ৱেব্সনা মালেমগী থাক্তা লৈরিবা ভারতকী ক্রিএতিবকী মপাঙ্গল উৎলি: প্রধান মন্ত্রী
ৱর্ল্দ ওদিও ভিজুএল এন্দ এন্তরতেনমেন্ত সম্মিত, ৱেব্স, অসি এক্রোনীম অমখক্তা নত্তে, মসি কলচর, ক্রিএতিবিতী অমসুং য়ুনিভর্সেল কন্নেক্তিবিতীগী ঈথক ইপোম অমনি: প্রধান মন্ত্রীভারতনা মীশিং বিলিয়ন অমা হেন্না লৈবগা লোয়ননা ৱারী বিলিয়ন অমা হেন্না লৈবা লমদম অমসু ওইরি: প্রধান মন্ত্রীহৌজিক অসি ক্রিএত ইন ইন্দিয়া, ক্রিএত ফোর দি ৱর্ল্দগী চপ চারবা মতম্নি: প্রধান মন্ত্রীঙসি মালেম অসিনা ৱারী লিবগী অনৌবা মওং মতৌ থিনরকপা মতমদা, ভারত্তা মাগী চহি লিশিং কয়াগী ৱারীগী লন অমা লৈরি, লম অসি মতম নাইদে, ৱাখল পোকহল্লি অমদি তশেংনা মালেম পুম্বগী ওইবা ৱারীনি: প্রধান মন্ত্রীহৌজিক অসি ভারতকী ওরেঞ্জ ইকনমীগী চীংখৈ হুল্লকপা মতম্নি, কন্তেন্ত, ক্রিএতিবিতী অমদি কলচর হায়রিবসিনা ওরেঞ্জ ইকনমীগী য়ুম্বী অহুম্নি: প্রধান মন্ত্রীস্ক্রীন সাইজ পিকশিল্লক্লবসু, ঙমখৈদি মপান নাইরকত্রি, স্ক্রীন্না মাইক্রো ওইরক্লি অদুবু পাউজেলদি মেগা ওইরক্লি: প্রধান মন্ত্রীঙসি, ভারতনা ফিল্ম পুথোকপা, দিজিতেল কন্তেন্ত, গেমিং, ফেসন, ঈশৈ নোংমাই অমদি লাইব কন্সর্তকী মালেমগী মফম অমা ওইরক্লি: প্রধান মন্ত্রীমালেমগী ক্রিএতরশিংগী মফমদা – অচৌবা মঙ মঙনবা অমদি অদোমগী ৱারী লিনবা হায়জরি – প্লেতফোর্মখক্তদা নত্তনা মীয়ামদসু শেল থাদবিয়ু, ভারতকী নহাশিংগী মফমদা হায়জনিংবনা – অদোমগী লিথোকত্রিবা ৱারী বিলিয়ন অমা হেনববু মালেমগী মফমদা লিবিয়ু: প্রধান মন্ত্রীঙসি অসি মহারাস্ত্রাগী ফাউন্দেসন দেনি। ছত্রপতি শিবাজী মহারাজগী লমদম অসিদা লৈরিবা ইচিল-ইনাওশিংদা মহারাস্ত্রা দেগী য়াইফ পাউজেল পীজরি!
ঙসি অসি গুজরাতকী ফাউন্দেসন দেনি, গুজরাতকী ফাউন্দেসন দেনা লাকপদা মালেম শিনবা থুংনা লৈরিবা গুজরাতকী ইচিল-ইনাওশিংদা য়াইফ-পাউজেল পীজরি।
ৱেবস সম্মিৎ অসিদা মহারাস্ত্রাগী রাজ্যপাল সি.পি. রাধাকৃষ্ণন জী, মহারাস্ত্রাগী মীয়াম্না পাম্নবা মুখ্য মন্ত্রী দেবেন্দ্র ফদনবিসজী, কেন্দ্রগী মন্ত্রীমন্দলদা ঐহাক্কী মরুপশিং অশ্বিনী ভৈস্নোজী, এল. মুরুগান জী, মহারাস্ত্রাগী দিপুতি সি.এম. একনাথ শিন্দে জী, অজিৎ পৱারজী, মালেমগী মফম খুদিংদা লৈরিবা ক্রীএতিব ৱর্ল্দগী স্তেলৱার্ত পুম্নমক, তোঙান তোঙানবা লৈবাকশিংগী ইনফোর্মেসন, কম্ম্যুনিকেসন, আর্ত অমসুং কলচর দিপার্তমেন্তশিংগী মন্ত্রীশিং, তোঙান তোঙানবা লৈবাকশিংগী এম্বেসেদরশিং, মালেমগী মফম খুদিংদা লৈরিবা ক্রীএতিব ৱর্ল্দগী মীহুৎশিং, অতোপ্পা মকোক থোংবশিং, নুপীশিং অমসুং নুপাশিং!
মরুপশিং,
ঙসি লৈবাক 100 হেনবগী আর্তিস্তশিং, ইন্নোবেতরশিং, ইনভেস্তরশিং অমসুং পোলিসী মেকরশিং মুম্বাইদা অমত্তা ওইনা পুনখ্রে। মওং অমদা, মালেমগী হৈশিংবা অমসুং মালেমগী ওইবা ক্রীএতিবিতীগী মালেমগী ইকোসিস্তেম অমগী য়ুম্ফম অসি ঙসি মফম অসিদা থোল্লি। ৱর্ল্দ ওদিও ভিজুএল এন্দ এন্তর্তেনমেন্ত সম্মিৎ, ৱেবস হায়বসি অতেনবা ৱাহৈ খক্তা নত্তে। মসি তশেংনা কলচর, ক্রীএতিবিতি অমসুং য়ুনিভর্সেল কন্নেক্তিবিতীগী ৱেব অমনি। অমসুং মসিগী ৱেব অসিদা ফিল্ম, ম্যুজিক, গেম, এনিমেসন, ৱারী শাগৎপা অমসুং ক্রীএতিবিতীগী অচৌবা মালেম অমা য়াওরি। ৱেব অসি মালেমগী ওইবা প্লেৎফোর্ম অমনি মসি আর্তিস্ত খুদিংমক্কীনি, অদোমগুম্বা ক্রীএতর খুদিংমক্কীনি, মফম অসিদা আর্তিস্ত খুদিংমক্কী, নহা খুদিংমক্কী অনৌবা ৱাখল্লোন অমগা লোয়ননা ক্রীএতিব ৱর্ল্দগা শম্নগনি। পুৱারী ওইরবা অমসুং অঙকপা হৌরকফম অসিগীদমক্তা ভারত অমসুং মপান লৈবাক্তগী মফম অসিদা লাক্লিবা অদোম পুম্নমকপু ঐনা থাগৎচরি। ঐহাক্না অদোম পুম্নমকপু তরাম্না ওকচরি।
মরুপশিং,
ঙসি মে 1নি, চহি 112গী মমাংদা, মে 3, 1913দা ভারতকী অহানবা ফিচর ফিল্ম রাজা হরিশচন্দ্র রিলিজ তৌখি। মসিগী প্রদ্যুসর অসি দাদা সাহেব ফালকেনি, অমসুং ঙরাং মহাক্কী মপোক কুমওন ওইখি। হৌখিবা চহি চা অসিদা, ভারতকী সিনেমা অসিনা ভারতপু মালেমগী মফম খুদিংমক্তা য়ৌহনবদা মায় পাকখ্রে। মসি রাসিয়াদা রাজ কাপুরগী মমিং চৎপা, কেন্সতা সত্যজিৎ রায়গী মমিং চৎপা, অমসুং ওস্কারদা RRR গী মায় পাকপা অসিনা উৎলি। গুরু দত্তকী সিনেমাতিক পোইত্রী নত্রগা রিতৱিক ঘাতককী খুন্নাইগী ৱাখল্লোন ওইরো, এ.আর. রহমানগী ঈশৈ নৎত্রগা রাজামৌলিগী ইপিক, ৱারী খুদিংমক ভারতকী চৎনবীগী ভোইস ওইরক্লি অমসুং মালেমগী মীওই করোর কয়াগী থম্মোয়দা চঙশিল্লি। ঙসি ৱেবসকী প্লেৎফোর্ম অসিদা ঐখোয়না পোস্তেজ স্তাম্পশিংগী খুত্থাংদা ভারতকী সিনেমাগী শক্নাইরবা কয়াবু নীংশিংলি।
মরুপশিং,
হৌখিবা চহিশিংদা, ঐহাক্না গেমিংগী মালেমগী মীওইশিং, ম্যুজিক্কী মালেমগী মীওইশিং, ফিল্ম পুথোকপশিং, অমসুং স্ক্রীনদা ঙান্থোইরিবা মাইথোংশিংগা উনখ্রে। হায়রিবা খন্ন-নৈনবশিং অসিদা, ভারতকী ক্রীএতিবিতি, ক্রীএতিব কেপাসিতী অমসুং গ্লোবেল কোলাবোরেসনগী মতাংদা খন্ন-নৈনখি। ঐহাক্না ক্রীএতিব ৱর্ল্দদগী অদোম পুম্নমকপু থেংনবদা অদোমদগী ৱাখল্লোন লৌরকপা মতমদা, ঐহাক ইশামকসু হীরম অসিগী মতাংদা হেন্না কুপ্না নৈনবগী খুদোংচাবা ফংজখি। চহি 6-7গী মমাংদা, মহাত্মা গান্ধীগী 150শুবা মপোক কুমওন লাকপদা, লৈবাক 150গী ঈশৈ শকপা মীওইশিংদা গান্ধীজীগী খ্বাইদগী পামজবা ঈশৈ, বৈষ্ণব জন কো তেনে কহিয়ে শক্নবা ঐনা পুক্নিং থৌগৎখি। নরসী মেহতা জীনা ইবা ঈশৈ অসি চহি 500-600গী মমাংনি, অদুবু 'গান্ধী 150'গী মতমদা মালেম পুম্বগী আর্তিস্তশিংনা ঈশৈ অসি শকখি অমসুং মসিনা অচৌবা ইথিল অমা পীখি, মালেম অসি অমত্তা ওইনা লাকখি। মফম অসিদা 'গান্ধী 150'গী মনুংদা মিনিত 2-3গী ভিদিও শেমখিবা অমসুং গান্ধীজীগী ৱাখল্লোনশিং মাংলোমদা পুখৎখিবা মীওই কয়া অমা লৈরি। ভারত অমসুং মালেমগী ক্রীএতিব ৱর্ল্দনা পুন্না হোৎনমিন্নদুনা পাঙ্গল কয়া অমা পাংথোকপা ঙম্বগে হায়বদু ঐখোয়না উখি। ঙসিদি, মতম অদুগী ৱাখল্লোনশিং অদু অশেংবা ওইরক্লি অমসুং ৱেবকী মওংদা গ্রাউন্দদা য়ৌরক্লি।
মরুপশিং,
অনৌবা নুমিৎনা থোরকপগা লোয়ননা অতিয়াদা মচু শংবগুম্না, হায়রিবা সম্মিৎ অসিসু মসিগী অহানবা তাঙ্কক অদুদগী হৌনা মঙাল থোকপা হৌরক্লি। "অহৌবা মীকুপতগী হৌনা, সম্মিৎ অসি কান্নবা।" মাগী অহানবা ইদিসন অদুদা, ৱেবসনা মালেমগী মীৎয়েং চিংশিনখি। ঐখোয়গী এদভাইজরী বোদীগা মরী লৈনবা মরুপ-মপাং পুম্নমক্না কন্না হোৎনরিবা অসি ঙসি মফম অসিদা উবা ফংলি। হৌখিবা মতম খরদা, অদোম্না মালেমগী লৈবাক 60 রোমগী ক্রীএতিব লাখ অমা শরুক য়াখিবা, ক্রীএতর চেলেঞ্জ, ক্রীএতোস্ফিয়রগী অচৌবা কেম্পেন অমা পাঙথোকখ্রে। অমসুং ফাইনেলিস্ত 800বু চেলেঞ্জ 32দা খনগৎখ্রে। ফাইনেলিস্ত খুদিংমক্তা য়াইফ-পাউজেল পীজরি। অদোম্না মালেম অসিদা করিগুম্বা অমা তৌনবা খুদোংচাবা অমা ফংলে।
মরুপশিং,
ইন্দিয়া পেভিলিয়ন্দা অদোম্না অনৌবা পোৎলম কয়া অমা পুথোক্লে হায়না ঐঙোন্দা হায়খি। ঐহাক্না মসি য়েংবা য়াম্না পাম্মি, ঐহাক তশেংনা চৎকনি। ৱেবস বাজারগী খোঙথাং অসিসু য়াম্না নুংঙাইবা অমনি। মসিনা অনৌবা ক্রীএতরশিংবু পুক্নিং থৌগৎকনি, মখোয়না অনৌবা কৈথেলশিংগা শম্নবা ঙমগনি। আর্তকী লমদা বায়রশিং অমসুং সেল্লরশিংগা শম্নহন্নবগী ৱাখল্লোন অসি য়াম্না ফৈ।
মরুপশিং,
ঐখোয়না উবা ফংলি মদুদি অঙাং অমগী পুন্সিগী হৌরকফম, মহাক্না পোকপা মতমদগী হৌনা, মহাক্কী মমাগা লৈনবা মরী অসিসু নাওশুম ঈশৈগা লোয়ননা হৌই। মহাক্না মমাদগী অহানবা ঈশৈদু তাখি। মহাক্না ঈশৈদগী অহানবা মখোল খঙই। মমা অমনা মচা অমগী মঙলানশিং শাগৎপগুম্না, ক্রীএতিব ৱর্ল্দগী মীওইশিংনা চহিচা অমগী মঙলানশিং শাগৎলি। ৱেবসকী পান্দমদি অসিগুম্বা মীওইশিংবু পুনশিনবনি।
মরুপশিং,
লাল কিলাদগী ঐহাক্না মীপুম খুদিংমক্কী হোৎনরিবশিং অদুগী মতাংদা ঙাংখি। ঙসি, ঐহাক্কী থাজবা অসি মপাঙ্গল কনখৎলে মদুদি অদোম পুম্নমক্কী হোৎনবনা লাক্কদৌরিবা চহিশিংদা ৱেবসপু অনৌবা থাক্তা পুখৎকনি। ঐহাক্না ইন্দস্ত্রীগী ঐহাক্কী মরুপশিংবু অহানবা সম্মিৎতা অদোম্না পাংথোকখিবা অদুগুম্না অদোম্না মখা তানা পাংথোক্নবা ঐহাক্না মতম পুম্নমক্তা হায়জগনি। ৱেবসতা য়াম্না ফজবা ৱেব কয়া অমা লাক্কদৌরি। ৱেবস এৱার্দসু তুংলমচৎতা হৌদোক্লগনি। মসি আর্ত অমসুং ক্রীএতিবিতীগী মালেমগী খ্বাইদগী মমিং লৈরবা এৱার্দশিং ওইগনি। ঐখোয়না অমত্তা ওইনা লেপকদবনি, ঐখোয়না মালেমগী থম্মোয়বু জোয় তৌগদবনি, ঐখোয়না মীপুম খুদিংমকপু জোয় তৌগদবনি।
মরুপশিং,
ঙসিদি, ভারত অসি মালেমগী খ্বাইদগী চাউবা অহুমশুবা ইকোনোমী ওইবগী মায়কৈদা খোঙজেল য়াংনা চংশিল্লি। ঙসি, মালেমগী ওইনা ফিনতেক শিজিন্নবগী চাংদা ভারতনা অহানবা মফমদা লৈরে। মানা মালেমগী অনিশুবা খ্বাইদগী চাউবা মোবাইল মেন্যুফেকচররনি। মালেমগী খ্বাইদগী চাউবা অহুমশুবা স্তার্ত-অপ ইকোসিস্তেম অসি ভারত্তনি। চাউখৎলবা ভারত অমা ওইনবা ঐখোয়গী খোঙচৎ অসি হৌজিক খক্তদা হৌরে। ভারতনা পীবা য়াবা কয়া অমসু লৈরি। ভারত অসি মীওই বিল্লিয়ন অমগা লোয়ননা ৱারী বিল্লিয়ন অমগসু লৈবা লৈবাক অমনি। চহি লিশিং অনিগী মমাংদা, ভারত মুনিনা নাৎয়া শাস্ত্র ইখিবা মতমদা, মসিগী পাউজেল অসি - "নাত্য ভাৱায়তী লোকম" হায়বসিনি। মসিগী ৱাহন্থোক্তি আর্তনা মালেমদা ইমোসন, ইথিল পীবনি। চহি চা কয়াগী মমাংদা, কালিদাসনা অভিজ্ঞান-শাকুন্তলম, শাকুন্তলম ইখিবা মতমদা, ভারতনা ক্লাসিকেল দ্রামাদা অনৌবা মায়োল অমা পীখি। ভারতকী লম্বী খুদিংমক্তা ৱারী অমা লৈ, চীং খুদিংমক্তা ঈশৈ অমা লৈ, তুরেল খুদিংমক্না করিগুম্বা অমা নত্ত্রগা অমা ঙংলি। ভারতকী খুঙ্গং লাখ 6 হেনবদা চৎলবদি খুঙ্গং খুদিংমক্কী মশাগী ওইবা ৱারী লীবগী মওং-মতৌ লৈ। মফম অসিদা তোঙান-তোঙানবা খুন্নাইশিংনা মখোয়গী পুৱারীবু মথংগী মীরোনশিংদা ফোক তেলশিংগী খুত্থাংদা মখা চত্থহনখি। মফম অসিদা ঈশৈ-নোংমাই অসিসু সাধন অমনি। ভজন, গজল, ক্লাসিকেল নৎত্রগা কন্তেম্পোররী ওইরো, ঈশৈ খুদিংমক্কী ৱারী অমা লৈ, রিথম খুদিংমক্কী থম্মোয় অমা লৈ।
মরুপশিং,
ঐখোয়দা নাদ ব্রহ্মাগী ৱাখল্লোন লৈ, হায়বদি লাইগী ঈশৈনি। ঐখোয়গী লাইশিং অসিসু ঈশৈ অমসুং জগোয়গী খুত্থাংদা মশাবু ফোংদোকই। লোর্দ শিবাগী দামরু অসি তাইবংপাল শেম্বগী অহানবা ঈশৈনি, মা সরস্বতীগী বীনা অসি ৱাখল-লৌশিংগী তাননি, শ্রী কৃষ্ণগী বাশি অসি নুংশিবা অমসুং ফজবগী অমর ওইরবা পাউজেলনি, বিষ্ণুজীগী মোইবুং, মোইবুং মখোল অসি পোজিতিব ইনর্জীগী কোলনি, ঐখোয়গী মফমদা ময়াম অমা লৈরি, মসি হৌজিক্তা মফম অসিদা পাংথোকখিবা ফজরবা কলচরেল প্রজেন্তেসনদা উবা ফংখি। মরম অসিনা ঐনা হায়রি - মসি মতমনি, অচুম্বা মতমনি। ভারত্তা পুথোকপা, মালেমগীদমক্তা পুথোকপগী মসি চপ চারবা মতমনি। ঙসি, মালেম অসিনা ৱারী লিবগী অনৌবা পাম্বৈশিং থিরিঙৈদা, ভারতনা চহি লিশিং কয়াগী মমাংগী ৱারীশিংগী লনগৈ লৈরি। অমসুং মসিগী লন অসি মমল নাইদে, ৱাখল পোকহল্লি অমসুং তশেংনা মালেম পুম্বগী ওই। অমসুং মসিদা কলচরগা মরী লৈনবা হীরমশিং খক্তমক য়াওবা নত্তে, মসিদা সাইন্স, স্পোর্তস, থৌনা ফবগী ৱারীশিং, কত্থোকপা অমসুং তপস্যাগী ৱারীশিং য়াওরি। ঐখোয়গী ৱারীশিংদা সাইন্স, ফিক্সন, থৌনা য়াওরি। ভারতকী মসিগী লনগী পুকৈ অসি য়াম্না চাউই অমসুং পাক চাউই। মালেমগী মফম খুদিংমক্তা মসিগী থোইদোক হেন্দোকপা অসি য়ৌহনবা অমসুং মসি অনৌবা অমসুং নুংঙাইবা মওংদা লাক্কদৌরিবা মীরোনশিংদা পীবা অসি ৱেবস প্লেৎফোর্মগী অচৌবা থৌদাং অমনি।
মরুপশিং,
অদোমগী মরক্তগী অয়াম্বনা খঙই মদুদি পদ্ম এৱার্দ অসি লৈবাক অসিনা নীংতম্বা ফংলবা মতুং চহি খরগী মতুংদা পীবা হৌখিবনি। হায়রিবা মনাশিং অসি চহি কয়াদগী পীদুনা লাক্লি, অদুবু ঐখোয়না হায়রিবা মনাশিং অসি পিপলস পদ্ম ওইহল্লে। লৈবাক অসিগী অরাপ্পা মফম খুদিংদা লৈবাক্কীদমক হিংলিবা, খুন্নাইগীদমক থবক তৌরিবা মীওইশিংবু ঐখোয়না মশক খঙলে। ঐখোয়না মখোয়বু ইকায় খুম্নবা উৎখি। হৌজিক্তি লৈবাক পুম্বনা থম্মোয় শেংনা লৌরে, হৌজিক্তি মসি থৌরম অমখক্তং নত্তে, লৈবাক পুম্বগী কুমহৈ অমা ওইরে। ৱেবস অসিসু অসিগুম্বা মওংনি। ৱেবসনা ভারতকী মফম খুদিংদা লৈরিবা তেলেন্তশিংদা ক্রীএতিব ৱর্ল্দ, ফিল্ম, ম্যুজিক, এনিমেসন, গেমিংদা প্লেৎফোর্ম অমা পীরগনি। মরম অদুনা মালেমনা মসি থাগৎলগনি।
মরুপশিং,
কন্তেন্ত শেমগৎপদা ভারতকী অতোপ্পা ফিচর অমনা অদোমবু য়াম্না মতেং পাংগনি। ঐখোয়না এ নো ভাদ্রা: ক্রাতোবো য়ান্তু বিশ্বাত:গী ৱাখল্লোনদা থাজবা থম্লি। মসিনা তাকপদি অফবা ৱাখল্লোনশিং অসি ঐখোয়দা মায়কৈ মরিদগী লাকই। মসি ঐখোয়গী সিভিলাইজেসনেল ওপননেসকী খুদম অমনি। অসিগুম্বা ৱাখল্লোন অসিগা লোয়ননা, পারসী অসি মফম অসিদা লাকখি। অমসুং ঙসিসু ভারত্তা পারসী কম্ম্যুনিতী অসি চাউথোকচবা পোক্লি। জিৱিশশিং মফমসিদা লাকখি অমসুং ভারত মচা ওইখি। মালেমগী খুন্নাই খুদিংমক্তা, লৈবাক খুদিংমক্তা মখোয়গী মশাগী ওইবা এচিবমেন্ত লৈ। থৌরম অসিদা লৈবাক কয়াগী মিনিস্তরশিং অমসুং মীহুৎশিং য়াওরি, লৈবাকশিং অসিনা মখোয়গী মায় পাকপগী মওং মতৌশিং লৈরি। মালেম পুম্বগী ৱাখল্লোনশিং অমসুং কলাবু তরাম্না ওকপা, মখোয়বু ইকাই খুম্নবা উৎপা অসি ঐখোয়গী কলচরগী মপাঙ্গলনি। মরম অদুনা, ঐখোয় পুন্না চৎনবী খুদিংমক্কী তোঙান-তোঙানবা লৈবাকশিংগী মাইপাকপশিংগা মরী লৈনবা অফবা কন্তেন্ত অমা শেম্বা ঙমগনি। মসিনা মালেমগী ওইনা শম্নবগী ঐখোয়গী মীৎয়েংসু মপাঙ্গল কনখৎহল্লগনি।
মরুপশিং,
ঙসি, ঐনা মালেমগী মীয়ামদা, ভারতকী মপান্দা লৈরিবা ক্রীএতিব ৱর্ল্দগী মীয়ামদা থাজবা পীবা পাম্মি মদুদি ভারতকা মরী লৈনরকপা মতমদা, ভারতকী ৱারীশিং খঙলকপা মতমদা, অসিগুম্বা ৱারীশিং অসি অদোম্না থেংনগনি মদুদি মসি ঐগী লৈবাক অসিদসু থোকই হায়না অদোম্না ফাওগনি। ভারতকা মহৌশাগী ওইবা মরী অমা অদোম্না ফাওরগনি, মদুগী মতুংদা ঐখোয়গী 'ক্রীএৎ ইন ইন্দিয়া'গী মন্ত্র অসি অদোমগীদমক্তা হেন্না নেচরেল ওইগনি।
মরুপশিং,
মসি ভারত্তা ওরেঞ্জ ইকোনোমীগী হৌরকপনি। কন্তেন্ত, ক্রীএতিবিতী অমসুং কলচর - অসি ওরেঞ্জ ইকোনোমীগী য়ুম্বী অহুম্নি। ভারতকী ফিল্মশিং হৌজিক মালেমগী মফম খুদিংমক্তা য়ৌরক্লি। ঙসিদি, ভারতকী ফিল্মশিং অসি লৈবাক চাম্মরোমদা রিলিজ তৌরি। মপান লৈবাক্কী মীশিংনা ভারতকী ফিল্মশিং অসি য়েংবদা নত্তনা মখোয়বু খঙনবা হোৎনরি। মরম অসিনা, ঙসিদি মশিং য়াম্লবা মপান লৈবাক্কী ভ্যুৱরশিংনা সবতাইতল য়াওবা ভারতকী কন্তেন্তশিং য়েংলি। ভারতকী OTT ইন্দস্ত্রীনা হৌখিবা চহি খরা অসিদা শরুক 10 হেনগৎলক্লি। স্ক্রীনগী সাইজ অসি হেন্না পীকশিল্লকপা য়াই, অদুবু স্কোপ অসিদি মশিং লাকঙমদ্রে। স্ক্রীন অসি মাইক্রো ওইরক্লি অদুবু মেসেজ অসি মেগা ওইরক্লি। ঙসিদি, ভারতকী চিঞ্জাক অসি মালেমগী ওইনা পাম্নবা ওইরক্লি। লাক্কদৌরিবা নুমিৎশিংদা ভারতকী ঈশৈশিং অসি মালেমগী শক্তাক অমা ওইরক্কনি হায়না ঐনা থাজবা থম্লি।
মরুপশিং,
লাক্কদৌরিবা চহিশিংদা ভারতকী ক্রীএতিব ইকোনোমীনা GDPদা মসিগী কন্ত্রিব্যুসন অসি মখা তানা হেনগৎহনবা ঙমগনি। ঙসিদি ভারত অসি ফিল্ম পুথোকপা, দিজিতেল কন্তেন্ত, গেমিং, ফেশন্ অমসুং ম্যুজিক্কী মালেমগী হব অমা ওইরক্লি। ঐখোয়গী ইন্দস্ত্রীদা লাইব কন্সর্তকা মরী লৈনবা খুদোংচাবা কয়া অমা লৈ। ঙসিদি মালেমগী এনিমেসন মার্কেত অসি দোল্লর বিল্লিয়ন 430 হেনখ্রে। মসি মথংগী চহি 10 অসিদা শরুক অনি হেনগৎলক্কনি হায়না পানরি। মসি ভারতকী এনিমেসন অমসুং গ্রাফিক্স ইন্দস্ত্রীগীদমক অচৌবা খুদোংচাবা অমনি।
মরুপশিং,
ওরেঞ্জ ইকোনোমীগী খুমাং চাউশিল্লক্লিবা অসিদা, ঐহাক্না ৱেবসকী প্লেৎফোর্ম অসিদগী লৈবাক অসিগী নহা ওইরিবা ক্রীএতর খুদিংমক্তা হায়জনীংই। অদোম গুৱাহাতিদগী ম্যুজিসিয়ন অমা ওইরবসু, কোচিদগী পোদকাস্তর অমা ওইরবসু, বেঙ্গলোরদা গেম অমা দিজাইন তৌরবসু, পঞ্জাবতা ফিল্ম অমা নম্লবসু, অদোম পুম্নমক্না ভারতকী শেন্মিৎলোনদা অনৌবা ৱেব অমা পুরক্লি। অমসুং ঐখোয়গী সরকার অসিসু অদোমগী হোৎনরিবা খুদিংমক্তা অদোমগা লোয়ননা লৈরি। স্কিল ইন্দিয়াদগী হৌরগা স্তার্ত অপ সপোর্ত ফাওবা, AVGC ইন্দস্ত্রীগী পোলিসীদগী হৌরগা ৱেবসকুম্বা প্লেৎফোর্মশিং ফাওবা, ঐখোয়না খোংথাং খুদিংদা অদোমগী মঙলানশিং অদু মংফাওহন্নবা লেপ্পা লৈতনা হোৎনরি। ঐখোয়না অদোমগী ৱাখল্লোনশিং অমসুং ৱাখলনা শাগৎপা মফম অমা শেমগৎলি। মসিনা অনৌবা মঙলানশিং পোকহল্লি, অমসুং অদোমদা মঙলানশিং অদু মঙফাওনহনবগী মতিক পী। ৱেবস সম্মিৎকী খুত্থাংদা অদোম্না অচৌবা প্লেৎফোর্ম অমা ফংলগনি। ক্রীএতিবিতী অমসুং কোদিং অসি পুন্না চৎমিন্নগদবা প্লেৎফোর্ম অমা, সোফৱেয়র অমসুং স্তোরিতেলিং অসি পুন্না চৎমিন্নগদবা প্লেৎফোর্ম অমা, আর্ত অমসুং ওগমেন্তেদ রিএলিতী অসি পুন্না চৎমিন্নগদবা প্লেৎফোর্ম অমনি। অদোম্না প্লেৎফোর্ম অসিবু মপুং ফানা শিজিন্নগদবনি, অচৌবা মঙলান অমা শাগৎকদবনি, অমসুং মদু ফংনবগীদমক্তা অদোমগী পাঙ্গল পুম্নমক শিজিন্নগদবনি।
মরুপশিং,
ঐহাক্না অদোমগী, কন্তেন্ত ক্রীএতরশিংগী, মফমদা মপুং ফানা থাজবা থম্লি, অমসুং মসিগী মরম অমা লৈ। নহারোলশিংগী ৱাখল্লোন, মখোয়গী থবক তৌবগী মওং-মতৌদা অথিংবা, খুদোংথীবা নৎত্রগা ঙমখৈ লৈতে, মরম অসিনা অদোমগী ক্রীএতিবিতী অসি মপুং ফানা নীংথিনা চেল্লি, মসিদা চিংননিংঙাই লৈতে, পুক্নিং হন্থনিংঙাই লৈতে। ঐহাক মশামক্না নহা ওইরিবা ক্রীএতর, গেমর, অমসুং অসিগুম্বা মীওই কয়াগা ইন্তরেক্ত তৌদুনা লাক্লি। ঐহাক্না সোসিএল মীদিয়াদা অদোমগী ক্রীএতিবিতীসু উবা ফংই। ঐহাক্না অদোমগী ইনর্জী অদু ফাওই। ঙসিদি ভারতনা মালেমদা খ্বাইদগী চাউবা নহা ওইরিবা মীশিং লৈরি। ঐখোয়গী নহা ওইরিবা ৱাখল্লোনশিংনা রিলশিং, পোদকাস্তশিং, গেমশিং, এনিমেসনশিং, স্তার্তঅপশিং, AR-VR তশেংনা হায়রবদা, ৱেবস অসি অদোমগী জেনরেসনগীদমক্তনি, অদোম্না অদোমগী ইনর্জী অমসুং ইফিসিএন্সীগা লোয়ননা ক্রীএতিবিতীগী রিভোলুসন অসি অমুক্কা হন্না ইমেজিন তৌবা অমসুং অমুক্কা হন্না মশক তাকপা ঙম্নবগীদমক্তনি।
মরুপশিং,
ক্রীএতিবিতীগী মালেমগী অচৌবা মীওইশিং অসিগী মমাংদা, ঐহাক্না হীরম অমা খন্ন-নৈনবা পাম্মি। হায়রিবা হীরম অসিদি - ক্রীএতিব রেস্পোন্সিবিলিতী হায়বসিনি। 21শুবা চহিচা অসি তেক্নোলোজীনা পুরকপা চহিচা অমনি হায়বসি ঐখোয় পুম্নমক্না উবা ফংলি। মীওই খুদিংগী পুন্সিদা তেক্নোলোজীগী থৌদাং লেপ্তনা হেনগৎলক্লি। অসিগুম্বা ফিভম অমদা, মীওইবগী সেন্সিতিবিতী ঙাক্তুনা থম্নবগীদমক অহেনবা হোৎনবা মথৌ তাই। ক্রীএতিব মালেম খক্তনা মসি তৌবা ঙম্মী। ঐখোয়না মীওইবশিংবু রোবোতশিং ওইহল্লোইদবনি। ঐখোয়না মীওইবশিংবু হেন্না হেন্না সেন্সিতিব ওইহনগদবনি, মখোয়বু হেন্না চাউখৎহনগদবনি। মীওইবগী চাউখৎপা অসি ইনফোর্মেসন কয়াদগী লাক্লরোই, তেক্নোলোজীগী স্পীদ অমসুং রীচ অদুদগী লাক্লরোই। মসিগীদমক্তা ঐখোয়না ঈশৈ-নোংমাই, আর্ত, জগোয়শিংদা মরুওইবা পীগদবনি। চহি লিশিং কয়াগী মমাংদগী, মসিনা মীওইবগী সেন্সিতিবিতীবু হিংহন্নবা হোৎনদুনা লাক্লি। ঐখোয়না মসিবু মখা তানা মপাঙ্গল কনখৎহনগদবনি। ঐখোয়না অতোপ্পা মরুওইবা ৱাফম অমা নিংশিংগদবনি। ঙসি ঐখোয়গী নহা ওইরিবা জেনরেসন অসি মীওইবা খুন্নাইগী মায়োক্তা খল্লকপা ৱাখল্লোন খরদগী কনবা মথৌ তাই। ৱেবস অসি অসিগুম্বা থবক অসি পাংথোকপা ঙম্বা প্লেৎফোর্ম অমনি। করিগুম্বা ঐখোয়না মসিগী থৌদাং অসিদগী মাই লৈদুনা চৎলবদি, মসিনা নহা ওইরিবা জেনরেসনগীদমক য়াম্না খুদোংথিবা ওইরগনি।
মরুপশিং,
ঙসি তেক্নোলোজীনা ক্রীএতিব ৱর্ল্দগীদমক ওপন স্কাই অমা শেমখ্রে, মরম অদুনা মালেমগী ওইনা কোওর্দিনেসন অসিসু চপ মান্ননা মরু ওই। ঐহাক্না থাজবা থম্লি মদুদি প্লেৎফোর্ম অসিনা ঐখোয়গী ক্রীএতরশিংবু গ্লোবেল স্তোরিতেলরশিংগা, ঐখোয়গী এনিমেতরশিংবু গ্লোবেল ভিজনরীশিংগা শম্নহল্লগনি অমসুং ঐখোয়গী গেমরশিংবু গ্লোবেল চেম্পিয়ন ওইহল্লগনি। ঐনা মালেমগী ইনভেস্তরশিং, মালেমগী ক্রীএতরশিং পুম্নমকপু ভারতপু অদোমগী কন্তেন্ত প্লেগ্রাউন্দ ওইহন্নবা কৌজরি। মালেম শেম্বা মীওইশিংদা - অচৌবা মঙলান শাগৎপীয়ু অমসুং নহাক্কী ৱারী লিথোকপীয়ু। ইনভেস্তরশিংদা – প্লেৎফোর্মশিংদা খক্তা ইনভেস্ত তৌবা নত্তনা মীশিংদা ইনবেস্ত তৌবীয়ু। ভারতকী নহাশিংদা - অদোমগী ৱারী বিলিয়ন অমবু মালেমদা শন্দোকপীয়ু হায়জরি!
অহানবা ৱেবস সম্মিৎকীদমক্তা ঐহাক্না অমুক্কা হন্না অদোম পুম্নমকপু য়াইফ-পাউজেল পীজরি। অদোম পুম্নমকপু হন্না-হন্না থাগৎচরি।
খুরুমজরি!
