বিহারগী রাজ্যপাল শ্রী রাজেন্দ্র অর্লেকরজী, মুখ্য মন্ত্রী শ্রী নীতীশ কুমারজী, মন্ত্রী মন্দলগী ঐগী মরুপশিং গিরিরাজ সিংহজী, হরদীপ সিংহ পুরীশিং, উপমুখ্য মন্ত্রী বিজয় সিনহাজী, সম্রাত চৌধরীজী, স্তেজ অসিদা লেংশিল্লিবা অতৈ দিগনিতরীশিং অমসুং বেগুসরায়গী ঐগী ইচিল-ইনাওশিং।
জয়মঙ্গল গর মন্দির অমসুং নৌলখা মন্দিরদা লৈরিবা ঈশ্বরশিংদা ঐহাক্না খুরুমজরি। ঐহাক্না চাউখৎপা ভারত অমগীদমক চাউখৎপা বিহার ওইহন্নবা ফিরেপকা লোয়ননা বেগুসরায়দা ঙসি লাক্লি। মশিং য়াম্না নখোয় ময়ামবু উবা ফংজবা অসি ঐগী লাইবক ফবনি।
মরুপশিং,
বেগুসরায়গী লমদম অসি তেলেন্ত লৈবা নহারোলগী লমদমনি। লমদম অসিনা মতম চুপ্পদা লৈবাক্কী লৌমী অমসুং শিন্মী অনিমক মপাঙ্গল কনখৎহন্দুনা লাকখি। ঙসি লমদম অসিগী অরিবা মতিক ময়াই অমুক হল্লক্লি। ঙসি বিহার য়াওনা লৈবাক পুম্বগীদমক মফম অসিদ লুপা করোর লাখ অমগা লিশিং হুমফুগী প্রোজেক্তশিং উরেপ-উয়ুং তম্মি অমসুং লুপা করোর লাখ 1.5 হেনবগী শঙ্গারি। মমাংদা অসিগুম্বা থৌরমশিং অসি দিল্লীগী বিজ্ঞান ভবনদা পাঙথোক্নরমখি অদুবু ঙসি মোদীনা দিল্লীবু বেগুসরায়দা পুদুনা লাক্লি। অমসুং স্কিমশিং অসিদা লুপা করোর লিশিং 30 রোমগী প্রোজেক্তশিংনা বিহার খক্তগী ওইরি। সরকারনা থৌরম অমা খক্তদা অচৌবা ইনভেস্তেন্ত তৌবা অসিনা ভারতকী পোতেন্সিএল কয়া য়াম্না হেনগৎলক্লবগে উৎলি। মসিনা মফম অসিদা বিহারগী নহারোলগীদমক অনৌবা খুদোংচাবশিং ফংহল্লগনি। ঙসিগী প্রোজেক্তশিং অসিনা ভারতপু মালেমগী অহুমশুবা খ্বাইদগী চাউবা ইকনোমিক সুপরপাৱর ওইনবগী লম্বী অমা ওইরগনি। ঙাইবীয়ু ইচিল-ইনাওশিং, নখোয়গী মীনুংশিং য়াম্না ফংলে, ঐহাক্না লৌশিনজরি, ঙাইবীয়ু, অদোম ফম্বীয়ু, চৌক্রিদগী খুমথববীরকউ, ঐহাক্না হায়জরি ফমথবীয়ু…। চৌক্রিদা নুংঙাইনা ফম্বীয়ু, অদোম ৱাগনি। ঙসিগী প্রোজেক্তশিং অসিনা বিহার চাউখৎহন্নবগী লম্বী য়াৎলগনি। ঙসি বিহারনা অনৌবা ত্রেন সর্ভিসশিং ফংলি। অসুম্না থবক তৌবনি, মসিনা মরম ওইরগা লৈবাক অসিনা ঙসি চাউনা থাজবগা লোয়ননা হায়রি, অঙাং খুদিংমক্না হায়রি, খুঙ্গংনসু হায়রি, সহরনসু হায়রি – হন্দক্তি… 400 হেনগনি! হন্দক্তি… 400 হেনগনি! হন্দক্তি… 400 হেনগনি! NDA সরকারনা… 400 হেনগনি!
মরুপশিং,
2014দা নখোয়না NDAদা শেবা তৌনবগী খুদোংচাবা পীখিবা মতমদা ঐহাক্না নোংপোক থংবা ভারত চাউখৎহনবা অসি ঐখোয়গী মরু ওইবা লমনি হায়খি। পুৱারীনা শাখি ওইরি মদুদি বিহার অমসুং নোংপোক থংবা ভারতনা চাউখৎপা মতমদা ভারতনা শক্তি লৈরকখি। বিহারদা ফীভম শোকচিল্লকপা মতমদা লৈবাক্তসু মসিনা চাউনা শাফু পী। মরম অসিনা ঐহাক্না বেগুসরাইদগী বিহারগী অপুনবা মীয়ামদা হায়জরি মদুদি – করিগুম্বা বিহারনা চাউখৎলবা মতমদা লৈবাক আসিনা চাউখৎকনি। বিহারগী ঐগী ইচিল-ইনাওশিং নখোয়না ঐবু য়াম্না মুন্না খঙই অমসুং নখোয়গী নরক্তা ঐহাক্না লাকপা মতমদা ঐহাক্না অমুক হন্না হায়জনীংবদি – মসি ৱাশক নত্তে – মসি ফিরেপ অমনি, মসি মিসন অমনি। বিহার অমসুং লৈবাক অসিনা ঙসি ফংলিবা প্রোজেক্তশিং অসি মাইকৈ অসিদা চংশিল্লিবা অচৌবা খোঙথাং অমনি। মখোয় অসি অয়াম্বনা পেত্রোলিয়ম, ফর্তিলাইজর, রেলৱেজকা মরী লৈনৈ। ইনর্জী, ফর্তিলাইজর অমসুং কন্নেক্তিবিতী অসি চাউখৎ থৌরাংদা য়াম্না মরু ওই। লৌউ-শিংউ নত্ত্রগা ইন্দস্ত্রী ওইরবসু পুম্নমক অসি মখোয়গী মখা পোল্লি। অমসুং মসিদা থবক খোঙজেল য়াংনা তৌরবা মতমদা থবক্কী খুদোংচাবশিং হেনগৎলকপা অমসুং থবক ফংবা হেনগৎলকপা অসি মহৌশানি। নখোয়না নীংশিংলিব্রা, ঐহাক্না নখোয়দা বরৌনীদা ফর্তিলাইজর প্লান্ত থোং লোখিবা মতমদা মসি অমুক হন্না হাংদোক্নবা গরেন্তী পীখি। নখোয়গী থৌজালশিংগা লোয়ননা মোদীনা গরেন্তী অদু থুংহনবা ঙমলে। মসি বিহার য়াওনা লৈবাক পুম্বগী লৌমীশিংগীদমক তৌবা অচৌবা থবক অমনি। অরিবা সরকারনা মীৎয়েং চংলমদবনামরম ওইরগা বরৌনী, সিনদরী, গোরাখপুর, রামাগুন্দমদা লৈরিবা ফেক্তরীশিং অসি থোং লোন্দুনা লৈখি, মেছীনশিং কোলিং চাদুনা তাদুনা লৈখি। ঙসি ফেক্তরীশিং অসিনা য়ুরিয়াদা ভারতনা আত্মনির্ভর ওইবগী চাউথোকচফম ওইরি। মরম অসিনা লৈবাক অসিনা হায়রি – মোদীগী গরেন্তীনি গরেন্তী থুংহনবনি। মোদীগী গরেন্তীদি গরেন্তী থুংহনবনি!
মরুপশিং,
ঙসি বরৌনী রিফাইনরীগী কেপাসিতী পাকথোক চাউথোকহন্নবা থবকসু হৌরি। মসি শারিঙৈদা শিন্মী লিশিং কয়ানা থবক কয়া থবক লেপ্পা লৈতনা ফংখি। রিফাইনরী অসিনা বিহারদা ইন্দস্ত্রিএল দিবেলপমেন্ত পুরকপদা অনৌবা ইনোৎ হাপ্লগনি অমসুং মসিনা ভারতপু আত্মনির্ভর ওইহনবদা মতেং পাংলগনি। হৌখিবা চহি 10দা বিহারনা লুপা করোর লিশিং 65 হেনবগী পেত্রোলিয়ম অমসুং নেচরেল গ্যাসকা মরী লৈণবা প্রোজেক্তশিং ফংখি হায়জবদা নুংঙাইবা পোকই। মসিদা অয়াম্বদি লোইশিনখ্রে। গ্যাস পাইপলাইনশিংগী নেৎৱার্কনা বিহারগী কাচিন কোয়াদা য়ৌরি মসিনা ইচে-ইচলশিংদা অহোংবা মমলদা গ্যাস ফংহনবদা মতেং পাংলি। মসিনা মফম অসিদা ইন্দস্ত্রী লিংখৎপদা লায়হল্লি।
মরুপশিং,
ঙসি ঐখোয়না মফম অসিদা ভারতনা আত্মনির্ভর ওইবগা মরী লৈনবা পুৱারীগী মীকুপ অমগী শাখি ওইরি। কর্নাতক্কী কেজি বেসিনগী থাওগী খোঙদগী থাও পুথোকপা হৌখ্রে। মসিনা মীরৈবাক্তগী ক্রুদ ওইল ইম্পোর্ত তৌবদা মীপাল তাংলম্বা অদু হন্থহল্লগনি।
মরুপশিং,
লৈবাক্কী য়াইফনবা অমসুং মীয়ামগী য়াইফনবা থবক তৌবা শক্তি লৈবা সরকারনা অসিগুম্বা ৱারেপশিং অসি লৌই। বিহারনা ইমুং মনুংগী য়াইফনবা অমসুং ভোৎ বেঙ্কশিংগীদমক্তা খক্তা খনবা সরকারনা তৌরম্বা অদুনা মরম ওইরগা চাউনা অৱাবা মায়োক্নদুনা লাকখি। 2005গী মমাংদা ওইরম্বা ফীভম অদু ওইরম্লবদি ঐখোয়না বিহারদা লুপা করোর লিশিং কয়ারোমগী অসিগুম্বা প্রোজেক্তশিং অসি লাউথোক্ত্রিঙৈ মমাংদা চামরক খনবা তারমগনি। ঐঙোনদগী নখোয়না হেন্না খঙলি লম্বী, মৈ, ঈশিং অমসুং রেলৱেজকী ফীভম করম তৌরম্বগে। 2014গী মমাং চহি 10দা রেলৱেজকী মমিংদা রেলৱেগী রিসোর্স কয়া লুত তৌখি হায়বা বিহার পুম্বনা খঙলি। অদুবু ঙসি য়েংবীয়ু ইন্দিয়ন রেলৱেজ অসি মোদর্নাইজেসন তৌবগী মতাংদা মালেম শিনবা থুংবদা ঙাংনরি। ইন্দিয়ন রেলৱেজ অসি খোঙজে য়াংনা ইলেক্ত্রিফাইদ তৌরি। এয়রপোর্তকী খুদোংচাবশিং রেলৱে স্তেসনশিংদা ফংহল্লি।
মরুপশিং,
বিহারনা দিকেদ কয়া নেপোতিজমগী অমাংবা উবা ফংখ্রে অমসুং নেপোতিজমগী চৈথেং নংখ্রে। ফেমিলিজম অমসুং সোসিএল জস্তিস অসি অমগা অমগা দাইমেত্রিক ওইনা য়েৎনৈ। নেপোতিজম অসি তেলেন্তকী মরু ওইনা নহারোলগী খ্বাইদগী চাউবা য়েক্নবনি। মসি বিহারনি, মসি ভারত রত্ন করপুরি থাকুরজীগী অচৌনা লেগেসী লৈবা মফমনি। নীতীশজীগী লুচিং মখাদা NDA সরকারনা মফম অসিদা মদুগী লেগেসী অদু মাংদা পুখৎলি। নাকল অমরোমদা RJD-কোংগ্রেসকী য়াম্না দাইনাস্তিক ওইবা ফত্তবা লৈরি। RJD-কোংগ্রেসকী মীয়াম্না মখোয়গী নেপোতিজম অমসুং করপ্সন অদু চুম্না হায়নবা দলিতশিং, শোত্থরবা মীওইশিং অমসুং খুদোংচাবা ফংদ্রবা মীওইশিংবু মখোয়গী চুঙ্গোই ওইহল্লি। মসি সোসিএল জস্তিস নত্তে মসি খুন্নাইবু মীরাইবনি। মসি সোসিএল জস্তিস ফংহনদবনি। ইমুং অমা খক্তা শক্তি পীবগী মরম করিনো? অমসুং খুন্নাইগী লেমহৌরিবা ইমুংশিংবুনা শোত্থনা থম্বা?
মরুপশিং,
সেচুরেসন ফংলবা মতমদা তশেংবা সোসিএল জস্তিস ফংহনবা ঙম্মি। তশেংবা সোসিএল জস্তিস অসি এপীজমেন্তগী মহুৎ সেতিসফেক্সন ফংলবা মতমদা পুরকপা ঙম্মি। মোদীনা অসিগুম্বা মখলগী সোসিএল জস্তিস অমসুং সেক্যুলরিজমদা থাজবা থম্মি। বেনিফিসরী খুদিংমক্তা লেম্না রাসন ফংহল্লবা মতমদা, লায়রবা বেনিফিসরী খুদিংমক্না মশাগী য়ুম ফংলবা মতমদা, ইচে-ইচলশিংশিং গ্যাস , তোতি ঈশিং, য়ুমদা তোইলেৎ ফংলবা মতমদা, লায়রবশিংগী খ্বাইদগী লায়রবনা অফবা অমসুং লেম্না লায়েং ফংলবা মতমদা, লৌমী বেনিফিসরীগী বেঙ্ক একাউন্তদা সম্মান নিধি চংলবা মতমদা সেচুরেসন খুদিংমক ফংগনি। মসি তশেংবা সোসিএল জস্তিসনি। মোদীগী গরেন্তী য়ৌখিবা ইমুংশিংগী মনুংদা ঐগী ইমুংনা খ্বাইদগী শোত্থৈ।
মরুপশিং,
ঐখোয়গীদমক সোসিএল জস্তিস অসি নুপীদা শক্তি পীবনি। হৌখিবা চহি 10 অসিদা ইচে-ইচল করোর 1না ঐহাকপু থৌজাল পীনবা মশিং য়াম্না থোকখিবগী মফম লৈ। ঐখোয়না ইচে-ইচল করোর অমবু লাখপতি দিদি ওইহনখি। বিহারদগীসু ইচে-ইচল লাখ কয়া য়াওরি। অমসুং হৌজিক মোদীগী গরেন্তী অসি লাখপতি দিদি করোর অহুম লৈহবনি। হন্দক্তা ঐখোয়না ইলেক্ত্রিসিতী বিল জিরোদা হন্থহন্নবা অমসুং ইলেক্ত্রিসিতীদগী শেল তানবা থৌরাং অমসু হৌদোকখি। পি.এম. সুর্য় – মুফ বিজলী য়োজনা। বিহারগী ইমুং কয়ানা মসিগী কান্নবা ফংলগনি। বিহারগী NDA সরকারনা নহারোল, লৌমীশিং, শিন্মীশিং, বিহারগী নুপীশিংগীদমক লেপ্পা লৈতনা থবক তৌরি। বিহারনা দবল ইঞ্জিনগী দবল খোঙথাংগা লোয়ননা মখা তানা চাউখৎখিগনি। ঙসি ঐখোয়না অচৌবা চাউখৎ-থৌরাংগীদমক নুংঙাইবা ফোঙদোক্লি অমসুং নখোয়না মশিং য়াম্না থোরক্তুনা চাউখৎপগী লম্বেল মপাঙ্গল কনখৎহল্লি, মসিগীদমক ঐহাক্না নুংঙাইবা ফোঙদোকচরি। অমুক হন্না ঐহাক্না লুপা করোর লিশিং কয়াগী চাউখৎ-থৌরাংগী প্রোজেক্তশিং অসিগীদমক নুংঙাইবা ফোঙদোকচরি। মশিং য়াম্না থোকপীরক্লিবা ইমা-ইবেল অমসুং ইচে-ইচলশিংবু অখন্ননা খুরুমজরি, ঐহাক্কা লোয়ননা হায়বীয়ু-
ভারত মাতাগী জয়!
খুৎ অনি থাংগৎতুনা হৌনা হায়বীয়ু-
ভারত মাতাগী জয়!
ভারত মাতাগী জয়!
ভারত মাতাগী জয়!
হন্না-হন্না থাগৎচরি!
