Dedicates five AIIMS at Rajkot, Bathinda, Raebareli, Kalyani and Mangalagiri
Lays foundation stone and dedicates to nation more than 200 Health Care Infrastructure Projects worth more than Rs 11,500 crore across 23 States /UTs
Inaugurates National Institute of Naturopathy named ‘Nisarg Gram’ in Pune
Inaugurates and dedicates to nation 21 projects of the Employees’ State Insurance Corporation worth around Rs 2280 crores
Lays foundation stone for various renewable energy projects
Lays foundation stone for New Mundra-Panipat pipeline project worth over Rs 9000 crores
“We are taking the government out of Delhi and trend of holding important national events outside Delhi is on the rise”
“New India is finishing tasks at rapid pace”
“I can see that generations have changed but affection for Modi is beyond any age limit”
“With Darshan of the submerged Dwarka, my resolve for Vikas and Virasat has gained new strength; divine faith has been added to my goal of a Viksit Bharat”
“In 7 decades 7 AIIMS were approved, some of them never completed. In last 10 days, inauguration or foundation stone laying of 7 AIIMS have taken place”
“When Modi guarantees to make India the world’s third largest economic superpower, the goal is health for all and prosperity for all”

ভারত ইমানা য়াইফরে!

ভারত ইমানা য়াইফরে!

গুজরাতকী মমিং চৎলবা মুখ্য মন্ত্রী, শ্রী ভুপেন্দ্রভাই পতেল, ঐহাক্কী মরুপ অমসুং কেন্দ্র মন্ত্রী, শ্রী মনশুখ মন্দাবিয়া, গুজরাতকী ভাজপাগী প্রসিদেন্ত, অমসুং ঐহাক্কী পার্লিয়ামেন্তকী মরুপ, শ্রী সি. আর. পাতিল অমদি অতোপ্পা মীথুংলেন কয়াগা লোয়ননা ঐহাক্কী রাজকোতকী নুংশিজরবা ইচিল ইনাওশিংনা ঙসিদি ফম্বাক অসিদা লেংশিনবীরি। নমস্কার!

লৈবাক পুম্বগী রাজ্যশিংগী মীওই কয়া অমনা ঙসিগী থৌরমদা শরুক য়াবীরি। ইকায়খুম্ননীংঙাই ওইরবা মুখ্য মন্ত্রী, রাজ্যপাল, এম.এল.এ., এম.পি. অমসুং কেন্দ্র মন্ত্রী কয়ানা ঐখোয়গা ভিদিও কনফরেন্সিংগী খুত্থাংদা পুল্লি, অমসুং ঐহাক্না মখোয় খুদিংগী মফমদা থাগৎচবা ফোংদোকচরি।

 

লৈবাক্কী ওইবা মরু ওইবা থৌরমশিং অসি দিল্লী খক্তদা পাংথোকপা মতম অমা লৈরম্মি। অদুবু, ঐহাক্না ভারত সরকারগী থবকশিংবু দিসেন্ত্রেলাইজ তৌদুনা ঙসি রাজকোত্তা পাংথোক্লিবা থৌরম অসি য়াওনা লৈবাক্কী তোঙান-তোঙানবা মফমশিংদা পাংথোকপগী চৎনবী হৌদোকখি। তোঙান-তোঙানবা শহর কয়াগী চাউখৎ থৌরাংগী প্রোজেক্তশিংবু শঙ্গাবা অমসুং উরেপ উয়ুং তম্বগী থৌরম কয়াবু মতম অমত্তদা পাংথোকপগী অনৌবা চৎনবী অমা ঙসিগী থৌরম্না মশক তাক্লি। ঐহাক্না নুমিৎ খরনিগী মমাংদা জম্মু অমসুং কশ্মিরদা চৎখি, IIT ভিল্লাই, IIT তিরুপতি, IIIT DM কুরনুল, IIM বোধ গায়া, IIM বিশাখাপত্নম অমসুং IIS কানপুরগুম্বা মহৈ মশিং তম্বগী কেম্পস কয়া জম্মুদগী মতম অমত্তদা শঙ্গাখি, অদুগা, হৌজিক্না এমস রাজকোত, এমস রাই বরেলী, এমস মঙ্গলগিরী, এমস বতিন্দা, এমস কলয়ানিবু রাজকোত্তগী অমুক্তা শঙ্গারি। থৌওং অসিনা ঐখোয়না ভারতকী চাউখৎ থৌরাংগীদমক্তা খোঙজেল য়াঙনা থবক পায়খৎপগী খোঙফম চেৎপগী মতৌ উৎলি।

মরুপশিং,

ঐহাক্না ঙসি রাজকোত্তা লাকপসিদা মমাংগী থৌদোক কয়া অমা নীংশিংলক্লি। ঙরাংগী নুমিৎ অসিদা ঐহাক্কী পুন্সিগী মশক থোকপা থৌদোক অমা থোকখি। রাজকোত শহর অসিনা চহি 22গী মমাংদা, ফেব্রুৱারী 24দা ঐহাকপু থৌজানবীদুনা মখোয়গী এম.এল.এ. ওইনা অহানবা ওইনা খনবীখিদুনা ঐহাক্কী রাজনীতিগী পুন্সিগী মরু ওইরবা মিৎকুপ পীবিখিবনি। ঐহাক্না ফেব্রুৱারী 25তা গান্ধীনগর এসেমব্লীদা রাজকোতকী এম.এল.এ. অমা ওইনা খ্বাইদগী ইহান হান্না ৱাশক লৌখি। মসিগুম্বা মীনুংশি অমসুং থৌজালগীদমক্তা ঐহাক্না রাজকোতকী মীয়ামদা শিংবা ঙম্লরোইদবা লমন অমা তোনশিল্লবনি। চহি 22গী মতুংসিদা ঐহাক্না অদোমগী থাজবশিংবু ইকায় খুম্নবা ঙম্লে হায়না ঐহাক্না চাউথোক্কনা হায়জবা ঙম্লে।

ঙসি, লৈবাক অপুনবনা মখোয়গী মীনুংশি অমসুং থৌজাল পীনবিরি, অমসুং রাজকোত্না মসিগুম্বা শকখঙবা অসি ফংবগী মতিক চাবা হক লৈ। ঙসিগী থৌরমসিদা, NDA সরকারনা মখোয়গী অহুমশুবা তর্মগীদমক্তা লৈবা পুম্বনা শৌগৎলিবা, ‘অব কি বার 400 পার’ হায়বসিদা মমাংদা লৈরমদবা মওংদা থাজবা থম্লিবা অসিগা লোয়ননা, ঐহাক্না রাজকোতকী মীপুম খুদিংগী মফমদা তৌবীমল খঙবা উৎচদুনা থাগৎচরি। চারোন শারোন কয়ানা হোংবা নাইরবসু, মোদীদা থম্বা থাজবদি কৈদৌনুংদা হোংলোই হায়বসি ময়েক লারে। মসিগুম্না শৌগৎপীরিবা অসিদা ঐহাক্না শেল তোনবনি খল্লি, অদুগা মসিবু ঐহাক্না চাউখৎ থৌরাংগী থবকশিংনা শিংগনি।

 

মরুপশিং,

ঐহাক্না মফমসিদা য়ৌরকপদা খরা থেংখিবগীদমক্তা ইকায় খুম্ননীংঙাই ওইরবা মুখ্য মন্ত্রী অমসুং অতোপ্পা মীথুংলেন কয়াগী মফমদা ঙাকপীনবা হায়জরি। ঐহাক্না দ্বার্কাদা চত্তুনা ভগ্বান দ্বার্কাধিসকী থৌজাল লৌদুনা দ্বার্কাবু বেত দ্বার্কাগা শম্নহহনবা সুদর্শন থোং শঙ্গাবদা মতম খরা চঙখিবদগী মফমসিদা য়ৌরকপদা খরা থেংখিবনি। মসিগী খোঙচৎ অসিনা দ্বার্কাগী সেবা তৌবদা তেংবাংবখক নত্তনা চাউরবা স্পিরিচুএল এক্সপেরিএন্স অমসু ফংজরে। ভগ্বান কৃষ্ণ মশামক্না হৌদোক্লম্বা দ্বার্কা অসি ঙসিদি সমুদ্রগী ইরোলনুংদা লুপখ্রে। ঈশিংদা লৈরিবা লিরবা শহর অসিগী লেমহৌরিবা কয়া উজবা, মদুবু ইকায় খুম্নদুনা ভগ্বান কৃষ্ণগী মফমদা ঙৈহাক্তং খুরুমজবগী খুদোংচাবা ঐহাক্না ফংজখি। ঐহাক্কী মতম কুইনা মঙলক্লবা মসিগী মঙলান অসি ঙসিদি মঙফাওনরে। অরিবা স্ক্রিপচর অমসুং আর্কিওলোজীনা ফংবা পোৎলম কয়াদগী দ্বার্কাগী মতাংদা খঙজবদা ঐহাক্না অঙকপা অমসুং নুংঙাইবা ফাওই। সমুদ্রদা লুপ্তুনা, মখোয়শিংবু ইমিৎমক্না উবা, ইখুৎমক্না শোকপা ফংবনা ঐহাক্কী পুন্সিগী কাওবা ঙম্লরোইদবা মীৎকুপ অমা ওইখি। ঐহাক্না লাইশোন শোনবখক নত্তনা ৱাহোং মতুসু মফমসিদা কৎচখি। ঐহাক্না ঈশিংদা লুপ্লিঙৈদা ভারতকী নীংথিরবা হেরিতেজ অমসুং চাউখৎ থৌরাংগী মশক নাইরবা খোঙচৎপু নীংশিংজখি। ঐহাক্না সমুদ্রদগী কাখৎলকপদা ভগ্বান কৃষ্ণগী থৌজাল লোয়নরকপদা লোয়ননা দ্বার্কাদগী চাউরবা ইথিল অমসু ফংলকখি। ঙসিদি, হেরিতেজ অসিবু ঙাক শেনবা অমসুং চাউখৎহন্নবা লৈরিবা ঐহাক্কী খোঙফম হান্নদগী হেন্না চেৎশিল্লে, চাউখৎপা ভারত অমা ফংনবা অনৌবা থাজবা অমসু ফংজরে।

মরুপশিং,

ঙসিদি অদোম অমসুং লৈবাক পুম্বনা লুপা করোর লিশিং 48 হেনবগী প্রোজেক্ত উরে। মুন্দ্র-পনিপত পাইপ্লাইন প্রোজেক্তকী উরেপ উয়ুং তমখ্রে, মসিনা পাইপ্লাইনগী খুত্থাংদা গুজরাত্তগী হরিয়ানাদা ক্রুদ ওইল পুহল্লগনি। ঙসি, রাজকোত য়াওনা সাউরাস্ত্রগী অপুনবা লমদমদা শোরোক, থোং, রেলৱে লাইন দব্লিং তৌবা, ইলেক্ত্রিসিতী, হেল্থকেয়র অমসুং এজুকেসনগী খুদোংচাবা কয়া ফংহল্লে। রাজকোতকী ইন্তর্নেস্নেল এয়রপোর্ত শঙ্গাখিবগা লোয়ননা হৌজিক এমস লৈরগনি। রাজকোত, সাউরাস্ত্রা অমসুং গুজরাত অমসুং ঙসিদগী হৌনা এমসকী খুদোংচাবা ফংবা হৌরিবা মফমগী মীয়াম খুদিংবু থাগৎলি।

মরুপশিং,

ঙসিদি রাজকোত অমসুং গুজরাতখক নত্তনা লৈবাক পুম্বগী পুৱারী ওইবা নুমিৎনি। মালেমগী খ্বাইদগী মঙাশুবা চাউবা শেন্মিৎলোনগী হেল্থ সেক্তর অসি করি মতৌ ওইগদগে হায়বা ঐখোয়না ঙসি উরে, চাউখৎপা ভারতকী হেল্থকেয়র ফেসিলিতীগী অনৌবা বেঞ্চমার্ক অমা শেম্লে। নিংতম্বা ফংলবা মতুং চহি 50দা লৈবাক অসিদা শুপ্নগী এমস অমখক দিল্লীদা লৈরম্মি, অয়াবা কয়া পীরবসু অতোপ্পা এমস অমত্তা লোইশিন্দনা লৈরম্মি। অদুবু ঐখোয়না মমাংগী নুমিৎ তরাখকসিদা ঐখোয়না উরেপ উয়ুং তম্বগা লোয়ননা এমস তরেৎ শঙ্গাখ্রে। অদুনা ঐখোয়না লৈবাক অসিবু মমাংগী দিকেদ 6-7তগী হেন্না হৌজিক চাউখৎহল্লি অমসুং লৈবাক্কীদমক্তা চাউখৎ থৌরাং অসি লেপ্তনা পাংথোক্কনি হায়না কয়ারক হন্না হায়রিবনি। ঙসিদি, রাজ্য 23 অমসুং য়ুনিয়ন তেরিতোরীশিংদা হেল্থকেয়র ইনফ্রাস্ত্রকচর প্রোজেক্ত 200 হেনবগী উরেপ উয়ুং তমখ্রে, শঙ্গাখ্রে। মসিদা মেদিকেল কোলেজ অমসুং মরু ওইবা অচৌবা হোস্পিতালশিংগী সেতিলাইত সেন্তর কয়া য়াওরি অমসুং মখোয়না অরুবা লাইনা কয়া লাইয়েংলি।

 

মরুপশিং,

লৈবাক্না মোদীগী গেরেন্তীদা থাজবা থম্লিবা অসি ঐখোয়না ৱাশক কয়া ঙকখিবদগীনি। এমস ফেসিলিতী শঙ্গারিবা অসিসু মসিগী খুদম্নি। ঐহাক্না চহি অহুমগী মমাংদা রাজকোত্তা অহানবা এমস লৈহনগনি হায়না ৱাশকখি, উরেপ উয়ুং তমখি। ঙসিদি ৱাশক অদু ঐহাক্না ঙাক্লে। মান্নবা মতৌ ওইনা, ভতিন্দা এমস্কী উরেপ উয়ুং তমদুনা পঞ্জাবতসু এমস ফেসিলিতী লৈহনগনি ৱাশকখিবা অদুসু ঙসি শঙ্গাদুনা ঙাক্লে। অদোমগী মনাই ওইরিবা ঐহাক্না ৱাশক পুম্নমক ঙাক্লি। চহি মঙাগী মমাংদা শকখিবা ৱাশক ঙাকপা ওইনা য়ু.পি.গী রাই বরেলীদা এমস লৈহল্লে। কংগ্রেস্তি রাজনীতি তৌবনি, মোদীনা থবক তৌবনি। নোংচুপ বেঙ্গলগী কলয়ানী এমস অমসুং আন্ধ্র প্রদেশকী মঙ্গলগিরী এমস শঙ্গারে। নুমিৎ খরনিগী মমাংদা, ফেব্রুৱারী 16দা, রেৱারী এমস্কী উরেপ উয়ুং তমখি। মসিসু অতোপ্পা ৱাশক অমা ঙাক্লিবনি। মসিদা নত্তনা, এমসকা ফেসিলিতী মান্নবা মতমগা চুনবা হোস্পিতাল অমসুং মেদিকেল কোলেজ কয়া অমসু লৈবাক অসিদা হাংদোক্লে। মসিগুম্বা থৌওংশিং অসিনা অতোপ্পনা ঙমদবা থবক মোদীগী গেরেন্তীনা ঙম্মি হায়বগী ম্যেক লারবা খুদম অমা ওইরি।

মরুপশিং,

ভারতনা কোরোনাবু মতৌ করম্বা মায়থীবা পীখিবগে হায়না মালেম্না ৱারী শানরি। মসিদি ভারতকী হেল্থকেয়র পথাপ্পু হৌখিবা দিকেদতা শেমদোকখিবগী মহৈনি। মতমসিগী মনুংদা ঐখোয়না এমস, মেদিকেল কোলেজ অমসুং ক্রিতিকেল কেয়র ইনফ্রাস্ত্রকচর পাক চাউনা চাউথোকখি। থোইদোক্না লুদাব লাইনা লাইয়েংবা ঙম্নবা ঐখোয়না অয়ুশমান আরোগ্যা মন্দির লাক্ষ 1.5 হেন্না হাংদোকখি, মসিসু দিকেদ অমগী মমাংগা চাংদম্নবদা চাউরবা মায় পাকপা অমা ওইরিবনি। মেদিকেল কোলেজ খক্তা নত্তনা মেদিকেল সীত কয়াসু ঐখোয়না হেনগৎহনখি। ঐখোয়না ঙসি মশিং থীঙমদ্রবা মেদিকেল কোলেজ, হোস্পিতাল, রিসর্চ সেন্তর (TB লাইয়েংনবা), PGIগী সেতিলাইত সেন্তরম ক্রিতিকেল কেয়র ব্লোক অমসুং অতোপ্পা প্রোজেক্ত কয়া শঙ্গারে, উরেপ উয়ুং তম্লে। মসিদা নত্তনা, রাজ্য কয়াগী মফমদা ESIC হোস্পিতাল কয়া খুৎশিন্নরে।

মরুপশিং,

ঐখোয়গী সরকারনা লাইনা ঙাকথোকপা অমসুং লাইনা মাইয়োক্নবা ঙম্বগী মতিক হেনগৎহনবদা অহেনবা মিৎয়েং চঙলি। ঐখোয়না ন্যুত্রিসন, য়োগ-আয়ুশ অমসুং লু-নান্না লৈবদা মিৎয়েং চঙদুনা লাইনা লৈতনবা হোৎনরি, মসিদা ভারতকী নাৎকী হিদাক লাংথক অমসুং মোদর্ন মেদিসিন অনিমক খুমাং চাউশিনহল্লি। ঙসিদি, য়োগ অমসুং নেচ্যুরোপেথীগী মশক নাইরবা হোস্পিতাল অমসুং রিসর্চ সেন্তর অনিবু মহারাস্ত্রা অমসুং হরিয়ানাদা শঙ্গাখ্রে। মখা তারকপদা, WHO গ্লোবেল সেন্তর, ত্রেদিস্নেল মেদিসিন অসিসু গুজরাত্তা লৈরবনি।

 

মরুপশিং,

ঐখোয়গী সরকারনা অতোপ্পা স্কিম অমা হৌদোক্লে। মসিনা ইমুং কয়াদা লাক্কদৌরিবা চহিশিংদা শেল তুংশিলহনবা ঙমগনি। ঐখোয়না ইলেক্ত্রিসিতী বিল জিরো ওইহন্নবা অমসুং সোলরদগী মৈ পুথোকহন্দুনা চাগা চাংবগী খোঙথাং পায়খৎলি। ইলেক্ত্রিসিতী লেম্না পীবগী স্কিম ওইরিবা, পি.এম. সুর্য়া ঘর স্কিম চলায়দুনা লৈবাক্কী মীয়াম্না য়ুনিৎ 300 ফাওবগী ফ্রী ইলেক্ত্রিসিতী ফংহনবা, অদুগা অহেনবা মৈ পুথোক্লিবা অদুবুনা লৈশিনবগী থৌরাং পায়খৎলি।

মরুপশিং,

ইমুং খুদিংবু সোলর ইনর্জী পুথোকপা ঙমহন্নবা মপাঙ্গল হাপ্লিবা অসিগী মথক্তা, ঐখোয়না সোলর অমসুং নুংশিৎকী ইনর্জী প্লান্ত অচৌবা কয়া অমসু শেমগৎলি। ঐখোয়না কৎচতা ঙসি অচৌবা সোলর প্রোজেক্ত অনি অমসুং ৱিন্দ ইনর্জী প্রোজেক্ত অমগী উরেপ উয়ুং তমখ্রে, মসিনা গুজরাতনা রিন্যুএবল ইনর্জী পুথোকপগী থৌওংদা অহেনবা পাঙ্গল হাপকনি।

মরুপশিং,

ওন্তোপ্রিনর, শিন্মী অমসুং আর্তিসানশিংগী শহর, ঐখোয়গী রাজকোতনা মরমদোম লেপচবা ঙম্বা ভারত অমা শেম্বদা মরু ওইবা থৌদাং লৌরি। মিৎয়েং চঙলমদবা কয়াবুসু হৌজিক মিৎয়েং চঙলে, মসি মোদীগী মতমদা অহানবা ওইনা পাংথোক্লিবনি। লৈবাক্কী পুৱারীদা খ্বাইদগী অহানবা ওইনা ঐখোয়গী বিশ্বকর্মা মরুপশিংগী স্কিম অমা শেম্লে। হৌজিক ফাওবদা, মীওই লাক্ষ কয়ানা স্কিম অসিদা মিং চনখ্রে। ঐখোয়না স্কিম অসিগীদমক্তা হৌজিক ফাওবদা লুপা করোর লাক্ষ 13 কাইথখ্রে। গুজরাত খক্তগী ওইনা, মীওই লিশিং 20 হেনবনা স্কিম অসিগী মখাদা ত্রেনিং তৌরি, অমসুং বিশ্বকর্মা বেনেফিশরী অমমনা লুপা 15,000 ফাওবগী শেলগী তেংবাং ফংলি।

মরুপশিং,

রাজকোতকী শনা শাবা মীওইশিংগী খুন্নাইনা অচৌবা থৌদাং য়াই হায়বসু অদোম খঙলমগনি। শিনফম অসি পায়জরিবা মীওইশিংনা বিশ্বকর্মা স্কিমগী কান্নবসু ফংলিবনি।

মরুপশিং, ঐখোয়গী স্ত্রীত ভেন্দরশিংগীদমক্তা পি.এম. স্বনিধী স্কিম হৌদোকখ্রে। হৌজিক ফাওবদা, লুপা করোর লিশিং তরাগী শেলগী তেংবাং স্কিম অসিগী মখাদা পীখ্রবনি। গুজরাতকী ওইনসু, মফমসিগী স্ত্রীত ভেন্দরশিংনা লুপা করোর 800কী তেংবাং ফংনখ্রে। ভাজপানা স্ত্রীত ভেন্দরশিংবু কয়া য়াম্না লুনা লৌবগে হায়বসি থৌওংসিদগী অদোম্না খঙগনি। রাজকোতখক্তগী ওইনা, স্কিম অসিগী মখাদা লোন লিশিং 30 হেন্না পীখ্রবনি।

 

মরুপশিং,

মীওইশিং অসিবু মপাঙ্গল হাপ্পনা মোদীগী চাউখৎপা ভারতকী মিসনগী মপাঙ্গল হাপ্লিবনি। মোদীনা ভারতপু মালেমগী খ্বাইদগী অহুমশুবা মপাঙ্গল লৈবা শেন্মিৎলোন ওইহনগনি ৱাশকখিবদা, মহাক্কী পান্দম্না মীপুম খুদিংগী হকশেল ফবা অমসুং নুংঙাই য়াইফবা হায়বসিনা ওইরিবনি। ঙসি শঙ্গারিবা প্রোজেক্তশিং অসিনা ঐখোয়গী পান্দম্বু হেন্না নকশিনহনগনি। ঙসিদি, ঐহাক্কী চহি কয়া থেংনরুদ্রবা অরিবা মরুপ কয়া অমা উন্নজরে। ঐহাক্না রাজকোতকী ভাজপাগী মরুপশিংবু থম্মোই শেংনা থাগৎচরি। মসিগুম্বা মশক নাইবা থৌরমশিংগা লোয়ননা চাউখৎ থৌরাংবু খুমাং চাউশিলহনসি, অমসুং চাউখৎপা ভারতকী মঙলান ফংমিন্নসি। পুম্নমকপু থাগৎচরি। ঐহাক্কা পুন্না অমুক্তা লাওমিন্নসি – ভারত ইমানা য়াইফরে, ভারত ইমানা য়াইফরে।

থাগৎচরি।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
How India has achieved success in national programmes

Media Coverage

How India has achieved success in national programmes
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 19 এপ্ৰিল, 2024
April 19, 2024

Vikas bhi, Virasat Bhi under the leadership of PM Modi