“শুপ্নগী চহি ৬খক্তা লৌউ-শিংউগী বজেৎ শরুক কয়া হেনগৎলে। হৌখিবা চহি ৭সিদা লৌমীশিংগী লৌউ-শিংউগী লোনসু শরুক অনিগা তঙ্খায় হেনগৎলে”
“২০২৩বু মালেমগী মিল্লেৎকী চহি হায়না শকখঙখিবগা লোয়ননা, কোর্পোরেত কাঙবুশিংনা ভারতকী মিল্লেৎপু ব্রান্দ পীননবা অমদি য়োকখৎনবা মাঙদা থোরকপা মথৌ তাই”
“২১শুবা চহিচাসিদা লৌউ-শিংউ অমদি লৌউ পথাপকী মওং মতৌ আর্তিফিসিএল ইন্তলিজেন্সনা মপুং ফানা হোংহল্লগনি”
হৌখিবা চহি ৩-৪সিদা লৈবাকসিদা এগ্রি স্তার্তঅপ ৭০০ হেন্না লিংখৎখ্রে”
“লৈঙাক্না কোওপরেতিবকা মরী লৈনবা অনৌবা মন্ত্রালয় অমা শেম্লে। অদোমগী পান্দমদি কোওপরেতিববু কমদৌনা মায় পাকপা বিজিনেস এন্তরপ্রাইজেজ অমা ওন্থোক্কদগে হায়বসিনা ওইগদবনি।”

খুরুমজরি!

মন্ত্রী-মন্দলদা ঐহাক্কা থবক তৌমিন্নরিবশিং, রাজ্য সরকারশিংগী মীহুৎশিং, ইন্দস্ত্রী অমসুং একাদেমিয়াগী মরুপ পুম্নমক, কৃশি বিজ্ঞান কেন্দ্রশিংগা মরী লৈনবা ঐখোয়গী লৌমী ইচিল-ইনাওশিং!

চহি ৩গী মমাংদা পি.এম. কিসান সম্মান নিধি হৌখিবা নুমিৎ অদুগা ঙসিগী নুমিৎ অসিগা চপ মান্ননা তাবা অসিদা নুংঙাইবা পোকই। ঙসি স্কিম অসিনা লৈবাক অসিগী অপীকপা লৌমীশিংগীদমক অচৌবা তেংবাং অমা ওইররে। মসিগী মখাদা লৈবাক অসিগী লৌমী করোর ১১দা লুপা করোর লাখ ২ পীথখি। থৌরাং অসিদা ঐখোয়না স্মার্নেসসু থংনরি। শুপ্নগী ক্লিক অমদা লৌমী করোর ১০-১২গী বেঙ্ক একাউন্তশিংদা শেল দাইরেক্ত ত্রান্সফর তৌবা য়াবা অসিমক ভারতমচা অমা ওইনা চাউথোকচফম থোকপা ৱাফম অমনি।

মরুপশিং,

হৌখিবা চহি ৭ অসিদা ঐখোয়না মরুদগী কৈথেল য়ৌবা ফাওবগী অসিগুম্বা অনৌবা সিস্তেমশিং শেমখি, ঐখোয়না অরিবা সিস্তেমশিং শেমদোকখি। লৌউ-শিংউগী বজেৎ অসি শুপ্নগী চহি ৬তা শরুক কয়া থোক্না হেনগৎলকখি। হৌখিবা চহি ৭ অসিদা লৌমীশিংগী লৌউ-শিংউগী লোনশিং অসিসু শরুক ২.৫ হেনগৎলকখি। কোরোনাগী অৱাবা মতমশিংদা অখন্নবা দ্রাইব অমা চত্থদুনা ঐখোয়না কে.সি.সি.গী ফেসিলিতীগা লোয়ননা অপীকপা লৌমী করোর ৩গা কন্নেক্ত তৌবা ঙমখি। মসিগী ফেসিলিতী অসি এনিমেল হসবেন্দরী অমসুং ফিশরিজকা মরী লৈনবা লৌমীশিংদসু এক্সতেন্দ তৌখি। মাইক্রো ইরিগেসনগী নেৎৱর্ক অসি মপাঙ্গল কনখৎলকপগা লোয়ননা মসিনা অপীকপা লৌমীশিংদসু মতেং পাংলি।

মরুপশিং,

খোঙথাং পুম্নমক অসিনা মরম ওইরগা লৌমীশিংনা চহি খুদিংগী রেকোর্দ ওইনা পোত্থোক পুথোকপা ঙম্মি অমসুং এম.এস.পি.দা প্রোক্যুর্মেন্ত তৌবদসু অনৌবা রেকোর্দশিং থম্বা ঙমখি। ওর্গানিক ফার্মিং থৌগৎপনা মরম ওইরগা ঙসি ওর্গানিক প্রদক্তশিংগী কৈথেল অসি করোর ১১,০০০ য়ৌরে। মসি মপালদা থাদোকপদসু চহি ৬ অসিদা করোর ২০০০দগী করোর ৭০০০ হেন্না হেনগৎখি।

মরুপশিং,

চহি অসিগী লৌউ-শিংউগী বজেৎ অসিদসু মমাংগী চহি অদুগুম্না মসি চাউখৎহন্নবা চপ মান্ননা হোৎনরি। বজেৎ অসিদা লৌউ-শিংউবু মোদর্ন অমসুং স্মার্ত ওইহন্নবা মরু ওইবা পাম্বৈ তরেৎ থমখি।

অহানবদা- গঙ্গা তোর্বানগী নাকল অনিমক্তা কিমি ৫গী রেদিয়সকী মনুংদা মিসন মোদতা নেচরেল ফার্মিং তৌনবা পান্দম থম্মি। মসিদা হর্বেল মেদিসিন্দসু মীৎয়েং থম্মি। উহৈ অমসুং হৈশিংদসু মীৎয়েং থম্মি।

অনিশুবদা- লৌউ-শিংউ অমসুং হোর্তিকলচরদা মোদর্ন তেক্নোলোজী  অসি লৌমীশিংদা ফংহল্লগনি।

অহুমশুবদা- অচাথাও মপালদগী পুশিল্লকপা থিংনবা ঐখোয়না মিসন ওইল পামগা লোয়ননা থাও শুংনবা মরুশিংগী অসি য়ারিবা মখৈ মপাঙ্গল কনখৎহন্নবা হোৎনরি অমসুং মসি বজেৎ অসিনসু মীৎয়েং থমখি।

মসিগী মথক্তা মরিশুবা পান্দম অসি লৌউ-শিংউগী প্রদক্তশিং পুথোক-পুশিন তৌবা, অনৌবা লোজিস্তিক্সকী শিল-লাংবশিং অসি পি.এম. গতি-শক্তি প্লানগী মখাদা পাইখৎপা অসিনি।

বজেৎতা থমখিবা মঙাশুবা লম্বী অদুদি এগ্রি-ৱেস্ত মেনেজমেন্ত অসি হেন্না ওর্গনাইজ ওইহনবা, ৱেস্ত তু ইনর্জীগী খোঙথাংশিংগী খুত্থাংদা লৌমীশিংগী ইনকম হেনগৎহনবনি।

তরুক শুবা লম্বী অসিনা লৈবাক অসিগী পোস্ত ওফিস লাখ অমা মখাই হেনবনা রিগ্যুলর বেঙ্কশিংগী খুদোংচাবা ফংলগনি, অসুম্না লৌমীশিংনা সমস্যা অমত্তা মায়োক্নররোই।

অমসুং তরেৎশুবা অসিনা – ঙসিগী মোর্দনগী মতমশিং অসিগী মতুং ইন্না এগ্রি রিসর্চ অমসুং এজুকেসনগা মরী লৈনবা সেল্লেবসতা স্কিল দিবেলপমেন্ত, হ্যুমেন রিসোর্স দিবেলপমেন্ত অসি শেমদোক্লগনি।

মরুপশিং,

ঙসিগী মালেম অসিদা হেল্থ এৱের্নেস হেনগৎলক্লি। এনভাইরনমেন্ত ফ্রেন্দলী লাইফস্তাইলগী মরমদা এৱের্নেস হেনগৎলক্লি। মসিগী মাইকৈদা মীওই কয়া কয়ানা মীৎয়েং চংনরক্লি। মসিনা তাকপদি মসিগী মার্কেৎ অসিসু হেনগৎলক্লি হায়বনি। নেচরেল ফার্মিং, ওর্গানিক ফার্মিং অসিগুম্বা মসিগা মরী লৈনবা হীরম অসিগী মতেংগা লোয়ননা ঐখোয়না মার্কেৎ অসি খুদুম চন্নবা হোৎনহৌবা য়াগনি। ঐখোয়গী কৃশি বিজ্ঞান কেন্দ্রশিং অমসুং এগ্রিকলচর য়ুনিভর্সিতীশিং অসি মপাঙ্গল মপুং ফানা ফুদোক্তুনা মোবিলাইজ তৌদুনা মীয়ামদা নেচরেল ফার্মিংগী কান্নবশিং ফংহনবা ঙমগনি। ঐখোয়গী কে.ভি.কে. অমমমনা খুঙ্গং অমমম পাইবা য়াগনি। ঐখোয়গী এগ্রিকলচর য়ুনিভর্সিতীনা মথংগী চহি অমা অসিদা লৌমী ১০০দগী ৫০০ ফাওবা নেচরেল ফার্মিংগী মাইকৈদা পুশিল্লক্নবা পান্দম থম্বা য়াই।

মরুপশিং,

হৌজিক্কী মতম অসিদা মিদল ক্লাস ফেমিলিশিংদা, অপর মিদল ক্লাস ফেমিলিতীশিংদা অতোপ্পা ত্রেন্দ অমা উবা ফংলি। মখোয়গী দাইনিং তেবলদা পোৎলম কয়া অমা য়ৌবা তোইনা উবা ফংলি। প্রোতিনগী মিংদা, কেলসিয়মগী মিংদা অসিগুম্বা প্রদক্ত কয়া অমা হৌজিক দাইনিং তেবলদা য়ৌরক্লি। মসিদা প্রদক্ত কয়াদা মপালদগী পুশিল্লকপনি অমসুং মখোয় অসি ভারতকী তেস্তকসু চান্নদ্রি। অমরোমদা প্রদক্ত পুম্নমক অসি ঐখোয়গী লৌমীশিংনা পুথোকপা ঐখোয়গী ভারত প্রদক্তশিংদা য়াওজরি অদুবু ঐখোয়না মসি নীংথিনা প্রজেন্ত তৌবদি ঙমদ্রি। ঐখোয়না মসি মার্কেৎ তৌবা ঙমদ্রি, অমসুং মসিনা মরম ওইরগা ঐখোয়না হোৎনবা তাই, মসিদসু ভোকেল ফোর লোকেল মথৌ তাই।

মসি ভারতকী চীঞ্জাক, ভারতকী মহৈ-মরোংদসু ফংলি অমসুং মসি ঐখোয়গী তেস্তকসু চান্নরি। অৱাবা হায়ববু ঐখোয়না মফম অসিদা এৱের্নেস ৱাৎপা অমসুং মীওই কয়ান মসিগী মরমদা খঙদবা অসিনি। ঐখোয়না করম্না ভারতকী চীঞ্জাক প্রমোৎ তৌবগে, প্রোপেগেৎ তৌবগে হায়বা অসিদসু মীৎয়েং চংবা মথৌ তারি।

কোরোনাগী মতমদা ঐখোয়গী মসালাশিং, য়াইঙং অসুগুম্বা পোৎলমশিং অসিদা মীৎয়েং চংবা য়াম্না হেনগৎলকখিবা ঐখোয়না উবা ফংখি। ২০২৩ অসি ইন্তরনেস্নেল ইয়র ওফ মিল্লেৎস তারি। মসিদসু ঐখোয়গী কোর্পোরেৎ ৱর্ল্দনা ভারতকী মিল্লেৎশিংবু মাংদা পুখৎনবা, ব্রান্দিং তৌনবা, য়োকখৎনবা তৌগদবনি। ঐখোয়গী পোত্থোক লৈবা ফৌ অমসুং অতোপ্পা লৈবাকশিংগী অচৌবা মিসনশিং অসিনা মখোয়গী লৈবাকশিংদা অচৌবা সেমিনারশিং পাঙথোক্কদবনি, মফম অদুদা ইম্পোর্তর ওইরিবা মীওইশিংদা ভারতকী মিল্লেৎ অসি করম্বা মওংদা ফরিবনো, মসিগী মহাও অসি কয়াম মরু ওই হায়বা শন্দোক্তা খঙহনগদবনি। ইম্পোর্তর-এক্সপোর্তরগী মরক্তা ঐখোয়গী মিল্লেৎশিংগী মতাংদা ঐখোয়না সেমিনার, ৱেবিনার পাঙথোকপা য়াগনি। ঐখোয়না ভারতকী মিল্লেৎশিংগী ন্যুত্রিসনেল ভেল্যুগী কয়াম ৱাংবগে হায়না খঙহনগদবনি।

মরুপশিং,

অদোম্না উখ্রে মদুদি ঐখোয়গী সরকারনা সোইল হেল্থ কার্দতা মীৎয়েং চংখি। সরকারনা লৈবাক অসিগী লৌমী করোর কয়াদা সোইল হেল্থ কার্দশিং পীখি। মতম অমদা পেথোলোজী লেব অমত্তা লৈরমদে, মীয়াম্না পেথোলোজী তেস্ত অমত্তা তৌনরমদে অদুবু হৌজিক্তি লাইনা অমা হেক্তা থোরকপা মতমদা অহানবদা পেথোলোজী চেকঅপ তৌরি, পেথোলোজী লেবতা চৎনরি। ঐখোয়গী স্তার্তঅপশিং, ঐখোয়গী প্রাইবেৎ ইনভেস্তরশিং অসুনা মফম মফম খুদিংদা প্রাইবেৎ পেথোলোজী লেবশিং লৈরিবা অসিগা মান্নবা মওংদা ঐখোয়গী লম অমসুং ঐখোয়গী লমগী সেম্পলশিং পেথোলোজিকেল তেস্তশিং তৌনবা ঐখোয়গী লৌমীশিংবু লমজিংবা ঙমগদ্রা। সোইল হেল্থ চেক অসি তোয়না তৌবা মথৌ তাই করিগুম্বা ঐখোয়গী লৌমীশিংদা মসি হৈনহল্লবি অপীকপা লৌমীশিংনা ফাওবা চহি অমদা অমুক্তংদি সোইল তেস্ত শোইদনা তৌগনি। অমসুং অসিগুম্বা সোইল তেস্তিং লেবকী অপুনবা নেৎৱর্ক অমনা মসিগীদমক লেপ্পা ঙমগনি। অনৌবা ইক্বিপমেন্ত শেম্বা ঙমগনি। মসি স্তার্ত-অপশিংনা চংশিনবা য়াগদবা অচৌবা লম অমনি হায়না ঐহাক্না খল্লি।

ঐখোয়া লৌমীশিংগী মরক্তা মসিগী এৱের্নেস হেনগৎহনবসু তাই, ঐখোয়না মখোয়গী লৌবুকশিং অদু চহি অমা নত্ত্রগা অনিদা তেস্ত তৌথোকহন্নবা ৱাখল পোকহনগদবনি। অমসুং মসিগী মতুং ইন্না করি হীদাল মথৌ তাই, করি হার মথৌ তাই, করম্বা মহৈ-মরোং থাগনি হায়বা খঙলগনি মসিনা মখোয়দা মতেং ওইরগনি, মখোয়না মসিগী বিজ্ঞানগী ওইবা লৌশিং ফংহৌরগনি, নখোয়গী লৌশিং ওইহৌনবা ঐখোয়গী নহা ওইরিবা বিজ্ঞানিকশিংনা নেনো ফর্তিলাইজর দিবেলপ তৌখি। মসিনা গেম চেঞ্জর অমা ওইরগনি। ঐখোয়গী কোর্পোরেৎ ৱর্ল্দনা মসিদা থবক তৌনবা মতিক ময়াইসু লৈ।

মরুপশিং,

মাইক্রো ইরিগেসন অসিনা ইনপুৎ কোস্তশিং হন্থহনবা অমসুং পোত্থোক হেনগৎহনবদা চাউনা মতেং ওইরি অমসুং মসিনা এনভাইরনমেন্তদা সর্ভিস অমসু পীরি। ঙসিগী মীওইবা খুন্নাই অসিগীদমক ঈশিং মাংহনদবা হায়বা অসি অচৌবা থবক অমনি। সরকারনা পর দ্রোপ মোর ক্রোপ হায়বা অসিদা মীৎয়েং কয়া থম্মি অমসুং মসি পুংফম অসিগী ওইনা খ্বাইদগী মথৌ তাবনি। কেন-বেতৱা লিঙ্ক প্রোজেক্তকী ফলনা বুন্দেলখন্দদা করি অহোংবা পুরক্কনি হায়বা হৌজিক ঐখোয় পুম্নমক্না খঙলে। দিকেদ কয়া পন্দুনা লৈরুরবা লৌউ-শিংউগী ইরিগেসন স্কিমশিং অসিসু খোঙজেল য়াংনা লোইশিল্লগনি।

মরুপশিং,

লাক্কদৌরিবা মথংগী চহি ৩-৪ অসিদা ঐখোয়না অচাথাও পুথোকপগী চাং অসি হৌজিক লৈরিবা অসিদগী চাদা ৫০রোম হেনগৎহন্নবা পান্দম ফংনবা হোৎনবা তাই। নেস্নেল মিসন ওন ইদিবল ওইলগী মখাদা ওইল পাম থাবা হেনগৎহন্নবা ওইথোকপা য়াবা চাওনা লৈ অমসুং অচৌবা মওং অমদা ঐখোয়না থাও শুনবা লৌবুক্কী মাইকৈদা চংশিনবসু মথৌ তারি।

ক্রোপ পেত্তরশিংগী ওইনা ঐখোয়গী এগ্রি-ইনভেস্তরশিংনা ক্রোপ দাইভর্সিফিকেসন তৌনবা মাংদা চংশিনবা মথৌ তাই। মসিগা মান্ননা ইম্পোর্তরশিংনা ভারত্তা করি হীদাক মথৌ তাই হায়বসু খঙই। মখোয়না করিনা কান্নগনি হায়বা খঙই। খুদম ওইনা, থাও শুংনবা মরুশিং অমসুং হৱায়শিং অসি খুদম ওইনা লৌ। মসি লৈবাক অসিদা দিমান্দ ৱাংই। অসিগুম্বা ফীভম অমদা ঐখোয়গী কোর্পোরেৎ ৱর্ল্দনা মসিদা মাংদা চংশিনবা মথৌ তারি। মসি অদোমগীদমক এস্যুর্দ মার্কেৎ অমনি। মপালদগী করিগী পুশিল্লকপা মথৌ তারি, অদোম্না লৌমীশিংদা মাংজৌননা অদোমদগী ঐখোয়না মসিগী মহৈ মরোং অসি অসুক য়াম্না লৌগনি হায়না খঙহনবা য়াই। হৌজিক ইন্সুরেন্সকী সিস্তেম অমসু লৈরবনিনা, মসিগী ইন্সুরেন্স অসিনা মরম ওইরগা অদোম্না প্রোতেক্সন ফংলি। ভারত্তা চীঞ্জাক্কী মথৌ তাবগী মতাংদা স্তদী অমা পাঙথোকপা তাই অমসুং ঐখোয়না ভারত্তা মথৌ তারিবা পোৎলমশিং অসি পুথোক্নবা ঐখোবনা পুন্না থবক তৌবা তাই।

মরুপশিং,

২১শুবা চহিচাদা লৌউ-শিংউ অমসুং ফার্মিংগা মরী লৈনবা ত্রেদতা আর্তিফিসিএল ইন্তেলিজেন্সনা মপুং ফানা অহোংবা পুরক্লগনি। লৈবাক অসিগী লৌউ-শিংউদা কিসান দ্রোনশিং চাউনা শীজিন্নরিবা অসি মসিগী অহোংবা অসিগী শরুক অমনি। দ্রোন তেক্নোলোজী অসি ঐখোয়না এগ্রি স্তার্তঅপশিং প্রমোৎ তৌরবা মতমদা চাউনা কান্নবা ফংগনি। হৌখিবা চহি ৩-৪দা লৈবাক অসিদা এগ্রি স্তার্তঅপ ৭০০ হেন্না লিংখৎখি। 

মরুপশিং,

হৌখিবা চহি ৭তা পোস্ত-হার্বেস্ত মেনেজমেন্তগী থবক কয়া পাইখৎখি। প্রোসেস ফুদকী স্কোপ হেনগৎহন্নবা, ঐখোয়গী ক্বালিতী অসি মালেমগী থাক য়ৌবা ঙম্নবা কেন্দ্র সরকারনা লেপ্তনা হোৎনরি। মসিগীদমক কিসান সম্পদা য়োজনাগা লোয়ননা পি.এল.আই. স্কিমসু মরু ওই। মসিনা মরম ওইরগা লুপা করোর লাখ ১গী অখন্নবা এগ্রিকলচর ইনফ্রাস্ত্রকচর ফন্দ অমা শেমখি। শুপ্নগী নুমিৎ খরগী মমাংদা ভারতনা য়ু.এ.ই.গা, গল্ফ লৈবাকশিংগা, অবু ধাবিগা লোয়ননা মরু ওইবা য়ান্ন-ৱারোল কয়া খুৎয়েক পীনখি। মসিদা ফুদ প্রোসেসিংদা কোওপরেসন পীনবা হেনগৎহন্নবা মরু ওইবা ৱারেপ কয়াসু লৌখি।

মরুপশিং,

চরুখোক হায়নসু খঙনবা এগ্রি-রেসিদ্যু অসিগী মেনেজমেন্তসু চপ মান্ননা মরু ওই। মসিগীদমক বজেৎ অসিদা অনৌবা থৌশিল খরা পাইখৎখি, মসিনা মরম ওইরগা কার্বোন ইমিসন অসি হন্থহল্লগনি অমসুং লৌমীশিংনা মসিদগী ইনকমসু ফংলগনি। অমসুং বিজ্ঞানিক ওইরিবা, তেক্নোলোজীগা মরী লৈনবা মীওই পুম্নমক্না লৌউ-শিংউগী ৱেস্ত অমত্তা মাংহল্লোই, ৱেস্ত খুদিংমক বেস্ততা ওন্থোক্কনি। ঐখোয়না মুন্না খনবা তাই, মসিগীদমক ঐখোয়না অনৌবা পোৎলমশিং পুরকপা মথৌ তাই।

চরুখোক্কী মেনেজমেন্তগী মতাংদা ঐখোয়না পুরক্লিবা সোল্যুসন অসি লৌমীশিংনা লায়না অয়াবা পীরক্কনি অমসুং মসি খন্ন-নৈনগদবনি। পোস্ত হার্বেস্তিং ৱেস্ত অসি লৌমী কয়াগী ওইনা অচৌবা শীংনবা অমনি। হৌজিক্তি মসি ঐখোয়না ৱেস্ততগী বেস্ততা ওন্থোক্লগনি অমসুং লৌমীশিংনা ঐখোয়গী পার্তনর ওইরক্লগনি। অসিগুম্বা ফীভম অমদা লোজিস্তিক্স অমসুং স্তোরেজকী সিস্তেম পাকথোক চাউথোকপা অমসুং প্রমোৎ তৌবা য়াম্না মরু ওই।

মসিদা সরকারনা থবক কয়া তৌরি, অদুবু ঐখোয়গী প্রাইবেৎ সেক্তনসু সেক্তর অসিদা শরুক তম্বা হেনগৎকদবনি। অমসুং ঐহাক্না মসি বেঙ্কিং সেক্তরদসু হায়জগে। মসিদা বেঙ্কিং সেক্তরদা অচৌবা অওনবা অমা পুরকপা ঙমগনি, মসিগী পান্দম থম্বা ঙমগনি, মসি মোনিতর তৌবা ঙমগনি; করিগুম্বা ঐখোয়না বেঙ্কশিংগী খুত্থাংদা মসিদা ফন্দশিং পীথরবদি ঐখোয়গী প্রাইবেৎ সেক্তরগী অপীকপা মীওইশিংনসু মসিদা চাউনা শরুক তম্বা য়াগনি। লৌউ-শিংউগী লম অসিদা লৈরিবা প্রাইবেৎ প্লেয়রশিংদসু ঐহাক্না মসিবু মখোয়না মরু ওইবা মীৎয়েং চংলিবা লম অমা ওইহন্নবা হায়জরি।

মরুপশিং,

ইন্নোভেসন অমসুং পেকেজিং অসি লৌউ-শিংউগী খ্বাইদগী মীৎয়েং চংবা মথৌ তাবা লম অনি ওইরি। ঙসিগী মালেম অসিদা কঞ্জুমরিজম অসি হেনগৎলক্লি। অদুনা পেকেজিং অমসুং ব্রান্দিং অসি য়াম্না মরু ওই। ঐখোয়গী কোর্পোরেৎ হাউসশিংনা, এগ্রি স্তার্ত-অপশিংনা উহৈ-ৱাহৈশিংগী পেকেজিং মশিং য়াম্না তৌনবা মাং থানা থোরক্কদবনি। মখোয়না মফম অদুদা লৈরিবা এগ্রি-ৱেস্তনা করম্বা মখলগী খ্বাইদগী ফবা পেকেজিং তৌবা য়াগদগে হায়বা অসিদা মীৎয়েং চংগদবনি। মখোয়না মসিদা লৌমীশিংবু মতেং পাংগদবনি অমসুং মাইকৈ অসিদা মখোয়গী পোরমশিং য়াৎপীগদবনি। 

ফুদ প্রোসেসিং অমসুং ইথানোলদা ইনভেস্তমেন্ত তৌনবা অচৌবা পোতেন্সিএল লৈ। সরকারনা এস্যুর্দ মার্কেৎ অমা ওইরিবা ইথানোল ব্লেন্দিং অসি ২০% য়ৌনবা পান্দম থম্মি। ২০১৪গী মমাংদা ইথানোল ব্লেন্দিং অসি চাদা ১-২ খক্তমক তৌরম্মি হৌজিক্তি চাদা ৮রোম য়ৌরে। সরকারনা ইথানোল ব্লেন্দিং তৌবগী ইনসেন্তিব কয়া পীরি। লম অসিদা ঐখোয়গী বিজিনেস ৱর্ল্দনা মাংদা থোরকপা মথৌ তাই।

নেচরেল জ্যুজকী মতাংদসু ৱাফম অমা লৈ। মসিগী পেকেজিং অসি য়াম্না মরু ওই। প্রদক্ত অসিগী শেল্ফ লাইফ মতম শাংনাবা, নুমিৎ মশিং য়াম্না থম্বা য়ান্নবা অসিগুম্বা পেকেজিং অসিদা থবক পাইখৎপা তঙাই ফদে। ঐখোয়দা উহৈ-ৱাহৈ মখল কয়ামরুম লৈবনা মরম ওইরগা ওপ্সন কয়া লৈ, মখল কয়া লৈ। মপালগী মতৌ তম্বগী মহুৎ ঐখোয়না ভারতজূ ওইবা নেচরেল জ্যুজশিংবু প্রমোৎ তৌবা, পাম্নহনবা মথৌ তাই।

মরুপশিং,

অতোপ্পা ৱাফমনা কোওপরেতিব সেক্তর অসিনি। ভারতকী কোওপরেতিব সেক্তর অসি য়াম্না লিরে অমসুং বাইব্রেন্ত ওই। সুগর মিলশিং, ফর্তিলাইজে ফেক্তরীশিং, দাইরিশিং, লোন এরেঞ্জমেন্তশিং, চেং-হৱায়শিং লৈবা ওইরবসু কোওপরেতিব সেক্তরনা মসিদা শরুক য়াশিনবা অসি থৌদাং চাউই। ঐখোয়গী সরকারনা মসিগা মরী লৈনবা অনৌবা মন্ত্রালয় অমসু শেমখি অমসুং মসিগী মরু ওইবা মরমদি লৌমীশিংদা য়ারিবা মখৈ মতেং ফংহনবা য়ানবনি। ঐখোয়গী কোওপরেতিবকী ওইনা বাইব্রেন্ত বিজিনেস এন্তিতী অমা শেম্নবা শেম্নবা স্কোপ চাউনা লৈ। অদোমগী পান্দম অসি কোওপরেতিবশিং অসি মাইপাক্লবা বিজিনেস এন্তর্প্রাইস অমা করম্না ওন্থোক্কনি হায়বা অসিনা ওইগদবনি।

মরুপশিং,

ঐহাক্না ঐখোয়গী মাইক্রো-ফাইনান্সিং ইন্সতিত্যুসনশিংবু মাং থানা থোরক্নবা অমসুং এগ্রি স্তার্ত-অপশিং, ফার্মর প্রদ্যুসর ওর্গনাইজেসন – এফ.পি.ও.শিংদা য়ারিবা মখৈ শেলগী তেংবাং ফংহনগদবনি। ঐখোয়গী লৈবাক্কী অপীকপা লৌমীশিং অসিগী ফার্মিংদা এক্সপেন্দিচর হন্থহনবদা অদোম্না অচৌবা থৌদাং অমা লৌবসু বাগনি। ঐখোয়গী অপীকপা লৌমীশিংনা লৌউ-শিংউ তৌনবা মোদর্ন ইক্বিপমেন্ত লৈবা ঙমদে, মসিগীদমক সোল্যুসন অমা ফংলগনি। ঙসিগী অসিগুম্বা ফীভম অসিদা পুলিং হায়বা অসি করিনো।

ঐখোয়গী কোর্পোরেৎ ৱর্ল্দনা অসিগুম্বা সিস্তেমশুং পুথোক্নবা ফার্ম ইক্বিপমেন্ত শান্নবগী খুদোংচাবশিং ফংহন্নবা মাংদা থোরকপা তাই। ঐখোয়গী সরকারনা লৌমীশিংবু ফুদ দোনর লোয়ননা ইনর্জী প্রোভাইদরশিং ওইহন্নবা অচৌবা কেম্পেন অমা চত্থরি। লৈবাক অসিগী লৌমীশিংদা সোলর পম্পশিং য়েন্থোক্লি। ঐখোয়গী লৌমী কয়া-কয়ানা লৌবুকশিংদা সোল পাৱর করম্না পুথোক্লি হায়বা অসিদা ঐখোয়না থবক পাইখৎপা হেনগৎপা মথৌ তাই।

মসিগা মান্নবা মওংদা, ‘ত্রী  ওন দি রিদজ’ হায়না লৌবুক্কী ঙমখৈ ওইরিবা অসিগীদমক ঙসি ঐখোয়না উ লৈরি। করিগুম্বা ঐখোয়গী লৌমীশিংদা অসিগুম্বা উ মখল অসি মখোয়গী পল্লিশিংদা সাইন্তিফিক ওইবা মওংদা থাহল্লবদি চহি ১০-২০গী মতুংদা মসি মখোয়গী অনৌবা শেন্থোক লম্বী ওইরকপা য়াই। সরকারনা মসিগীদমক মথৌ তাবা আইনগী ওইবা অহোংবা অদু পুরক্কনি।

মরুপশিং,

লৌমীশিংগী ইনকম হেনগৎহনবা, লৌউ-শিংউগী শেল চংবা হন্থহনবা, মরুশিংদগী কৈথেল ফাওবদা লৌমীশিংদা মতমগা চুনরবা ফেসিলিতীশিং পীবা হায়বসি ঐখোয়গী সরকারগী মরুওইবা মীৎয়েংনি। অদোমগী পাউতাকশিংনা সরকার অসিনা থৌরাংশিংদা মপাঙ্গল হাপ্লগনি অমসুং করিগুম্বা খরা পাংথোকপা পাম্বা ঐখোয়গী লৌমীশিংগী মংলান মঙফাওনহল্লগনি হায়না ঐহাক্না থাজবা থম্লি। ঙসিদি ঐখোয়না নেক্স জেনেরেসনগী ওইবা লৌউ-শিংউ অমদা খন্নবা পাম্মি, ত্রেদিস্নেল ওইবা পথাপশিংদগী থোরকপা পাম্মি হায়বা ঐহাক্না খংই। মসিগী মতাংদা ঐহাক্না অদোমদা হায়জনীংবদি, মদু মসিগী সেমিনার অসিদা পুথোকরক্কদবনি। 

অনৌবা বজেৎ অসি চৎনবা হৌগদবা নুমিৎ এপ্রিল ১দগী ঐখোয়না অনৌবা ৱাখল্লোনশিং পুথোক্তুনা থবক পাইখৎপা হৌরগনি। হৌজিক্কী ওইনা ঐখোয়দা মার্চ থা পুম্বা লৈরি। বজেৎ অসি পার্লিয়ামেন্ততা হান্ননা থমখ্রে। হৌজিক হায়রিবা বজেৎ অদু ঐখোয়গী পুম্নমক্কী মাংদা লৈরে। হায়রিবা ফীভম অসিদা ঐখোয়না মতম মাংহন্দনা জুন-জুলাইদা ঐখোয়গী লৌমীশিংনা লৌউ-শিংউগী অনৌবা চহি অমা হৌগদবনি, মসিগী মমাংদা মার্চ থাদা ঐখোয়না লৌমীশিংদা পোৎলমশিং ফংহন্নবা শেম শাগনি, ঐখোয়গী কোর্পোরেৎ ৱর্ল্দনা মসিদা খোঙ থাংজিনগদবনি। ঐখোয়গী ফাইনান্স ৱর্ল্দ, ঐখোয়গী স্তার্তঅপশিং, ঐখোয়গী তেক্নোলোজীগী মীওইশিং লাকপীরো। ঐখোয়না ভারত অসি লৌউ-শিংউগী লৈবাক অমা ওইহনবা মথৌ তাই, ঐখোয়না মপান্দগী পোৎলম অমত্তা পুশিল্লকলোইদবনি, ঐখোয়না মদু ঐখোয়গী লৈবাক অসিনা মথৌ তাবগী মতুং ইন্না শেম শাগদবনি।

অদুগা করিগুম্বা ঐখোয়না ঐখোয়গী লৌমীশিং, ঐখোয়গী এগ্রিকলচর য়ুনিভর্সিতীশিং, ঐখোয়গী এগ্রিকলচরগী মহৈরোয়শিং অসি পুনশিন্দুনা মাংলোমদা চংশিন্দুনা প্লেৎফোর্ম অমদা থবক তৌমিন্নরবদি, বজেৎ অসি অশেংবদা মশিংগী গেম অমখক ওইরলোই, বজেৎনা পুন্সিদা অহোংবা পুরক্লনি, লৌউ-শিংউদা অওনবা পুরকপনা খুঙ্গংগী পুন্সি মহিংদা অওনবা পুরকপদা অচৌবা ইন্সত্রুমেন্ত অমা ওইবা ঙম্লগনি হায়না ঐহাক্না থাজবা থম্লি। মসিনা মরম ওইরগা মসিগী সেমিনার, মসিগী ৱেবিনার অসি য়াম্না প্রদক্তিব, কনক্রিৎ ওইহন্নবা অমসুং থবক পাইখৎপা য়াবা পোইন্তশিং য়াওহন্নবা আপীল তৌরি। মদু ওইরবা খক্তদা ফলশিং পুরকপা ঙমগনি। মসিগী লম অসিদা লৈরিবা লৈবাক পুম্বদগী মীওই খুদিংমক্না ঙসিগী ৱেবিনার অসিনা কন্নেক্ত তৌবা ঙম্লগনি হায়না ঐহাক্না থাজবা থম্লি। মসিনা মরম ওইরগা অদোমগী মাইকৈদগী দিপার্তমেন্ত অসিনা য়াম্না ফবা লমজিং লমতাকসু ফংলগনি। মসিগী হীরমশিং অসি লেপ্পা লৈতনা ইম্প্লিমেন্ত তৌবা য়াবা লম্বী অমা লৈরমগনি অমসুং ঐখোয়না মাংলোমদা অথুবা মতমদা য়াংনা চংশিল্লগনি।

অমুক্কা হন্না ঐহাক্না নখোয় পুম্নমকপু হন্না হন্না থাগৎপা ফোঙদোকচরি অমসুং পুম্নকপু য়াইফ-মঙ্গল পীজরি।

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
GeM surpasses Rs 8.88 lakh cr in record Gross Merchandise Volume

Media Coverage

GeM surpasses Rs 8.88 lakh cr in record Gross Merchandise Volume
NM on the go

Nm on the go

Always be the first to hear from the PM. Get the App Now!
...
PM shares video on Ardh Chakrasana
June 15, 2024

The Prime Minister, Shri Narendra Modi, today shared a video clip on Ardh Chakrasana or the half wheel posture, urging masses to practice the posture for a good heart and improved blood flow.

Shared in the run-up to the 10th edition of the International Yoga Day, the clip also elaborates on the steps of perform the standing posture in both English and Hindi.

The Prime Minister posted on X:

"Do practice Chakrasana for good health. It is great for the heart and also helps improve blood flow."

"चक्रासन का नियमित अभ्यास शरीर को स्वस्थ रखने में बहुत मददगार है। यह हृदय को सेहतमंद रखता है और रक्त संचार को बेहतर बनाता है।"