Share
 
Comments
“ভারতকী বাইও-ইকোনোমীনা মমাংগী চহি ৮দা শরুক ৮গী চাংদা শাহৌ লৌখি। ঐখোয়না বিলিয়ন $১০দগী বিলিয়ন $৮০ য়ৌখি। বাইওতেক্কী মালেমগী ইকোসীস্তেমদা ভারতনা মকোক থোংবা ১০গী মরক্তা চনগদবা মতম কুইরক্ত্রে”
“হৌখিবা দিকেদশিংদা ঐখোয়গী আই.তি. প্রোফেস্নেলশিংবু ইকায় খুম্নবগী মওং-মতৌগা মান্ননা ঐখোয়গী বাইওতেক সেক্তরগী বাইও প্রোফেস্নেলশিংগী মফমদসু ইকায় খুম্নবগী মতৌ উবা ফংলি”
“সবকা সাথ-সবকা বিকাসকী মন্ত্রা অসি ভারতকী তোঙান-তোঙানবা সেক্তরশিংদা চৎনৈ। সেক্তর খুদিংবু হৌজিক ‘হোল ওফ গভর্নমেন্ত’কী ৱাখল্লোন্দা পুক্নিং থৌগৎলি”
“তোঙানবা ইন্দস্ত্রী ৬০দা ঙসি স্তার্তঅপ লিশিং ৭০ রেজিস্তর তৌরে। স্তার্তঅপ লিশিং ৫ হেনবনা বাইওতেক্কা মরী লৈনৈ”
“মমাংগী চহি খক্তদা বাইওতেক্কী স্তার্তঅপ ১১০০ থোক্লকখি”
“সবকা প্রয়াসকী ইথিলগা লোয়ননা, সরকারনা অপুনবা প্লেৎফোর্ম অমদা খ্বাইদগী ফবা ৱাখল্লোনশিংবু অমত্তা ওইনা পুরক্লি”
“বাইওতেক সেক্তর অসি দিমান্দনা খ্বাইদগী হেন্না শাফু পীবা সেক্তরশিংগী মরক্তা অমনি। চহি খরসিদা ভারত্তা পুন্সি মহিং লাইহনবগী চত্থরকপা খোঙথাংশিংনা বাইওতেক সেক্তরগী অনৌবা খুদোংচাবা কয়া পুরক্লি”

 

কেন্দ্রগী মন্ত্রী মন্দলদা লৈরিবা ঐহাক্কী মরূপ, বাইওতেক সেক্তরগা মরী লৈনবা শক্নাইরবা মীওই, লৈবাক অমসুং মীরমদগী লাক্লিবা মীথুংলেন, অখঙ-অহৈ, ইনভেস্তর, এস.এম.ই. অমসুং স্তার্তঅপ মনুং চন্না ইদস্ত্রীগী মরুপ খুদিংমক অমদি ইবেম্মা অমসুং ইবুংঙোশিং!

লৈবাক্কী অহানবা বাইওতেক স্তার্তঅপ এক্সপোগী অসিগুম্লবা থৌরম অসিদা শরুক য়াবা অমসুং ভারতকী অসিগুম্বা পাঙ্গল অসিবু মালেমদা শক্তাকপগীদমক্তা ঐহাক্না অদোম্বু থাগৎচরি। এক্সপো অসিনা ভারতকী বাইওতেক সেক্তরগী মশক থোকপা গ্রোথ লৈরিবা অসিগী খুদম অমা ওইরি। মমাংগী চহি ৮দা ভারতকী বাইও-ইকোনোমীনা শরুক ৮গী চাংদা শাহৌ লৌখি। ঐখোয়না বিলিয়ন দোল্লর ১০দগী বিলিয়ন দোল্লর ৮০দা য়ৌখি। ভারতনা বাইওতেক্কী গ্লোবেল ইকোসীস্তেমদা মালেমগী লৈবাকশিংগী মকোক থোংবা ১০ য়ৌগদবা য়াম্না লাপ্ত্রে। অনৌবা ভারতকী অসিগুম্লবা অনৌবা শাহৌ লৌবসিদা বাইওতেক্নোলোজী ইন্দস্ত্রী রিসর্চ এসিস্তেন্স কাউন্সিল (বি.আই.আর.এ.সি.)গী থৌদাং য়াম্না চাউনা য়াওরি। মমাংগী চহিশিংদা ভারত্তা বাইও-ইকোনোমী, রিসর্চ অমসুং ইন্নোভেসনগী মশক থোকপা থবক কয়া পাংথোকখিবা অসিদসু বিরাক্কী অচৌবা থৌদাং য়াওরি। ঐহাক্না বিরাক্কী মীওই খুদিংদা মখোয়গী চহি ১০গী মায় পাক্লবা খোঙচৎ অসিগীদমক্তা হৌজিক্কী নীংশিংনীংঙাই ওইরবা মতমসিদা থাগৎপা ফোংদোক্লি। ঙসি পাংথোক্লিবা এগজিবিসন অসিদা ভারতকী নহাশিংগী তেলেন্ত, ভারতকী বাইওতেক স্তার্তঅপ, মখোয়গী পাঙ্গল অমসুং বাইওতেক সেক্তরগী তুংগী মতমগী রোদমেপ্পু য়াম্না নীংথিজনা উৎলি। ভারতনা নীংতম্বগী চহি ৭৫ মপুং ফাবগী থৌরম পাংথোক্লি, মথংগী চহি ২৫গী লম্বী য়াৎলি, মসিদা বাইওতেক সেক্তরনা লৈবাক্কী চাউখৎ-থৌরাংদা খোঙজেল হাপ্নবগীদমক্তা বাইওতেক ইন্দস্ত্রীগী থৌদাংসু য়াম্না মরু ওই। এগজিবিসন অসিদা উৎলিবা বাইওতেক স্তার্তঅপ, বাইওতেক ইনভেস্তর অমসুং ইনক্যুবেসন সেন্তরনা অনৌবা ভারতকী অপাম্বগা লোয়ননা চৎলি। অদুগা, ঙৈহাক্কী মমাংদা লোঞ্চ তৌখিবা ই-পোর্তেল অসিদা ঐখোয়গী বাইওতেক্কী অপুনবা পোত্থোক ৭৫০ য়াওরবনি। মসিনা ভারতকী বাইও-ইকোনোমীগী মপাঙ্গল অমসুং মখোয়না মখল য়াম্বগী মতৌসু উৎলি।

মরূপশিং,

ঙসিগী হোল অসিদা বাইওতেক সেক্তরগা মরী লৈনবা সেক্তর অয়াম্বা লোইনা লৈরে। বাইওতেক প্রোফেস্নেল কয়ানা ঙসি ঐখোয়গী নাক্তা ওনলাইনগী খুত্থাংদসু য়াওরি। অদোম্না লাক্কদৌরিবা নুমিৎ নিনি অসিদা বাইওতেক সেক্তরগী মাঙদা লৈরিবা খুদোংচাবা অমসুং শিংনবা কয়াগী মতাংদা এক্সপো অসিদা ৱারী শাগদৌরিবনি। মমাংগী দিকেদশিংদা ঐখয়না ঐখোয়গী দাক্তর, হেল্থ প্রোফেস্নেলশিংগী মিংচৎ হেনগৎপগী মতৌ উবা ফংখ্রে। মালেমসিদা ঐখোয়গী আই.তি. প্রোফেস্নেলশিংগী স্কিল অমসুং ইন্নোভেসন্দা লৈরিবা থাজবনা অনৌবা অৱাংবা থাক্তা লৈরি। হৌখিবা দিকেদশিংদা ঐখোয়গী আই.তি. প্রোফেস্নেলশিংবু ইকায় খুম্নবগী মওং-মতৌগা মান্ননা ঐখোয়গী বাইওতেক সেক্তরগী বাইও প্রোফেস্নেলশিংগী মফমদসু ইকায় খুম্নবগী মতৌ উবা ফংলি। মসি ঐহাক্না অদোমগী মফমদা থাজবনি, বাইওতেক সেক্তরদা থাজবনি। মসি করিগী থাজরিবনো, মসিগী মতাংদা ঐহাক্না শন্দোক্না হায়জগে।

মরূপশিং,

ঙসি বাইওতেক্কী লমদা ভারতপু খুদোংচাবশিংগী মফম্নি হায়না খন্নবা তারবদি, মসিগী মরম কয়া অমগী মনুংদা ঐহাক্না মরম মঙাগী মতাংদা হায়জগে। অহানবা – দাইভর্স পোপ্যুলেসন অমসুং দাইভর্স ওইবা ক্লাইমেতিক জোন, অনিশুবা – ভারতকী তেলেন্ত লৈরবা হ্যুমেন কেপিতেলগী মীশিং, অহুমশুবা - ভারত্তা কারবার তৌবদা লাইহন্নবগীদমক্তা হোৎনরিবশিং লেপ্তনা হেনগৎলিবা। মরিশুবা - ভারত্তা বাইও-প্রদক্তকী অপাম্বনা লেপ্তনা হেনগৎলিবা, অমসুং মঙাশুবা – ভারতকী বাইওতেক সেক্তর অমসুং মসিগী মায় পাকপগী থৌওংশিংনি। হায়রিবা হীরম মঙা অসিনা ভারতকী পাঙ্গলবু শরুক কয়া হেন্না কনখৎহল্লিবনি।

মরূপশিং,

মমাংগী চহি ৮দা সরকারনা লৈবাক্কী অসিগুম্বা পাঙ্গল অসিবু হেনগৎহন্নবা লেপ্তনা হোৎনদুনা লাক্লি। ঐখোয়না হীরম খুদিংমক অমসুং হোল ওফ গভর্নমেন্ত এপ্রোচতা অহেনবা মিৎয়েং চঙদুনা লাকখি। ঐহাক্না সবকা সাথ-সবকা বিকাসকী ৱারী শাবা মতমদা মন্ত্রা অসি ভারতকী তোঙান-তোঙানবা সেক্তরশিংদসু চৎনৈ। মতম অমদা, সেক্তর খরখক্তদা অহেনবা মিৎয়েং চঙবা অদুগা অতোপ্পা সেক্তরশিংবুনা মরন্নাই লৈজৌ হায়না ইন্থোকপগী ফিভম অমা লৈরম্মি। ঐখোয়না ৱাখল্লোন অসি হোংদোক্লে, থবক তৌবগী থৌওং হোংদোক্লে। ঙসিগী অনৌবা ভারতকী সেক্তর খুদিংনা  চাউখৎলকপা লৈবাক্কী চাউখৎপগী খোঙজেল হেনগৎকদৌরিবনি। মরম অদুনা, সেক্তর খুদিংগী ‘সাথ’ অমসুং সেক্তর খুদিংগী ‘বিকাস’ হায়বসি হৌজিক্কী মতমগী খ্বাইদগী তঙাই ফদবা ওইরিবনি। ঐখোয়গী শাহৌবু খোঙজেল হেন্না য়াঙখৎহনগদবা লম্বীশিং ঐখোয়না ঙসি থিরিবনি। ৱাখল্লোন অমসুং থবক তৌবগী মওংদা অহোংবা লাক্লিবা অসিনা লৈবাক অসিদা মহৈসু য়ালহল্লি। ঐখোয়না পাঙ্গল লৈবা সর্ভিস সেক্তরদা মিৎয়েং চঙখিবা মতমদা, সর্ভিস এক্সপোর্ত বিলিয়ন দোল্লর ২৫০ তৌবা ঙম্বগী রেকোর্দ থমখি। ঐখোয়না পোত্থোকশিংদা মিৎয়েং চঙবা মতমদা বিলিয়ন দোল্লর ৪২০গী পোত্থোক এক্সপোর্ত তৌবগী রেকোর্দসু থমখি। মসিগা লোয়ন-লোয়ননা ঐখোয়না তোঙানবা অতোপ্পা সেক্তর কয়াদসু মিৎয়েং চঙলি। মরম অসিনা, ঐখোয়না করিগুম্বা তেক্সতাইল সেক্তরদা পি.এল.আই. স্কিম পুরক্লবদি, দ্রোন, সেমিকন্দক্তর অমসুং হাই ইফিসিএন্সী সোলর পি.ভি. মোদ্যুলগী ওইনসু শাহৌ লৌনবা খুদোংচাবা পীরি। বাইওতেক সেক্তরগী চাউখৎ-থৌরাংগীদমক্তা ভারতনা ঙসি পায়খৎলিবা থবক খুদিংমক মশক থোকপা অমসুং মরু ওইবা ঙাক্তনি।

মরূপশিং,

সরকারনা করি হোৎনরি হায়বসি অদোম্না স্তার্তঅপ ইকোসীস্তেমদগী ময়েক শেংনা উবা ফংগনি। হৌখিবা চহি ৮দা লৈবাক্কী স্তার্ত-অপ মশিংনা চাম্মা খরদগী লিশিং ৭০ য়ৌখ্রে। মসিগী স্তার্ত-অপ লিশিং ৭০ অসি চাউরাক্না ইন্দস্ত্রী ৬০দা শেমখিবনি। মসিগী মরক্তগী, লিশিং ৫দগী হেনবা স্তার্ত-অপশিংদি বাইওতেক্কা মরী লৈনৈ। ১৪শুবা স্তার্তঅপ খুদিংনা বাইও তেক্নোলোজী সেক্তরগী ওই অমসুং মমাংগী চহি খক্তদা বাইও তেক স্তার্তঅপ ১১০০ থোক্লকখি। লৈবাক্কী কয়া য়াম্না চাউবা তেলেন্তনা সেক্তর অসিদা চঙশিল্লি হায়বা অদোমসু হায়বা ঙমগনি।

মরূপশিং,

মমাংগী চহিশিংদা ঐখোয়না অতল ইন্নোভেসন মিসন, মেক ইন ইন্দিয়া অমসুং আত্মানির্ভর ভারতকী মখাদা পায়খৎখিবা খোঙথাং কয়ানা বাইওতেক সেক্তরবুসু কান্নহল্লি। স্তার্তঅপ ইন্দিয়া হৌদোক্লবা মতুংদা ঐখোয়গী বাইওতেক স্তার্তঅপশিংদা ইনভেস্ত তৌনীংবশিংগী মশিংনা ঙসিদি শরুক ৯ হেল্লে। বাইওতেক ইনক্যুবেতর অমসুং মখোয়গীদমক্তা ফন্দিং তৌবগী চাংসু শরুক ৭ হেনগৎলে। বাইওতেক ইনক্যুবেতরগী মশিংনা ইং ২০১৪দা ওইরম্বা ৬তগী হৌজিক ৭৫ য়ৌরে। বাইওতেক্কী পোত্থোকশিংগী মশিংসু হান্নগী ১০দগী ঙসিদি ৭০০ হেন্না লৈরে। ভারতনা হৌজিক মশাগী ফিজিকেল ইনফ্রাস্ত্রকচর অমসুং দিজিতেল ইনফ্রাস্ত্রকচরশিংদা মশক থোকপা ইনভেস্ত তৌরিবশিং অসিনা বাইওতেক্নোলোজী সেক্তরদসু য়াম্না কান্নবা পীগদৌরিবনি।

মরূপশিং,

ঐখোয়গী নহাশিংদা অনৌবা পাঙ্গল লৈরক্লিবা, নৌনা থৱাই য়াওরক্লিবা অসিসু য়াম্না চাউবা মরম অমনি। অসিগুম্বা অফবা অকোয়বগী ফিভম অমা লৈরিবসিগী মরমদি হৌজিক লৈবাক অসিদা ইন্নোভেসন, আর. অমসুং দি.গী মতমগা চুনবা সপ্পোর্ত সীস্তেম অমা মখোয়না ফংবগীনি। লৈবাক অসিদা তঙাই ফদবগী মতুং ইন্না পোলিসী অমসুং ইনফ্রাস্ত্রকচরশিংদা রিফোর্ম পাংথোক্লি।  সরকারনা লোইনা খঙবনি, মখোয়না লোইনা পাংথোক্কনি হায়বগী ৱাখল্লোন তুংদা থনম্লবনি। হৌজিক্তি সবকা প্রয়াসকী ৱাখল্লোনগা লোয়ননা তুংলমচত্তা চঙলবনি। মরম অদুনা, সরকারনা অনৌবা ইন-এব্লিং ইন্তর্ফেস পীবগী চৎনবী অমবু পুক্নিং থৌগৎলি, মসিদা বিরাক প্লেৎফোর্ম্বুসু মপাঙ্গল হাপ্লি। স্তার্তঅপশিংগী ওইবা স্তার্তঅপ ইন্দিয়া, স্পেস সেক্তরগী ইন-স্পেস, দিফেন্স স্তার্তঅপকী আইদেক্স, সেমি কন্দক্তরগী ওইনা ইন্দিয়া সেমিকন্দক্তর মিসন ওইরো, নহারোলশিংগী মরক্তা ইন্নোভেসন লৈহন্নবা পুক্নিং থৌগৎপগী ওইনা স্মার্ত ইন্দিয়া হেক্কাথোন অমসুং বাইওতেক্কী ওইনা স্তার্ত-অপ এক্সপো অসি ওইরো, সবকা প্রয়াসকী ইথিলগা কোন্ননা, সরকার অসিনা অনৌবা ইন্সতিত্যুসন কয়াগী খুত্থাংদা লৈবাক্কী খ্বাইদগী ফবা ৱাখল্লোনশিংবু অমত্তা ওইবা প্লেৎফোর্ম অমদা পুরক্লি। মসিদি লৈবাক্কী অতোপ্পা অচৌবা কান্নবা অমনি। লৈবাক অসিনা রিসর্চ অমসুং একাদমিয়াদগী অনৌবা লৌশিং কয়া ফংই, ইন্দস্ত্রীনা রিএল ৱর্ল্দ ভ্যু করিনো হায়বদা তেংবাংই অমসুং সরকারনা তঙাই ফদবা পোলিসী অমসুং ইনফ্রাস্ত্রকচর পী।

মরূপশিং,

ঐখোয়গী মন্ত্রা অহুম্না অমত্তা ওইদুনা থবক পাংথোকপা মতমদা অতেনবা মতমদা শীংথানীংঙাই ওইবা মহৈ ফংই হায়বা ঐখোয়না কোরোনাগী অপুনবা মতমদা উখ্রবনি। তঙাই ফদবা মেদিকেল দিভাইস, মেদিকেল ইনফ্রাদগী হৌদুনা ভেক্সিন রিসর্চ, মেন্যুফেকচরিং অমসুং ভেক্সিনেসন ফাওবদা ভারতনা পাংথোকখিবশিং অদু কনা অমত্তনা খনবা ফাওবা খনখিবা নত্তে। মতম অদুদা লৈবাক অসিদা ৱাহং য়াম্না হংনবা মতম্নি। তেস্তিং লেবসু লৈতনা করম্না তেস্ত তৌগনি? তোঙানবা বিভাগ কয়া অমসুং প্রাইভেত সেক্তরগী মরক্তা করম্না থবক তৌমিন্নগনি? ভারতনা করম্বা মতমদা ভেক্সিন ফংগনি? ভেক্সিন ফংলে হায়রবসু, অসুক য়াম্বা মীশিং অসিদা করম্না কাপ্পা ঙমগনি? চহি কয়া চঙগনি? অসিগুম্বা ৱাহং কয়া অমা ঐখোয়গী মাঙদা হন্না-হন্না লাকখিবনি। অদুবু, ঐখোয়না সবকা প্রয়াসকী পাঙ্গলদগী চিংনবা ময়াম অসিগী পাউখুম পীখি। ঐখোয়না লৈবাক মীয়াম চাউরাক্না করোর ২০০দা ভেক্সিন কাপখ্রে। বাইওতেক্তগী হৌদুনা অতোপ্পা সেক্তরশিংগী চুনবা মওংদা তেংবাংনবা, সরকার, ইন্দস্ত্রী অমসুং একাদমিয়াগী চুনবা, ময়াম অসিনা ভারতপু অচৌবা শিংনবা অমদগী কনখিবনি।

মরূপশিং,

বাইওতেক সেক্তর অসি দিমান্দনা খ্বাইদগী হেন্না শাফু পীবা সেক্তরশিংগী মরক্তা অমনি। চহি খরসিদা ভারত্তা পুন্সি মহিং লাইহনবগী চত্থরকপা খোঙথাংশিংনা বাইওতেক সেক্তরগী অনৌবা খুদোংচাবা কয়া পুরক্লি। অয়ুশমান ভারতকী মখাদা খুঙ্গং অমসুং লাইরবশিংগী হিদাক লাংথক মমল হোঙনা ফংহনখিবা অসিদা হেল্থকেয়র সেক্তরগী অপাম্বা য়াম্না হেনগৎখি। মসিনা বাইও ফার্মাগী অনৌবা খুদোংচাবা পীখি। খুদোংচাবশিং অসিবু ঐখোয়না তেলিমেদিসিন, দিজিতেল হেল্থ আই.দি. অমসুং দ্রোন তেক্নোলোজীগী খুত্থাংদা হেন্না পাকথোক চাউথোক্লি। লাক্কদৌরিবা চহিশিংদা লৈবাক অসিদা বাইওতেক্কী অচৌবা কঞ্জ্যুমর বেজ অমা লৈরক্কদৌরবনি।

মরূপশিং,

ফার্মাগা লোয়ননা ভারতনা লৌউ-শিংউ অমসুং ইনর্জী সেক্তরদসু অচৌবা অহোংবা পুরক্লি, মসিনসু বাইওতেক সেক্তরদা অনৌবা থাজবা অমা পীরি। কেমিকেল য়াওদনা লৌ-উবগী থৌওংবু পুক্নিং থৌগৎনবগীদমক্তা ভারত্তা ঙসি বাইওফর্তিলাইজর অমসুং ওর্গানিক ফর্তিলাইজরবু অঙকপা ফংনা পুক্নিং থৌগৎলি। লৌশিংদা অইং-অশা হোংবগী চৈথেং নংলিবসি হন্থহন্নবা, মেলন্যুত্রিসনবু হন্থহন্নবা বাইও-ফোর্তিফাই তৌরবা মরুশিংবু খুমাং চাউশিনহল্লি। বাইওফুএলগী হীরমদা দিমান্দ হেল্লকপগা লোয়ননা, আর. অমসুং দি.দা পাকথোক চাউথোরক্লিবা, মখোয়শিং অদু বাইওতেক্কা মরী লৈনবা এস.এম.ই. অমসুং স্তার্তঅপশিংগী অচৌবা খুদোংচাবা অমনি। ঐখোয়না পেত্রোলদা ইথানোলগী ১০% ব্লেন্দিং তৌবগী পান্দম হন্দক্তা ফংবা ঙমখি। ভারতনা পেত্রোলদা ইথানোলগী ২০% ব্লেন্দিং তৌবগী পান্দমবু ইং ২০৩০দগী চহি ৫ ঙনখত্তুনা ইং ২০২৫দা থমখ্রে। অসিগুম্না হোৎনরিবা কয়ানা বাইওতেক সেক্তরদা থবক্কী অনৌবা খুদোংচাবা কয়া লৈহনগনি, বাইওতেক প্রোফেস্নেলশিংগী অনৌবা খুদোংচাবা কয়া পীগনি। ভারত সরকারনা হন্দক্তা বেনিফিশরীশিংগী সেচ্যুরেসন, লাইরবশিংগী চাদা চাম্মগী চাংদা পাঙ্গল হাপ্নবা খোঙথাং অমা পায়খৎলিবা অসিনা বাইওতেক সেক্তরদা অনৌবা পাঙ্গল অমুক্কা হাপ্পা ঙমগনি। মসিনা হায়বদি বাইওতেক সেক্তরগী গ্রোথকী খুদোংচাবা ঙাক্তা ঙাইরে হায়বনি। ভারতকী জেনেরিক হিদাক, ভারতকী ভেক্সিন্না মালেমদা থাজবা অমা পোকহল্লি, অৱাংবা থাক অমদা হেক্তা থবক তৌবা ঙমগনি, মসিসু বাইতেক সেক্তরগী য়াম্না চাউবা খুদোংচাবা অমনি। মথংগী নুমিৎ নিনি অসিদা অদোম্না বাইওতেক সেক্তরগা মরী লৈনবা হীরমশিংদা নীংথিনা খন্ন-নৈনগনি হায়না ঐহাক্না থাজবা থম্মি। হৌজিক, বিরাক্না মখোয়গী চহি ১০ মপুং ফারে। বিরাক্না মখোয়গী চহি ২৫ মপুং ফাগনি, মতমদুদা বাইওতেক সেক্তরনা করম্বা থাক্তা লৈগনি হায়বগী মতাংদা পায়খৎফম থোকপা থবকশিংদা হৌজিক্তগী হৌনা থবক হৌবা য়ারে হায়না ঐহাক্না হায়জনীংই। ঙসিগী নীংথিরবা থৌরম অসিনা লৈবাক্কী নহারোলশিংবু সেক্তর অসিদা পুক্নিং চিংশিন্নবা অমসুং লৈবাক্কী স্কিলবু মালেমগী মাঙদা লৈজবা পাঙ্গলগা লোয়ননা উৎপগীদমক্তা অদোম্বু ঐহাক্না থাগৎচরি। অদুগা পুম্নমকপু ঐহাক্না য়াইফ পাউজেলসু পীজরি।

হনা-হন্না থাগৎচরি!

Explore More
পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক

Popular Speeches

পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক
PM Narendra Modi continues to be most popular global leader with approval rating of 74%: Survey

Media Coverage

PM Narendra Modi continues to be most popular global leader with approval rating of 74%: Survey
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 13 মাৰ্চ, 2022
August 13, 2022
Share
 
Comments

Our Prime Minister Narendra Modi continues to be the most popular among global leaders.

Owing to the leadership of PM Modi, India shines bright on multiple fronts today. Citizens show appreciation.