Share
 
Comments
বজেৎ চাওথোকহনবা অসিনা এজুকেসন্দা মতিক চাবা থবক ফংনবা অমসুং ইন্ত্রিপ্রেন্যুএলদা অঙম্বা তাঞ্জা অমা পীরি: প্রধান মন্ত্রী

খুরুমজরি!

ইজুকেসন, স্কিল, রিছর্স অমসুং অসিগুম্বা মরুওইবা থবকশিংগা লোয়ন্নরিবা শক্নাইরবশিং তরাম্না ওকচরি।

লৈবাক অসিগী মীওইশিং, অখঙ-অহৈশিং, ইন্দস্ত্রিগী থৌনা অমসুং হৈ-শিংবদা মাইকৈ তাক্তুনা লাইরিক-লাইশু তম্বগী থবক খুদিংমক অওনবা পুরক্নবা লৈবাক অসিনা মাঙলোমদা য়াংনা চঙশিল্লকপা মতম অসিদা ঙসি মসিগী খন্ন-নৈনবা অসি পাংথোক্লি। সেক্তর অসি ফগৎহন্নবা বজেত মমাঙদা ময়াম পুম্নমক্তগী পাউতাকশিং লৌখি। অনৌবা নেসনেল ইজুকেসন পোলিসিগী মতাংদা লৈবাক অসিগী মীওই মিল্লিয়ন কয়াগা ৱারি শানবগী খুদোংচাবা ঐখোয়না ফংখি অমসুং পোলিসি অসি থবক ওইনা পাংথোক্নবা হৌজিক ঐখোয় ময়াম পুন্না থবক তৌমিন্নরগনি।

মরুপশিং,

মশা-মরোমদোম লেপচবা ঙম্বা ভারত অমা শেমগৎনবা লৈবাক অসিগী নহারোলশিংগী মরক্তা থাজবা লৈহনবা অসি তঙাইফদে। নহারোলশিংনা মখোয়গী লাইরিক তম্বা, লৌশিং অমসুং খুৎ-শা হৈবদা মপুংফানা থাজবা লৈরবা মতম খক্তদা থাজবা লৈহনগনি। মহাক্না তম্লিবা লাইরিক অদুনা মহাক থবক তৌনবগী খুদোংচাবা ফংগনি অমসুং দরকার ওইবা লৌশিং পীগনি হায়বা খঙলবা মতম খক্তদা থাজবা লৈহনগনি।

মসিগী ৱাখল্লোলদা অনৌবা ইজুকেসন পোলিসি শেমখিবনি। প্রি-নর্সরিদগী হৌরগা পি.ঐচ.দি ফাওবা নেসনেল ইজুকেসন পোলিসিগী খুদোংচাবা খুদিংমক য়াম্না য়াংনা থবক ওইনা পাংথোক্নবা হৌজিক ঐখোয়না কন্না হোৎনরি। কোরোনানা মরম ওইদুনা করিগুম্বা খোঙজেল অসি তপথরবদি, মসিগী খোঙজেল য়াংখৎহনবা দরকার ওই।

চহি অসিগী বজেতনা মাইকৈ অসিদা মতেং য়াম্না ওইগনি। চহি অসিগী বজেত্তা হকশেলগী মথংদা খ্বাইদগী মরুওইবা অসি ইজুকেসন, স্কিল, রিছর্স অমসুং ইন্নোবেসন্নি। য়ুনিভর্সিতিশিং, কোলেজশিং অমসুং রিছর্স অমসুং দিবলপমেন্ত ইন্সতিতুৎশিংগী মরক্তা হেন্না মতেং পাংনবা অসি ঙসি ঐখোয়গী লৈবাক্কী খ্বাইদগী মরুওইবা ওইরে। ফিবম অসি য়েংলগা, সহর ৯দা দরকার ওইবা থবকশিং পায়খৎতুনা গ্লু গ্রান্ত পীরে।

মরুপশিং,

মমাঙদা অমুক্তা ওইখিদ্রিবা মওংদা হন্দক্কী বজেত অসিদা এপ্রেন্তিসসিপ, খুৎ-শা হৈবা হেনগৎহন্নবা অকনবা মিৎয়েং চঙলে। বজেত অসিদা য়াওরিবা খুদোংচাবশিং অসিনা অৱাংবা থাক্কী মহৈ-মশিং তম্বদা লৈবাক অসিগী থবকশিংদা অচৌবা অহোঙবা অমা পুরক্লগনি। লাইরিক তম্বগা থবক ফংবা অমসুং ওন্ত্রেপ্রেনিউয়রগী লৌশিং হেনগৎহনবগা মরী লৈহন্নবা বজেত অসিদা খুদোংচাবা কয়া য়াওরে। হায়রিবা চাংয়েংশিং অসিগী ফল ওইনা সাইন্তিফিক ওইবা চেফোঙশিংগী মতাংদা ঙসি ভারত মকোক থোংবা লৈবাক অহুমগী মনুংদা য়াওরে। পি.ঐচ.দি অমসুং স্তার্দ-অপশিং মশিং য়াম্না পুথোকপদা মালেমগী মকোক থোঙবা লৈবাক অহুমগী মনুংদা ঐখোয় য়াওরে।

গ্লোবেল ইন্নোবেসন ইন্দেক্সতা মালেমগী মকোক থোংবা ইন্নোবেতিপ লৈবাক ৫০গী মনুংদা ভারত য়াওরে অমসুং মখা তানা ফিবম ফগৎলক্লি। অৱাংবা থাক্কী মহৈ-মশিং তম্বা, রিছর্স অমসুং ইন্নোবেসনদা ঐখোয়গী মহৈরোইশিং অমসুং নহা ওইরিবা সাইন্তিস্তশিংগী অনৌবা খুদোংচাবা কয়া ফংলে। অফবা অমনা আর অমসুং দিগী থবকশিংদা ইচানুপীশিং শরুক য়াবা হেনগৎলকপা অসিদা অপেনবা পোকই।

মরুপশিং,

অহানবা ওইনা লৈবাক অসিদা, স্কুলশিংদা অতল তিনকরিং লেবশিং অমসুং অৱাংবা থাক্কী মহৈলোইশঙশিংদা অতল ইনকুবেসন সেন্তরশিংদা হেন্না মিৎয়েং চঙলে। স্তার্দ-অপশিংগী হেক্কাথোনশিংগী অনৌবা চৎনবী অসি লৈবাক অসিগী নহারোল অমসুং ইন্দস্ত্রিগী অচৌবা শক্তি অমা ওইরক্লে। নেসনেল ইনিসিএতিপ ফোর দিবলপ্পিং এন্দ হার্নেশিং ইন্নোবেসনগী মখাদা স্তার্দ-অপ ৩,৫০০ হেন্না শেমগৎলে।

নেসনেল সুপর কম্পুতিং মিসনগী মখাদা আই.আই.তি বি.ঐচ.য়ু, আই.আই.তি-খারাগপুর অমসুং আই.আই.ই.আর, পুনেদা সুপর কম্পুতর অহুম হায়বদি পারাম সিবে, পারাম শক্তি অমসুং পারাম ব্রাহ্মা শেমগৎলে। চৎলিবা চহি অসিদা লৈবাক অসিদা ইন্সতিতুৎ ১০ হেনবদা অসিগুম্বা সুপর কম্পুতরশিং লিংখৎনবা থৌরাং তৌরি। আই.আই.তি খারাগপুর, আই.আই.তি দিল্লি অমসুং বি.ঐচ.য়ুদা সোফিসতিকেতেদ এনালাইতিকেল এন্দ তেক্নিকেল হেল্প ইন্সতিতুৎ(সাথি)অহুম থবক তৌরি।

হায়রিবা পোৎশকশিং অসিনা সরকারগী মঙলান অমসুং পান্দমশিং উৎথোকলে। ২১শুবা চহিচাগী ভারত্তা, ঐখোয় মাঙলোমদা চঙশিনগনি, ১৯শুবা চহিচাগী থবক মওং তুংওইনরমগনি।

 

 

 

 

 

 

মরুপশিং,

মসি ঐখোয়গী লৈবাক্তা হায়নৈ : ৱ্যয়ে কৃতে ৱর্ধতে এৱ নিত্যম ৱিদ্যাধনম্ প্ৰধানম্ ।। হায়বদি পীথোক্লগা অশুম হেনগৎলকপা লন-থুমদি লৌশিংনি অমসুং মসি কনাগুম্বা অমনা মশাদা তুংশিন্দুনা থম্লোইদবনি। মরম অদুনা লৌশিং অমসুং মসি শন্দোকপা অসি য়াম্না মমল য়াম্মী। লৌশিং অমসুং থিজিন-হুমজিনবা অকক্নবা মওংদা লৈহনবা অসি লৈবাক অমা মতিক চাহনবদা অচৌবা অরানবনি। মসিগী পান্দম অসিগা লোয়ন্না, হৈশিংলবা নহারোলশিংগীদমক হিরম কয়া হায়বদি স্পেস, এতোমিক ইনর্জি, দি.আর.দি.ও, লৌউ-শিংউ হাংদোক্লে।

ইন্নোবেসন, রিছর্স অমসুং দিবলপমেন্তগী থবকশিংদা য়াম্না কান্নবা পীগদবা অচৌবা থবক অনি হন্দক পায়খৎলে। অহানবা ওইনা মেতিওরোলোজিগা মরী লৈনবা মালেমগী থাকশিং য়ৌবা ঙম্লবা ভারতকী থবকশিং লৈরে অমসুং থবক অসি চাংনাইনা ফগৎহল্লে। মসিনা আর অমসুং দি অমসুং ঐখোয়গী পোৎথোকশিং মালেমগা চাংদম্নবা ঙমহল্লগনি।

অনিশুবদা, জিও-স্পসিএল দেতাগী লমদা হন্দক অচৌবা অওনবা অমা পুরক্লে। হৌজিক স্পেস দেতা অমসুং স্পেস তেক্নোলোজিগা মরী লৈনবশিং লৈবাক অসিগী নহারোল, নহা ওইরিবা ওন্ত্রেপ্রেনিউয়রশিং অমসুং স্তার্দ-অপশিংগী হাংদোক্লে। হায়রিবা অওনবশিং অসিগী খুদোংচাবা লৌনবা মরুপশিংদা ঐনা তকশিল্লি।

মরুপশিং,

চহি অসিগী বজেত অসিদা ইন্সতিতুৎ মশিং য়াম্না লিংখৎনবা মিৎয়েং চঙলে। লৈবাক অসিদা অহানবা ওইনা নেসনেল রিছর্স ফাউন্দেসন লিংখৎলগনি। মসিগীদমক লুপা কোতি ৫০,০০০ খাক্তুনা থম্লে। মসিনা রিছর্সকা মরী লৈনবা ইন্সতিতুৎশিংগা আর অমসুং দি, মহৈলোইশঙ অমসুং ইন্দস্ত্রিগা মরক্তা লৈনবা মরী ফগৎহনগনি। বাইওতেক্নোলোজিগা মরী লৈনবা রিছর্সকীদমক বজেত অসিদা শেনফম চাদা ১০০ হেনগৎলে।

মরুপশিং,

হিদাক-লাংথক অমসুং তিকাশিংগী মতাংদা ভারতকী রিছর্স তৌরিবশিংগী থবক্না লৈবাক অসিগী ইকায়খুম্নবা ফংলে অমসুং অশোই-অঙাম থোকহন্দবা ঙম্লে। ফার্মাসিউতিকেল ইজুকেসন অমসুং রিছর্সকী নেসনেল ইন্সতিতুৎ ৭ মখা তানা ফগৎহন্নবা মখোয় লৈবাক অসিগী মরুওইবা ইন্সতিতুৎশিংনি হায়না লাউথোকখ্রে। হিরম অসিগী আর অমসুং দিদা ঐখোয়গী প্রাইভেদ সেক্তর অমসুং ইন্দস্ত্রিগী থবক থাগৎনিঙাইনি। তুংদা মসিগী থৌদাং হেনগৎলক্কনি হায়না ঐনা থাজবা থম্লি।

মরুপশিং,

লৈবাক অসিগী চীঞ্জাক ৱাত্তনবা, মচি ওইবা চীঞ্জাক ফংনবা অমসুং লৌউ-শিংউগীদমক বাইওতেক্নোলোজিগী থবকশিং পাকথোক-চাউথোক্নবা থবকশিং পায়খৎলে। লৌমীশিংগী শেন্থোক হেনগৎনবা অমসুং মখোয়গী পুন্সি মহিং ফগৎনবা বাইওতেক্নোলোজিগা মরী লৈনবা রিছর্স তৌরিবা মরুপশিংদগী লৈবাক অসিনা থাজবা চাউনা থম্লি। মসিদা মখোয় শরুক য়াবা হেনগৎনবা ঐনা ইন্দস্ত্রিগী মরুপশিংদা তকশিল্লি। ইন্দস্ত্রিনা মখোয়না নৌনা পুথোকপশিং খোঙলৈথুনা শীজিন্নবা ঙম্নবা লৈবাক অসিদা বাইওতেক য়ুনিভর্সিতি রিছর্স জোইন্ত ইন্দস্ত্রি ত্রান্সলেসনেল ক্লস্তর(উরজিত) ১০ লিংখৎলে। লৈবাক অসিদা চাউখৎনবা হোৎনরিবা জিলা ১০০ হেনবদা বাইওতেক-ফার্মর প্রোগ্রাম, হিমালয় বাইও-রিছোর্স মিসন প্রোগ্রাম নত্রগা মেরিন বাইওতেক্নোলোজি নেতৱার্ককী থৌরমশিংদা রিছর্স অমসুং ইন্দস্ত্রি শরুক য়াবা হেনগৎনবা ঐখোয় পুন্না থবক তৌমিন্নগদবনি।

মরুপশিং,

ঐখোয়গী মশাগী ওক্নবা ইনর্জি পুথোক্নবা ফুএল অমসুং গ্রিন ইনর্জি অসি মরুওই। মরম অদুনা বজেত অসিদা হায়দ্রোজেন মিসন লাউথোক্লিবা অসি অচৌবা ৱারেপ অমনি। ভারতনা হায়দ্রোজেনগী গারিশিং চাংয়েং তৌরে। হায়দ্রোজেন অসি গারিগী থাও ওইনা শীজিন্ননবা অমসুং মসিগীদমক ইন্দস্ত্রি থৌরাং তৌনবা হৌজিক পুন্না থবক তৌমিন্নগদবনি। মসিগী মথক্তা, মেরিন ৱেল্থ রিছর্সকী লমদা ঐখোয়গী থবক হেনগৎহনগদবনি। সরকারনা দিপ সি মিসন হৌদোক্লগনি। মিসন অসিগী পান্দম লৈগনি অমসুং ঐখোয়না ব্লু ইকোনোমিগী খুদোংচাবশিং লৌনবা সেক্তর কয়া য়াওবা থৌরাং অমা পায়খৎকনি।

মরুপশিং,

ঐখোয়না মহৈলোইশঙশিং, রিছর্স ইন্সতিতুৎশিং অমসুং ইন্দস্ত্রিগী মরক্তা মতেং পাংনবা হেনগৎহনগদবনি। অনৌবা রিছর্স পেপরশিং ফোঙনবা মিৎয়েং চঙবা খক নত্তনা, মালেমগী মফম কয়াদা ফোঙলিবা রিছর্স পেপরশিং ভারতকী রিছর্স তৌরিবশিং অমসুং মহৈরোইশিংদা ফংহনবা মতমগী মতুংইন্না দরকার ওইরে। মসিগীদমক সরকারনা থবক পায়খৎলি অমসুং মসিদা ইন্দস্ত্রিশু মতেং পাংগদবনি।

খুদোংচাবা ফংহনবা অমসুং পুম্নমক কোনশিনবা অসি তঙাইফদবনি হায়বা ঐখোয়না নিংশিংগদবনি। খুদোংচাবা ফংনবা মমল হোঙহনবা অসি তঙাইফদে। ঐখোয়না মিৎয়েং চঙগদবা অতোপ্পা ৱাফম অমনা মালেমগা লমদম অসিগা কমদৌনা পুনশিনগনি হায়বা অসিনি। ঙসিদি ভারতকী লৌশিং অসি মালেমগী মফম কয়াদা পাম্নরে। মালেম্না দরকার ওইরিবা অসি য়েংলগা অমসুং মদুদা য়ুম্ফম ওইরগা লৈবাক অসিদা নহারোলশিং থৌরাং তৌনবা স্কিলগী মেপ অমা য়েকপা য়াম্না মরুওই।

মালেমগী কেম্পসশিং ভারত্তা পুরক্নবা অমসুং পুন্না থবক তৌমিন্নদুনা অতোপ্পা লৈবাকশিংগী খ্বাইদগী ফবা থবকশিং শীজিন্ননবা ঐখোয় পুন্না থবক তৌমিন্নগদবনি। ঐখোয়গী নহারোলশিং ইন্দস্ত্রিগী থৌরাং তৌনবা অমসুং অনৌবা শিংনবশিং অমসুং হোঙলক্লিবা তেক্নোলোজিশিংগীদমক স্কিল হেনগৎহন্নবা মতিক চাবা থবক পায়খৎপা দরকার ওইরে। বজেত অসিদা য়াওরিবা ইজ ওফ দুইং এপ্রেন্তিসসিপ অসিনা লৈবাক অসিগী নহারোল অমসুং ইন্দস্ত্রিদা কান্নবা য়াম্না পীগনি। হিরম অসিদা ইন্দস্ত্রিনা শরুক য়াবা হেনগৎকনি হায়না ঐনা থাজবা থম্লি।

মরুপশিং,

পাংথোক্কদবা থবক অসি স্কিল হেনগৎহনবা নত্রগা থিজিনবা অমসুং অনৌবা পুথোকপদা ওইগেরা, মসি খঙদ্রবদি পাংথোকপা ঙম্লোই। মরম অদুনা অনৌবা ইজুকেসন পোলিসিগী মখাদা লৈবাক অসিগী লাইরিক তম্বীবগী থবকশিং ফিবম ফগৎহল্লগনি। ৱেবিনার অসিদা শরুক য়ারিবা অখঙ-অহৈশিংদগী হেন্না সবজেক অমা খঙবদা লোলনা মরুওইবা থৌদাং অমা লৌরি হায়বা কনা খঙবগে? অনৌবা ইজুকেসন পোলিসি অসিদা লম-লমগী লোল হেন্না শীজিন্ননবা পুক্নিং থৌগৎলি।

লৈবাক অসিগী অমসুং মালেমগী খ্বাইদগী ফবা লাইরিকশিং ভারতকী লোলশিংদা মতৌ করম্বা পুথোক্কনি হায়বা অসি লোল খুদিংমক্কী অখঙ-অহৈশিংগী থৌদাংনি। পুম্নমক অসি তেক্নোলোজিগী মতম অসিদা পাংথোকপা ঙমগনি। প্রাইমারিদগী হৌরগা অৱাংবা থাক্কী লাইরিক তম্বা ফাওবদা লৈবাক অসিগী নহারোলশিং ভারতকী লোলশিংদা খ্বাইদগী ফবা লাইরিকশিং ঐখোয়না ফংহনগদবনি। মেদিকেল, ইঞ্জিনিয়ারিং, তেক্নোলোজি, মেনেজমেন্তদা ভারতকী লোলশিংদা লাইরিক্কী মচাক শেমগৎপা অসি য়াম্না দরকার ওইরে।

ঐখোয়গী লৈবাক্তা হৈশিংবা অৱাৎপা লৈতে হায়না ঐনা অদোমদা হায়রি। খুঙ্গংগী মীওই অমা নত্রগা লায়রবা মীওই অমা মহাক্কী লোল খঙদবা অদুনা মহাক্কী হৈশিংবা ৱাৎলে হায়বা য়ারোই। লোল অদুনা মরম ওইদুনা ঐখোয়না মহাক্কী হৈশিংবা অদু মাঙহল্লোইদবনি। লৈবাক অসিগী চাউখৎপগী খোঙচত্তা মহাক নাথৈরম্লোইদবনি। খুঙ্গংশিং, লায়রবা মীওইশিং অমসুং মরুওইবা লোল অমা খঙদবা অঙাংশিংদা হৈথোই-শিংথোইবা য়াওরি। মরম অদুনা ভারতগুম্বা অচৌবা লৈবাক অমদা মখোয়গী লৌশিং শীজিন্নবা অসি য়াম্না মরুওই। লোলনা মরম ওইদুনা মহাক্না থেংনরিবা খুদোংচাদবা কোকহন্নবা অমসুং মহাক্কী লোনদা মহাক্কী লৌশিং ফুদোকহন্নবা মিসনগী মওংদা ঐখোয়না থবক পায়খৎকদবনি। বজেত অসিদা লাউথোক্লিবা নেসনেল লেঙ্গোইজ ত্রান্সলেসন মিসন অসি অচৌবা পুক্নিং থৌগৎপা অমনি।

মরুপশিং,

হায়রিবা খুদোংচাবশিং অমসুং অওনবশিং অসি মীওই খুদিংমক শরুক য়ারবা মতমদা মপুংফাবা ঙমগনি। পুন্না থবক তৌমিন্নদুনা কমদৌনা অৱাংবা থাক্কী মহৈ-মশিং তম্বগী থবক ফগৎহনগনি হায়বগী মতাংদা  ঙসি খন্নরিবা অসিদা সরকার, ইজুকেসননিস্তশিং, অখঙ-অহৈশিং অমসুং ইন্দস্ত্রিদগী পীরকপা পাউতাকশিং য়াম্না কান্নগনি। মসিগা মরী লৈনবা থিম তরুক পুং খরগী মতুংদা মফম অসিদা কুপ্না খন্নগনি হায়বা ঐ খঙলে।

মফম অসিদগী অফবা পাউতাকশিং অমসুং পাম্বৈশিং ফংগনি হায়না লৈবাক অসিনা থাজবা থম্লি। থৌশিল নত্রগা বজেত্তা অহোংবা অমতা পুরক্তনা খন্ন-নৈনবদা মতম মাঙহন্দনবা ঐনা তকশিল্লি। অনৌবা স্কিমশিং য়াংনা পায়খৎনবা, কমদৌনা লৈবাক শীনবা থুংনা স্কিমশিং য়ৌহনগনি, এপ্রিল ১দগী মথংগী নুমিৎ ৩৬৫ ফাওবা থবক ওইনা পাংথোকপদা থেংনবা খুদোংচাদবশিং কোকহন্নবা লম্বী অমা শেম্নবা ঐখোয়না মিৎয়েং চঙগদবনি। এপ্রিল ১দগী বজেত্তা য়াওরিবা খুদোংচাবশিং থবক ওইনা পাংথোকপা হৌনবা ঐখোয়না মতম মপুংফানা লৌগদবনি।

 

তোঙান-তোঙানবা হিরমশিংদা অদোমগী লৌশিং লৈরি হায়বা ঐ খঙলে। অদোমগী ৱাখলশিং, অদোমগী লৌশিং অমসুং অদোমগী শেম-শাবা অদুনা শরুক য়াবনা ঐখোয়না পাম্লিবা ফলশিং ফংবা ঙমগনি। মসিগী ৱেবিনার অসিদা অদোমগী ৱাখলশিং ফোঙদোকপগীদমক অমসুং মতিক চাবা লম্বী অমা শেম্বগীদমক ময়াম পুম্নমক ঐগী য়াইফ-পাউজেল পীজরি।

পুম্নমক থাগৎচরি!

দিসক্লাইমর: মসি প্রধান মন্ত্রীগী ৱারোলগী চাউরাকপা হন্দোকপনি। অশেংবা ৱারোল হিন্দিদা পীখি।

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
UNGA President Csaba Korosi lauds India's calls for peace amid Ukraine war

Media Coverage

UNGA President Csaba Korosi lauds India's calls for peace amid Ukraine war
...

Nm on the go

Always be the first to hear from the PM. Get the App Now!
...
President of the 77th Session of United Nations General Assembly H.E. Mr. Csaba Korosi calls on PM Narendra Modi
January 30, 2023
Share
 
Comments
Mr. Csaba Korosi lauds India’s transformational initiatives for communities, including in the area of water resource management and conservation
Mr. Csaba Korosi speaks about the importance of India being at the forefront of efforts to reform global institutions
PM appreciates PGA’s approach based on science and technology to find solutions to global problems
PM emphasises the importance of reforming the multilateral system, including the UN Security Council, so as to truly reflect contemporary geopolitical realities

The President of the 77th Session of the United Nations General Assembly (PGA), H.E. Mr. Csaba Korosi called on Prime Minister Shri Narendra Modi today.

During the meeting, Mr. Csaba Korosi lauded India’s transformational initiatives for communities, including in the area of water resource management and conservation. Acknowledging India’s efforts towards Reformed Multilateralism, Mr. Csaba Korosi underscored the importance of India being at the forefront of efforts to reform global institutions.

Prime Minister thanked Mr. Csaba Korosi for making India his first bilateral visit since assuming office. He appreciated Mr. Csaba Korosi’s approach based on science and technology to find solutions to global problems. He assured Mr. Csaba Korosi of India’s fullest support to his Presidency initiatives during the 77th UNGA including the UN 2023 Water Conference.

Prime Minister emphasised the importance of reforming the multilateral system, including the UN Security Council, so as to truly reflect contemporary geopolitical realities.