Share
 
Comments

ইকাই খুম্ননিংঙাই ওইরবা মহাসংঘগী মীহুৎশিং, নেপাল অমসুং শ্রী লঙ্কাগী প্রধান মন্ত্রীশিং, ঐগী মন্ত্রী কোলিগশিং শ্রী প্রাহলাদ সিংহ অমসুং শ্রী কিরেন রিজিজু, ইন্তরনেস্নেল বুদ্ধিস্ত কনফিদরেসনগী সেক্রেতরী জেনেরল, ইকাই খুম্নরবা দোক্তর ধম্মপিয়াজি, ইকাই খুম্নরবা স্কোলরশিং, ধম্ম ফোলোৱরশিং, মালেমগী অসিগী তোঙান তোঙানবা মফমশিংদগী শরুক য়ারিবা ইচল-ইচেশিং অমসুং ইয়াম্বা-ইনাওশিংবু ইকাই খুম্নবা উৎচরি৷

নমো বুদ্ধয়া

খুরুমজরি৷

বেসাক্কী অখন্নবা থৌরম অসিদা ময়াম পুম্নমকপু ঐনা ইকাই খুম্নবা উৎচরি৷ বেসাক অসি লোর্দ বুদ্ধাগী পুন্সিবু নিংশিংননবা পাংথোক্লিবা নুমিৎ অমনি৷ ঐখোয়গী গ্রহ অসিগী য়াইফননবগীদমক মহাক্না কৎথোক্লম্বশিং অমসুং মহাক্কী নোবল আইদিলশিং অদু খঙহন্নবা নুমিৎ অমসু ওইরি৷

মরূপশিং,

হৌখিবা চহিদসু, বেসাক প্রোগ্রাম অমদা ঐনা ৱা ঙাংখ্রে৷ মদুগী প্রোগ্রাম অদু কোবিদ-১৯ লাইনা-লাইচৎ অসিগী মাইয়োক্তা লান্থেংনরিবা ফ্রন্ত-লাইন ৱার্কর পুম্নমক্তা দেদিকেৎ তৌজখি৷ মদুগী মতুংদা চহি অমা লৈরগা, কন্তিনুইতি অমসুং অহোংবা কয়া অমা ঐখোয়না উরি৷ কোবিদ-১৯ লাইনা-লাইচৎ অসিনা ঐখোয়বু থাদোকপা লৈত্রি৷ ভারত য়াওনা তোঙান তোঙানবা লৈবাক কয়া অমনা লাইচৎ অসিগী অনিশুবা ৱেব লান্থেংনখ্রে৷ মসিগী থৌদোক অসি চহি খুজিং কয়াদা মীওইবনা থেংনরকপা ক্রাইসিস ময়ামগী মনুংদা খ্বাইদগী ফিভম শোকপনি৷ চহি চা অমদা অসিগুম্বা লাইচৎ অসি ঐখোয়না উরক্ত্রি৷ মসিগী লাইনা-লাইচৎ অসিনা মীওই কয়া অমদা অৱাবা অমসুং খুদোংচাদবা কয়া অমা মাইয়োক্নহল্লে৷

লাইনা-লাইচৎ অসিনা লৈবাক খুদিংমক্তা চৈথেং পীরে৷ শেল-থুমগী ওইবা হিরমদসু অশুক্কি মতিক চাওনা অকাইবা পীরে৷ কোবিদ-১৯ অসিগী মতুংদা ঐখোয়গী গ্রহ অসি হান্নগুম্না মান্ননা লৈবা ঙম্লরোই৷ লাক্কদৌরিবা চহিশিং অসিদা, ঐখোয়না শুংশোই শোইদনা প্রি-কোবিদ নত্রগা পোস্ত-কোবিদ ওইনা ইভেন্তশিং অসি নিংশিংদুনা লৈহৌরগনি৷ অদুবু হৌখিবা চহি অসিদা, থাজদবা অহোংবা কয়া অমা লাকখ্রে৷ হৌজিক্তি ঐখোয়না লাইনা-লাইচৎ অসিগী মতাংদা হেন্না খঙলে অমসুং মসিনা মরম ওইদুনা লাইচৎ অসি লান্থেংন্নবা লৈরিবা ঐখোয়গী স্ত্রাতিজি অসি হেন্না ফহল্লগনি৷ খ্বাইদগী মরু ওইবা অমনা, মীওইবগী পুন্সিশিং অসি কন্নবা অমসুং লাইচৎ অসি মাইথিবা পীননবা ঐখোয়দা ভেক্সিন লৈ৷ লাইনা-লাইচৎ লাকপা চহি অমদা ভেক্সিন পুথোরকপা অসিনা মীওইবগী অখাং কনবা অমসুং হোৎনবা কনবগী শক্তি অদু উৎলি৷ ভারতনা কোবিদ-১৯ ভেক্সিনশিং অসি পুথোক্নবা থৱাই-হকচাং য়াওনা হোৎনরিবা ঐখোয়গী সাইন্তিস্তশিং অসিগীদমক চাওথোকচৈ৷

মসিগী ফোরম অসিগী মতেংদগী, মতেং দরকার ওইরিবা মীওইশিংদা নুংতি-নুমিৎ খুদিংগী মখোয়গী মখোয়গী পুন্সিশিং অদু কৎথোক্তুনা খুদোংথিবা কয়া মাইয়োক্নরিবা ঐখোয়গী ফর্স্ত রেস্পোন্দরশিং, ফ্রন্তলাইন হেল্থ কেয়র ৱার্করশিং, দোক্তরশিং, নর্সশিং অমসুং ভোলুন্তিয়রশিংবু ঐনা অমুক্কা হন্না থাগৎপা ফোংদোকচবা পামজৈ৷ লাইচৎ অসিনা মরম ওইরগা শোকহল্লিবা মীওইশিং অমসুং নুংশিরবা মীওই কয়া অমনা মখোয় মখোয়গী ইমুংশিং থাদোক্তুনা চৎখ্রবদা লৈহৌরিবা ইমুংশিংগী অৱাবদা ঐনা শরুক য়াজরি৷ মখোয়গা লোইননা ঐসু নুংঙাইতবা ফোংদোকচরি৷

মরূপশিং,

লোর্দ বুদ্ধাগী পুন্সি অসি নৈনবা মতমদা, থৌদোক মরিনা মঙাল পীখিবগী মতাংদা পল্লি৷ মসিগী থৌদোক মরি অসিনা বুদ্ধবু মীওইবগী অৱাবা অমসুং নুংঙাইতবশিং অদু হকথেংননা খঙহনখি৷ থৌদোকশিং অসিনা মহাক্কি পুন্সিবু মীওইবগী অৱাবা কোকহন্নবা কত্থোকরগী অপাম্বা অদু পোকহনখি৷

· লোর্দ বুদ্ধনা ঐখোয়দা ‘ভৱতু সব্ব মঙ্গলম, থৌজাল, মীনুংশি অমসুং পুম্নমক্কী য়াইফনবা তাকপি তম্বিরমখি৷ হৌখিবা চহি অসিদা, মীওই কয়া অমসুং ওর্গনাইজেসনশিং থোরকখি অমদি মীওইবগী অৱাবা কোকহন্নবা পাংথোকপা য়াবা থবক পুম্নমক পাংথোকখি৷

মালেমদা লৈরিবা বুদ্ধিস্ত ওর্গনাইজেসনশিং অমসুং বুদ্ধা লাইনিং চৎপশিংনা ইক্ব্যুইপমেন্ত অমসুং মচাক-মথুমশিং পুকচেল চাউনা কৎখিবা অদুসু ঐনা খঙজরে৷ মীওই কয়া অমদগী সপোর্ত অমসুং পুকচেল চাওবা কা হেন্না উৎথোক্তুনা মীওইবা জাতিবু চাওথোকহনখ্রে৷ মসিগী এক্সনশিং অসি লোর্দ বুদ্ধগী তিচিংশিংগা মরী লৈনৈ৷ মসিনা অপ্প দীপো ভবগী সুপ্রিম মন্ত্র অদু উৎলি:

মরূপশিং,

কোবিদ-১৯ অসি ঐখোয়না থেংনবা অচৌবা চেলেঙ্গ অমনি৷ লাইচৎ অসি থেংনবা ঙম্নবা ঐখোয়না তৌবা য়াবা থবক পুম্নমক তৌরিঙৈদা, ঐখোয়না মীওইবা জাতিনা থেংনরিবা অতোপ্পা চেলেঙ্গশিং অসি কাউথোক্লোইদবনি৷ ক্লাইমেৎ চেঙ্গ অসিসু ঐখোয়না থেংনরিবা খ্বাইদগী চাওবা চেলেঙ্গশিংগী মনুংদা অমনি৷ হৌজিক মতমগী মীওইশিংগী থৌশাদবা পুন্সি মহি অসিনা তুংগী চারোলশিংদা খুদোংথিবা থোকহল্লি৷ অইং-অশাগী পেতর্নশিং অসি হোংলি৷ ঊন মপাকশিং শৌদোরক্লি৷ তুরেলশিং অমসুং উমংশিং খুদোংথিনিংঙাই ওইরে৷ ঐখোয়না ঐখোয়গী গ্রহ অসি শোকহন্দুনা অদুমক থম্বা য়ারোই৷ লোর্দ বুদ্ধনা মহৌশা ইমাবু চাউনা ইকাই খুম্নবা মওংগী পুন্সিদা হিংনবগী লম্বীদা মীৎয়েং থম্লকখি৷

পেরিসকী পান্দমশিং ফংনবা চংশিল্লিবা অচৌবা ইকোনোমী খরগী মনুংদা ভারতসু য়াওরিবা অসিদা ঐনা চাওথোকপা ফাওজৈ৷ ঐখোয়গী ওইনা, সস্তেনেবল লিবিং অসি  অচুম্বা ৱাহৈগী ৱা খক্তা নত্তনা মসিনা অচুম্বা খোঙথাং অমসু ওইরি৷

মরূপশিং,

গৌতমা বুদ্ধগী পুন্সি অসি শন্তি, ইং-চিকপা অমসুং পুন্না হিংমিন্নবগী মতাংদনি৷ ঙসিদি, ফত্তবা শন্দোকপা, অকি-অখং অমসুং ৱাখল য়াওদনা অকাই-অতোই থোকহনবদা য়ুম্ফম ওইবা শক্তিশিং লৈরি।  অসিগুম্বা শক্তিশিং অসিনা লিবরেল দেমোক্রেতিক প্রিন্সিপলশিংদা থাজবা থমদে৷ মীনুংশিদা থাজবা পুম্নমক পুনশিনবা, অকি-অখং অমসুং রেদিকেলাইজেসন অসিবু মাইথিবা পীবগী খ্বাইদগী তঙাই ফদবা মতম অদু য়ৌরে৷

মসিগীদমক্তদি,  লোর্দ বুদ্ধনা উৎলিবা লম্বা অসিনা অসুক্কি মতিক চান্নৈ৷ লোর্দ বুদ্ধনা তাকপীরম্বশিং অমসুং খুন্নাইদা ৱায়েল পীবগী মরু ওইবা অসিনা মালেমবু পুনশিন্নবা শক্তি অমা ওইবা য়াই।

মহাক্না অসুম্না ফোংদোকখি- শান্তিদগী হেন্না নুংঙাইবা অমতা লৈতে৷

মরূপশিং,

লোর্দ বুদ্ধ অসি মালেম পুম্বগী মঙালনা থল্লবা রিজর্বর ওইরমখি। মঙোন্দগী ঐখোয় পুম্নমক্না মতম মতমগী ওইনা মঙালঅদু লৌদুনা মীনুংশিং, মালেমগী ওইনা থৌদাক মশক খঙবা অমসুং য়াইফবা পুরক্নবা লম্বীদা চংশিনবা য়াই। মহাত্মা গান্ধীনা “বুদ্ধনা ঐখোয়না মপাল থোংবা নাথৈদুনা অচুম্বা অমসুং নুংশিবা অসিগী মাইপাকপদা থাজবা থম্মু হায়না তম্বীখি” হায়না বুদ্ধগী মতাংদা ফোংদোক্লমখি৷

ঙসি, বুদ্ধ পূর্নিমাদা,  লোর্দ বুদ্ধগী ৱাখল্লোনশিংদা মখোয়না থাজবা থম্বা অদু অমুক্কা হন্না থম্লসি৷

মালেম শিনবা থুংনা শন্দোরক্লিবা কোবিদ-১৯ লাইনা-লাইচৎ অসিগী মতম অসিদা রিলিফ ফংহন্নবা ত্রিপল জেমদা খুরুম্লিবা নখোয় পুম্নমক্কি মরক্তা ঐসু শরুক য়াজরি৷

নহাকপু থাগৎচরি৷

নহাকপু অসুক্কী মতিক থাগৎচরি৷

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Why Narendra Modi is a radical departure in Indian thinking about the world

Media Coverage

Why Narendra Modi is a radical departure in Indian thinking about the world
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 17 ওক্তোবর 2021
October 17, 2021
Share
 
Comments

Citizens congratulate the Indian Army as they won Gold Medal at the prestigious Cambrian Patrol Exercise.

Indians express gratitude and recognize the initiatives of the Modi government towards Healthcare and Economy.