খুরুমজরি!
ঙসি ঐখোয়না ‘ভিকসিৎ রাজ্য সে ভিকসিৎ ভারত অভিয়ান’দা ঐহাক্না মধ্য প্রদেশকী ঐখোয়গী ইচিল-ইনাওশিংগী মরক্তা শরুক য়ারি। অদুবু মসিগী মতাংদা ৱা ঙাংদ্রিঙৈ মমাংদা ঐহাক্না দিন্দোরীদা থোকখিবা লম্বীগী খুদোংথিবা থৌদোক অদুগীদমক অৱাবা ফোঙদোকচরি। থৌদোক অসিদা মখোয়গী ইমংগী মীওইশিং লৈখিদ্রবশিংদা ঐহাক্না অৱাবা ফোঙদোকচরি। সরকারনা অশোক-অপন য়াওরিবশিং লায়েংনবগীদমক লৌখৎফম থোকপা খোঙথাং খুদিংমক পাইখৎলি। অৱাবা পুংফম অসিদা মধ্য প্রদেশকী মীয়ামগীদমক ঐহাক্না লেপ্পী।
মরুপশিং,
হৌজিক এম.পি.গী লোক সভা-বিধানসভা সীত খুদিংমক্তা, মরুপ লাখ কয়ানা চাউখৎপা মধ্য প্রদেশকী ফিরেপকা লোয়ননা লেপ্পী। হৌখিবা নুমিৎ খরনি অসিদা লৈবাক্কী তোঙান-তোঙানবা রাজ্যশিংনা মতৌ অসুম্না চাউখৎপা ওইহন্নবা ফিরেপ লৌখি। মরমদি রাজ্যশিং চাউখৎলবা খক্তদা ভারতনা চাউখৎপা ঙমগনি। ঙসি মধ্য প্রদেশনা সঙ্কল্প য়াত্রা অসিদা শরুক য়ারি। মসিগীদমক মীয়ামবু ঐহাক্না নুংঙাইবা ফোঙদোকচরি।
মরুপশিং,
হয়েংদগী এম.পি.দা নুমিৎ মাপনগী বিক্রমমহোৎসব হৌরগনি। মসি মতিক ময়াই লৈরিবা কলা-সংস্কৃতি অমসুং হৌজিক্কী চাউখৎ-থৌরাং অসিবু পালন তৌবনি। উজ্জেনদা খিল্লিবা ভেদিক ক্লোক অসিনা ঐখোয়গী সরকারনা কলা-সংস্কৃতি অমসুং চাউখৎ-থৌরাং অসি করম্না পুন্না পুখৎপগে হায়বগী খুদমসু ওইরি। বাবা মহাকালগী সহর অসি মতম অমদা মালেম পুম্বগী পুংগী কেলক্যুলেসন তৌফম ওইরমখি। অদুবু মসিগী মরু ওইবা অসি কাওথোকখি। হৌজিক ঐখোয়না মালেমগী অহানবা ‘বিক্রমাদিত্য ভেদিক ক্লোক’ অসি নৌনা খিল্লি। মসি ঐখোয়গী ইনাক খুল্লবা হৌখ্রবা মতমবু নীংশিংনবা খুদোংচাবা অমা খক্তা নত্তে। মসিনা ভারতপু চাউখৎপা ওইহনগদৌরিবা মতমগী খোঙচৎ অদুসু উবা ফংলগনি।
মরুপশিং,
ঙসি এম.পি.গী লোক সভাগী সীত পুম্নমক্না চাউরাক্না লুপা করোর লিশিং 17রোমগী চাউখৎ-থৌরাংগী প্রোজেক্তশিং ফংলি। মসিদা থক্নবা ঈশিং অমসুং ঈথৈ-লৌখোংগী প্রোজেক্তশিং য়াওরি। মসিদা পাৱর, লম্বী-থোং, রেলৱেজ, স্পোর্তস কম্প্লেক্স, কম্ম্যুনিতী হোলশিং অমসুং অতৈ ইন্দস্ত্রীশিংগা মরী লৈনবা প্রোজেক্তশিং য়াওরি। নুমিৎ খরনিগী মমাংদা এম.পি.দা রেলৱে স্তেসন 30 হেন্না মোদর্নাইজেসন তৌবগী থবকসু পাইখৎপা হৌখ্রে। BJPগী দবল ইঞ্জিন সরকারনা দবল স্পীদতা থবক পাইখৎলি। প্রোজেক্তশিং অসিনা এম.পি.গী মীয়ামগী পুন্সি লাইথোকহল্লগনি, অমসুং মফম অসিদা ইনভেস্তমেন্ত অমসুং থবক্কী অনৌবা খুদোংচাবশিং ফংহল্লগনি। পুম্নমকপু মসিগীদমক নুংঙাইবা ফোঙদোকচরি।
মরুপশিং,
ঙসি মফম খুদিংমক্তা ৱাফম অমা খক্তা তারি – হন্দক্তি, 400 পার, হন্দক্তি, 400 পার! মীয়াম্না অসুম্না মখোয়গী নুংশিরবা সরকার অমুক হল্লক্বা স্লোগান লাউবা অসি মসিনা অহানবনি স্লোগান অসি BJPনা পীবা নত্তে লৈবাক্কী মীয়াম্না পীবনি। লৈবাক অসিনা মোদীগী গরেন্তীদা থাজবা থম্মি অসি থমোয় পেল্লি।
অদুবু মরুপশিং,
ঐখোয়গী ওইনা মসি অহুমশুবা ওইনা সরকার শেম্নবগী শুপ্নগী পান্দম খক্তা নত্তে। অহুমশুবা ওইনা ঐখোয়না লৈবাক অসিবু অহুমশুবা খ্বাইদগী চাউবা ইকোমিক সুপরপাৱর ওইনবা মীখলশিং থেংনরি। ঐখোয়গীদমক্তা সরকার অমা শেম্বা অসি অথোইবা পান্দম নত্তে ঐখোয়গী ওইনা সরকার অমা শেম্বা অসি লৈবাক অমা শেমগৎপনি। ঐখোয়না মসি মধ্য প্রদেশতসু চপ মান্ননা উবা ফংলি। নখোয়না হৌখিবা দিকেদ অনি অসিদা ঐখোয়দা খুদোংচাবশিং লেপ্পা লৈতনা পীদুনা লাকখি। ঙসিসু নখোয়না অনৌবা সরকারগী অরোইবা থা খরা অসিদা চাউখৎ থৌরাংগীদমক কয়া য়াম্না থৱায় য়াওবা উবা ফংলি। অমসুং হৌজিক্কী ওইনা ঐহাক্কী মাংদা লৈরিবা স্ক্রীনদা য়েংলি, ঐহাক্না উবা ফংলিবা অসি মীয়াম খক্তনি। থৌরম অসি ভিদিও কনফরেন্সকী থোংদা পাঙথোকলি অমসুং মীওই লাখ 15 হেনবগা কন্নেক্ত তৌরি, মফম 200 হেনবদা কন্নেক্ত তৌরি। থৌরম অসি অচম্বা নত্তে অমসুং মসি ঐহাক্কী ইমিৎনা তি.ভি.দা মফম অসিদগী য়েংলি। থৱায় য়াম্না য়াওবা উবা ফংলি। অমুক হন্না ঐহাক্না মধ্য প্রদেশকী ইচিল-ইনাওশিংগী মীনুংশিং অমসুং নখোয়না পীবিরিবা থৌজালশিং অসিগীদমক তৌবীমল খঙবা উৎচরি।
মরুপশিং,
সরকারনা চাউখৎপা মধ্য প্রদেশ অমা ওইহন্নবা লৌউ-শিংউ, ইন্দস্ত্রী অমসুং তুরিজম, দবল ইঞ্জিন্দা চাউনা মীৎয়েং চংলি। ঙসি ৱাতর প্রোজেক্ত অহুম মা নর্মদাদা উরেপ-উয়ুং তম্মি। প্রোজেক্তশিং অসিনা আদিবাসীগী মফমশিংদা ঈথৈ-লৌখোঙ অমসুং থক্নবা ঈশিংগী সমস্যা কোকহল্লগনি। ঐখোয়না মধ্য প্রদেশতা ঈথৈ-লৌখোঙগী লমদা অনৌবা অওনবা অমা উবা ফংলি। কেন-বেতৱা লিঙ্ক প্রোজেক্ত অসিনা বুন্দলখন্দগী ইমুং লাখ কয়াগী পুন্সিদা অওনবা পুরক্লগনি। ঈশিংনা লৌমীশিংগী লৌবুক্তা য়ৌরবদা মসিদগী হেনবা সর্ভিস করিবু লৈরুগনি? ইরিগেসন স্কিম অসি BJP সরকার অমসুং কোংগ্রেস সরকারগী মরক্তা লৈরিবা অচৌবা খেন্নবগী খুদম অমসু ওইরি। 2014গী মমাং হৌখিবা চহি 10দা লৈবাক্কী লম হেক্তর লাখ 40রোম মাইক্রো ইরিগেসনগী মখাদা পুশিনবা ঙমখি। অদুবু ঐখোয়গী সর্ভিসকী চহি 10 অসিদা লৌবুক হেক্তা লাখ 90 রোম মাইক্রো ইরিগেসনগী লিঙ্ক তৌখি। মসিনা BJP সরকারগী মরু ওইবা অসি করিনো হায়বা উৎখি। মসিনা BJP সরকার অসি স্পীদ অমসুং প্রোগ্রেস অনিমক্কীদমক লেপ্পী হায়না উৎলি।
মরুপশিং,
অপীকপা লৌমীশিংগী অচৌবা সমস্যা অসি ৱেয়রহাউস লৈতবনা ওইরি। মসিনা মরম ওইরগা অপীকপা লৌমীশিংনা মখোয়গী পোত্থোক অদু অহোংবা মমলশিংদা য়োনবা তাহনখি। হৌজিক ঐখোয়না স্তোরেজকা মরী লৈনবা মালেমগী খ্বাইদগী চাউবা থৌরাং পাইখৎনবা থবক লৌখৎলি। লাক্কদৌরিবা চহিশিংদা লৈবাক অসিদা অচৌবা ৱেয়রহাউস লিশিং কয়া শারগনি। মসিগা লোয়ননা লৈবাক অসিদা চেং-হৱাই লাখ মেত্রিক তন 700 থম্নবা সিস্তেমসু পাইখৎলি। সরকার অসিনা মসিদা লুপা করোর লাখ 1.25 হেন্না চাদিং তৌরগনি।
মরুপশিং,
ঐখোয়গী সরকারনা খুঙ্গংশিংবু আত্মনির্ভর ওইহন্নবা অচৌবা মীৎয়েং চংলি। মসিগীদমক কোওপরেসন পাকথোক চাউথোক্লি। হৌজিক ফাওবদা ঐখোয়না মিল্ক অমসুং সুগরকেন সেক্তরদা কোওপরেসনগী কান্নবশিং উবা ফংলি। BJP সরকারনা চেং-হৱাই, উহৈ-ৱাহৈ, মনা-মশিং, ঙানচিংবা সেক্তরদা কোওপরেসন থম্নবা মীৎয়েং চংলি। মসিগীদমক খুঙ্গং লাখ কয়াদা কোওপরেতিব সোসাইতীশিং অমসুং কোওপরেতিব ইন্সতিত্যুসনশিং শেমগৎলি।
লৌউ-শিংউ, এনিমেল হসবেন্দ্রী, বীকীপিং, পৌলত্রী ফার্মিং, ফিশ ফার্মিংনচিংবা ওইরবসু লম খুদিংমক্তা খুঙ্গংগী ইনকম হেনগৎহন্নবা খোঙথাংশিং পাইখৎলি।
মরুপশিং,
মমাংঙৈদা খুঙ্গংগী চাউখৎ-থৌরাংদা অচৌবা সমস্যা অমা লৈরমখি। খুঙ্গংগী লম অমসুং খুঙ্গংগী প্রোপর্তীগী মতাংদা চয়েৎনবা কয়া লৈরমখি। খুঞ্জাশিংনা অপীকপা লমগা মরী লৈনবা থবকশিংগীদমক তেহসিল শিনবা থুংনা চৎপা তারমখি। হৌজিক ঐখোয়গী দবল ইঞ্জিন সরকারনা পি.এম. স্বমিত্ব য়োজনাগী খুত্থাংদা অসিগুম্বা সমস্যাশিংগী তুং কোইবা ৱারোইশিন পুরক্লি। অমসুং মধ্য প্রদেশনা স্কিম অসিগী মখাদা খুমাং চাউশিল্লি। মধ্য প্রদেশতা খুঙ্গং চাদা 100 দ্রোনশিং শীজিন্নদুনা সর্ভে চত্থখ্রে। হৌজিক ফাওবদা ওনরশিপ কার্দ লাখ 20 হেন্না পীখ্রে। খুঙ্গংগী য়ুমশিংগী লিগেল দোক্যুমেন্তশিং পাইদুনা লায়রবশিংবু চয়েৎনবা মখল কয়াদগী কনবা ঙমহল্লগনি। মোদীগী গরেন্তী অসি সমস্যা খুদিংমক্তগী লায়রবশিংবু কনবীবনি। ঙসি সাইবর তেহসিল প্রোগ্রাম মধ্য প্রদেশকী খুঙ্গং 55দা শন্দোক্লি। হৌজিক মমিং ত্রান্সফর তৌবা অমসুং রেজিস্ত্রীগা মরী লৈনবা হীরমশিং অসি দিজিতেল মেকানিজমগী খুত্থাংদা তৌরি। মসিনা খুঙ্গংগী ইমুংশিংগী মতম অমসুং শেল মাংহনদবা ঙম্লগনি।
মরুপশিং,
মধ্য প্রদেশকী নহারোলনা এম.পি.বু লৈবাক্কী মাংজিল থারিবা ইন্দস্ত্রিএক স্তেৎশিংগী মনুংদা অমা ওইহনবা পাম্মি। ঐহাক্না এম.পি.গী নহারোল খুদিংমক্তা মরু ওইনা অহানবা ওইনা ভোৎ থাদগদৌরিবশিংদা হায়জনীংবদি BJP সরকারনা নখোয়গীদমক অনৌবা খুদোংচাবশিং পীনবা হোৎনবদা তৌবা য়াবা খুদিংমক তৌগনি। নখোয়গী মঙলানশিংনা মোদীগী ফিরেপনি। মধ্য প্রদেশনা আত্মনির্ভর ভারত অমসুং মেক ইন ইন্দিয়াগী শক্তি লৈরবা য়ুম্বী অমা ওইরগনি। মুরৈনাগী সীতাপুরদা লৈরিবা মেগা লেদর এন্দ ফুতৱেয়র ক্লস্তর, ইন্দোরদা লৈরিবা পার্ক ফোর রেদীমেদ গার্মেন্ত ইন্দস্ত্রী, মন্দশৌরদা ইন্দস্ত্রিএল পার্ক পাকথোক চাউথোকপা, ধার ইন্দস্ত্রিএল পার্ক নৌনা শাগৎপা পুম্নমক অসি মাইকৈ অসিদা থংজিল্লিবা খোঙথাংশিংনি। কোংগ্রেস সরকারশিংনা মেন্যুফেকচরিংদা লৈরিবা ঐখোয়গী অরিবা মপাঙ্গল অসি ফাওবা মাংহনখি। ঐখোয়না মফম অসিদা শান্নপোৎ শাবগী ফজবা চৎনবী লৈরমখি। অদুবু চহি খরগী মমাং ফাওবা ঐখোয়গী কৈথেলশিং অমসুং ঐখোয়গী য়ুমশিংদা মীরমগী শান্নপোৎশিংনা থলম্বা ফীভম অমদা লৈরমখি। ঐখোয়না লৈবাক অসিদা লৈরিবা ঐখোয়গী ত্রেদিস্নেল তোই মেন্যুফেকচরিংগী মরুপশিং, বিশ্বকর্মাগী ইমুং-মনুংশিংবু মতেং পাংখি। ঙসি মীরৈবাক্তগী শান্নপোৎশিং পুশিল্লকপা অসি চাউনা হন্থরে। তশেংবদি ঙসি ঐখোয়না ইমপোর্ত তৌরম্বা অদুদগী হেন্না এক্সপোর্ত তৌরি। বুধনীগী শান্নপোৎ শারিবা ইচিল-ইনাওশিংগীদমক খুদোংচাবা কয়া পীরি। বুধনীদা ঙসি শান্নপোৎ শাবদা শাহৌ পীনবা থবক পাইখৎলি।
ইচিল-ইনাওশিং,
কনাগুম্বা অমত্তনা হঙবীরমদবশিং অদুদা মোদীনা হঙলি। হৌজিক মোদীনা লৈবাক অসিগী নাৎকী ওইবা থবক অসিগা মরী লৈনবা মরুপশিংনা কন্না হোৎনরিবা অদু উৎথোক্নবা থৌদাংসু লৌখৎলি। লৈবাক অসিদা অমসুং মালেমদা নখোয়গী আর্ত অমসুং নখোয়গী স্কিলশিং প্রমোৎ তৌনবা ঐনা মখা তানা হোৎনগনু। ঐহাক্না মীরৈবাক্কী মীথুংলেনশিংদা খুদোল ওইনা কোত্তেজ ইন্দস্ত্রী প্রদক্তশিং পীবা মতমদা ঐহাক্না নখোয়বুসু প্রমোৎ তৌনবা অঙম্বা থাক্তা হোৎনৈ। ঐহাক্না ভোকেল ফোর লোকেলগী মরমদা ঙাংবা মতমদা ঐহাক্না নখোয়গী অফবা তুংলমচৎকীদমক পাউজেল পীনবা হোৎনৈ।
মরুপশিং,
হৌখিবা চহি 10 অসিদা মালেমদা ভারতকী মীংচৎ হেনগৎলকখি। ঙসি মালেমগী লৈবাক কয়ানা ভারতকী মরুপ ওইনীংলি। করিগুম্বা ভারত মচা অমনা মীরৈবাক্তা চৎখিবা তারবদি মহাকপু চাউনা ইকাই খুম্নবীরি। ভারতকী ক্রেদিবিলিতী হেনগৎলকপা অসিনা ইনভেস্তমেন্ত অমসুং তুরিজমদা হকথেংননা কান্নবা ফংহল্লি। ঙসি মীওই কয়া কয়ানা ভারত্তা লাক্নরি। করিগুম্বা মখোয়না ভারত্তা লাক্লবদি এম.পি.দা লাকপা অসি মহৌশানি। মরমদি এম.পি. অসি য়াম্না নুংঙাই। হৌখিবা চহি খরা অসিদা ওমকরেশ্বর অমসুং মমলেশ্বরদা ভক্তাগী মশিং চাউনা হেনগৎলকখি। ওমকেশ্বর আদি গুরু শঙ্করাচার্য়বু নীংশিংবা ওইনা একাত্ম ধান শাবগা লোয়ননা মশিং অসি হেন্না হেনগৎলগনি। 2028দা উজ্জেনদা সিমহস্থ কুম্ভসু পাঙথোক্কনি। ইন্দোরদা ইচ্ছপুরদগী ওমকরেশ্বর ফাওবগী লেন মরিগী লম্বী শাবা অসিনা ভক্তাশিংদা হেন্না খুদোংচাহল্লগনি। ঙসি শঙ্গাখিবা রেলৱে প্রোজেক্তশিংনা মধ্য প্রদেশকী কন্নেক্তিবিতী হেন্না মপাঙ্গল কনখৎহল্লগনি। কন্নেক্তিবিতী ফগৎলবা মতমদা লৌউ-শিংউ, তুরিজম নত্ত্রগা ইন্দস্ত্রী ওইরবসু, মীপুম খুদিংমক্না কান্নবা ফংগনি।
মরুপশিং,
হৌখিবা চহি 10 অসিদা ঐখোয়গী নারী শক্তি হেনগৎলকপা উবা ফংখি। মোদীগী গরেন্তী অসি ঐহাক্না ইমা অমসুং ইচলশিংগী পুন্সিদগী খুদোংচাদবা অমসুং অৱাবা খুদিংমক লৌথোক্নবা থমোয় শেংনা হোৎনবা অসিনি। ঐহাক্না মপুং ফানা পুকচেল শেংনা গরেন্তী অসি থুংহন্নবা হোৎনখি। অদুবু লাক্কদৌরিবা চহি 5 অসিদা ঐখোয়গী ইচে-ইচল অমদি ইচানুপীশিংবু অমুক্তা ওইখিদ্রিবা মওংদা শক্তি পীগনি। লাক্কদৌরিবা চহি 5 অসিদা খুঙ্গং খুদিংমক্তা লাখপতি দিদি কয়া লৈহল্লগনি। লাক্কদৌরিবা চহি 5 অসিদা খুঙ্গংগী ইচে-ইচলশিংবু নমো দ্রোন দিদিশিং ওইহন্দুনা লৌউ-শিংউদা অনৌবা অওনবা অমা পুরকহনগনি। লাক্কদৌরিবা চহি 5 অসিদা ইচে-ইচলশিংগী শেন্মীৎলোনগী ফীভমদা অমুক্তা ওইখিদ্রিবা মওংদা খুমাং চাউশিনবা ঙমহনগনি। হন্দক্তা রিপোর্ত অমা লাকখি, মসিগী মতুং ইন্না হৌখিবা চহি 10 অসিদা লায়রবগী য়াইফনবা থবক তৌবনা খুঙ্গংগী লায়রবা ইমুংশিংগী ইনকম অসি খোঙজেল য়াংনা হেনগৎপা ঙমহনখি। রিপোর্ত অসিগী মতুং ইন্না খুঙ্গংশিংগী ইনকম অসি সহরশিংদগী হেন্না খোঙজেল য়াংনা হেনগৎলকখি। হৌখিবা চহি 10দা ইরৈবাকচা করোর 25 লায়রবদগী থোরকপা ঙমহনখি। মসিনা তাকপদি BJP সরকারনা অচুম্বা মাইকৈদা চংশিল্লি হায়বনি। ঐহাক্না থাজৈ মদুদি মধ্য প্রদেশনা অসিগুম্বা খোঙজেলদা চাউখৎপগী অনৌবা পনখৈশিং মখা তানা য়ৌবা ঙমগনি। অমুক হন্না চাউখৎ-থৌরাংগী থবকশিং অসিগীদমক ঐহাক্না ময়ামদা নুংঙাইবা ফোঙদোচরি। অমসুং ঙসি মশিং য়াম্লবা মীয়াম্না ভিদিও কনফরেন্স অসিদা শরুক য়াদুনা অনৌবা পুৱারী অমা শেম্মি। ঐহাক্না ইচিল-ইনাও পুম্নমকপু থমোয় শেংনা থাগৎপা ফোঙদোকচরি।
থাগৎচরি!
