কেবিনেৎতা লৈবিরিবা ঐহাক্কী খোংবুরোয় জ্যোতিরাদিত্য সিন্ধিয়াজী, রাজ্য মন্ত্রী চন্দ্র শেখর পেম্মাসানীজী, তোঙান-তঙানবা রাজ্যশিংগী মীহুৎশিং, মীরৈবাক্তগী লেংবিরক্লিবা ঐখোয়গী গেস্ত, তেলকোম সেক্তরগা মরি লৈনবা অখং-অহৈশিং, মফমসিদা লেংশিনবিরিবা তোঙান-তোঙানবা কোলেজশিংদগী লাকপা নহা ওইরিবা মরুপশিং, লেদিজ এন্দ জেন্তলমেন!
ইন্দিয়া মোবাইল কংগ্রেশ অসিগী মরুওইবা ইদিসন্দা ঐহাক্না অদোম গেস্তশিংবু খুরুমজরি। হৌজিক ঐখোয়গী স্তার্তঅপশিং মরুওইবা হীরমশিংদা প্রজেন্তেসন কয়া তৌবিখ্রে। ফাইনান্সিএল ফ্রোদ প্রিভেন্সন, ক্বান্তম কম্যুনিকেসন, 6 জি., ওপ্তিকেল কম্যুনিকেসন, সেমিকন্দক্তরশিংনচিংবা অসিগুম্বা মরুওইবা হীরমশিংগী প্রজেন্তেসন অসি উবদা ভারতকী তেক্নোলোজীগী তুংলমচৎ অসি নিংথিনা মতিক চারবা মীশিংগী মখুত্তা লৈরে হায়বগী হকচিন্না থাজৈ। ঐহাক্না থৌরম অসিগীদমক্তা অমসুং অনৌবা ইনিসিএতিবশিংগীদমক্তা অদোম পুম্নমক্কী মফমদা য়াইফ-পাওজেল পীজরি।
মরুপশিং,
আই.এম.সি. গী মসিগী থৌরম অসি শুপ্নতগী মোবাইল নত্রগা তেলকোমখক্তগী নত্রে। শুপ্নতগী চহী খরখক্তদা আই.এম.সি.গী থৌরম অসি এশিয়াগী খ্বাইদগী চাওবা দিজিতেল তেক্নোলোজী ফোরম ওইরে।
মরুপশিং
আই.এম.সি. গী সক্সেস স্তোরী অসি মতৌ করম্না ইখিবগে? মসি কনানা দ্রাইব তৌখিবগে?
মরুপশিং
মসিগী সক্সেস স্তোরী অসি ভারতকী তেক সেভী মাইন্দসেতনা ইখিবনি, মসিবু লীদ তৌখিবা অসিনা ঐখোয়গী নহাশিংনা, ভারতকী তেলেন্ত লৈরবা মসিগী খোংজেল অসি য়ংশিলহনখিবসি ঐখোয়গী ইনোভেতরশিংননি, ঐখোয়গী স্তার্তঅপশিংননি। অদুগা মরম অসিনা মসি ওইথোকপা ঙম্লি, মরমদি ঙসি সরকার অসিনা লৈবাক অসিগী তেলেন্ত অমসুং কেপাসিতী অসি পুন্না পাঙ্গল লৈনা লেপ্লি। তেলকোম তেক্নোলোজী দিভেলপমেন্ত ফন্দ, দিজিতেল কম্যুনিকেসন ইনোভেসন্স স্ক্বার হায়রিবা স্কীমশিং অসিদগী ঐখোয়গী স্তার্তঅপশিংদা ফন্দ পীরি। ঐখোয়গী স্তার্তঅপশিংনা মশাগী প্রদকশিং শেম্নবা 5জি., 6জি., এদভান্স ওপ্তিকেল কম্যুনিকেসন্স অমসুং তেরা-হর্ত্জ, হায়রিবা তেক্নোলোজীশিং অসিদা তেস্ত বেদ্সকীদমক্তা সরকারনা ফাইনানস তৌরি। ঐখোয়না স্তার্তঅপশিং অমসুং লৈবাক অসিগী প্রেমিয়র রিসর্স ইন্সতিত্যুৎশিংগী মরক্তা পার্ত্নরশিপ অসিবু ফেসিলিতেৎ তৌরি। ঙসি সরকারগী মতেংনা ইন্দিয়ন ইন্দস্ত্রী, স্তার্তঅপশিং অমসুং একাদমিয়ানচিংবা হীরম কয়া পুন্না থবক তৌমিন্নরি। ইন্দিজিনস তেক্নোলোজীশিংগী দিভেলপমেন্ত অমসুং স্কেলিং ওইরো, আর. & দি. গী থোংদগী ইন্তলেকচুএল প্রোপর্তী ক্রিএৎ তৌবা ওইরো, গ্লোবেল স্তেন্দর্দশিং দিভেলপমেন্ততা কন্ত্রিব্যুৎ তৌবা ওইরো, ভারতকী দাইমেন্সন খুদিংমক চাউখৎলক্লি। অসিগুম্বা হোৎনবশিং অসিগী মহৈ অসিদি ঙসি ভারতকী ইফেক্তিব ওইবা প্লেৎফোর্ম অমা ওইদুনা হৌগৎলক্লি।
মরুপশিং,
ইন্দিয়া মোবাইল কংগ্রেশ অমসুং তেলকোম সেক্তরদা ভারতনা মায় পাক্না মরোমদোম লেপচবা ঙম্বা ভারতকী ভিজনগী পাঙ্গল অসি তাক্লি। অদোম্না নিংশিংবিয়ু, ঐহাক্না মেক ইন ইন্দিয়াগী মতাংদা হায়বা মতমদা তনাগুম্বা মীওই খরনা করেম কথাইনখি। চিংন-খোৎননা হিংলিবা মীওইশিংনা হায়রম্মী মদুদি ভারত অসি তেক্নোলোজীকেল্লী এদভান্স ওইরবা পোৎশিং মতৌ করম্না শাদোইনো? মরমদি মখোয়গী মতমদা অনৌবা তেক্নোলোজী অসি ভারত্তা য়ৌরকপদা চহী কয়া-কয়া চংনরম্মী। লৈবাক অসিনা মদুগী পাউখুম পীখ্রে। 2 জি. গী মতাংদা স্ত্রগল তৌনরম্বা লৈবাক অদুনা ঙসিদি লৈবাক অসিগী জিলা খুদিংমক্তা 5 জি. য়ৌরকখ্রে। ঐখোয়গী ইলেক্ত্রোনিক্স প্রদক্সন অসি 2014 গা য়েংনবদা শরুক তরুক হেনগৎখ্রে। মোবাইল ফোন মেনুফেকচরিংদা শরুক কুন নিপাল অদুগা এক্সপোর্ততা চামগা কুন তরেৎ হেনগৎখ্রে। হৌখিবা চহী তরাসিদা মোবাইল মেনুফেকচরিং সেক্তরনা চুমদ্রিংনা লাখ কয়া জোব ক্রিএৎ তৌরি। হন্দক্তা অচৌবা স্মার্তফোন কম্পনীগী দেতা থোরকখ্রে। ঙসি ভাতকী কম্পনি 45 অসি অদুগুম্বা অচৌবা কম্পনীগী সপ্লাই চেনগা শম্নরি। মসিনা চাওরাক্না লৈবাক অসিগী মীওই লাখ অহুম মখায়মুক্কী থবক লৈহনখ্রে। অদুগা মসিগীশিং অসিশুপ্নতগী কম্পনীগী ফিগরখক্তা নত্তে। ঙসি লৈবাক অসিদা কম্পনী কয়া অমা অচৌবা স্কেলদা মেনুপেকচরিং তৌরি। মসিদা করিগুম্বা ইন্দাইরেক্ত ওপোরচুনিতীশিং অসি হাপচিল্লবদি থবক্কী মশিং অসি অদুক্কী মতিক য়াম্না লৈরক্কদগে হায়বসি ৱাখলনা শাগৎলগা য়েংবা য়াই।
মরুপশিং,
নুমীৎ খরনিখক্কী মমাংদা ভারতনা অহানবা মেদ ইন ইন্দিয়া 4 জি. স্তেক লোঞ্চ তৌখ্রে। মসি লৈবাক অসিগী খ্বাইদগী চাওবা ইরমদমগী ওইবা এচিবমেন্নি। হৌজিক ভারত অসি মালেমগী মপুং ফারবা লৈবাক 5 গী মনুং চল্লে। মসি দিজিতেল সেল্ফ-রিলায়েন্সকী মায়কৈরোমদা তেক্নোলোজী ইন্দিপেন্দেন্সকী মায়কৈরোমদা অচৌবা খোংথাং অমনি। ইন্দিজিনস 4 জি. অমসুং 5 দি স্তেক্কী থোংদা ঐখোয়না শুপ্নতগী অপনবা লৈতবা কনেক্তিবিতী অসি লৈহনবদা নত্তনা ইরৈচাশিংদা অয়াংবা ইন্তর্নেৎ অমসুং রিলাইএবল সর্ভিসশিংসু ফংহল্লগনি। পান্দম অসিদা মেদ ইন ইন্দিয়া 4 জি. স্তেক অসি লোঞ্চ তৌবা নুমীৎ অদুদা 4 জি. তাৱর লাখ অমসু এক্তিব ওইহনখ্রবনি। মালেম অসিগী লৈবাক খরদা লাখ অমগী তাৱর ৱা হায়নবদা অঙকপা ফাওনৈ, মসিগী ফিগরশিং অসি মীনদি য়াম্না চাওবা মাল্লি। মরম অসিনা পুন্না করোর 2 দগী হেনবা মীশিংনা লৈবাক অসিগী দিজিতেল মুভমেন্ত অসিগী শরুক ওইরি। মসিদা রিমোৎ এরিয়াগী মীওই কয়া অমসু য়াওরিবনি। দিজিতেল কনেক্তিবিতীদা চিত্থহৌবশিং অদু হৌজিক্তি অসিগুম্বা লমশিংদা ইন্তর্নেৎ কনেক্তিবিতী য়ৌরে।
মরুপশিং,
ভারতকী মেদ ইন ইন্দিয়া 4জি. স্তেক্কী থোইদোকপা মতিক-ময়াই অমনি। ঐখোয়গী 4জি. স্তেক এক্সপোর্ত অসি রেদীসু ওইরে। হায়বদি মসি ভারতকী বিজিনেস আওতরিচকী মেদিয়মসু ওইরগনি। মসিদগী 2030 গী ভারত, হায়বদি ‘ভারত 6 জি. ভিজন’ অসি মপুং ফাহনবদা মতেং ওইগনি।
মরুপশিং,
চহী 10 দা ভারতকী তেক্নোলোজী রিভোলুসন অসি য়াম্না য়াংনা চাওখৎলক্লি। অদুগা মসিগী স্পীদ অমসুং স্কেল অসি মেচ্চ তৌনবগীদমক্তা মতম কয়াদগী অকনবা লিগেল অমসুং মোদর্ন পোলিসী ফাউন্দেসন অমগী মথৌ তাবগুম তৌরি। ঐখোয়না মসিগীদমক্তা তেলিকম্যুনিকেসন্স এক্ত শেম্লে। মসিগী ৱায়েল পথাপ অসিনা দি ইন্দিয় তেলিগ্রাফ এক্ত অমসুং দি ইন্দিয়ন ৱায়রলেস এক্ত অনিসি রিপ্লেস তৌরে। মসিগী ৱায়েল পথাপ অসি ঙসি নখোয়-ঐখোয় মফমসিদা লৈরিবা মীশিং অসিনা পোকপফাওবা পোক্ত্রিঙৈদা লৈরম্বনি। অদুগা মরম অসিনা পোলিসী লেভেলদা মথৌ তাবা অসিদি ঐখোয়না 21 শুবা চহীচাগী এপ্রোচকী মওংদা অনৌবা সিস্তেম অমা শেম্বনি, অদুগীদু মদু ঐখোয়না শেম্লে। মসি অনৌবা ৱায়েল-পথাপকী রিগুলেতর নত্তে, মসিদি রিগুলেতর অমগুম্না থবক তৌই। হৌজিক এপ্রুভেলশিং তৌবা লায়রে, রাইত-ওফ-ৱে পর্মিসনশিং থুনা ফংলে। মসিগী মহৈসু উনরি। ফাইবর অমসুং তাৱর নেতৱর্ক অসিসু য়াংনা পাকথোক-চাওথোরক্লি। মসিনা ইজ ওফ দুইং বিজিনেস চাওখৎহল্লি, ইনভেস্তমেন্তপু এনকরেজ তৌরি অমসুং ইন্দস্ত্রীশিংদা লোং তর্ম প্লানিংগী খুদোংচাহল্লি।
মরুপশিং,
ঙসি ঐখোয়না লৈবাক অসিদা সাইবর সেক্যুরিতীদা প্রাইওরিতী অদুক্কী মতিক পীরি। সাইবর ফ্রোদশিংগী মায়োক্তা ৱায়েল-পথাপ অসি কনখৎহনখ্রে, অমসুং একাউন্তেবিলিতীসু হেনগৎহনখ্রে। অমসুং গ্রীভান্স রিদ্রেসেলগী মেকানিজমসু হেন্না ফগৎহনখ্রে। ইন্দস্ত্রী অমসুং কজ্ঞুমরশিং অনিমক্না মসিদগী কান্নবা য়াম্না ফংলি।
মরুপশিং,
ঙসি মালেম পুম্বদা ভারতকী পোতেন্সিএল অসি রিকগনাইজ তৌরে। মালেমগী অনিশুবা খ্বাইদগী চাওবা তেলকোম মার্কেৎ অসি ঐখোয়গীদা লৈরে। অনিশুবা খ্বাইদগী চাওবা 5 জি. মার্কেৎ অদু মপমসিদা লৈরে। অদুগা মার্কেৎকা লোয়ননা ঐখোয়গীদা মেনপাৱরসু লৈরে, মোবিলিতীসু লৈরে অমসুং মাইন্দসেৎসু লৈরে। অদুগা মেনপাৱরগী ৱাফমসি লাকপা মতমদা ভারত অসিদা স্কেল অমসুং স্কীল অনিমক পুন্না উনরি। ঙসি ভারত অসি মালেমগী খ্বাইদগী য়াম্না নহাশিং লৈবা লৈবাক্নি অদুগা মসিগী জেনরেসন অসিনা য়াম্না চাওবা থাক্তা স্কীল্দ ওইহনগদৌরে। ভারত অসি মালেমদা ক্বাইদগী য়াংনা চাওখৎলক্লিবা দিভেলপ্পর পোপুলেসনগী লৈবাক্নি।
মরুপশিং,
ঙসি ভারত্তা ৱান জি.বি. ৱায়রলেস দেতাগী মমল অসি চা কপ অমগী মমলদগী হেন্না তারে, চাগী খুদম পীবা অসি ঐহাক্কী হৈনবিনি। পর য়ুজর দেতা কজ্ঞুম্পসন্দা ঐখোয়না মালেম অসিগা মাংজিল থারিবা লৈবাকশিংগী মনুং চল্লি। মসিগী অর্থদি ভারত অসি দিজিতেল কনেক্তিবিতী অসি হৌজিক্তি প্রিভিলেজ নত্রগা লগজরি নত্রে। মসিদি ভারতকী মীশিংগী পুন্সিগী তৎনবা য়াদ্রবা শরুক অমনি।
মরুপশিং,
ইন্দস্ত্রী অমসুং ইনভেস্তমেন্ত অসি চাউখৎহন্নবা মাইন্দসেৎসু ভারতনা খ্বাইদগী মাংজিল থানা উরি। ভারতকী দেমোক্রেতিক সেতঅপ, সরকারগী ৱেলকমিং এপ্রোচ অমসুং ইজ ওফ দুইং বিজিনেসকী পোলিসিশিং অসিদগী ভারতকী শক্তম অসি ইনভেস্তর ফ্রেন্দলি দেস্তিনেসনগী মওংদা শেম্লে। দিজিতেল পব্লিক ইনফ্রাস্ত্রকচরদা ঐখোয়গী সক্সেস অসি সরকারনা দিজিতেল ফর্স্ত মাইন্দসেতকা মতৌ করম্না শম্নবগে হায়বসিনা খুদম্নি। মরম অসিনা ঐহাক্না মপুং ওইনা থাজবগা লোয়ননা হায়জরি-দিজ ইজ দি বেস্ত তাইম তু ইনভেস্ত, ইনোভেৎ এন্দ মেক ইন্দিয়া! মেনুফেকচরিংনা সেমিকন্দক্তরশিংফাওবা, মোবাইলদগীনা ইলেক্ত্রোনিক্সফাওবা অমসুং স্তার্তঅপশিংফাওবা ফীল্দ খুদিংমক্তা ভারত্তা পোজিবিলিতী য়াম্না লৈরে, ইনর্জী য়াম্না লৈরে।
মরুপশিং,
চয়োল খরখক্কী মমাংদা অগস্ত 15 দা ঐহাক্না রেদফোর্তা লাওথোকখি মদুদি মসিগী চহী অসি অহোংবা কয়াগী, অচৌবা রিফোর্মশিংগীনি। ঐখোয়না রিফোর্মগী খোংজেল অসি য়াংশিলহনখ্রে অমসুং মরম অসিনা ঐখোয়গী ইন্দস্ত্রীগী, ঐখোয়গী ইনোভেতরশিংগী থৌদাং অসিসু হেনগৎলক্লে। অদুগা মসিদা য়াম্না চাওবা থৌদাং অসি ঐখোয়গী স্তার্তঅপশিংগীনি, ঐখোয়গী য়ং ইনোভেতরশিংগীসুনি। ঐখোয়গী স্পীদনা, ঐখোয়গী রিস্ক তেকিং এবিলিতীদগী স্তার্তঅপশিংনা অনৌবা লম্বী, অনৌবা খুদোংচাবা পীরি। অমসুং মরম অসিনা আই.এম.সি. নসু মসিগী চহীসিদা স্তার্তঅপ 500 দগী হেন্না কৌরগা মখোয়বু ইনভেস্তরশিং অমসুং গ্লেভেল মেন্তরশিংগা শম্ননবগী খুদোংচাবা পীবসি উবদা নুংঙাইবা ফাওই।
মরুপশিং,
সেক্তর অসিগী গ্রোথতা ঐখোয়গী ইস্তাব্লিস প্লেয়রশিংগী রোল অসি লেপ্তনা হেনগৎলক্লি। মসিগী প্লেয়রশিং অসি লৈবাক অসিগী ইকোনোমী অসি হেনগৎহন্নবগীদমক্তা স্তেবিলিতী, স্কেল অমসুং দিরেক্সন পীরি। মখোয়দা রিসর্চ অমসুং দিভেলপমেন্তকী কেপেবিলিতীশিং লৈ। অদুগা মরম অসিনা ঐখোয়না স্তার্তঅপকী স্পীদ অমসুং ইস্তাব্লিশ প্লেয়রশিংগী স্কেল অনিমক্তগী পাৱর ফংগনি।
মরুপশিং,
স্তার্তঅপকী নহা, ঐখোয়গী একাদমিয়া. রিসর্চ ইন্সতিত্যুৎ, রিসর্চ কম্যুনিতী অমসুং পোলিসি মেকরশিং পুন্না থবক তৌমিন্নবগী মথৌ তাবা ঐখোয়গী ইন্দস্ত্রীগা শম্নবা হীরম কয়া অমা লৈরি। আই.এম.সি. গুম্বা প্লেৎফোর্মনা অসিগুম্বা ৱারী-ৱাতাই তৌবা হৌদোকপদা শিজিন্নবা য়ারবদি ঐখোয়দা কান্নবা অসি শরুক কয়া হেনগৎহনগনি।
মরুপশিং,
ঐখোয়না গ্লোবেল সপ্লাই চেন্দা কদায়দা অপনবা লৈবগে হায়বসি য়েংগদবনি। গ্লোবেল বোতলনেকশিং লৈবা মোবাইল, তেলিকোম, ইলেক্ত্রোনিক্স অমসুং তেক্নোলোজী ইকোসিস্তেম পুম্নমক্তা ভারত্তা মালেম অসিগী সোলুসন পীনবগী খুদোংচাবা লৈ। খুদম ওইনা সেমিকন্দক্তর মেনুফেকচরিংগী কেপাসিতী অসি হৌজিক অখন্নবা লৈবাক খরখক্তদা লৈনরম্মী হায়বসি ঐখোয়না খংলে, অদুবু হৌজিক্তি মালেম অসি দাইবর্সিফিকেসন পাম্লম্মী। ঙসি ভারতনা মায়কৈ অসিদা মরুওইবা থোংথাং কয়া লৌখৎখ্রে। ভারত্তা সেমিকন্দক্তর য়ুনিৎ 10 দা থবক তৌরি।
মরুপশিং,
ইলেক্ত্রোনিক্স মেনুফেকচরিংদা, স্কেল অমসুং রিলাইএবিলিতী অনিমক্তা থবক পাংথোকপা ঙম্বা গ্লোবেল কম্পনিশিংনা ত্রস্তেদ পার্ত্নরশিং থিরি। মালেম অসি তেলিকোম নেৎৱর্ক ইক্বীপমেন্ত দিজাইন তৌবদা অমসুং মেনুফেকচরিংগীসু থাজনিংঙাই ওইবা পার্ত্নরশিং পাম্মী। ভারতকী কম্পনীশিং রিলাইএবল গ্লোবেল সপ্লায়রশিং অমসুং দিজাইন পার্ত্নরশিং ওইবা ঙম্লোইদব্রা?
মরুপশিং,
মোবাইল মেনুফেকচরিংদা চিপসেৎশিং অমসুং বেতরীশিংগী ওইনা দিসপ্লেসিং অমসুং সেন্সরশিং ফাওবা থবকশিং অসি লৈবাক অসিগী মনুংদা হেন্না লৈহনবগী মথৌ তাই। মালেম অসি হান্নদগী হৌনা দেতা জেনেরেৎ য়াম্না তৌরি। মরম অসিনা স্তোরেজ, সেক্যুরিতী অমসুং সোভরেন্তীগুম্বা ৱাহংশিং অসি য়াম্না মরু ওইগনি। দেতা সেন্তরশিং অমসুং ক্লাউদ ইনফ্রাস্ত্রকচরদা থবক তৌবনা ভারত অসি অচৌবা গ্লোবেল দেতা হব ওইবা য়াই।
মরুপশিং,
ঐহাক্না খনজৈ মদুদি লাক্কদৌরিবা সেন্সসতা ঐখোয়না মসিগী এপ্রোচ অসি তার্গেৎ অসিদা চংশিনগনি। অমুক্কা হন্না আই.এম.সি. গী থৌরম মপুং অসিগীদমক্তা অদোম পুম্নমক্কী মফমদা য়াইফ-পাওজেল পীজরি। অদোম পুম্নমকপু হন্না-হন্না থাগৎচর।
