খরুমজরি মরুপশিং,
ঙসি বজেতকী মীফম হৌরগনি। ঐহাক্না নখোয় ময়াম অমসুং লৈবাক অসিগী ইকাই খুম্নরবা এম.পি.শিংবু মসিগী বজেত মীফম অসিদা তরাম্না ওক্লি। ঙসি মালেমগী ওইনা লৈরিবা ফিভমশিং অসিদা ভারতকী ওইনদি খুদোংচাবা কয়া অমা পীরি। মসিগী বজেত মীফম অসিদা মালেম অসিদা ভরতকী শেনমীৎলোন খক্তমক চাউখৎপা, ভারত্তা পাংথোক্লিবা ভেক্সিনেশন কেমপেন, ভারতনা পুথোকচবা ভেক্সিন অসিনা মালেম পুম্বদা থাজবা পোকহল্লি।
মসিগী বজেত মীফম অসিদসু, ঐখোয় এম.পি.শিংগী খন্ন-নৈনবশিং, ঐখোয় এম.পি.শিংনা খন্ন-নৈনবগী ৱাফম, ৱাখল চাউথোক্না খন্ন-নৈনখিবা, মালেম অসিদা য়াম্না চাউনা অহোংবা অমা পুরক্নবগী য়াম্না মরু ওইবা খুদোংচাবা অমা ওইগদৌরিবনি।
ঐহাক্না খঞ্জৈ মদুদি ইকাইখুম্নরবা এম.পি.শিং, পোলিতিকেল পার্তী পুম্নমক্না পুকচেল চাউথোক্না খ্বাইদগী হেন্না ফবা মওংদা খন্ন-নৈনদুনা লৈবাক অসিবু চাউখৎপগী লম্বিদা পুরকপদা, খোংজেল য়াংনা চাউখৎহনবদা শোইদনা মতেং ওইগনি।
মীখলনা মরম ওইরগা মীফম অসিদসু, খন্ন-নৈনবশিং অসিদসু হঞ্জিন-হঞ্জিন্না অকাইবা পী হায়বসি চুম্লবা ৱাফম্নি। অদুবু ঐহাক্না ইকাই খুম্নরবা এম.পি.শিংদা হায়জরি মদুদি মীখল অসিনা নাকল অমদনি, মসি পাংথোক্তুনা লৈখিগনি, অদুবু হাউসতা লৈরিবা ঐখোয়না.... মসিগী বজেত অসিদা চহি অমগী থৌরাং পুম্নমক শেমগদৌরিবনি অদুনা মসি য়াম্না মরু ওই। ঐখোয়না পুক্নিং হকচাং য়াওনা মসিগী বজেত অসিগী মহৈ হেন্না পুরক্নবা হোৎনরিবা মখৈ, লাক্কদৌরিবা মথংগী চহি অসিদা ঐখোয়গী শেনমীৎলোন অসিবু অনৌবা অৱাংবা থাক অমদা পুখৎনবগী য়াম্না চাউরবা খুদোংচাবা অমা ওইগদৌরিবনি।
অপনবা-অয়েৎপা অমত্তা লৈতনা খন্ন-নৈনবা, ৱাখল লৈনা খন্ন-নৈনবা, মীওইবা অমা ওইবগী ৱাখল-লৌশিংগা লোইননা খন্ন-নৈনবা, অফবা পান্দমগা লোইননা খন্ন-নৈনবা, মসিগী থাজবা অসিগা লোইননা ময়াম পুম্নমকপু হন্না-হন্না থাগৎচরি।
