রাজ্যশিংনা কোওপরেসন, অমতা ওইনা খুৎশম্নদুনা হোৎনখিবা অমসুং কোলাবোরেসন তৌবগীদমক রাজ্যশিংবু পি.এম.না থাগৎখ্রে
পি.এম.না পাংবা য়াবা মতেং পুম্নমক পাংলকপগীদমক সি.এম.শিংনা থাগৎখ্রেমহারাস্ত্র অমসুং কেরলাদা কেসশিং হেনগৎলকপগী ত্রেন্দ অসি য়েংশিন্নিংঙাই ওই: পি.এম.তেস্ত, ত্রেক, ত্রিত অমসুং তীকা অসি তেস্তেদ অমসুং প্রুভন স্ত্রাতিজীনি: পি.এম.অহুমশুবা ৱেব লাকহন্দনবা ঐখোয়না অফবা খোঙথাংশিং লৌখৎকদবনি:পি.এম.মরু ওইনা খুঙ্গংগী মফমশিংদা লৈরিবা ইনফ্রাস্ত্রকচর গেপ অসি মেনশিনগদবনি: পি.এম.কোরোনা অসি লোইদ্রি, পোস্ত অনলোক্কিং বিহেবিয়রগী পিকচরশিং অসি নুংনাংনিংঙাই ওই: পি.এম.খুরুমজরি!
কোরোনাগী মায়োক্তা লৈবাক অসিগী লাঞ্জং অসিদা নখোয় পুম্নমক্না মরু ওইবা ৱাফমশিংদা নখোয়গী ৱাখল্লোন ফোঙদোকখ্রে। শুপ্নগী নুমিৎ নিনিগী মমাংদা ঐহাক্না অৱাং নোংপোক্কী ইকাই খুম্নরবা মুখ্য মন্ত্রীশিংগা চপ মান্নবা হীরম অসিদা খন্ননবগী খুদোংচাবা ফংখি। মরমদি করিগুম্বা ফীভম অদু নুংনাংনীংঙাই ওইরক্লবদি ঐহাক্না অখন্ননা রাজ্যশিং অদুগা লোইননা ৱারী শাই।
মরুপশিং,
হৌখিবা চহি অমগা মখাই অসিদা লৈবাক অসিনা পুন্না মতেং পাংনদুনা অমদি অমত্তা ওইনা হোৎন্দুনা অচৌবা লাইচৎ অসি লান্থেংনখি। রাজ্য সরকার খুদিংমক্না অমনা অমদগী তমশিনখিবগী মওং, মখোয়না খ্বাইদগী অফবা পাম্বৈশিং খঙনবা হোৎনখিবা, অমনা অমবু মতেং পীনবা হোৎনখিবা, এক্সপরিয়েন্স পুম্নমক অসিদগী ঐখোয়না হায়বা য়াবদি অসুম্না হোৎনখিবশিংনা মাংদা লৈরিবা লান অসি মাই পাকপা ঙমখিবনি।
মরুপশিং,
ঐখোয় পুম্নমক্না অহুমশুবা ৱেব অসিগী অকিবশিং অসি লেপ্তনা পুখৎলক্লিবা তানফম অমদা লৈরি হায়বা খঙলে। লৈবাক অসিগী রাজ্য অয়াম্বদা কেসশিংগী মশিং হন্থরকপগী মওং অসিদা খরা নুংঙাইবা ফাওই, সাইকোলোজিকেল ওইনা নুংঙাইবা ফাওই। হন্থরকপগী ত্রেন অসি য়েংলগা এক্সপর্তশিংনা লৈবাক অসি অনিশুবা ৱেবতগী মপুং ফানা অথুবদা ফগৎলকপা ঙম্লগনি হায়না পান্নখি। অদুবু রাজ্য খরাদা কেসশিংগী মশিং হেনগৎলক্লিবা অসিদা অদুমক নুংনাংনীংঙাই ওইরি।
মরুপশিং,
ঙসি রাজ্য কয়া, রাজ্য তরুক্কা ঐখোয় উন্নরি। খন্ন-নৈনবদা য়াওরি, হৌখিবা চয়োলগী অনৌবা কেসশিংগী চাদা ৮০দি নখোয়গী রাজ্যশিংদগী ওইরি। নুংঙাইত্রবা অশী-অনাগী থৌদোকসু রাজ্যশিং অসিদগী ওইরি। হৌরকপদদি এক্সপর্তশিংনা অনিশুবা ৱেব হৌরকপা মফমদুদা ফীভম হান্না ফগৎলক্কনি হায়না খন্নরম্মি। অদুবু মহারাস্ত্র অমসুং কেরলাদা কেস মশিং হেনগৎলকপা থেংনরি। মসি ঐখোয় পুম্নমক্কী ওইনা, লৈবাক্কী ওইনা নুংনাংনীংঙাই ওইবা ৱাফম অমনি। নখোয় পুম্নমক্না খঙলমগনি মদুদি অনিশুবা ৱেবকী মমাংদা জনুৱারী-ফেব্রুৱারীদা চপ মান্নবা ত্রেন্দশিং অসি উবা ফংখি। মরম অসিনা করিগুম্বা ফীভম অসি লাকশিনবা ঙমহৌদবা তারবদি ফীভম হেন্না লুশিল্লক্কনি হায়বগী অকিবা মহৌশানা পোকপা হেনগৎলকই। কেস মশিং হেনগৎলক্লিবা রাজ্যশিংদা ইচং থৌবা থৌরাং লৌখত্তুনা অহুমশুবা ৱেবকী খুদোংথিবা থোকহন্দনবা থবক লৌখৎপা মরু ওই।
মরুপশিং,
এক্সপর্তশিংনা মতম শাংনা কোরোনা কেস হেনগৎলকপনা কোরোনা ভাইরস ম্যুতেসন তৌরকপা য়াবগী ওইথোকপা হেনগৎলক্লি, অনৌ-অনৌবা ভেরিএন্তশিংগী থোক্লকপা য়াবগী অকিবা লৈ হায়রি। মরম অসিনা অহুমশুবা ৱেব থিংনবগীদমক কোরোনাগী মায়োক্তা মশক থোকপা খোঙথাঙ লৌখৎপা মথৌ তাই। মাইকৈ অসিদা লৌখৎকদবা লালোং অসি নখোয়গী রাজ্যশিংদা লৌখৎলিবা লালোং, লৈবাক পুম্বনা পাইখৎলিবা অদুগা চপ মান্নৈ। অমসুং মসিদা ঐখোয়গী এক্সপরিয়েন্সসু লৈরে। হায়রিবা অসি চায়েং তৌরবা চুম্লে হানা খঙলবা পাম্বৈনি। তেস্ত, ত্রেক, ত্রীত অমসুং তিকাগী ওইবা ঐখোয়গী লালোং অসিদা মীৎয়েং থমদুনা ঐখোয় মাংদা চঙশিনগদবনি। মাইক্রো-কন্তেনমেন্ত জোনদা ঐখোয় অখন্নবা মীৎয়েং চঙবা তাই। পোজিতিবিতী রেত ৱাংবা দিস্ত্রিক্তশিংদা, কেস মশিং ৱাংনা থেংনবা মফমশিংদা অহেনবা মীৎয়েং চঙগদবনি। ঐহাক্না অৱাং নোংপোক্কী মরুপশিংগা ৱারী শাবা মতমদা রাজ্য খরদা লোকদাউন শুকথম থমখিদে হায়বা ৱাফম অমা থোরকখি। অদুবু মাইক্রো-কন্তেনমেন্ত জোনশিংদদি অহেনবা মীৎয়েং চংখি। অমসুং মসিনা মরম ওইরগা ফীভম লাকশিনবা ঙমখি। তেস্তিংগী ওইনসু রাজ্য পুম্বদা অসিগুম্বা জিলাশিংদা অখন্নবা মীৎয়েং চংদুনা তেস্ত তৌবা মশিং য়াম্না হেনগৎহনবা তাই। লাইনা শন্দোকপা হেনবা জিলাশিংদা বেক্সিন অসিসু ঐখোয়গী কান্নরবা খুৎলাই অমনি। কোরোনানা থোকহনবা সমস্যাশিং অসি বেক্সিনশিং নীংথিজনা শিজিন্নবনা হন্থহনবা ঙমগনি। রাজ্য অয়াম্না মখোয়গী আর.তি.-পি.সি.আর. তেস্ত তৌবগী চাং অসি হেনগৎহন্নবা ঐখোয়গী ৱিন্দো অসি শিজিন্নরি। মসি শীংথানীংঙাই ওই অমসুং মথৌ তাবা খোঙথাং অমনি। ভাইরস অসি লাকশিনবদা আর.তি.-পি.সি.আর. তেস্তিং হেন্না হেন্না তৌবনা কান্নবা পুরক্কনি।
মরুপশিং,
লৈবাকসিগী রাজ্য খুদিংদা অনৌবা আই.সি.য়ু. ফমুং হাপচিন্নবা, তেস্তকী চাং হেনগৎহন্নবা অমদি অতৈ অৱাৎ-অপাশিং মেনখৎননবা ফন্দ পীরি। হন্দক্তা, কেন্দ্র সরকারনা লুপা করোর লিশিং ২৩ হেনবগী ইমর্জেন্সী কোবিদ রেসপোন্স পেকেজ কাইথখ্রে। বজেৎ অসি হেল্থ ইনফ্রাস্ত্রকচর মপাঙ্গল কনখৎহনবদা শিজিন্নবা ঐহাক্না পাম্মি। ‘ইনফ্রাস্ত্রকচর গেপ’ লৈবা রাজ্যশিংদা মখোয়না মসি মেনখৎনবা কন্না হোৎনবা তাই। মরু ওইনা খুঙ্গংগী মফমশিংদা ঐখোয়না হেন্না হোৎনবা তাই। মসিগা লোইননা রাজ্য পুম্নমক্তা আই.তি. সিস্তেমশিংগী নেৎৱর্ক, কন্ত্রোল রুমশিং অমসুং কোল সেন্তরশিং মপাঙ্গল কনখৎহনবা চপ মান্ননা মরু ওই। মসিদগী রিসোর্সকী দেতা অসি প্রজাশিংদা মনুং-মপান ফাওনা উবা ঙম্বা মওং অমদা ই-পাউ ফংহল্লি। পেসেন্তশিং অমসুং মরী-মতাশিংনা লায়েংনবা মফম অমদগী অমদা চেনবগী মথৌ তাদ্রে।
মরুপশিং,
নখোয়গী রাজ্যশিংদা এলোকেৎ তৌখিবা পি.এস.এ. প্লান্ত ৩৩২গী মনুংদা ৫৩দি কম্মিসন তৌখ্রে হায়না ঐঙোন্দা খঙহল্লকখি। ঐহাক্না রাজ্য পুম্নমক্তা হায়রিবা পি.এস.এ. ওক্সিজেন প্লান্তশিং অসি অথুবদা লোইশিন্নবা হায়জরি। থবক অসিগীদমক মকোক থোংবা ওফিসর অমা হেক্তা অখন্ননা নেকথোকউ অমসুং নুমিৎ ১৫-২০গী মনুংদা মিসন মোদতা থবক অসি লোইশিন্নবা তৌ।
মরুপশিং,
অতোপ্পা নুংনাংবা অমনা অঙাংশিংগী মতাংদনি। ঐখোয়না কোরোনা লাইনা অসিদগী অঙাংশিংবু ঙাকথোক্নবা অঙম্বা থাক্তা হোৎনবা তাই।
মরুপশিং,
হৌখিবা চয়োল অনি অসিদা য়ুরোপকী লৈবাক অয়াম্বদা কেসশিং য়াম্না হেনগৎলকপা ঐখোয়না উবা ফংলে। করিগুম্বা ঐখোয়না নোংচুপলোমদা য়েংলুরবদি য়ুরোপ নত্ত্রগা অমেরিকাগী লৈবাকশিং ওইরবসি, নোংপোক্তা য়েংলুবদা বাংলাদেশ, ম্যান্মার, ইন্দোনেসিয়া, থাইলেন্দদা কেসশিং অসি য়াম্না থুনা হেনগৎলক্লি। অমরোমদনা মফম খরদা শরুক মসি হেন্না হেনগৎলক্লি, খরদনা শরুক নিপান, খরদনা শরুক তরা হেনগৎলক্লি। মসি মালেম পুম্বগী অমসুং ঐখোয়গী ওইনসু চেকশিন্নবগী খুদম অমনি, য়াম্না চাউনা চেকশিন্নবা খুদম অমনি। ঐখোয়না মীয়ামদা কোরোনা অসি ঐখোয়গী ইরক্তা লৈরি হায়বা হন্না হন্না নীংশিংবা তাই। অয়াম্বা মফমশিং অনলোকিং তৌবদা উবা ফংলিবা ফীভম অসিনা হেন্না নুংনাংনীংঙাই ওইরে। ঐহাক্না অৱাং নোংপোক্কী মরুপশিংগা মসিগী মতাংদা ৱারী শাখিবা নুমিৎ অদুদসু মসিগী মতাংদা মখোয়দা ঐহাক্না পনখি। ঙসিসু ঐহাক্না ৱাফম অদু অমুক হন্না ফোঙদোকচনীংই। ঙসি ঐখোয়গা পুল্লিবা রাজ্যশিং অসিদা অচৌবা মেত্রোপোলিতেন সহর কয়া লৈ, মখোয়দা মী য়াম্না কুংনা তাই। মসি ঐখোয়না কাওদবা ফৈ। ঐখোয়না মীয়াম তিনবা মফমশিংদা মী চিনবা ঙাকথোক্নবা হেন্না চেকশিনবা তাই। সরকারগা লোইননা ঐখোয়না অতৈ পোলিতিকেল পার্তীশিং, সোসিএল ওর্গনাইজেসনশিং অমসুং এন.জি.ও.শিং অমসুং সিবিল সোসাইতীশিংগা লেপ্পা লৈতনা মীয়ামদা চেকশিন্নবা ভাব তাহনবা তাই। মাইকৈ অসিদা নখোয়গী এক্সপরিয়েন্স অসি চাউনা কান্নবা ওইগনি। মসিগী মরু ওইবা মীফম অসিগীদমক মতম কাইথোকখিবগীদমক পুম্নমকপু হন্না-হন্না থাগৎচরি! অমসুং ইকাই খুম্নরবা মুখ্য মন্ত্রী পুম্নমক্না পল্লকপগী মতুং ইন্না ঐহাক্না মীকুপ খুদিংমক্তা এভাইলেবল ওইগনি। ঐখোয় পাউ ফাওনসি। তুংদসু ঐহাক অদুম মতম কাইথোক্কে। অসুম্না খুদোংথিবা অসিদগী মীওইবা খুন্নাই কন্নবা কেম্পেন অসিদা ঐখোয় পুন্না ইশা-ইশাগী রাজ্যশিং কান্নবা হোৎনরসি। ময়াম পুম্বদা ঐহাক্না য়াইফ পাউজেল পীজরি। হন্না-হন্না থাগৎচরি!
