থৌরম অসিদা শরুক য়ারিবা শ্রী ওম বিরলাজী, মনোহর লাল জী, কিরেন রিজিজু জী, মহেশ শর্মা জী, পার্লিয়ামেন্তগী ইকাই খুম্নরবা মেম্বরশিং, লোক সভাগী সেক্রেতরী জেনরেল, নুপীশিং অমসুং নুপাশিং!
নুমিৎ খরনিগী মমাংদা, ঐহাক্না কম্মন সেন্ত্রেল সেক্রেতরিয়েৎ, হায়বদি কর্তব্যা পথতা কর্তব্যা ভবন হৌদোকখি। অমসুং, ঙসি ঐহাক্না পার্লিয়ামেন্ততা লৈরিবা ঐহাক্কী মরুপশিং অসিগীদমক রেসিদেন্সিএল কমপ্লেক্স অসি শঙ্গাবগী খুদোংচাবা ফংলে। মীওই করোর কয়াগী পুন্সি পীরিবা ভারতকী অচৌবা তুরেল মরি, কৃষ্ণ, গোদাবরী, কোসী, হুগলিগী মমিংশিং লৌদুনা থোল্লিবা তাৱর মরি অসিগী মমিংশিং অসিসু য়াম্না ফজৈ। হৌজিক, মখোয়গী ইথিলগা লোয়ননা, ঐখোয়গী মীয়ামগী মীহুৎশিংগী পুন্সিদা নুংঙাইবগী অনৌবা ঈচেল অমা থোরক্কনি। মীওই খরদদি কোসী হায়না মমিং থোনবগী প্রোব্লেম অমা লৈগনি, মরম অদুনা মখোয়না কোসী তুরেল য়েংলরোই, বিহারগী মীখল উরগনি। অসিগুম্লবা পুকচেল পীকপা মীওইশিংগী মরক্তা, ঐহাক্না তশেংনা হায়জনীংই মদুদি তুরেলশিংগী মমিং থোনবগী চৎনবী অসিনা ঐখোয়বু লৈবাক অসিগী অমত্তা ওইবগী লংলা অমনা শম্নহল্লি। দিল্লীদা ঐখোয়গী এম.পি.শিংগী ইজ ওফ লিভিং হেনগৎলগনি, দিল্লীদা ঐখোয়গী এম.পি.শিংগীদমক লৈঙাক্কী য়ুমশিংগী মশিং অসি মখা তানা হেনগৎলগনি। ঐনা এম.পি. পুম্নমকপু থাগৎচরি। ঐহাক্না হায়রিবা ফ্লেৎশিং অসি শাবদা য়াওরিবা ইঞ্জিনীয়রশিং অমসুং শিন্মীশিংবুসু থাগৎপা ফোংদোকচরি। মখোয়না থবক অসিবু কন্না হোৎনদুনা লোইশিনখি।
মরুপশিং,
ঐহাক্না ঐখোয়গী এম.পি.শিংনা হোংলক্লিবা অনৌবা য়ুম অদুগী সেম্পল ফ্লেৎ অমা য়েংনবগী খুদোংচাবা ফংজরে। ঐহাক্না এম.পি.গী অরিবা য়ুমশিং অসি য়েংবগী খুদোংচাবা ফংলি। হান্নগী য়ুমশিং অসি ফত্তবা ফীভমদা লৈরম্মি, এম.পি.শিংনা নুমিৎ খুদিংগী খুদোংচাদবশিং মায়োক্নরম্মি, অনৌবা য়ুমশিং অসিদা চংলক্লবা মতুংদা মখোয়না মদুগী অৱাবা অদুদগী কোকহল্লগনি। ইচিল-ইনাওশিং অসি মখোয়গী সমস্যাশিংদগী লাপ্না লৈরবদি, মখোয়না মখোয়গী মতম অমসুং ইনর্জী অসি মীয়ামগী সমস্যাশিং কোকহন্নবগীদমক হেন্না ফবা মওংদা শিজিন্নবা ঙমগনি।
মরুপশিং,
দিল্লীদা অহানবা ওইনা এম.পি. ওইরক্লিবা মীওইশিংদা য়ুমগী এল্লোৎমেন্ত লৌনবা হোৎনবদা অৱাবা ওইরম্বা অদু অদোম্না খংই। হায়রিবা প্রোব্লেম অসিসু অনৌবা বিল্দিংশিং অসিনা সোল্ব তৌগনি। হায়রিবা মথোল কয়া শাবা বিল্দিংশিং অসিদা এম.পি. ১৮০ হেন্না পুন্না লৈমিন্নগনি। মসিগা লোয়ননা, অনৌবা রেসিদেন্সশিং অসিদা অচৌবা শেন্মিৎলোনগী ওইবা মচাক অমসু লৈ। হৌজিক্তি, কর্তব্যা ভবন শঙ্গাবদা ঐহাক্না অদোমদা হায়জখি মদুদি মন্ত্রালয় কয়া অমা চলাইরিবা ভবনশিং অসিগী ভারা অসি চহি অমদা লুপা করোর ১৫০০ ওইরি। মসি লৈবাক অসিগী শেল মাংহনবগী অচৌবা থৌওং অমনি। অসিগুম্বা মওংদা, এম.পি.গী লৈফম মতীক চানা লৈতবনা মরম ওইদুনা সরকারগী শেনফমসু হেনগৎলকখি। অদোম্না খনবা য়াই, এম.পি.গী য়ুমগী অৱাৎপা লৈরবসু, ২০০৪দগী ২০১৪ ফাওবদা লোক সভাগী এম.পি.শিংগীদমক অনৌবা য়ুম অমত্তা শাখিদে। মরম অদুনা, ২০১৪গী মতুংদা, ঐখোয়না মসিগী থবক অসি কেম্পেন অমা ওইনা লৌখি। ২০১৪দগী হৌজিক ফাওবদা, হায়রিবা ফ্লেৎশিং অসি য়াওনা এম.পি. ৩৫০ রোম লৈফম শাখ্রে। হায়বদি, হায়রিবা রেসিদেন্সশিং অসি শারবা মতুংদা, হৌজিক মীয়ামগী শেলসু কনবা ঙম্লে।
মরুপশিং,
২১শুবা চহিচাগী ভারতনা চাউখৎ-থৌরাংগীদমক ইখৌলাংলি মরমদি মসি মরু ওই। ঙসি লৈবাক অসিনা কর্তব্যা পথ অমসুং কর্তব্যা ভবন শেমগৎলি। মসিগা ইরোইননা প্রজা মিলিয়ন কয়াদা তোতি ঈশিং ফংহন্নবা মাগী থৌদাংসু পাংথোক্লি। ঙসি লৈবাক অসিনা মাগী এম.পি.শিংগীদমক অনৌবা য়ুমশিংগীদমক মতম শাংনা ঙাইরকপা অদু থুংহল্লে। অমসুং পি.এম. আৱাজ য়োজনাগী খুত্থাংদা মসিনা লায়রবা ইমুং করোর ৪দা য়ুমসু ফংহল্লি। ঙসিদি, লৈবাক অসিনা অনৌবা পার্লিয়ামেন্ত বিল্দিং অমা শাগৎলকপগা লোয়ননা অনৌবা মেদিকেল কোলেজ কয়াসু শাগৎলি। কাঙলুপ খুদিংমক অমসুং খুন্নাই খুদিংমক্না মসিগী কান্নবা ফংলি।
মরুপশিং,
অনৌবা এম.পি. রেসিদেন্সশিংদা সস্তেনেবল দিবেলপমেন্তদা অখন্নবা মীৎয়েং থম্লিবা অসিদা ঐহাক নুংঙাইবা ফাওই। মসিনা লৈবাক অসিগী প্রো-এনভাইর্নমেন্ত অমসুং প্রো-ফ্যুচর সেফ ইনিসিয়েতিবশিংগী শরুক অমনি। সোলর ইনফ্রাস্ত্রকচরদগী হৌরগা সোলর ইনর্জীদা লৈবাক অসিনা অনৌবা রেকোর্দশিং থম্বা ফাওবদা লৈবাক অসিনা তুং কোইনা চাউখৎপগী মঙলানগা লোয়ননা মাংলোমদা চংশিল্লি।
মরুপশিং,
ঙসি ঐহাক্না ময়াম্না ৱাফম খরা হায়গদবা লৈ। লৈবাক অসিগী তোঙান তোঙানবা রাজ্যশিং অমসুং মফমশিংগী এম.পি.শিং মফম অসিদা পুন্না লৈমিন্নগনি। মফম অসিদা লৈরকপা অসিনা 'এক ভারত, শ্রেস্থ ভারত'কী খুদম অমা ওইরগনি। মরম অদুনা, করিগুম্বা রাজ্য খুদিংমক্কী কুমহৈশিং অসি মতম মতমগী ওইনা কমপ্লেক্স অসিদা পুনশিন্দুনা পাংথোক্লবদি, কমপ্লেক্স অসি হেন্না ফজবা ওইরগনি। অদোম্না অদোমগী লমদমগী মীওইশিংবুসু থৌরমশিং অসিদা শরুক য়ানবা কৌবা য়াই। অদোম্না অদোমগী রাজ্যশিংগী লোলগী ৱাহৈ খরসু অতোপ্পশিংদা তম্বীনবা হোৎনবসু য়াই। সস্তেনেবিলিতী অমসুং ক্লিনলিনেস অসিসু বিল্দিং অসিগী আইদেন্তিতী ওইগদবনি, মসি ঐখোয় পুম্নমক্কী কম্মিতমেন্ত ওইগদবনি। এম.পি.গী লৈফম খক্তা নত্তনা, কমপ্লেক্স পুম্নমক অসি মতম পুম্নমক্তা লুনানবা ওইরবদি য়াম্না ফগনি।
মরুপশিং,
ঐখোয় পুম্নমক্না তীম অমা ওইনা থবক তৌমিন্নগনি হায়না ঐনা থাজৈ। ঐখোয়গী হোৎনরিবশিং অসি লৈবাক অসিগীদমক রোল মোদেল অমা ওইরগনি। অমসুং ঐহাক্না মন্ত্রালয় অমসুং অদোমগী হাউজিং কম্মিতীদা হায়জনীংবদি চহি অমদা অনি নৎত্রগা অহুম্লক এম.পি.শিংগী লৈফম অসি শেংদোকপগী কম্পিতিসন অমা পাংথোকপা য়াব্রা? অমসুং মসিগী মতুংদা ঙসিদি হায়রিবা ব্লোক অসি খ্বাইদগী লুনানবা ওইরে হায়না লাউথোকপসু য়াই। চহি অমগী মতুংদা করম্বনা খ্বাইদগী ফবা অমসুং করম্বনা খ্বাইদগী ফত্তবা হায়বদু ঐখোয়না খন্নগনি অমসুং মখোয় অনিমক লাউথোক্কনি।
মরুপশিং,
ঐহাক্না নৌনা শাবা ফ্লেৎ অসি য়েংবা চৎপা মতমদা, ঐহাক্না মদুগী মনুংদা চংলকপা মতমদা, ঐহাক্কী অহানবা ৱাফমদি, মসিনা লোইরবা? মখোয়না হায়খি, লোইদে সর, মসি অহৌবা খক্তনি, হৌজিক অদোম মনুং চংবা য়াগনি, ঐহাক্না অঙকপা পোকখি। ঐহাক্না হংখি, অদোম্না মফম অসি থলহনবা ঙমগনি হায়না ঐহাক্না থাজদে, মফম অসি য়াম্না চাউই। ঐনা থাজৈ মদুদি মসি পুম্নমক অসি অদোমগী লন্নাইগী পুন্সিদা, অদোমগী ইমুংগী পুন্সিদা অফবা মওংদা শিজিন্নরগনি। অনৌবা য়ুম অসিসু থৌজাল অমা ওইরগনি। ঐহাক্কী য়াইফ-পাউজেল পীজরি।
থগৎচরি।
