তেলঙ্গানা সুপর থর্মেল পৱার প্রোজেক্কী মেগাৱাত য়ুনিত ৮০০ মীয়ামদা কৎথোকখ্রে
তোঙান-তোঙানবা রেল ইনফ্রাস্ত্রকচর প্রোজেকশিং মীয়ামদা কৎথোকখ্রেপি.এম-অয়ুস্মান ভারত হেল্থ ইনফ্রাস্ত্রকচর মিসনগী মখাদা তেলঙ্গানা শীনবা থুংনা শাগদবা ক্রিতিকেল কিয়ার ব্লোক ২০গী উরেপ-উয়ুং তমখ্রেসিদ্দিপেত-সিকন্দরবাদ-সিদ্দিপেত ত্রেন সর্বিস লমথাখ্রে“মৈ ফজনা ফংহনবনা রাজ্য অমদা উদোগশিং চাউখৎপগী খোঙজেল য়াংখৎহনগনি”“ঐনা উরেপ-উয়ুং তমখিবা প্রোজেকশিং লোইশিনবা হায়বসি ঐখোয়গী সরকারগী থবক তৌবগী চৎনবীনি”“মমল হোংনা অমসুং মহৌশাগী অকোয়বগী ফিবম শোকহন্দনবা এল.পি.জি ওন্থোকপা, পুথোক-পুশিন তৌবা অমসুং য়েন্থোকপদা হাসান-চেরলাপাল্লী মফম অমা ওইরগনি”“রেলৱে লাইন খুদিংমক চাদা ১০০ মৈ ফংহন্নবা পান্দম অমদা ভারত রেলৱেনা থবক পায়খৎলি”তেলঙ্গানাগী রাজ্যপাল তমিলিসাই সৌন্দরারাজনজী, কেন্দ্র সরকারগী ঐগী মরুপ ভাইজী কিশন রেদ্দীজী, মফম অসিদা তিল্লিবা ইকাই খুম্নরবা দিগনিতরীশিং, নুপী অমদি নুপাশিং!
ঙসি ঐহাক্না উরেপ-উয়ুং তমখিবা নত্ত্রগা শঙ্গাখিবা প্রোজেক্তশিংগীদমক তেলঙ্গানাদা নুংঙাইবা ফোঙদোকচরি।
ना कुटुम्भ सभ्युल्लारा,
লৈবাক্কী অমসুং রাজ্যগী চাউখৎ-থৌরাংগীদমক রাজ্য অদুনা ইলেক্ত্রিসিতী পুথোকপদা য়ারিবা মখৈ আত্মনির্ভর ওইবা হায়বা অসি য়াম্না মরু ওই। রাজ্য অদুদা ইলেক্ত্রিসিতী মরাং কাইরবা মতমদা ইজ ওফ দুইং বিজিনেস অমসুং ইজ ওফ লিবিং অনিমক ফগৎলকই। অপনবা লৈতবা পাৱর সপ্লাইনা রাজ্যগী ইন্দস্ত্রিএল দিবেলপমেন্ত খোঙজেল য়াংশিনহল্লি। ঙসি NTPCগী সুপর থর্মেল পাৱর প্রোজেক্তকী অহানবা য়ুনিৎ পেদ্দাপল্লী জিলাদা শঙ্গাখি। মসিগী অনিশুবা য়ুনিৎসু অথুবদা হৌরগনি। প্রোজেক্তকী অনিশুবা ফেস মপুং ফানা লোইরবা মতমদা প্লান্ত অসিগী ইনস্তোল কেপাসিতী অসি 4000 মেগাৱাত ওইরগনি। লৈবাক অসিদা লৈরিবা NTPCগী পাৱর প্লান্ত পুম্নমক্কী মরক্তা মসিনা খ্বাইদগী মতমগা চুনবা প্লান্ত ওইরিবা অসিদা ঐহাক্না নুংঙাইবা পোকই। তেলঙ্গানাগী মীয়াম্না প্লান্ত অসিদগী পুথোকপা ইলেক্ত্রিসিতীগী অচৌবা শিয়র অমা ফংলগনি। ঐখোয়গী সরকারনা হৌদোকপা প্রোজেক্ত অমা হেক্তা সরকার অসিনা লোইশিল্লি। ঐহাক্না নীংশিংলি ওগস্ত 2016দা প্রোজেক্ত অসি ঐহাক্না উরেপ-উয়ুং তমখি। ঙসি ঐহাক্না মসি শঙ্গাবগী খুদোংচাবসু ফংলি। মসি ঐখোয়গী সরকারগী অনৌবা ৱার্ক কলচরনি।
ना कुटुम्भ सभ्युल्लारा,
ঐখোয়গী সরকারনা তেলঙ্গানাগী মীয়ামগী ইনর্জীগা মরী লৈনবা অতোপ্পা মথৌ তাবশিং থুংহন্নবা থবকসু তৌরি। শুপ্নগী নুমিৎ নিনিগী মমাংদা ঐহাক্না হাসন-চেরলাপল্লী এলপিজি পাইপলাইন শঙ্গাবগী খুদোংচাবা ফংখি। পাইপলাইন অসিনা সেফ, কোস্ত ইফেক্তিব অমসুং ইকো-ফ্রেন্দলী ওইবা LPG ত্রান্সফোর্মেসন অমসুং মাগী ত্রান্সপোর্তেসন অমদি দিস্ত্রিব্যুসনগী য়ুম্ফম থোল্লগনি।
ना कुटुम्भ सभ्युल्लारा,
ঙসিমক ঐহাক্না ধর্মাবাদ-মনোহরাবাদ অমসুং মহাবুবনগর-কুর্নুল রেলৱে স্তেসনশিংগী ইলেক্ত্রিফিকেসন প্রোজেক্ত জাতিদা কত্থোকখি। মসিনা তেলঙ্গানাদা কন্নেক্তিবিতী হেনগৎহল্লগনি অমসুং ত্রেন অনিমক্কী খোঙজেলগী চাংচৎ অসিসু হেনগৎলগনি। ইন্দিয়ন রেলৱেজনা মথংগী থা খরা অসিদা রেলৱে লাইন পুম্নমক চাদা 100 ইলেক্ত্রিফিকেসন তৌনবা পান্দম থম্মি। মনোহরাবাদ-সিদ্দীপেৎকী অনৌবা রেলৱে লাইনসু ঙসি শঙ্গাখি। মসিনা ললোন ইতিক্তা শাহৌ পীরগনি। 2016দা ঐহাক্না প্রোজেক্ত অসিসু উরেপ-উয়ুং তমখি। ঙসি থবক অসিসু লোইশিনবা ঙম্লে।
ना कुटुम्भ सभ्युल्लारा,
ঐখোয়গী লৈবাক অসিদা মতম শাংনা হেল্থকিয়র অসি ইনাক কৈরাক খুনবশিং খক্তগী হক ওইনা লৌরমখি। হৌখিবা চহি 9 অসিদা ঐখোয়না মসিগী শীংনবা অসি কোকহন্নবা খোঙথাং কয়া লৌখৎখি অদুনা হৌজিক্তি হেল্থ ফেসিলিতীশিং অসি লায়না অমসুং হোংনা ফংবা ঙমলে। ভারত সরকারনা মেদিকেল কোলেজশিং অমসুং AIIMSকী মশিংসু হেনগৎহল্লি। তেলঙ্গানাগী মিয়াম্না বীবীনগরদা AIIMS শাবগী থবক চত্থরিবা অসি উবা ফংলি। হোস্পিতেলশিং হেনগৎলবা মতমদা অনাবশিং য়েংশিন্নবা দোক্তরশিং অমসুং নর্সশিংগী মশিংসু হেনগৎলক্কনি।
ना कुटुम्भ सभ्युल्लारा,
ঙসি মালেমগী খ্বাইদগী চাউবা হেল্থ ইন্সুরেন্স স্কিম আয়ুশ্মান ভারত অসি ভারত্তা পাইখৎলি। মসিনা মরম ওইদুনা তেলঙ্গানাদা মীওই লাখ 70 হেনবনা লুপা লাখ 5 ফাওবগী লেম্নে লায়েংবগী গরেন্তী ফংখি। জন ঔশাধি কেন্দ্রশিংদা লায়রবা অমসুং মিদ্দল ক্লাসশিংদা হীদাক-লাংথকশিং চাদা 80গী দিস্কাউন্ত ফংহল্লি। মসিনা মরম ওইদুনা ইমুং কয়ানা থা খুদিংগী লুপা লিশিং কয়া তুংশিনবা ঙমলে।
ना कुटुम्भ सभ्युल्लारा,
জিলা খুদিংমক্তা অফবা হেল্থ ইনফ্রাস্ত্রকচর থম্নবা ঐখোয়না প্রধান মন্ত্রী আয়ুশ্মান ভারত ইনফ্রাস্ত্রকচর মিসন হৌদোকখি। ঙসি মিসন অসিগী মখাদা তেলঙ্গানাদা ক্রিতিকেল কিয়র ব্লোক 20গী উরেপ-উয়ুং তম্মি। ব্লোকশিং অসিদা আইসোলেসন ৱার্দশিং, ওক্সিজেন সপ্লাই, ইনফেক্সন প্রিবেন্সন এন্দ কন্ত্রোলগী খুদোংচাবশিং মপুং ফানা লৈবা মওংদা শাগনি। তেলঙ্গানাদা হেল্থ ফেসিলিতীশিং হেনগৎহন্নবা আয়ুশ্মান ভারত হেল্থ এন্দ ৱেলনেস সেন্তর 5000 হেন্না মথৌ তৌরি। কোরোনাগী মালেমগী লাইচৎ মনুংদা তেলঙ্গানাদা PSA ওক্সিজেন প্লান্ত 50 হেন্না ইনস্তোল তৌখি, মসিনা মীয়ামগী পুন্সি কনবদা চাউনা মতেং পাংখি।
ना कुटुम्भ सभ्युल्लारा,
ঐহাক্না তেলঙ্গানাগী মীয়ামদা ইনর্জী, রেলৱেজ অমসুং হেল্থকা মরী লৈনবা মরু ওইবা প্রোজেক্তশিং অসিগীদমক অমুক হন্না নুংঙাইবা ফোঙদোকচরি। অমসুং হৌজিক ঐহাক্না খঙই মদুদি মীয়াম্না মথংগী প্রোগ্রামগীদমক ঙাইরি, মখোয়না য়াম্না হরাও তয়াম্না ঙাইরি, ওপন গ্রাউন্দ অমদা ওপন দিস্কসন খরসু তৌগনি।
হন্না-হন্না থাগৎচরি!
