Share
 
Comments
রাজ্য সরকারশিংনা অহানবা তাঙ্কক্কী ওইনা হকশেলগী থৌমী অমসুং ফ্রন্তলাইন ৱর্কর করোর ৩গী ভেক্সিনেসন তৌবদা শেল অমত্তা পুথোক্লোইঃ প্রধান মন্ত্রী
কো-ৱিন দিজিতেল প্লেৎফোর্ম্না ভেক্সিনেসন দ্রাইব অসিদা তেংবাংদুনা দিজিতেল ভেক্সিনেসন সর্তিফিকেৎসু পীগনি
ভারতনা মথংগী থা খরা অসিদা মীওই করোর ৩০দা ভেক্সিন কাপ্পগী পান্দম থম্লিঃ প্রধান মন্ত্রী
বর্দ ফ্লু থেংননবা থৌরাং য়াত্তুনা থমখ্রে; মীকুপ খুদিং মিৎ-না শিংনা লৈবা তঙাই ফদবনিঃ প্রধান মন্ত্রী

ভারত্তা পুথোকপা কোরোনাগী তিকা অমসুং মালেমগী খ্বাইদগী চাউবা তিকা থাবগী থবক্কী মতাঙদা হৌজিক মমুৎ তানা খন্ন-নৈনখ্রে, প্রজেন্তেসন্দসু মচা খায়বা ৱাফম কয়া তাকখ্রে অমদি ঐখোয়গী স্তেতশিংগী দিস্ত্রিক্তকী থৌ পুবশিংদসু মসিগী মতাঙদা মমুৎ তানা নৈনদুনা স্তেত খরদগী অফবা ৱাফম খরসু থোক্লকখি‍। কেন্দ্র অমসুং স্তেতশিংগী মরক্তা খন্ন-নৈনদুনা মতেং পাংনবনা কোরোনা থেংনবদা চাউনা কান্নখি‍। মওং অমদা মসি ফেদরেলিজমগী অথোইবা খুদম অমা লান্থেং অসিদা ঐখোয় পুম্নমক্না উৎখি‍।

মরূপশিং,

ঙসি লৈবাক অসিগী হান্নগী প্রধান মন্ত্রী লৈখিদ্রবা লাল বহাদুর সাস্ত্রী জীগী লৈখিদবগী কুমওনসু তারি‍। ঐনা মহাক্কী মফমদা থম্মোয়নুংদগী শ্রদ্ধাঞ্জলি কৎচরি‍। ইং ১৯৬৫তা সাস্ত্রিজীনা এদমিনিস্ত্রেতি সর্ভিসেসকী মীফম অমদা য়াম্না মরু ওইবা ৱাফম অমা হায়খি হায়রিবা ৱাফম অদু ঙসি অদোমগী মফমদা নিংশিংজবা পাম্মি‍। মহাক্না হায়রমবা ৱাফমদুদি – ঐনা উবদা লৈঙাক্লোনগী মচং ওইবা ৱাখল্লোনদি খুন্নাই অসিবু চাউখৎহন্নবা অমদি অকক্নবা পান্দম অমগী মায়কৈদা চঙশিন্নবগীদমক্তা পুনশিন্নহনবদুনি‍। লৈঙাক্কী থৌদাংদি হায়রিবা অওনবা, হায়রিবা থৌওংসিবু মপুং ফাহনবদুনি‍। কোরোনাগী লুরবা তানফমসিদা ঐখোয় পুনশিন্নদুনা লাল বহাদুর সাস্ত্রিজীনা তাকপিরমবা লীক্লমদুদা চৎননবা হোৎনদুনা থুনা মওং চুম্বা ফিরেপ লৌখি, মথৌ তাবা শেমদোক শেমজিনসু তৌখি অমদি লৈবাক মীয়ামদা ৱাখল তাহন্নবা থৌরাংসু লেপ্পা লৈতনা লৌখৎখি অমদি মদুগী মহৈনা ঙসি ভারত্তা কোরোনাগী মশিং হান্নদগী হন্থরে অমদি মালেমগী অতৈ লৈবাকশিংদা তৌবগুম্না শন্দোকপসু তৌদ্রে‍। থা ৭-৮গী মমাঙদা লৈবাক মীয়ামদা লৈরমবা মিপাইবা অদুদগী হৌজিক্তি হন্থরে‍। মসি অফবা ফীভম্নি অদুম ওইনমক চেকশিনবা হন্থরকক্কদ্রা হায়বগী মিপাইবদি ঐখোয়দা লৈরি‍। লৈবাক মীয়ামদা লৈরিবা থাজবা অদুমক শেন্মিৎলোনগী ফীভমদসু ময়েক লানা মমি তারি‍। ঐনা অদোমগী স্তেতশিংগী লৈঙাক চুপ্লি পায়রিবশিংনা অহিং নুংথিল খায়দনা চেকশিন্না শেন্নদুনা লাকখিবগীদমক্তসু থাগৎচরি‍।

মরূপশিং,

হৌজিক্তি ঐখোয়গী লৈবাক অসিনা কোরোনাগী লান্থেংদা অনৌবা তাঙ্কক অমদা খোঙ থাঙজিল্লে‍। খোঙথাঙ অসি তিকা থাবগী খোঙফমদুনি‍। মফমসিদা হায়খিবগুম জনুৱারী ১৬তগী ঐখোয়গা মালেমগী খ্বাসদগী চাউবা তিকা থাবগী থবক চঙশিনগদৌরি‍। অথু অকাইগী ওইনা শীজিন্ননবা অয়াবা পীখ্রবা তিকা অনিমক ভারত্তা পুথোকপা ঙাক্তনি হায়বা ৱাফমসিমক ঐখোয়গীদমক্তা চাউথোকচনিংঙাইনি‍। মসিদসু নত্তনা তিকা ৪ অমগসু হৌজিক থবক চঙশিল্লি‍। ঐখোয়না অহানবা রাউন্দগী থবক চাদা ৬০-৭০ লোইশিল্লবা মতুংদা অমুক হন্না মীফম পাঙথোক্নবা ৱাফম ঐনা হৌদোক্লিবা অসিগী মরমদি মদুগী মতুংদা তিকাসু লাক্লগনি অমদি তিকা লাক্লবদি ঐখোয়না তুংগী থঔরাং য়াৎপদা কান্নবা কয়া লৈগনি অমদি মরম অসিনা অনিসুবা তাঙ্কক্তা চহী ৫০গী মথক্তা লৈবা মীওইশিংদা পীগনি, মতমদু ফাওবদা ঐখোয়গী ইফমদা অতৈ তিকাশিংসু শীজিন্নবা য়াবগী থাজবা লৈ‍।

মরূপশিং,

লৈবাক মীয়ামদা মতিং লৈবা তিকা পীননবগীদমক ঐখোয়গী এক্সপর্তশিংনা লৌখৎপা য়াবা চেকশিন থৌরাং লৌখৎলি‍। অদুগা হৌজিক সাইন্তিফিক কম্ম্যুনিতীদগী ঐখোয়দা মচা খায়বা ৱাফম কয়া তম্লক্লি‍। হীরম অসিদা মুখ্য মন্ত্রীশিংগা ৱারী ৱাতায় শানবা খুদিংদা ঐনা হেক হেক পীবা পাউখুমদি হীরম অসিদা ঐখোয়না লৌগদবা ফিরেপ খুদিংমক সাইন্তিফিক কম্ম্যুনিতীনা হায়বা ৱাফমগী মতুং ইন্না লেপকনি অমদি তৌগনি হায়বসি অদোমসু খঙবিরমগনি‍। সাইন্তিফিক কম্ম্যুনিতীগী ৱাফম্না অরোয়বা ওইগনি অমদি ঐখোয়না মদুগী মতুং ইন্না থবক তৌগনি‍। মীওই কয়া অমনা মালেমগী অতৈ মফমশিংদা তিকা পুথোরক্লে ভারত্তি করি তৌদুনা লৈরিবগে, অৱাবা কয়া মায়োক্নরবসু ভারতনা তুম্লি হায়না হেক হেক হায়খি‍। অদুবু ঐখোয়গী ৱাখল্লোনদি সাইন্তিফিক কম্ম্যুনিতীনা মদুগী থৌদাং চপ চানা য়ারক্কনি হায়বসিনি‍। মখোয়না পুথোরকপা মতমদা ঐখোয়গী কান্নবা ওইগদৌরিবনি অমদি ঐখোয়না মায়কৈ অদুদা চৎকনি হায়বসিনি‍। ঐনা অমুক্কা হন্না হায়নিংবা মরুওইবা ৱাফম অমদি ঐখোয়গী তিকা অনিমক মালেমগী অতৈ তিকাশিংদগী মমল হোঙই‍। করিগুম্বা ভারতনা কোরোনাগী তিকা থানবগীদমক মপান লৈবাক্কী ভেক্সিনশিংদা মপুং ফানা তাংদুনা লৈরম্লবদি ঐখোয়গী করি ফীভম ওইগনি, কয়া য়াম্না অৱাবা মায়োক্নগনি হায়বসি ঐখোয়না ৱাখলনা লাম্বা ফংই‍। তিকা অসি ভারতকী ওইরিবা ফীভম অমদি তুংদা ওইরক্কদবা ফীভম মাঙদা থম্লগা শেমগৎখিবনি‍। ভারতকী তিকা থাবগী লৈরিবা ফীভম অমদি কাচিন-কোয়া য়ৌনা শন্দোক্তুনা লৈখ্রবা থৌরাংশিং অসিনা কোরোনাগী তিকা থাবদা য়াম্না কান্নবা ওইরক্কদৌরি‍।

মরূপশিং,

তিকা থাবা হৌরকপসিদা কনাবু হেন্না লুম্না লৌগদগে হায়বসি অদোম পুম্নমক্কা তাথোক তাশিন তৌরবা মতুংদা লেপখিবনি‍। ঐখোয়গী থৌরাংদি লৈবাক মীয়ামগী হকশেলগীদমক অহিং নুংথিল নাইদনা হোৎনরিবা মীওইশিংদুদা ইহান হান্না কোরোনাগী তিকা ফংহনবদুনি‍। লৈঙাক্কী ওইরবসু লনাইগী ওইরবসু ঐখোয়গী লৈরিবা হকশেলগী থৌমীশিংদা তিকা হান্না ফংহনগনি‍। মদুগা লোয়ননা ঐখোয়গী অমোৎ অকায় শেংদোক শেংজিন তৌরিবা মীওইশিং, অতৈ মাঙজিল থাবা থৌমীশিং, লান্মী তেঙ্গোল, পুলিস অমদি কেন্দ্রগী তেঙ্গোলশি, হোম গার্দ, দিজাস্তর মেনেজমেন্ত ভোলুন্তিয়র য়াওনা সিভিল দিফেন্সকী মীওইশিং, কনতেন্মেন্ত অমসুং সর্ভিলেন্সকী থবক্তা মথৌ তৌরিবা রিভিন্যুগী শিন্মীশিংবুসু অহানবা তাঙ্কক্তা তিকা ফংহনগদৌরি‍। লৈবাকসিগী তোঙান তোঙানবা স্তেতশিংগী হকশেলগী থৌমীশিং, মাঙজিন থাবা থৌমীশিংগী মশিং য়েংলুরগদি চাউরাক্না করোর ৩ লোম্নি‍। অহানবা তাঙ্কক্তা হায়রিবা মীওই করোর ৩সিদা তিকা থাবদা চঙগদৌরিবা শেন্ফমশিং স্তেত লৈঙাকশিংদা পুহন্দনবা, ভারত লৈঙাক্না পুননবা ফিরেপ লৌরে‍।

মরূপশিং,

তিকা থাবগী অনিসুবা তাঙ্কক অসি অমরোমদা অহুমসুবা তাঙ্কক হায়রবসু য়াই অদুবু হায়রিবা মীওই করোর ৩দু অমত্তা ওইনা লৌরগদি অনিসুবা তাঙ্কক্তা চহী ৫০গী মথক্তা লৈবা মীওইশিং অমদি মশাগী অনাবা লৈবা অমদি লায়না অসিদগী খুদোংথিবা নংবা য়াবগী ওইথোকপা চাউনা লৈবা চহী ৫০গী মখাদা লৈবা মীওইশিং তিকা থাদোক্কনি‍। হৌখিবা চয়োল খরসিদা মথৌ তাবা ইন্ফ্রাস্ত্রকচরদগী হৌরগা লোজিস্তিক্স ফাওবগী থৌরাং স্তেত খুদিংদা অমদি কেন্দ্রনা লৈঙাকপা প্রদেশশিংগা তাথোক তাশিন তৌরবা মতুংদা চাং নাইনা মীফম পাঙথোক্তুনা মোদ্যুলশিং শেমদুনা মপুং ফানা লৌখৎখ্রে হায়বা ৱাফমসি অদোম পুম্নমক্না খঙই‍। লৈবাক্কী চাউরাকপা দিস্ত্রিক্ত খুদিংদা দ্রাই রনসু মপুং ফানা পাঙথোকখ্রে‍। অসুক চাউখ্রবা লৈবাকসিগী দিস্ত্রিক্ত খুদিংদা দ্রাই রন মপুং ফানা পাঙথোক্লিবা অসিমক্নসু ঐখোয়গী তৌবা ঙমবা মতিং উৎলি‍। ঐখোয়না লৌখৎলিবা অনৌবা থৌরাংশিং, কোবিদকী এস.ও.পি.শিং পুম্নমক হৌজিক ঐখোয়না পুনশিনবা মথৌ তাই‍। ভারত্তা হান্ননা মালেমগী ওইবা ইম্ম্যুনাইজেসনগী থৌরম চত্থদুনা লাক্লি, ঐখোয়গী মীওইশিংনা হায়রিবা অসি মায় পাক্না চত্থদুনা লাক্লি‍। মিজল্স – রুবেলাগুম্বা লায়নাগী মায়োক্তা পাক চাউরবা কেম্পেন ঐখোয়না পাঙথোকখ্রে‍। মালেমগী খ্বাইদগী চাউবা মীখল লৈবাকসিগী কাচিন কোয়া শিনবা থুংনা পাঙথোকখিবগী মতিক ঐখোয়দা লৈরি‍। মসিগীদমক ঐখোয়না বুথকী থাক্তা পায়খৎখিবা খুজিল থৌরাংশিং অদুমক মতাঙসিদা ঐখোয়না শীজিন্নগদবনি‍।

মরূপশিং,

পায়খৎকদৌরিবা তিকা থাবগী থৌরাংসিদা খ্বাইদগী মরুওইবা ৱাফমদি তিকা থাগদৌরিবা মীওই অদুগী মশক মমিং নীংথিনা থমদুনা শেন্নবদুনি‍। মসিগীদমক অনৌবা তেক্নোলোজীগী মতেং লৌরগা কো-ৱিন কৌবা দিজিতেল ফম্পাক অমা শেম্লে‍। আধারগী মতেংনা কান্নবা ফংগদৌরিবা মীওইশিংগী মশক মমিং খঙদোক্তুনা মখোয়দা অনিসুবা দোজ মতম চানা ফংহন্নবা থৌরাংসু লৌখৎলি‍। ঐনা অদোম পুম্নমক্তা মরুওইনা থমজনিংবা ৱাফমদি তিকা থাবগা মরী লৈনবা রিএল-তাইম দেতাশিং কো-ৱিনদা থাগৎলকপিরকউ হায়বসিনি‍। মসিদা খজিক্তা থৌশাহৌদবদা মিসন অসিদা অমাঙ অতা থোকহনগদৌরিবনি‍। কো-ৱিন্না অহানবা তিকা থারবা মতুংদা দিজিতেল ভেক্সিনেসন সর্তিফিকেত অমা জেনেরেত তৌরক্কনি‍। কান্নবা ফংলিবা মীওইশিংনা তিকা থারবা মতুংদা সর্তিফিকেত অসি কোন্না লৌবা অমুক লাক্নদনবা খুদক্তা পীখিবা মথৌ তাই‍। কনাগুম্বা মীওই অমবু তিকা থাখ্রে হায়বসি সর্তিফিকেত অসিনা তাকচবগা লোয়ননা অনিসুবা দোজ করমবা মতমদা থাগদগে হায়বসিসু মসিনা নীংশিংহনগনি‍। অনিসুবা দোজকী মতুংদা অরোইবা সর্তিফিকেত পীগনি‍।

মরূপশিং,

ভারতনা পায়খৎকদৌরিবা থৌরাং অসি মালেমগী অতৈ লৈবাকশিংনা মতৌ তমগদৌরিবনি, মরম অসিনা ঐখোয়গী থৌদাং য়াম্না চাউই‍। ঐখোয়না চেকশিনগদবা অরুবা ৱাফম অমসু লৈরি‍। মালেমগী লৈবাক ৫০দা চয়োল ৩-৪দগী তিকা থাবগী থবক চঙশিল্লি, চাউরাক্না থা অমরোম ফারে অদুবু হৌজিক ফাওবদা মালেম শিনবা থুংনা মীওই করোর অনি মখায়রোমতমক তিকা থাবা ঙম্লি‍। মখোয়গী ওইজবা থৌরাং, মখোয়গী মতিক, মখোয়গী থৌরাংগী মতুং ইন্না মখোয়না থবক পায়খৎচবনি‍। অদুবু হৌজিক ভারত্তা লাক্কদৌরিবা থা খরসিদা মীওই করোর ৩০ তিকা থাবা ঙম্নবা থৌদাং ঐখোয়না হোৎনগদবনি‍। শিংনবা অসি মাঙদা থম্লগা হৌখিবা থা খরসিদা ভারতনা মপুং ফাবা থৌরাং লৌখৎখি‍। কনাগুম্বনা কোরোনাগী তিকাদগী নুংঙাইতবা থেংনরবদি মদুগীদমক্তসু মথৌ তাবা থৌরাং লৌখৎলি‍। য়ুনিভর্সেল ইম্ম্যুনাইজেসন প্রোগ্রামদা হান্ননা মসিগীদমক থৌওং অমা ঐখোয়দা লৈরে‍। কোরোনাগী তিকা থানবগীদমক মসিবু হেন্না মপাঙ্গল কনখৎহনখ্রে‍।

মরূপশিং,

তিকা অমসুং তিকা থাবা হায়বসিগী মরক্তা ঐখোয়না নীংশিংগদবা ৱাফমদি ঐখোয়না ইন্দুনা চৎলিবা কোবিদকা মরী লৈনবা চৎন-পথাপশিং অদুমক থৌরাং পায়খৎলিঙৈ মনুংসিদা ঙাক্না চৎকদবনি‍। খজিক্তফাওবা কোমথোক্লুবদা মাঙজবা ফীভম ওইরকপা য়াই অমদি মসিদা নত্তনা তিকা থাখ্রবা মীওইশিংসু লায়না অসি শন্দোকপা থিংননবা লৌখৎফম থোকপা চেকশিন থৌরাংশিং ইন্দুনা চৎপা মথৌ তাই হায়বসি খঙহনগদবনি‍। ঐখোয়না য়াম্না লুম্না লৌগদবা ৱাফম অমসু লৈরি‍। স্তেত খুদিং, কেন্দ্রনা লৈঙাকপা প্রদেশ খুদিংদা তিকাগা মরী লৈনবা তোকঙাশিং শন্দোকহন্দনবা থৌরাং লৌখৎকদবনি‍। করিগুম্বা অমদি অদুবু হায়বা ৱাফমশিং অসু লৈহল্লোইদবনি‍। লৈবাকসিগী অমদি মালেমগী মশাগীতা খনবা কাঙলুপশিংনা ঐখোয়গী থৌরাংসিদা অপনবা পীননবা হোৎনরকপা য়াই‍। মসিদা কোর্পোরেত কম্পিতিসনসু লাকপা য়াই, লৈবাকসিগী মিংচৎকা মরী লৈনবা ৱাফমদা পুথোরকপসু য়াই‍। ওইথোকপা য়াবা কয়া অমা লৈ‍। অসিগুম্বা থৌরাং খুদিংমক লৈবাক মীয়াম পুম্বদা মরিক চুম্বা পাউদম পীদুনা মায়থিবা পীগদবনি‍। মসিগীদমক্তা ঐখোয়না লাইনীং অমদি খুন্নাইগা মরী লৈনবা লূপশিং, এন.ৱাই.কে., এন.এস.এস., সেল্ফ হেল্প গ্রুপশিং, প্রোফেসনেল বোদীশিং, রোতরী লাইয়ন্স ক্লবশিং অমদি রেদ ক্রোসনচিংবা লূপশিংগা খুৎশম্নগদবনি, ঐখোয়গী চাং নাইনা চত্থবা হকশেলগী সর্ভিসশিং, অতোপ্পা তিকা থাবগী থৌরাংশিংসু কায়দনা চত্থহন্নবা ৱাফমসু ঐখোয়না খনগদবনি‍। মরমদি ঐখোয় তাং ১৬তগী হৌগদৌরি অমদি তাং ১৭তনা হান্নগী তিকা থাবগী থবক লৈরি হায়বা ঐখোয়না খঙই মরম অসিনা ঐখোয়গী হান্নগী তিকা থাবগী থবক্তসু কায়হল্লোইদবনি‍।

লোইশিল্লকপদা অরুবা ৱাফম অমগী মতাঙদা অদোমগা শোয়দনা ৱারী শাননিংই‍। লৈবাকসিগী স্তেত ৯দা বর্দ ফ্লু থেংনরে‍। হায়রিবা স্তেতশিং অদুদি কেরলা, রাজস্থান, হিমাচল প্রদেশ, গুজরাত, হরিয়ানা, উত্তর প্রদেশ, মধ্য প্রদেশ, দিল্লী অমসুং মহারাস্ত্রনি‍। বর্দ ফ্লু থেংননবা ভেতিরিনরী অমসুং এনিমেল হসবেন্দ্রী মন্ত্রালয়না থৌরাং অমা লৌখৎলে অমদি মদু চপ চানা ইনবা মথৌ তাই‍। মসিদা দিস্ত্রিক্ত মেজিস্ত্রেতশিংগী চাউরবা থৌদাং লৈ‍। ফীভম অসি থেংনরিবা স্তেতশিংগী মুখ্য মন্ত্রীশিংনা চীফ সেক্রেতরীশিংগী খুত্থাঙদা দিস্ত্রিক্ত মেজিসত্রেতশিংগা পাউ ফাউদোক্নবিয়ু হায়না ঐনা হায়জরি‍। বর্দ ফ্লু য়ৌরক্ত্রিবা স্তেতশিংদা মখোয়গী লৈঙাকশিংনা চেকশিন থৌরাং মপুং ফানা লৌখৎপা মথৌ তাগনি‍। স্তেতশিংদা লৈরিবা লৈঙাকশিংনা ঈশিং তুংফম মফমশিংদা, শা-ঙা য়োনফম কৈথেলশিংদা, জুদা, য়েন ঙানু লোইফমদা চেকশিন্না য়েনশিনদুনা শা-উচেকশিং নারকপদা মতম চানা পাউ লৌননবা থৌরাং পায়খৎকদবনি‍। বর্দ ফ্লু তেস্ত তৌননবা লেবোরেতরীশিংদা মতম চানা সেম্পলশিং থাদুনা থুনা লাইওং খঙদোকপনা স্তেতকী লৈঙাকশিংনা খুৎলৈ থুনা লৌখৎফম থোকপা থৌরাংশিং লৌখৎপা ঙমগদৌরিবনি‍। উমংগী লোয়শঙ, হকশেল লোয়শঙ, ভেতিরিনরী অমদি এনিমেল হসবেন্দ্রী লোয়শঙগী মরক্তা নীংথিনা ঈ-পাউ ফোউদোক্নদুনা, মতেং পাংনবনা থুনা য়াংনা বর্দ ফ্লু লাকশিনবদা মতেং ওইগদৌরিবনি‍। বর্দ ফ্লুগী মতাঙদা মীয়াম মরক্তা তোকঙা শন্দোক্তনবা থৌরাংশিংসু ঐখোয়না লৌখৎপা তাই‍। ঐখোয়না অমত্তা ওইনা হোৎনমিন্নবা অসিনা শিংনবা খুদিংমক মায়োক্নবা ঙমগনি হায়না ঐনা মপুং ফানা থাজৈ‍।

ঐনা অমুক হন্না অদোম পুম্নমক্কী লমন তোনশিঞ্জরে অমদি চাদা ৬০গী থবক পায়খৎলবা মতুংদা ঐখোয় অমুক ফম্মিন্নদুনা য়েংশিন্নসি‍। মতমদুদা হেন্না কুপথনা ৱার ৱাতায় অমুক শানসি অদুগা মতমদু ফাওবদা অনৌবা তিকা খরা থোরক্লবসু মদু য়াওনা ঐখোয়না তুংগী লাল্লোং য়াৎমিন্নসি‍।

অদোম পুম্নমকপু হন্না হন্না থাগৎচরি‍।

 

Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
From Journalists to Critics and Kids — How Modi Silently Helped People in Distress

Media Coverage

From Journalists to Critics and Kids — How Modi Silently Helped People in Distress
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 14 জুন, 2021
June 14, 2021
Share
 
Comments

On the second day of the Outreach Sessions of the G7 Summit, PM Modi took part in two sessions titled ‘Building Back Together—Open Societies and Economies’ and ‘Building Back Greener: Climate and Nature’

Citizens along with PM Narendra Modi appreciates UP CM Yogi Adityanath for his initiative 'Elderline Project, meant to assist and care elderly people in health and legal matters

India is heading in the right direction under the guidance of PM Narendra Modi