Share
 
Comments
শান্নরোইশিং অমসুং মখোয়গী ইমুং-মানুংশিংগা লোয়ননা ইনফোর্মেল, স্পোনতেনস সেসন অমা সেয়র তৌখ্রে
নখোয় পুম্নমক্কী ওইনা ভারত মচা কোতি ১৩৫না পীরিবা য়াইফ-মঙ্গোল অসি লৈবাক অসিনা পীরিবা মঙ্গোলশিংনি: পি.এম.
হেন্না ফবা ত্রেনিং কেম্পশিং, ইক্ব্যুইপমেন্ত, ইন্তরনেস্নেল এক্সপোজর শান্নরোইশিংদা ফংহনখ্রে : পি.এম.
অনৌবা ৱাখল্লোন অমসুং অনৌবা খোঙথাং অমগা লোইননা ঙসিদি শান্নরোই খুদিংমক্কী ওইনা লৈবাক অসিনা মতৌ কমদৌনা লেপ্পিবগে হায়বদু শান্নরোইশিংনা খঙলি : পি.এম.
ইহান হানবা ওইনা, ওলিম্পিক্স অসিগীদমক অমসুং মশিং য়াম্লবা মশান্নাশিংদা মশিং য়াম্লবা শান্নরোই ক্বালিফাইদ ওইখ্রে : পি.এম.
ভারতনা ইহান হানবা ওইনা ক্বালিফাইদ ওইবা ঙমখ্রবা মশান্না কয়া অমা লৈরি : পি.এম.
‘Cheer4India’ তৌবনা লৈবাক অসিদা লৈরিবা মীওইশিংগী থৌদাংনি: পি.এম.

অদোমগা ৱারী শান্নবা অসি য়াম্না নুঙাইজৈ। ঐহাক্না পুম্নমক্তা ৱারী শাবা ঙমদ্রবসু, লৈবাক অসিগী মীয়াম্না ঙসিদি অদোমগী ইথিল অমসুং থৱায় য়াওবশিং খঙবা ঙম্মী। ঐহাক্কা লোয়ননা থৌরম অসিদা শরুক য়ারিবা অসি লৈবাক অসিগী স্পোর্তস মন্ত্রী, শ্রী অনুরাগ থাকুর য়াওরি। অসুম্না ঐখোয়গী লো মন্ত্রী শ্রী কিরেন রিজিজু জীসু স্পোর্তস মন্ত্রী ওইনা নুমিৎ খরনিগী মমাং ফাওবদগা থবক তৌবিরম্মী। শ্রী নিতিথ প্রমানিক জী স্পোর্তকী রাজ্যগী মন্ত্রী ওইনা ঐখোয়গা তীমদা খ্বায়দগী নহা ওইবা মন্ত্রী ওইরি। তোকিও ওলেম্পিক্সতা শরুক য়ারুগদৌরিবা স্পোর্তস ওর্গানাইজেসন পুম্বগী মকোক ওইরিবশিং, মখোয়গী মেম্বর পুম্বা, অমসুং ঐহাক্কী কোলিকশিং অমসুং শান্নরোয়শিংগী ইমুংশিংগা ঐখোয় ভর্চুএল ওইনা ৱারী শান্নখি, অদুবু ঐহাক্কী য়ুম দিল্লীদা অদোম পুম্বগা ইশাগা লোয়ননবা উনরমলবদি হেন্না ফগদবনি। ঐহাক্ন মমাংদগী অসুম্না তৌরখি। ঐহাক্কী ওইনা মিকুপশিংদু য়াম্না নুঙাইবা ওইখি। অদুবু হন্দক্তি কোরোনা মরম ওইদুনা মসি য়াখিদরে।        
মসিগী মথক্তা শান্নরোয় তঙ্খায় অমা হান্ননা মীরমদা ত্রেনিংগীদমক লৈখ্রে। অদুবু ঐহাক্না অদোম পুম্নমকপু হল্লকপা মতমদা শোইদনা উনগনি। কোরোনা অওনবা কয়া অমা ওইহনখ্রে। ওলেম্পিক্সকী চহিসু হোংখ্রে অদোম্না শেম-শাবগী মওংসু হোংখ্রে, কয়া অমা অহোংবা লৈখ্রে। হৌজিক্তি ওলেম্পিক্স হৌগদবা নুমিৎ ১০নি খক্তা ঙাইরে। অদোম্না তোকিওদা খেন্নবা কয়া অমসু উবা ফংলগনি।

মরূপশিং,

ঙসি অদোমগা ৱারী শান্নবা অসিদা, লুরবা তাঞ্জা অসিদা অদোম্না কয়া য়াম্না কন্না হোৎনবগে অমসুং লৈবাক্কীদমক হুমাং তাবগে হায়বা লৈবাক পুম্বনা খঙলে। ঐহাক্না ইকোন-কোনবা ‘মন কী বাত’তা অদোমগী কোলিক অমগা য়াম্না কন্না হোৎনবগী মতাংদা ৱারী শাখি। ঐহাক্না ইরৈচাশিংদা লৈবাক অসিগী শান্নরোয়শিংদা পুক্নিং থৌগৎনবা কন্না হায়খি। ঙসিদি ইরৈচাশিংনা অদোম পুম্বদা পুক্নিং থৌগৎপী অসিদা ঐহাক্না য়াম্না হরাওজৈ। হনদক্তা ঐহাক্না ‘চিয়র-ফোর-ইন্দিয়া’হাসতেগকী পিকচর কয়া অমা উখ্রে। সোসিএল মেদিয়াদগীনা লৈবাক অসিগী মফম কয়া অমদা অদোমবু শৌগৎলক্লি। অদোম্না স্পোর্তকী শান্নফম চংদ্রিঙৈদা ইন্দিয়ন কোতি ১৩৫গী থৌজালনা য়াইফ-পাউজেল পীরি। ঐহাক্নসু অদোম পুম্বদা য়াইফ পাউজেল পীজরি। নামো এপতা অখন্নবা প্রোবিজন অমা শেমদুনা পুম্নমক্না ইরৈচাশিংদগী য়াইফ পাউজেল ফংলগনি। প্রজানা অদোমগীদমক নামো এপ্তা চংদুনা য়াইফ পাউজেল কয়া অমা পীরক্লি।     

মরূপশিং,

লৈবাক শিনবা থুংবগী থৱায় হকচাংনা অদোমগা নাক্তা লৈরি। অমসুং ঐহাক্না অদোম পুম্ববু চপ মান্নবা থাজবা অমা উবা ফংই। অদোমদা দিসিপ্লিন, দেদিকেসন অমসুং দিতরমিনেসন উবা ফংই। অদোমদা অহেনবা তান্নবা খক্তা নত্তনা ফিরেপ অমসু লৈরি। অসি অনৌবা ভারতকী মগুনশিংনি। মরম অদুনা অদোম পুম্বা অনৌবা ভারতকী মমিনি অমসুং লৈবাক অসিগী তুংগী খুদম্নি। অদোম পুম্মক খরনা খা, অৱাং নোংপোক অমসুং অৱাং নোংপোক্তগীনি। খরনা মখোয়গী মশান্না অসি খুঙ্গংগী লৌবুক্তগী হৌরকপনি, মসিদা মমান্নবা খরদি অঙাং ওইরিঙৈদগী স্পোর্তস একাদেমীদগী হৌরকপনি। অদুবু হৌজিক্তি অদোম পুম্নমক ‘তীম ইন্দিয়া’গী শরুক অমনি। অদোম পুম্বনা লৈবাক অসিগদমক শান্নগদৌরিবনি। মসিগী দাইবর্সিতী, মসিগী ‘তীম স্পিরিত’ অসি ‘এক ভারত স্রেস্থা ভারত’ (ৱান ইন্দিয়া. সুপ্রীম ইন্দিয়া) হায়বা তাকপনি।  

মরূপশিং,

অদোম পুম্বনা মতৌ করম্না শান্নরোয়শিংগা অনৌবা ৱাখল অমসুং অনৌবা খোঙজংগা লোয়ননা অমত্তা ওই হায়বা উৎকদৌরিবনি। ঙসিদি অদোমগী মোতিবেসন অসি লৈবাক অসিগী ওইনা য়াম্না মরু ওই। অদোম্না চিংনবা লৈতনা শান্নবা, ঙমজবা থৌনা পুথোক্তুনা শান্নবা, মশান্না হেনগৎহনবা অমসুং অদোমগী হৈ-শিংবা হেনগৎহনবা অসিদা লুম্না লৌরি। মতম কয়াগী মমাংদগী ওলেম্পিক্সকীদমক অৱাংবা থাক্কী কমিতী অমা শেমদুনা লৈরে হায়বা নিংশিংবিগদবনি। তার্গেত ওলেম্পিক পোদিয়ম স্কীমগী মখাদা শান্নরোয়শিংদা পাংবা য়াবা মতেং পাংগনি। অদোম্ন মসিসু খঙবিরম্লগনি। অদোম্না মমাংঙৈগা মা্ন্নদবা কয়া অমা উবা ফংবিরগনি।

মরূপশিং,

অদোম্না লৈবাক্কীদমক হুমাং তাখিবা, লৈবাক অসিগী ফিরাল পায়হনখিবা অসিদা লৈবাক্না অদোমগীদমক চেৎনা লেপ্পা হায়বা অসি ইথৌদাংনি। ঐখোয়না শান্নরোয়শিংদা হেন্না ফবা ত্রেনিং কেম্প অমসুং শান্নরোয়শিংদা হেন্না ফবা মচাকশিং পীনবা হোৎনরি। ঙসিদি, শান্নরোয়শিং হেন্না অন্তরজাতিগী ওইনা শান্নরক্লে। স্পোর্তকী ইন্সতিত্যুসনশিংদা অদোমগী সজেসনশিং হাপ্লি অমসুং মরম অদুনা তেল্লবা মতম অসিদা অহোংবা কয়া অমা ওইরক্লি।

মরূপশিং,

অচুম্বা লালোংগা লোয়ননা কন্না হোৎনবনা মায় পাকপা ঙম্বনি, হায়রিবা অসি শানবুংগী মপালদসুনি। লৈবাক অসিনা অচুম্বা মিসন মোদশিং হায়বদি ‘খেলো ইন্দিয়া’ অমসুং ‘ফীত ইন্দিয়া’গী কেম্পেইনগী ওইরকপশিং উবা ফংবিরমগনি। অহানবা ওইনা মশীং য়াম্লবা শান্নরোয়শিং ওলেম্পিক্সকীদমক ক্বালিফাইদ ওইরি। অহানবা ওইনা ভারতকী শান্নরোয়শিংনা ইভেন্ত কয়া অমদা শরুক য়ারি। ভারতনা অহানবা ওইনা ক্বালিফাইদ ওইবা ইভেন্ত কয়া অমসু য়াওরি।

মরূপশিং,

ঐখোয়গী লৈবাক্তা অসুম্না হায়নৈ – অভ্য়াসাত জয়তে নৃনাম দ্বিতীয়া প্রকতি: হায়বদি ঐখোয়না শাজেল তৌবা, ঐখোয়না হোৎনরবা, মসিনা তপ্না তপ্না ঐখোয়গী মহৌশাগী ওইজখি। অদোম পুম্বনা মায় পাক্ননবা মতম শাংনা হোৎনরক্লি। অদোম অমসুং অদোমগী শক্তি অসি য়েংলগা চিংননিঙাই অমত্তা লৈত্রে। অদোমগী থৱায় য়াওবা অমসুং লৈবাক অসিগী নহাশিং অসি উরগা অনৌবা ভারত অমা লৈনবগী হৈনবী অমা য়াম্না থুনা ওইরক্লগনি হায়না ঐহাক্না হায়বা ঙম্মী। অমদি হায়রিবা অসি হৌবতা ঙাইরি। অদোম্না তোকিও য়ৌবগা অমসুং লৈবাক্কী ফিরাল পাইহনবা মতমদা মালেম অসিনা মসি উবা ফংগনি। অদুবু অদোমগী মফমদা মায় পাক্নবগী শান্নদবা য়াদে হায়না শাফু অমত্তা লৈতে। অদোমগী থৱায় হকচাংদা ঐহাক্না খ্বায়দগী হেন্না ফবা তৌগনি হায়না খনবিয়ু। ঐহাক্না অমুক হন্না ইরৈচাশিংদা ‘চিয়র  ফোর ইন্দিয়া’গীদমক কন্না হায়জরি। অদোম্না লৈবাক্কীদমক অমসুং লৈবাক্কী চাওথোকচনিঙাইগীদমক শান্নগনি অমসুং অনৌবা থাক অমদা পুখৎকনি হায়না ঐহাক্না থাজৈ। কনভিক্সন অসিগা লোয়ননা, অদোম পুম্ববু হন্না-হন্না থাগৎচরি! অদোমগী ইমুং মনুংদা য়াইফ পাউজেল পীজরি! হন্না-হন্না থাগৎচরি।

সেবা অমসুং সমর্পনগী চহি 20 তাক্লিবা ফোতো 20
Mann KI Baat Quiz
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
52.5 lakh houses delivered, over 83 lakh grounded for construction under PMAY-U: Govt

Media Coverage

52.5 lakh houses delivered, over 83 lakh grounded for construction under PMAY-U: Govt
...

Nm on the go

Always be the first to hear from the PM. Get the App Now!
...
প্রধান মন্ত্রীনা দিসেম্বর ৩দা ইনফিনিতী ফোরম হৌদোক্লগনি
November 30, 2021
Share
 
Comments
ফোরম অসিনা ‘ফিনতেক বিয়োন্দ বাউন্দরীস’, ‘ফিনতেক বিয়োন্দ ফাইনান্স’ অমসুং ‘ফিনতেক বিয়োন্দ নেক্স’ য়াওনা তোঙান তোঙানবা সব থীমশিংগা লোইননা; ‘বিয়োন্দ’গী থীমদা মীৎয়েং থম্লগনি

প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুৎথাংদা ২০২১গী দিসেম্বর ৩গী অয়ুক পুং ১০ তাবা মতমদা ফিনতেককী মতাংদা ৱাখল লৈবা লিদরশিপ ফোরম অমা ওইরিবা ইনফিনিতী ফোরম হৌদোক্লগনি৷

২০২১গী দিসেম্বর ৩ অমসুং ৪দা গিফত সিতী অমসুং ব্লুমবর্গকা খুৎশম্নদুনা ভারত সরকারগী মীৎয়েং মখাদা ইন্তরনেস্নেল ফাইনান্স সর্বিসেস সেন্তর্স ওথোরিতী(আই.এফ.এস.সি.এ.)না থৌরম অসি শিল্লিবনি৷ ফোরম অসিগী অহানবা ইদিসনদা ইন্দোনেসিয়া, খা-অফ্রিকা অমসুং য়ু.কে.না পার্তনর লৈবাকশিং ওইরি৷

পাক-চাওনা ইনক্লুসিব গোর্থ লাকহন্নবা অমদি মীওইবা জাতিগীদমক থবক তৌনবগীদমক ফিনতেক ইন্দস্ত্রীনা মতৌ করম্না তেক্নোলোজী অমসুং ইন্নোবেসন শিজিন্নবগে হায়বা অসি খন্ন-নৈননবা অমদি এক্সনেবল ইনসাইতকা লোইননা থোক্লক্নবা ইনফিনিতী ফোরম্না মালেমগী লিদিং মাইন্দশিংবু অমতা ওইনা পোলিসী. বিজিনেস অমসুং তেক্নোলোজীদা পুরক্লগনি৷

ফিনতেক বিয়োন্দ বাউন্দরীস, ফাইনান্সিয়েল ইনক্লুসিবনেস প্রমোত তৌনবা গ্লোবেল স্তেক্কী দেবেলপমেন্তদা সরকারশিং অমসুং বিজিনেসনা জিওগ্রাফিকেল বাউন্দরীশিংগী ৱাংমদা মীৎয়েং থমদুনা; সস্তেনেবল দিবেলপমেন্ত পুরক্নবা থোক্লক্লিবা এরিয়াশিং খুদম ওইনা স্পেসতেক, গ্রীনতেক অমসুং এগ্রীতেককুম্বদা পুনশিন্দুনা ফিনতেক বিয়োন্দ ফাইনান্স থম্বা; মতৌ করম্না ক্বান্তম কম্প্যুতিংনা মতুং তারকপদা ফিনতেক ইন্দস্ত্রীদা শাফু পীবা য়াবগে অমদি অনৌবা খুদোংচাবশিং ফংহন্নবা ফিনতেক বিয়োন্দ নেক্স থম্বা য়াওনা তোঙান তোঙানবা সবথীমশিংগা লোইননা ফোরমগী এজেন্দা অসিনা 'বিয়োন্দ'গী থীমদা মীৎয়েং থম্লগনি৷

ফোরম অসিদা লৈবাক ৭০ হেনবদগী লাকপা মীওইশিংনা শরুক য়াগনি৷ ফোরম অসিগী মরু ওইবা স্পিকরশিং অদুদি মালেসিয়াগী ফাইনান্স মন্ত্রী তেঙ্গকু শ্রী জাফ্রুল অজিজ, ইন্দোনেসিয়াগী ফাইনান্স মন্ত্রী শ্রীমতি শ্রী মুলয়ানি ইন্দ্রৱতি, ক্রেতিব ইকোনোমী ইন্দোনেসিয়াগী মন্ত্রী শ্রী সন্দিয়াগা এস উনো, রিলাইন্স ইন্দস্ত্রীসকী চিয়রমেন অমসুং এম.দি. শ্রী মুকেশ অম্বানি, সোফত বেঙ্ক গ্রুপ কোর্পকী চিয়রমেন অমসুং সি.ই.ও. শ্রী মাসায়োশি সন, আই.বি.এম. কোর্পোরেসনগী চিয়রমেন অমসুং সি.ই.ও. শ্রী আর্বিন্দ কৃষ্ণ, কোতাক মহিন্দ্র বেঙ্ক লিমিতেদকী এম.দি. অমসুং সি.ই.ও. শ্রী উদে কোতাক, অমসুং অতোপ্পা মীওইশিংনি৷ মসিগী চহিগী ওইবা ফোরম অসিদা নিতি আয়োগ, ইনবেস্ত ইন্দিয়া, এফ.আই.সি.সি.আই. অমসুং এন.এ.এস.এস.সি.ও.এম.না মরু ওইবা পার্তনরশিংগী মনুংদা খরনি৷

আই.এফ.এস.সি.এ.

ইন্তরনেস্নেল ফাইনান্সিয়েল সর্ভিসেস সেন্তর্স ওথোরিতী এক্ত, ২০১৯গী মখাদা গুজরাতকী গান্ধীনগরগী গিফত সিতীদা হেদক্বাতর ওইদুনা ইন্তরনেস্নেল ফাইনান্সিয়েল সর্ভিসেস সেন্তর্স ওথোরিতী(আই.এফ.এস.সি.এ.) লিংখৎখি৷ মসিনা ভারতকী ইন্তরনেস্নেল ফাইনান্সিয়েল সর্ভিসেস সেন্তর(আই.এফ.এস.সি.)দা ফাইনান্সিয়েল প্রদক্তশিং, ফাইনান্সিয়েল সর্ভিসশিং অমসুং ফাইনান্সিয়েল ইন্সতিত্যুসনশিং শেমগৎনবা অমদি রিগুলেত তৌনবগীদমক য়ুনিফাইদ ওথোরিতী অমা ওইনা মথৌ তৌই৷ হৌজিক হৌজিক্কী ওইনা, ভারত্তা গিফত আই.এফ.এস.সি. অসিনা অহানবা ইন্তরনেস্নেল ফাইনান্সিয়েল সর্ভিসেস সেন্তরনি৷