ওনরেবল স্পিকর সর,
ঙসি ঐহাক ময়ামগী মরক্তা য়াম্না মরু ওইবা অমসুং পুৱারী ওইরবা হিরম অমদা ইনফোর্মেশন শেয়র তৌনবা অখন্ননা লাকচরি। হিরম অসি লৈবাক অসিগী মীওই কোতি কয়াগী থমোয়গা নক্নবগুম ঐহাক্কসু নক্নরি অমসুং মসিগী মতাংদা করিগুম্বা খরা হায়জবা অসি ঐহাক্কী লাইবক ফবনি। হিরম অসি শ্রী রাম জম্ন ভুমীগা মরী লৈনরি। হিরম অসি অয়োধ্যাদা শ্রীরামগী পোক্নফম লমদমদা ভগবান শ্রীরামগী চাউরবা মন্দির শাবগা মরী লৈনরি।
ওনরেবল স্পিকর সর,
২০১৯গী নবেম্বর ৯দা ঐহাক গুরু নানকদেবজীগী ৫৫০শুবা প্রকাশ পর্বগী থৌরমদা কর্তারপুর সাহিব কোরিদোর জাতিদা কত্থোক্নবগীদমক পঞ্জাবতা লৈখি। য়াম্না শেংখ্রবা এনভাইরনমেন্ত অদুদা রাম জন্ম ভুমীগী হিরমদা লৈবাক্কী খ্বাইদগী ৱাংলবা কোর্তকী পুৱারী ওইরবা জজমেন্ত অদুগী মরমদা ঐহাক খঙবা ঙমখি। জজমেন্ত অসিদা ওনরেবল সুপ্রিম কোর্তনা ৱারেপ লৌখি মদুদি রাম জন্ম ভুমীদা চিন্দা পাউদানদুনা খৎনরিবা লমগী মনুং থংবা অমসুং মপান থংবা কোর্তয়ার্দ অসি ভগবান শ্রীরাম ললা বিরাজমানগী মনুং চল্লি। ওনরেবল সুপ্রিম কোর্তনা মখোয়গী মখোয়গী জজমেন্তদা মসিমসু হায়খি মদুদি কেন্দ্র সরকার অমসুং রাজ্য সরকারনা অমনা অমা তানরগা সুন্নি সেন্ত্রেল ৱাকফ বোর্দতা একর ৫গী লম পীগনি।
ওনরেবল স্পিকর সর,
ঙসি ঐহাক্না হাউস অসিদা অমসুং লৈবাক পুম্বদা ৱাফম অসি ফোংদোকপদা নুঙাইবা ফাওই মদুদি ঙসি অয়ুক পাংথোকখিবা কেন্দ্রগী মন্ত্রীমন্দলগী মীফমদা সুপ্রিম কোর্তকী দাইরেক্সন অদু পুক্নিংদা থমদুনা মায়কৈ অসোমদা মরুওইবা ৱারেপ লৌরে। ঐহাক্কী সরকারনা সুপ্রিম কোর্তকী দাইরেক্সনগী মতুং ইন্না শ্রীরামগী পোক্নফম লমদমদা ভগবান শ্রীরামগী অচৌবা মন্দির অমা শানবগীদমক অমসুং অতোপ্পা মরী লৈনবা হিরমশিংগীদমক স্কিম অমা শেম শারে। সুপ্রিম কোর্তকী ওর্দরগী মতুং ইন্না ওতোনোমস ত্রস্ত অমা ওইনা ‘শ্রী রাম জন্ম ভুমী তির্থ ক্ষেত্র’ শেম্নবা হায়জরকপা অদু অয়াবা পীখ্রে। ত্রস্তনা অয়োধ্যাদা চিংলেম্বা রাম মন্দির অমা শানবগীদমক মনিং তম্না ৱারেপ পুম্নমক লৌগনি।
ওনরেবল স্পিকর সর,
ওনরেবল সুপ্রিম কোর্তকী দাইরেক্সন্দা সরকারনা উত্তর প্রদেশ সরকারদা সুন্নি ৱাকফ বোর্দত্তা একর মঙাগী লম পীনবা হায়জখি অমসুং রাজ্য সরকারনা হায়জবা অদু য়াবিখি।
ওনরেবল স্পিকর সর,
ঐখোয় পুম্নমক্না ভগবান রাম অমসুং অয়োধ্যাগা মরী লৈনরিবা হিস্তোরিকেল অমসুং স্পিরিচুয়েল সিগনিফিকেন্স অদু খঙলে। চিংলেম্বা রাম মন্দির শাবা অমদি রাম লিলা য়েংনবগীদমক লাক্লিবা ভক্তশিংগী স্পিরিত অদু পুক্নিংদা থমদুনা সরকারনা অতোপ্পা মরুওইবা ৱারেপ অমগা লৌরে। সরকারনা ৱারেপ লৌরে মদুদি চাউরাক্না একর ৬৭.৭০৩গী লৌশিল্লিবা লম অসি নৌনা শেম্লবা শ্রী রাম জন্ম ভুমী তির্থ ক্ষেত্র ত্রস্ততা ত্রান্সফর তৌরগনি।
ওনরেবল স্পিকর সর,
২০১৯গী নবেম্বর ৯দা অয়োধ্যা ইসুদা ওনরেবল সুপ্রিম কোর্তকী ৱারেপকী মতুংদা শান্তি অমসুং অপুনবগী ফিভম ঙাক্তুনা থম্বদা লৈবাক অসিনা উৎখিবা মতৌ অদু থাগৎপা ফোংদোকচরি। ঙসি হাউস অসিদা ঐখোয়গী নাগরিকশিংগী মপুং ফারবা মওং মতৌ অসিবু ঐহাক্না ইকায় খুম্নজরি। ঐখোয়গী কলচর অমসুং ত্রেদিসন্না ‘বাসুদেব কুতুম্বকম’ অমসুং ‘সর্বে বাভনতু সুখিনা’গী ফিলোসোফী অদু উৎলি অমসুং স্পিরিত অসিগা লোয়ননা মাংলোমদা চংশিন্নবা পুক্নিং থৌগৎলি। ভারত্তা লৈরিবা মীপুম খুদিংমক, হিন্দু ওইগেরা, সিখ ওইগেরা, খৃস্তান ওিগেরা, বুদ্ধিস্ত ওইগেরা, পার্সিসর জৈন ওইগেরা পুম্নমক অচৌবা ইমুং অমগী মীহুৎশিংনি। ঐখোয় পুম্নমক ইমুং অমগী মীহুৎশিংনি। মসি ভারতকী হৌনশা পুকচেলনি। ঐখোয়না ভারত মচা পুম্নমক নুঙাইনা অমসুং হকচাং ফনা লৈবা পাম্মি। সবকা সাথ, সবকা বিকাস, সবকা বিশ্বাসনা লমজিংদুনা ভারত মচা পুম্নমক্কী য়াইফনবগীদমক ঐখোয়না থবক তৌরি। ঐখোয় পুল্লপ পুন্না অচৌবা রাম মন্দির অমা শানবগী মায়কৈদা থবক তৌরসি।
