জিয়ন : সর অদোমনা লৈবাক অসিগীদমক তৌবীখিবা পুম্নমক্কীদমক সরবু থাগৎপা ফোঙদোকচরি। হন্না-হন্না থাগৎচরি। ঐহাক্না হায়গদবা ৱাহৈ লৈত্রে। অদোমনা লম খুদিংমক্তা তৌরিবা পুম্নমক অদুগীদমক হন্না-হন্না থাগৎচরি।

মহৈরোই : সর ঐঙোন্দগী হেন্না ঐহাক্কী অবোক্না মতম পুম্বদা অপদেতেৎ ওই, অদোমগী ই-পাউ খুদিমক ফোলো তৌই অমসুং ঐঙোন্দা ঙসি মসি লাউথোকখ্রে, মসি তৌখ্রে হায়না পাউদমবূ। মহাক অদোমবু য়াম্না পামজবা ফেন অমনি।

মোদীজী : অদুদি অনোক্না রাজনীতি লোইনা খঙলে?
মহৈরোই : হোয় সর! অবোক্না রাজনীতিগী মরমদা পুম্নমক খংঙি। রাজনীতিগী ই-পাউগী মতাংদা পুম্নমক অপদেৎ ওইদুনা লৈ।

মোদীজী : হন্দক্তি নিং-খাতমখিবগী চহি হুম্ফুতরা মঙা শুরগনি। নিং-খা তমখিবগী চহি হুম্ফুতরা মঙা শুরক্লে। নিংতম ইহৌ মতমদা অদোম্না লৈরিবা জিলা অদুদা করি থৌদোক থোকখিবগে? নিংতম লালগী মতমদা করি থোকখিবগে? মসিদা অদোম্না ফজরবা এসে অমা ইবা ঙমগদরা?     

মহৈরোই : হোয় সর! সোইদনা ইবা ঙমগনি। 

মোদীজী : রিসর্চ তৌগদরা?

মহৈরোই : তৌগনি সর!

মোদীজী : অশেংবগী?

মহৈরোই : হোয় সর!

মোদীজী : য়াম্না ফরে অদুদি!

গর্জিয়ন : সর ঐহাক অদোম্বু য়াম্না পামজবা মীওই অমনি। সর, অদোম্না লৌরিবা ৱারেপ অদু য়াম্না ফবা ৱারেপ্নি হায়না ঐখোয়না খল্লি। অদোম্না অঙাং পুম্নমক্কী খনবীবগীদমক ঐহাক্না অপেনবা পোকই, ঐহাক অদোম্বু য়াম্না পামজবা মীওই অমনি অদুগা অদোম্না কাশ্মীরদগী আর্তিকল ৩৭০ লৌথোকখিবা অদুসু য়াম্না ফবা খোংথাং অমনি, ঐহাক্না অপেনবা পোকই।   

মোদীজী : থাগৎচরি!

মহৈরোই : সর মখোয় ঐহাক্কী ইমাগা বাবাগনি!

মোদীজী : অদোম্না ঐঙোন্দা হায়খিবা অদু মখোয় লোইনা খংলে অদুনা হৌজিক অদোম্না তুং ইনবা তারে।

গর্জিয়ন : সর ঐহাক্না করিগুম্বা খরা ফোঙদোকপা পাম্মি সর। সর অদোমগী ক্বালিতী খুদিংমক ঐহাক্না ইকাই খুম্নবগা অদোমগী পুকচেক শেংবদসু থাজবা থম্মি। অদুবু সর অদোমদা করিগুম্বা অমা হনগৎচরি মদুদি ঐখোয়গী লৈবাক ভারত্তা পুকচেল শেংনা থবক তৌনিংবা মীওইশিং অদু হৌজিক নমথবীরি। হীরম অসিদা মখোয়গী পুকচেল শেংবা অদু উরগা অঙাংশিংনা মতুং ইন্নবা অমসুং অতোপ্পনসু মতুং ইন্নবা হায়রিবা মীওইশিং অদুবু ইকাই খুম্নবা উৎনবা পোলিসি খরা শেম্বীয়ু। 

মোদীজী : পোলিসিদি শেম্লে অদুবু কনাগুম্বা মীওই খরদি হায়রিবা অসিদা অপনবা পীনবা হোৎনরি। ঐখোয় পুম্নমক পুল্লগা এনবাইরনমেন্ত অমা শেম্লবদি মসি শোইদনা মাই পাক্না পাংথোকপা ঙমগনি অমসুং অফবা খুদিংমক পাংথোকপা ঙমগনি। 

মোদীজী : ৩১?

মহৈরোই : জয় হিন্দ সর!

মোদীজী : জয় হিন্দ! হোয় ইচানুপা নহাক্না হায়নিংবা অদু করিনো?

মহৈরোই : সর ঐগী ইমিং অর্নি সাম্লে কৌই ঐহাক এনি বেসন্ত স্কুল, ইন্দোরদগীনি। সরনা লৌখিবা ৱারেপ অসি য়াম্না ফবা ৱারেপনি অদুগা মসিগী মথক্তা …….. 

মোদীজী : অদোমগী ইন্দোর অসি করিগীদমক মমিং চৎপগে?

মহৈরোই : লু নানবা!

মোদীজী : ইন্দোরনা লু-নানবগী মতাংদা পাংথোকখিবা থবক অসি মীপুম খুদিংমক্না ঙাংনরি। ইচানুপা মশিং অসি মপুংফানা উদ্রে অদোমগী মশিং অসি মঙারা?  

মহৈরোই : খুরুমজরী সর! সর ঐহাক জৱাহরলাল নবোদয় বিদ্যালয়, মন্দি হিমাচল প্রদেশতগীনি। সর ঐহাক্কী ইপা অসি অদোমগী ফেন অমনি।  

মোদীজী : অদোমগী খুঙ্গং অসি কদোমদা লৈবগে?

গর্জিয়ন : হিমাচল প্রদেশকী মনাক্তা জিলানা মান্দিনি। মান্দিদগী কিলোমীতর নিপান মাপল চৎলগা লৈ …. নুংঙাইরিবরা সর?


মোদীজী : ঐহাক নুংঙাইরি! অহানবদা মফম অসিদগী সেববাদি চাবগী খুদোংচাবা ফংখি। ঐহাক য়াম্না নুংঙাইবা পোকই, নখোয় পুম্নমক্কা ৱারী শাবগী খুদোংচাবা ফংলে অমসুং ভারতকী নহারোলশিং পোজিতিব ওই অমসুং প্রেক্তিকেল ওই হায়বগী ঐহাক্কী থাজবা অদু হেন্না হেনগৎলে। নেগেতিব ওইবা ৱাখল্লোনশিংগী মহুৎ নখোয়না খুদোংথিবা অমসুং শীংনবশিংনা অদুনা নখোয়গী থৌনা ওইনা ওন্থোক্লি। মসি ঐখোয়গী লৈবাক অসিগী নহারোলশিংগী তোপ-তোপ্পা মগুন অমনি। য়ুমদা লৈনা-লৈনা নখোয়না ইন্নোভেসনশিং পুথোকপা অমসুং অনৌ-অনৌবা পোৎশিং তমশিনবা অসিনা নখোয়গী মনুংদা অনৌবা সেল্ফ কনফিদেন্স অমা পোকহল্লি। অমসুং ঙসি ঐহাক্না খঙহৌদনা লাক্লি, নখোয়না ঐহাক লাক্কনি খংবা নত্তে অদুবু ৱারী শাবদা লৎপা তৌদনা শারি নখোয়না নুংতিগী নখোয়গী ওজাশিং অমসুং ইমা-ইপাগা ৱারী শাবগুম্না ঐহাক্কসু ৱারী শারি। লৌথুম লৌকোই লৈতবা মওং অসি ঐহাক্কী ওইনদি নুংঙাইবা ৱাফম অমনি। ঐহাক্কী লৈবাক অসিগী কচিন-কোয়াদগী অঙাংশিং অসিগা কোইনদনা ৱারী শাবা ফংজবা অসি ঐহাক্কী য়াম্না নুংঙাইবা মীকুপ অমনি। নত্ত্রবদি মখোয়না মসিদি মহাক্নিনে হায়দুনা য়েংদুনা অদুমক লৈখি, অদুগা মহাক্না ৱাসু অমত্তা ঙাংলরোই। অদুবু নখোয়না থৌনা লৈনা করি অমত্তা কাওবা লৈতনা ৱারী শারি। মসি ঐহাক্ক ওইনদি য়াম্না ফবা এক্সপরিয়েন্সনি।

মরুপশিং,

নখোয়না থেংনরিবশিং অসি নখোয়গী পুন্সিগী তাংকক খুদিংমক্তা য়াম্না কান্নবা ওইরগনি। মথংদা অরুবা তানফমশিংদা মদু হন্না-হন্না নীংশিংদুনা মদুদা কপ্পা-লাওবা তৌদুনা মতম মাংহল্লোইদবনি, অরুবা তানফমশিংদগী করিগুম্বা খরদি তমশিলমগনি, মদুদগী নখোয়না থৌনা ফংগনি অমসুং তমশিল্লিবা অদুগা লোইননা নখোয়না মাংদা চংশিনগদবনি। নখোয়না লম অমা হেক্তদা চৎপা মতমদা অনৌবা কয়া তৌবা ঙমগনি। নখোয়না উরমগনি, স্কুলশিং, কোলেজশিংদা ঐখোয়দা তীমগী ৱাখল্লোনগী মতাংদা হন্না-হন্না তাকপীখি। অপুনবনা পাঙ্গলনি হায়বগী মতাংদা ঐখোয়দা তাকপীখি। অদুবু করোনাগী অৱাবা পুংফম অসিদা মসিগী মতাংদা কুপ্না উহৌনবা, খঙনবা, মসিগা লোইননা হিংনবগী খুদোংচাবা অমা ফংখি। ঐখোয়গী খুন্নাই অসিদা মীপুম খুদিংমক্না অমনা অমগী মতেং পাংনদুনা লৈবাক অসিনা তীম অমগী ৱাখল্লোন্দা অচৌবা শীংনবশিং করম্না মায়োক্নখি হায়বা উবা ফংখি। ঐখোয়না পুম্নমক অসি থেংনখি। মীয়াম্না শরুক য়াবা অমসুং তীম অমা ওইনা থবক তৌবগী এক্সপরিয়েন্স অসিনা নখোয়দা অনৌবা থৌনা পীগনি হায়না ঐহাক্না থাজৈ।

মরুপশিং,
অৱাবা মতমদসু ঐখোয়গী লৈবাক অসিগী ঐখোয়না পুৱারী য়েংলবদি ঐহাক্না কনাগুম্বা মীওই অমগা হৌজিক ইচানুপী অদুগা ৱারী শাবদা মহাক্কী ইমুংগী মীওই অসি লৈখিদ্রে হায়বা অসিগুম্না হন্দকসু ৱারী শাবা মতমদা ঐখোয়না খঙবা ঙমগনি মদুদি মসি অচুম্বা ৱাফম নত্তে অদু ওইরবসু মহাক্কী মমিৎতা ঐহাক্না আশা অমা উবা ফংঙি। মীপুম খুদিংমক্না ফরে খুদোংথিবা অসি লাক্লে অদুবু ঐখোয়না মাই পাক্কনি হায়না খন্নরি। ভারত মচা পুম্নমক্কী মচিনদগী খোঞ্জেল অসি থোরক্লি, মালেম পুম্বদা লাইচৎ অসি লৈরি, চহি চামা অসিদা অসিগুম্বা খুদোংথিবা অমুক্তা থোকখিদ্রি, চারোন মরি-মঙা অসিদা কনা অমত্তনা মসিগী মতাংদা তাখিদ্রি, কনা অমত্তনা উখিদ্রি, মসি ঐখোয়গী মতম অসিদদি থোক্লরর। অদুবু ভারত মচা খুদিংমক্তগী খোঞ্জেল অমা খক্তা থোরক্লি, নত্তে ঐখোয়না মসিবুসু মাইথিবা পীগনি, মসিদগী মাই পাকপা ঙমগনি অমদি লৈবাক অসিদা অনৌবা মঙালগা লোইননা মাংদা চংশিনগনি। অমসুং পুন্না হোৎনদুনা মাংদা চংশিনগনি, মসি ঐখোয়গী ফীরেপনি অমসুং নখোয়না মাংদা চংশিনবা মতমদা মসিগী মওং অসিদা নখোয়না পুন্না মাংদা চংশিনবা ঙমগনি অমদি লৈবাক অসিদা অনৌবা পনখৈশিং পুরক্কনি হায়না ঐহাক্না মপুং ফানা থাজবা থম্লি।

অমসুং ঐহাক্না হায়খিবা অদুগী মতুং ইন্না জুন ৫ অসি এনভাইর্নমেন্ত দেনি, এনভাইর্নমেন্তগীদমক করিগুম্বা খরা তৌ মরমদি পৃথিবী অমসুং মহৌশাবু কনবা হায়বা অসি ঐখোয়গী থৌদাংনি। মসিগী মওং অসিদা জুন ২১ অসি মালেমগী য়োগগী নুমিৎনি হায়বা নীংশিংঙু অমসুং য়ু.এন.দা ৱারেপ কয়া লৌখরবসু য়োগগী নুমিৎ অসি মালেমগী লৈবাক অয়াম্বনা শৌগৎলি। য়ু.এন.দা লৈরিবা অয়াম্বা লৈবাকশিংনা মসিবু শৌগৎলি, অসিগুম্না মমাংদা অমুক্তা থোকখিদ্রি। অদুনা য়োগগী নুমিৎ অসিদা অদোমসু অদোমগী য়ুমদা লৈদুনা য়োগ তৌবীয়ু, অমসুং ঐহাক্না হায়খ্রে মদুদি মেচ কয়া লৈ, ওলিম্পিক্স লৈরে, নখোয়না লৈবাক অসিগী করম্বা হৌগৎলক্লিবা শান্নরোইনা হন্দক ওলিম্পিক্সতা চৎলিবগে খংবা মথৌ তাই। ওলিম্পিক্সতা চৎলিবা শান্নরোইশিংনা কয়াম কন্না হোৎনবগে, করম্বা অৱাবা ফীভমদা মাংদা চংশিনবগে, মসি খঙবনা ঐখোয়দা অনৌবা ইথিল পীরি, ঐখোয়দা অনৌবা থৌনা পীরি। মরম অসিনা নহা ওইরিবা নখোয় পুম্নমক্না মতম নীংথিজনা শিজিন্নগনি হায়না ঐহাক্না থাজবা থম্লি।

কোরোনাগী মতম অসিদা বেক্সিনেসন তৌরিবা অসিদা অদোমগী ইমুংদা লৈরিবা মীওই খরগী অদোমনা রেজিস্ত্রেসন তৌবগী থবক্তা মতেং পাংবা য়াগনি। য়ুম্লোন্নরিবদা লৈরিবা মীওইশিংগী রেজিস্তর তৌবগী থবক তৌদুনা বেক্সিন লাকপা মতমদা মীয়ামদা বেক্সিন ফংহনগনি। শেবা তৌবগী ৱাখল্লোন অসিগা লোইননা থবক খুদিংমক তৌ। ঐহাক্না নখোয় পুম্নমক্তা য়াইফ মঙ্গোল পীরি। নখোয়গী ইমা-ইপানা মতম চুপ্পদা নখোয়বু থৌজানবীবা ওইরসনু। নখোয়গী মঙলান থুংহন্নবা হোৎনৌ অমসুং নখোয়গী মঙলান অদুগীদমক নখোয়গী ইমা-ইপানা নখোয়গীদমক চাউথোকচবা পোক্কনি হায়না ঐহাক্না থাজৈ। নখোয়গী নরক্তা ঐহাক্না খঙহৌদনা য়াওবা ফংজবা অসিদা ঐহাক্না য়াম্না নুংঙাইবা পোকই। নখোয়না ফাগী-জুগাই তৌদুনা ৱারী শান্নরম্মি অদুবু ঐহাক লাকপদগী মদুদা খরা দিস্তর্ব তৌখ্রে। অদুবু ঐহাক য়াম্না নুংঙাইবা পোকই। ঐহাক্না নখোয়বু থাগৎপা ফোঙদোকচরি।

হন্না-হন্না থাগৎচরি!

Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
From Gulabi Meenakari ship to sandalwood Buddha – Unique gifts from PM Modi to US-Australia-Japan

Media Coverage

From Gulabi Meenakari ship to sandalwood Buddha – Unique gifts from PM Modi to US-Australia-Japan
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 25 সেপ্তেম্বর, 2021
September 25, 2021
Share
 
Comments

India hails visionary speech of PM Modi at UNGA

Quad will establish peace and prosperity in the world, PM Modi remarks at Quad Leaders' Summit

New India gives thumbs-up to the Good Governance of Modi Govt.