Share
 
Comments

 

কোরোনাগী অনিশুবা ৱেব অসি লান্থেংননবা জিলাশিংদা নখোয় অসি খ্বাইদগী মরু ওইবা লান্মীনি। চহি চামাদা থোকপা খ্বাইদগী চাউবা খুদোংথিবা অসিদা ঐখোয়দা লৈরিবা মচাক-মথুমশিং অসি খ্বাইদগী অফবা মওংদা শিজিন্নদুনা নখোয়না অশুক চাউখ্রবা ইথক অসি মাইয়োক্নখি।

মরুপশিং,

নখোয়গী ৱারী-ৱাতাই শাবা হৌবা অসিদা ঐহাক্না নখোয়না থবক অসি তৌনবা শেম-শাখিবা মতম অদু নীংশিংহনবা পাম্মি।  নীংশিংবীয়ু নখোয়না সিবিল সর্ভিসেস নত্ত্রগা অতৈ পরিক্ষাশিংগীদমক শেম শাবা মতমদা নখোয়না কন্নবা হোৎনবা, নখোয়না থবক তৌবগী মওং অদুদা খ্বাইদগী য়াম্না থাজবা থমখি। নখোয়না মফম অমা হেক্তদা লৈরবসু, মফম অদুগী অপিক-অপিকপা কুপ্না খঙজিল্লগা, মসিগী সমস্যা অসি অসুম্না কোকহনগনি হায়না নখোয়না খল্লি।

নখোয়গী মসিগী ৱাখল্লোন অসিনা নখোয়গী মাইপাকপগী কৈরাকসু ওইখি। ঙসি ফীভমশিংনা নখোয়গী লৈজরিবা পাঙ্গলশিং অদু চায়েং তৌনবা খুদোংচাবা অমা পীরি। নখোয়না জিলাগী খ্বাইদগী অপিকপা সমস্যা অদুবু কোকহন্নবা য়াম্না চেকশিনবগা লোইননা মীয়ামগী সমস্যাশিং কোকহন্নবা নখোয়গী মসিগী ৱাখল্লোন অসি কান্নরক্লি।

হোয়, হন্দক্কী কোরোনা অসিনা নখোয়গী থবকপু হান্নদগী য়াম্না চেলেঞ্জিং অমসুং দিমান্দিং ওইহল্লে। লাইচৎকুম্বা খুদোংথিবা থোকপদা খ্বাইদগী মরু ওইরিবা অসি ঐখোয়গী চেকশিনবা অমসুং ঐখোয়গী থৌনা অদুনি। ৱাখল্লোন অসিগা লোইননা নখোয়না মীয়ামদা য়ৌশিন্দুনা থবক তৌরিবা অসি হেন্না মপাঙ্গল হাপতুনা অমসুং হেন্না চাউনা তৌবা ঙম্নবা হোৎনখি।

মরুপশিং,

অনৌ-অনৌবা শীংনবশিংগী মরক্তা ঐখোয়না অনৌ-অনৌবা লম্বীশিং অমসুং পাম্বৈশিং মথৌ তাই। মসিনা মরম ওইরগা ঐখোয়গী লোকেল এক্সপরিয়েন্সশিং অদু সিয়র তৌবা অমসুং লৈবাক অমা ওইনা পুন্না থবক তৌমিন্নবা মরু ওই।

নুমিৎ নিনিমুক্কী মমাংদা অতৈ রাজ্য খরগী ওফিসিএলশিংগা লোইননা ৱারী শাবগী খুদোংচাবা ঐহাক্না ফংখি। মীফম অদুদা তোঙান-তোঙানবা জিলাশিংগী মরুপশিংদগী পাউতাক কয়া, পাম্বৈ কয়া লাকখি। ঙসিসু মসিদা জিলা খরগী ওফিসরশিংনা মখোয়গী জিলাগী ফীভম অমসুং মখোয়গী লালোং ঐখোয় পুম্নমক্কী মরক্তা সিয়র তৌরি।

ফীল্দদা লৈবা মীওইশিংগা ৱারী শাবা মতমদা অসিগুম্বা অমুক্তা থোকখিদ্রিবা ফীভমশিং লাকশিনবদা চাউনা মতেং ফংঙি। হৌখিবা মতম খরা অসিদা অসিগুম্বা পাউতাক কয়া ফংঙি। মখোয়গী জিলাশিংগী ওইরিবা ফীভমগী মতুং ইন্না ইন্নোভেতিব ওইবা পাম্বৈগী মরমদসু নখোয়দগী খঙবা ঙম্মি। খুঙ্গংশিংদা কোরোনাগী তেস্ত তৌবগী খুদোংচাবা অসি মীওই কয়াদা য়ৌহন্নবা মোবাইল বেনগী পাম্বৈ অসি মীওই কয়ানা শিজিন্নখি। স্কুলশিং, পঞ্চায়ৎ ভবনশিংবু কোবিদ কিয়র সেন্তর ওন্থোক্নবা মীওই খরনা থৌরাং পাইখৎলি।

ফগষনখোয় নশানা খুঙ্গং খুদিংদা চৎলি, মফম অদুদা লৈরিবা ফীভম অদু য়েংশিল্লি, অদোমনা খুঞ্জাশিংগা ৱারী শান্নৈ করিগুম্বা মফম অদুগী প্রজা নত্ত্রগা খুঙ্গংগী মফম অদুগী মখল অমগী লীদর কাংলুপ, মঙা, ১০, ১৫ ওইবা য়াই, তোঙান তোঙানবা মফম কয়া লৈ, পুম্নমক অদু নখোয়গা হকথেংননা চৎমিন্নদুনা চীংনবশিং কোকহনবা মতমদা মখোয়গী থাজবা শরুক য়াম্না হেনগৎলি। চীংনবা লৈবা পুম্নমক মখল অমগী থাজবদা ওন্থোকখি।

নখোয় লৈবনা নখোয়গী ৱাহৈশিংনা খুঙ্গং অদুদা করিগুম্বা থোক্লবদি ঐখোয় কদায়দা চৎকনি, ঐখোয় করম থোক্কনি? হায়বগী অকিবা অসি কোকহনবা ঙম্মি। নখোয় উবদা মখোয়দা লৈরম্বা ৱাখল্লোন অদু হোংখি। মসিনা মীয়ামদা থৌনাগা লোইননা মখোয়গী খুঙ্গং অদু কঞ্জনবগী চেকশিনবসু হেনগৎহনখি। অমসুং ঐহাক্না হায়জনীংবদি ইশাগী খুঙ্গং কোরোনা চংহনদনা থমগদবনি অমসুং মতম শাংনা চেকশিনবা মথৌ তাই হায়বা পাউজেল অসি খুঙ্গং খুদিংদা ঐখোয়না পীবা তাই। 

মরুপশিং,

হৌখিবা মতম খরা অসিদা লৈবাক অসিগী এক্তিব কেসশিং হন্থবা হৌরকখি, নুমিৎ ২০নিগী মমাংদা নখোয়গী জিলাদা লাকখিবা প্রেসর অদুগা হৌজিক অহোংবা য়াম্না লৈরে হায়বা নখোয়না ফাওরমগনি। অদুবু হৌখিবা চহি অমা মখাই অসিদা নখোয়না খঙলম্লগনি মদুদি লাইনা অসিনা লৈরবা মখৈদি, পীকনা ওইরবসু, শীংনবদি অদুমক লৈখিগনি। কয়ারক হন্না কেস হন্থরকপদা মীয়াম্না মীপাইনীংঙাই ওইদ্রে, লোইখ্রে হায়না খনবা হৌরকই অদুবু মসিগী এক্সপরিয়েন্স অদুদি তোঙাল্লি। তেস্তিং অমসুং দিস্তেন্সিং অসিগুম্বা মিজরশিং অসিগী মতাংদা মীয়াম্না লুম্না লৌবা হন্থরক্তনবা সরকারগী খোঙথাংশিং, সোসিএল ওর্গনাইজেসনশিং, মীয়ামগী মীহুৎশিং, পুম্নমক অসিগী মরক্তা অপুনবা থৌদাং অমগী ৱাখল্লোন লৈহন্নবা হোৎনগদবনি অমসুং এদমিনিস্ত্রেসনগী থৌদাং হেন্না হেনগৎলকই।

মাস্ক উপ্পা, খুৎশা হাম্বা অসিগুম্বা কোবিদকা চুনবা চৎনা-কাংলোনশিং অসিদা কোমথোকপা তৌদ্রবদি নখোয়গী জিলাদা, নখোয়গী জিলা অদুগী কৈথেলদা, খুঙ্গংদা, কেস হন্থরক্লবা মতুংদসু মীয়াম্না গাইদলাইনশিং ঙাক্না চৎপা তারবদি কোরোনাগী লাঞ্জং অসিদা চাউনা মতেং ওইগনি। ফীভমশিং লেপ্পা লৈতনা য়েংশিল্লবদি জিলা অদুগী মরু ওইবা বিভাগশিংদা, পুলিস দিপার্তমেন্ত ওইরসু, লুনানবগী ৱাফম ওইরসু, পুম্নমক অসিদা হেন্না মফবা কোওর্দিনেসন অমসুং অফবা ফল ফংবা হৌরকনি।

নখোয়গী জিলা কয়াদগী মসিগী লালোং অসি পাইখৎপগী রিজলশিংগী মতাংদা ঐঙোন্দা পাউ ফংঙি। মফমশিং অসিদা নখোয়না মীওই কয়াগী পুন্সি কনবা ঙমখ্রে।

মরুপশিং,

নখোয়না ফিল্দদা পাংথোকখিবা থবক, থেংনখিবা অমসুং ফিদবেকশিংদগী চৎনবা য়াবা অমসুং মথৌ তৌবা পোলিসী শেম্বগী মতেং ফংখি।রাজ্য অমসুং স্তেকহোলদর কয়াদগী থেংখাঙ খুদিংদা ফংখিবা পাউতাকশিং লৌদুনা তীকা থাবগী থবকশিং মখা তানা চত্থরি।

মতাং অসিদা হকশেল মন্ত্রালয়গী মাইকৈদগী নুমিৎ ৫নিগী তীকাশিং লৈবা-লৈতবগী মতাংদা ই-পাউ রাজ্যশিংদা পীরি। বেক্সিন সপ্লাই তাইম লাইন ময়েক শংবনা তীকা থাদোকপা অসিগা মরী লৈনবা মেনেজমেন্তদা নখোয় পুম্নমক্কী ওইনা হেন্না লাইথোকহল্লগনি।

জিলা অমসুং বেক্সিনেসন সেন্তর খুদিংমক্কী থাক্তা সপ্লাই হেন্না হেনগৎহনবা মথৌ তাই। তীকা থাদোকপগা মরী লৈনবা খুদোংচাদবশিং অসি কোকহন্নবা থৌওং পুম্নমক স্ত্রীমলাইন তৌবদা চাউনা মতেং ওইগনি।  বেক্সিনেসনগী প্লান, কেলেন্দর অদু ঐখোয়না চাং নাইনা তোঙান-তোঙানবা মীদিয়া প্লেৎফোর্মশিংদা য়ারিবা মখৈ সিয়র তৌরবদি মীয়ামদা খুদোংচাদবা থোকপা হন্থহনগনি।

মরুপশিং,

মমাংদা থোকখিবা নত্ত্রগা হৌজিক্কী লাইচৎ ওইরো, মসিনা ঐখোয়দা করিগুম্বা অমা তম্বীরে। লাইচৎ অসিগা থেংননবা থবক-থৌরমশিং অসিদা লেপ্তনা অহোংবা পুরকপা, অনৌবা থৌওং পাংথোকপা, অপগ্রেদেসন তৌবা য়াম্না মথৌ তাই। মসিগী ভাইরস অসিনা ম্যুতেসন তৌদুনা, মশাগী মশক ওনবা য়াম্না হৈবনা ঐখোয়গী থৌওং অমসুং লালোংশিংসু য়াম্না দাইনামিক ওইবগী মথৌ তাই।

সাইন্তিফিক লেবেলদা ঐখোয়গী সাইন্তিস্তশিংনা ভাইরস অসিগী হোংলক্লিবা মওং-মতৌশিং অসি লাকশিন্নবা অহিং-নুংথিল খঙদনা হোৎনরি। বেক্সিন শাবদগী হৌরগা এস.ও.পি.শিং শেম্বা অমসুং অনৌবা দ্রগশিং শেম্বা পুম্নমক অসিদা থবক কন্না চত্থরি। ঐখোয়গী এদমিনিস্ত্রেতিব এপ্রোচ অসি ইন্নোভেতিব অমসুং দাইনামিক ওইরবদি ঐখোয়না হেন্না ফবা ফলশিং ফংঙি। নখোয়গী জিলাগী শীংনবশিং অদু তোপ-তোপ্পা ওইগনি অদুনা নখোয়গী ৱারোইশিংসু চপ মান্ননা তোপ-তোপ্পা ওইফম থোকই। ৱাফম অমনা বেক্সিন ৱেস্তেজকী মতাংদনি। ভেক্সিন অমা মাংহনবা হায়বদি, মীওইবা অমগী ঙাকথোকপগী পাম্বৈ পীবা ঙমদবা হায়বনি। অদুনা, ভেক্সিন মাংহনবা থিংবা অসি য়াম্না মরু ওইরে।

তায়র-২, তায়র-৩ সিতীশিংদসু মদু তোঙান্না এনলাইসিস তৌবীয়ু, মসিনা নখোয়গী লালোং অদু হেন্না ফোকস ওইবা মওংদা শিজিন্নবা য়াগনি – কদায়দা অহেনবা মীৎয়েং চংবা মথৌ তাই করম্না মখলগী শক্তি শিজিন্নবা তাই, মসি নখোয়না লায়না পাঙথোকপা ঙমগনি। অমসুং মসি নাকল অমরোমদগী য়েংবা তারবদি খুঙ্গংগী মফমশিংদা কোরোনা লাকশিন্নবা হোৎনবদা মতেং ওইগনি।

অমসুং ঐহাকসু নখোয়গুম্না থবক অমা নত্ত্রগা অমা তৌদুনা মসিদা য়ৌরকখি। ঐহাক্না থেংনজবগী মতুং ইন্না খুঙ্গংগী মীয়াম্না করিগুম্বা মতম চানা অফবা ৱা য়ৌহনবা ঙম্লবদি মসিবু য়াম্না থম্মোই শেংনা ঙাক্না চৎকনি। অমসুং সহরশিংদা করিগুম্বা মতমদা ঐখোয়না করিগুম্বা খরা ইমপ্লিমেন্ত তৌনবা কন্না হোৎনবা মথৌ তাই, খুঙ্গংদদি হেন্না হোৎনবা মথৌ তাদে। হোয় ক্লেরিতী চংঙি। খুঙ্গংগী মনুংদা তিম অমা শেমগদবনি। য়েংবীয়ু, ফলশিং অদু মখোয় মশানা অদুমক পীরক্কনি।

মরুপশিং,

অনিশুবা ৱেব অসিগী চৈরক অসিদা ভাইরসনা ম্যুতেসন তৌরকপনা নহাশিং অমসুং অঙাংশিংদা হেন্না খুদোংথিনীংঙাই ওইরে। হৌজিক ফাওবদা ঐখোয়গী লৈরিবা লালোং, নখোয়না ফীল্দদা থবল তৌরিবা অসিগী মওং অসিনা মসিবু হেন্না শাথিবা ওইরকপগী সমস্যা অদু ঙকথোকপদা মতেং পাংখি অদুবু তুংলমচৎকীদমক ঐখোয়না হেন্না শেম শাবা মথৌ তাই। অমসুং নখোয়না অহানবা ওইনা পাইখৎপা য়াবা থবক অসি নখোয়গী জিলাশিংদা নহাশিং, অঙাংশিংগী স্তেতিস্তিক্স শেমদোকপা অমসুং মসিগী খুদোংথিবা অদু খঙদোকপা অসিনি। মসিদা তোখাইনা চাই নাইনা এনলাইসিস তৌবা তাই। নখোয় অমদি মরু ওইবা থৌদাং লৌরিবা ওফিসর পুম্নমক্তা হায়নীংবদি মসিগীদমক শেম শাবীয়ু। মসিনা তুংলমচৎকিদমক শেম শাবদা মতেং ওইগনি।

মরুপশিং,

ঐহাক্না মমাংদসু মীফম অমদা হায়খ্রে মদুদি পুন্সি কনবগী মথক্তা পুন্সিবু নুংঙাইনা থম্বা অসি মরু ওইনা লৌগদবনি। লায়রবশিংগী ওইনা লেম্না রসন পীবা, অতৈ তঙাই ফদবা সপ্লাইশিং পীবগী খুদোংচাবশিং লৈহনবা, কালাবজার তৌবা থিংবা পুম্নমক অসি লাঞ্জং অসি মাই পাক্নবা তঙাই ফদে অমসুং মসি মাংদা চংশিন্নবা তঙাই ফদে। নখোয়দা হৌখিবাগী এক্সপরিয়েন্সসু লৈ অমসুং মমাংদা হোৎনবদা মাই পাকখিবগী মোতিবেসনসু লৈ। নখোয় পুম্নমক্না নখোয়-নখোয়গী জিলাশিংদা লাইনা শন্দোকপা অসি লাকশিনবদা মাই পাক্কনি হায়না ঐহাক্না থাজবা থম্মি।

লৈবাক অসিগী প্রজাগী পুন্সি কনবদা, লৈবাক অসি জয় ওইবদা ঐখোয়না মাই পাক্কনি, অমসুং ঙসি ঐহাক্না মরুপ খরদগী তাজনবগী খুদোংচাবা ফংজখি অদুবু নখো খুদিংমক্তা মাই পাকপগী ৱারী খরদি লৈ। য়াম্না ফবা ইন্নোভেতিব ওইবা থৌওং নখোয়না মফম অমদা নত্ত্রগা অমদা পাইখৎলি। করিগুম্বা মদু নখোয়না ঐঙোন্দা য়ৌহল্লবদি ঐহাক্না মদু লৈবাক শিনবা থুংনা শোইদনা য়ৌহনগনি। মরমদি ইন্তেলেকচ্যুএল দিবেৎ তৌদুনা থবক কয়া থোরক্লবসু মসিদগী হেনবা শক্তিদি ফীল্দদা থবক তৌবনি, মসিদগী থেংনরকপা অমসুং মসিদগী ফংলকপা অদু য়াম্না শক্তি লৈ। অমসুং মসিনা মরম ওইরগা মীয়ামগী থাজবা য়াম্না হেনগৎহল্লি। মরম অসিনা ঐহাক্না নখোয়দা হায়জনীংবদি মসি পুথোকপীরকউ।

অনিশুবদনা, হৌখিবা চহি চামা অসিদা মহাক্কী পুন্সিদা অসিগুম্বা অচৌবা খুদোংথিবা অসি থেংনবগী থৌদাং লৌখিদে। নখোয়না জিলাদা ফম্লি, নখোয়গী পুন্সিদা খ্বাইদগী চাউবা থৌদাং পুরি। নখোয়না কয়া অমা উবা ফংলমগনি...মীওইবগী ৱাখলসু উবা ফংলমগনি, শেম শারিবা অসিগী অৱাৎপা থেংনরমগনি, নখোয়না রিসোর্সশিং য়ামদনা শিজিরগা ওপ্তিমম য়ুতিলাইজেসন তৌদুনা অনৌবা রেকোর্দ থন্বা ঙমখি। নখোয়না তাঞ্জা ফংবা মতমদা মসি দাইরীদা ইদুনা থম্বীয়ু। নখোয়না থেংনখিবশিং অদু তুংদা লাক্কদবা চারোনশিংদা কান্নগনি মরমদি হৌখিবা চহিচা অসিদা চহি চামাগী মমাংদা অসিগুম্বা অচৌবা লাইচৎ থোকখিবগী রিকোর্দ য়াম্না লৈতে। মখোয়গী মওং-মতৌ অসি কমদৌবগে, লাইনা অসি কয়াম য়াম্না শাথীখিবগে, কদাইদা করি থোকখি, মসি ঙাকথোক্নবা করি উপাই পুথোকখি। অদুবু ঙসিদি করিগুম্বা ঐখোয়গী জিলাগী ওফিসরশিংনা দিস্ত্রিক্ত গেজেৎ অমা ওইনা হোৎনরবদি, ঐখোয়না হোৎনখিবা, ঐখোয়না থেংনখিবাশিং অসিনা তুংগী চারোনশিংদসু কান্নবা ওইগনি।

অমসুং মাই পাকপা অসিগীদমক, নখোয়না হোৎনখিবা অমসুং নখোয়গী তীম পুম্নমকপু, নখোয়না লমজিংখিবগী মওং অদুবু ঐহাক্না থাগৎপা ফোঙদোকচরি, ঐহাক্না নখোয়বু থাগৎলি অমদু নখোয়না হেন্না মাই পাকপা ওইনবা, খোঙজেল য়াংনা মাই পাক্নবা অমসুং মীয়ামদা থাজবা পোকহন্নবা ঐহাক্না য়াইফ-মঙ্গোল পীজরি।

মীচম প্রজানা থাজবা থম্বা হায়বা অসি মাই পাকপগী অচৌবা পাঙ্গলনি...মসিদগী হেনবা পাঙ্গল লৈরোই অমসুং মসিনা নখোয়না হেন্না লায়না থবক তৌবা ঙমহনগনি। নখোয় হকচাং ফনা লৈবীয়ু মরমদি নখোয়গী থবক্কী পোৎলুম অসি চাউই হায়না ঐহাক্না খঞ্জৈ। হৌজিক নোংজু থা লাক্লবদি অহেনবা সিজনেলগী ওইবা প্রেসর লাক্লগনি। অদুবু পুম্নমক অসিগী চৈরক্তা নখোয় হকচাং ফনা লৈগদবনি, নখোয়গী ইমুং-মনুংসু হকচাং ফনা থমগদবনি অমসুং য়ারিবা মখৈ নখোয়গী জিলা শাফনা লৈগদবনি, প্রজা খুদিংমক শাফনা লৈগদবনি, নখোয়না খঞ্জরিবা অদু ইশ্বরনা থুংহনবা ওইসনু...নখোয়না হোৎনরিবা অদু থুংহনবা ওইরসনু।

ঐহাক্কী মাইকৈদগী নখোয়দা য়াইফ-পাউজেল পীজরি।

হন্না-হন্না থাগৎচরি!

ভারতকী ওলিম্পিয়নশিংবু পুক্নিং থৌগৎসি! #Cheers4India
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
PM Jan-Dhan Yojana: Number of accounts tripled, government gives direct benefit of 2.30 lakh

Media Coverage

PM Jan-Dhan Yojana: Number of accounts tripled, government gives direct benefit of 2.30 lakh
...

Nm on the go

Always be the first to hear from the PM. Get the App Now!
...
In a first of its kind initiative, PM to interact with Heads of Indian Missions abroad and stakeholders of the trade & commerce sector on 6th August
August 05, 2021
Share
 
Comments

Prime Minister Shri Narendra Modi will interact with Heads of Indian Missions abroad along with stakeholders of the trade & commerce sector of the country on 6 August, 2021 at 6 PM, via video conferencing. The event will mark a clarion call by the Prime Minister for ‘Local Goes Global - Make in India for the World’.

Exports have a huge employment generation potential, especially for MSMEs and high labour-intensive sectors, with a cascading effect on the manufacturing sector and the overall economy. The purpose of the interaction is to provide a focussed thrust to leverage and expand India’s export and its share in global trade.

The interaction aims to energise all stakeholders towards expanding our export potential and utilizing the local capabilities to fulfil the global demand.

Union Commerce Minister and External Affairs Minister will also be present during the interaction. The interaction will also witness participation of Secretaries of more than twenty departments, state government officials, members of Export Promotion Councils and Chambers of Commerce.