"ভারতনা লৈবাক অসিদা ওলিম্পিক্স পাঙথোক্তুনা য়ুম্বু ওইবগী অপাম্বা লৈ। 2036তা ওলিম্পিক্স মাইপাক্না পাঙথোক্নবগীদমক শেম শাবদা হোৎনবা য়াবা হোৎনগনি। মসি ভারত মচা করোর 140গী মঙলান্নি"
“ভারতনা 2029দা পাঙথোক্কদৌরিবা য়ুথ ওলিম্পিক্সকীসু য়ুম্বু ওইনীংলি”
“ভারত মচাশিং অসি শান্ন-খোৎনবা পামজবা খক্তা নত্তনা ঐখোয়না মসিগা শাগোন্নদুনা হিংলি”
“ভারতকী স্পোর্তিং লেগেসী অসি মালেম পুম্বগীনি”
“স্পোর্তস্তা মাইথীবা হায়বা অমা লৈতে, অথোইবা অমসুং লর্নর খক্তা লৈগনি”
“ভারত্তা ঐখোয়না স্পোর্তসকী ওইনা ইনক্লুসিবিতী অমসুং দাইভর্সিতীদা মীৎয়েং চংলি”
“IOC একজিক্যুতিব বোর্দনা ওলিম্পিক্সতা ক্রিকেৎ য়াওহন্নবা রিকম্মেন্দ তৌখ্রে অমসুং অথুবদা নুংঙাইবা পাউ তারগনি হায়না ঐখোয়না আশা তৌরি”

আই.ও.সি.গী প্রেসিদেন্ত মিস্তর থোমস বাখ, আই.ও.সি.গী ইকায়খুম্নরবা লুপ্লোয়শিং, ইন্তরনেস্নেল স্পোর্তস ফেদরেসন পুম্নমক, ভারতকী নেস্নেল ফেদরেসনকী মীহুৎ পুম্নমক, ইবেম্মা অমদি ইবুংঙোশিং!

ভারত মচা করোর ১৪০গী মায়কৈদগী ময়াম পুম্নমকপু মরুওইখ্রবা থৌরম অসি হৌদোকপগী থৌরমসিদা তরাম্না ওকচরি, ইকোক নোঞ্জরি‍। ইন্তরনেস্নেল ওলিম্পিক এসোসিএসনগী ১৪১শুবা ভারত্তা পাঙথোক্লিবা অসি য়াম্না মরুওইবা ৱাফম্নি‍। চহি ৪০গী মতুংদা ভারত্তা আই.ও.সি.গী সেসন পাঙথোকপা, ঐখোয়গীদমক্তা চাউথোকচনিংঙাইগী ৱাফম্নি‍।

মরুপশিং,

মিনত খরগী মমাঙদা ভারতনা অহমদবাদতা মালেমগী খ্বায়দগী চাউবা স্তেদিয়মদা চাউনা মায় পাকখি‍। ঐনা তীম ভারতপু, ভারত মচা পুম্নমকপু পুৱারী ওইরবা মায় পাকপা অসিগীদমক নুংঙাইবা ফোঙদোকচরি‍।

মরূপশিং,

শান্ন-খোৎনবনা ভারত্তা ঐখোয়গী নাৎকী, ঐখোয়গী পুন্সি মহিংগী, মরুওইবা শরুক অমা ওইরি‍। অদোম্না ভারতকী খুঙ্গংদা চৎপা মতমদা শান্ন-খোৎনবা য়াওদনা ঐখোয়গী কুম্হৈ হরাও পুম্নমক মপুং ফাদবা থেংনগনি‍। ঐখোয় ভারত মচাশিং শান্ন-খোৎনববু পামজবখক নত্তনা, শান্ন-খোৎনবনা পুন্সিগী মচৎ ওইনা হিংলিবনি‍। হায়রিবা অসি চহি লিশিং কয়াগী ঐখোয়গী পুৱারীদা মমি তারি‍। ইন্দস ভেলী সিভিলাইজেসন ওইরবসু, চহি লিশিং কয়াগী মমাঙগী বৈদিক মতমগীবু ওইরবসু, নৎত্রগা মতুং তারকপা মতমগীবু ওইরবসু, মতম খুদিংদা শান্ন-খোৎনবগী লমদা ভারতকী খোঙফম চেৎনা লৈরি‍। ঐখোয়গীসিদা চহি লিশিং কয়াগী মমাঙদা ইবিরম্বা গ্রন্থশিংদা থৌওং মখল ৬৪ শান্নরম্বগী ৱাফম পল্লি‍। হায়রিবশিং অসিগী মনুংদা কয়া অমদি শান্ন-খোৎনবগা মরী লৈনৈ, খুদম ওইনা শগোল তোংবা, তেন কাপ্পা, ঈরোয়বা, মুক্না অসিনচিংবা মহৈ মশিং কয়া তম্বদা অহেনবা মীৎয়েঙ চঙনরম্মী‍। আর্চরী হায়বদি তেন কাপ্পা তম্নবগীদমক তেন কাপ্পগী মপুং ফাবা পুয়া অমা ইদুনা থম্বিরম্মী‍। হায়রিবা ৱারোলশিং অসিদা মফম অমা কন্দুনা থম্বিরম্মী –

 

ধনুস চকরঞ্চ কুন্তঞ্চ খদগঞ্চ ক্ষুরিকা গদা‍।

সপ্তমম বাহু য়ুধ্দম, স্যা-দেবম, য়ুধ্দানী সপ্তঘা‍।

হায়বদি – তেন কাপ্পগী মহৈগা মরী লৈনবা মহৈ মশিং মখল ৭ হৈজিনগদবনি‍। মসিদা, লিরুং-তেন, চক্র, তা লংবা হায়বদি ঙসিগী জেব্লিন, থাং হাইবা, দ্রেগর, গদা অমদি মুক্না য়াওরি‍।

মরূপশিং,

শান্ন-খোৎনবগী ঐখোয়গী চহি লিশিং কয়াগী পুৱারীগী য়াম্লবা সাইন্তিফিক ওইবা খুদম চাংদমসু লৈরি‍। হৌজিক ঐখোয়না লৈরিবা মুম্বাইদা, মফমসিদগী চাউরাক্না কিলোমিতর ৯০০ রোম লাপ্পা কচ্ছতা য়ুনেস্কোগী ৱর্ল্দ হেরিতেজ সাইত – ধহলাবীরা লৈ‍। ঘোলাবীরা, চহি লিশিং ৫গী মমাঙদা য়াম্না চাউবা অমদি মমিং লৈবা হিথাংফম ময়োল্লম অমা ওইরম্মি‍। হায়রিবা অরিবা ময়োল্লম অসিদা অর্বান প্লানিংগী লোয়ননা শান্ন-খোৎনবগী ইনফ্রাস্ত্রকচরগী অচৌবা মোদেল লৈরম্মি‍। তৌথোক্তুনা য়েংবদা মফমসিদা স্তেদিয়ম ২ থেংনখি‍। মদুগী মনুংদা অমদি মালেমগী খ্বায়দগী লিরবা অমদি মতমদুগী মালেমগী খ্বায়দগী চাউবা স্তেদিয়ম ওইরম্মি‍। চহি লিশিং ৫ লিরবা ভারতকী স্তেদিয়ম অসিদা অমুক্তদা মীওই লিশিং ১০ ফম্নবগী কেপাসিতী লৈরম্মি‍। ভারতকী অতোপ্পা অরিবা মফম রাখীগরীদসু শান্ন-খোৎনবগা মরী লৈনবা স্ত্রকচর থেংনখি‍। ভারতকী পারী পুরীগী লন মালেম পুম্বগী লন্নি‍।

 

মরূপশিং,

শান্ন-খোৎনবদা পোবা হায়বা অমা লৈতে, শান্ন-খোৎনবদা লৈরিবসি শুপ্নতগী অথোইবা অমদি তমশিনবখক্তনি‍। শান্ন-খোৎনবা হায়বসি মালেমগী লোলনি, মালেমগী ওইবা ৱাখল্লোন্নি‍। শান্ন-খোৎনবা অথোই অহেন তান্নবখক্কী ৱাফম নত্তে‍। শান্ন-খোৎনবনা মীওইবা খুন্নাইবু মাঙদা চঙশিন্নবগী তাঞ্জা পী‍। রেকোর্দ কনাগুম্বা অমনা থুগাইরবসু, মালেম পুম্বনা মদুবু তরাম্না ওক্লি‍। শান্ন-খোৎনবনা ঐখোয়গী বসুদৈব কুতুম্বকম হায়বদি মালেম অমা, ইমুং অমা, তুংলমচৎ অমগী ৱাখল্লোনবু মপাঙ্গল হাপ্লি‍। মরম অসিনা ঐখোয়গী লৈঙাক্না থাক খুদিংদা শান্ন-খোৎনববু য়োকখৎনবা থৌরাং পুম্নমক লৌখত্তুনা থবক পায়খৎলি‍। খেলো ইন্দিয়া য়ুনিভর্সিতী গেম্স, খেলো ইন্দিয়া য়ুথ গেম্স, খেলো ইন্দিয়া ৱিন্তর গেম্স, মেম্বর ওফ পার্লিয়ামেন্ত স্পোর্তস কম্পিতিসন, অমদি অথুবা মতমদা হৌগদৌরবা খেলো ইন্দিয়া পেরা গেম্স মসিগী খুদমশিংনি‍। ঐখোয়না ভারত্তা শান্ন-খোৎনবা চাওখৎহন্নবগীদমক ইনক্লুজিবিতী অমদি দাইভর্সিতীদা লেপ্পা লৈতনা মীৎয়েঙ থম্লি‍।

মরূপশিং,

শান্ন-খোৎনবগী মতাঙদা ভারতনা থম্লিবা মীৎয়েঙ অসিনা মরম ওইরগা ঙসি মালেমগী মশান্নশিংদা মওং তাবা শান্নবগী মওং মতৌশিং উৎলি‍। মমাঙগী ওলিম্পিক্সতা ভারতকী শান্নরোয়শিংনা মশক নাইবা মতৌ উৎখি‍। হন্দক্তা লোইশিনখিবা এসিয়ন গেম্সতা ভারতনা পুৱারী ওইরগদবা পর্ফোর্মেন্স পীখি‍। মদুগী মমাঙদা ৱর্ল্দ য়ুনিভর্সিতী গেম্সতা ঐখোয়গী নহা ওইরিবা শান্নরোয়শিংনা অনৌবা রেকোর্দ অমা শেমখি‍। মসি ভারতকী হোংলক্লিবা অমদি খোঙজেল য়াঙনা চাওখৎলক্লিবা শান্ন-খোৎনবগী লেন্দস্কেপকী খুদম্নি‍।

 

মরূপশিং,

হৌখিবা চহিশিংদা ভারতনা মখল খুদিংগী মালেমগী শান্ন-খোৎনবগী তুর্নামেন্তশিং শিন-লাংনবদা মাগী মতিং উৎখ্রে‍। ঐখোয়না হন্দক্তসু চেস ওলিম্পিয়াদ পাঙথোকখি, মদুদা মালেমগী লৈবাক ১৮৬না শরুক য়াখি‍। ঐখোয়না ফুতবোল অন্দর-১৭, ৱুমেন্স ৱর্ল্দ কপ, মেন্স হোকী ৱর্ল্দ কপ, ৱুমেন্স ৱর্ল্দ বোক্সিং চেম্পিয়নসিপ, অমদি সুতিং ৱর্ল্দ কপশু পাঙথোকখি‍। ভারতনা চহি খুদিংগী মালেমগী খ্বায়দগী চাউবা ক্রিকেৎ লীগশিংগী মনুংদা অমা শিন লাংদুনা পাঙথোক্লি‍। হৌজিক ভারত্তা ক্রিকেৎ ৱর্ল্দ কপ পাঙথোক্লি‍। থৌনা হাপ্পগী ফীভম অসিদা, ময়াম পুম্নমক্না তাবদা নুংঙাইগদবা ৱাফম অমদি আই.ও.সি.গী একজেক্যুতিব বোর্দনা ক্রিকেৎপু ওলিম্পিক্সতা য়াওহন্নবা ৱাফমশিং থম্লক্লি‍। মসিগী মতাঙদা অথুবা মতমদা নুংঙাইবা পাউ তাবা ফংগনি হায়না ঐখোয়না থাজৈ‍।

মরূপশিং,

মালেমগী থৌরমশিং পাঙথোকপা হায়বসি ঐখোয়গীদমক্তা মালেম পুম্বগী লৈবাকশিংবু তরাম্না ওকচবগী তাঞ্জানি‍। খোঙজেল য়াঙনা চেনখৎলক্লিবা শেন্মিৎলোন অমদি ঐখোয়গী নীংথিনা শেমগৎ-শাগৎলবা ইনফ্রাস্ত্রকচর লৈদুনা মালেমগী থাক্কী থৌরমশিংগীদমক ভারত শেম শাদুনা লৈরে‍। মসি মালেম অসিনা ভারতকী জি-২০ প্রেসিদেন্সীগী মতমদসু উবা ফংখ্রে‍। লৈবাক শিনবা থুংনা ময়োল্লম ৬০ হেনবদা ঐখোয়না থৌরমশিং পাঙথোকখি‍। মসি লোজিস্তিক্সতগী হৌরগা ঐখোয়গী শিন-লাংবগী মতিংগী খুদম্নি‍। মরম অসিনা ময়াম পুম্নমক্কী মমাঙদা ভারত মচা করোর ১৪০গী ৱাখল্লোন থমজনিংই‍। ভারতনা মাগী লৈমায়দা ওলিম্পিক্স পাঙথোকপা তশেংনা পাম্মি‍।

 

ইং ২০৩৬তা ভারতনা মায় পাক্না ওলিম্পিক্স পাঙথোক্নবগীদমক ভারতনা শেম শাবদা অৱাৎপা অমত্তা লৈহল্লোই‍। মসি ভারত মচা করোর ১৪০গী চহি কয়াদগী মঙজরকপা মঙলান্নি, মখোয়গী অপাম্বনি‍। হায়রিবা মঙলান অসি হৌজিক ঐখোয়না ময়ামগী মতেঙগা লোয়ননা মঙফাওনহনবা পাম্মি‍। অদুগা ২০৩৬ ওলিম্পিক্সকী মাঙওইননা, ভারতনা ইং ২০২৯দা পাঙথোক্কদবা য়ুথ ওলিম্পিক্সসু শিন-লাংবা পাম্মি‍। ভারতনা আই.ও.সি.গী হনবা নাইদবা মতেঙ ফংগনি হায়না ঐনা থাজৈ‍।

মরূপশিং,

শান্ন-খোৎনবা হায়বসি, শুপ্নতগী মেদল ফংনবখক্কী নত্তে, থম্মোয় কয়াবু খুদুম চন্নবগী পাম্বৈনি‍। শান্ন-খোৎনবা হায়বসি পুম্নমক্কীনি, ময়াম পুন্না শরুক য়ামিন্নগদবনি‍। শান্ন-খোৎনবনা চেম্পিয়নশিংবু শেম্বখক নত্তনা, ইং-তপ্পা, খুমাঙ চাওশিনবা, অমদি মশা মউ ফববুসু য়োকখৎলি‍। মরম অসিনা শান্ন-খোৎনবা হায়বসি মালেমগী মরী নকশিন্নহন্নবগী পাম্বৈ অমসুনি‍। ঐ ওলিম্পিক্সকী মোতোবু অমুক্কা হন্না ময়ামগী মাঙদা থমজগে – ফাস্তর, হাইয়র, স্ত্রোঙ্গর, তুগেদর‍। আই.ও.সি.গী ১৪১শুবা সেসন্দা লেঙবিরক্লিবা মীথুংশিংবু, থৌরম মপু ওইবিরিবা থোমস বাখপু অমদি মীথুং পুম্নমকপু অমুক্কা হন্না থাগৎচরি‍। মথঙগী পুংজা খরদা অদোম্না মরুওইবা ৱারেপ কয়া লৌবিগদৌরি‍। ঐনা হৌজিক সেসন অসি হৌদোক্লে হায়না লাউথোকচরি !

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
India eliminates extreme poverty

Media Coverage

India eliminates extreme poverty
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 3 মার্চ , 2024
March 03, 2024

A celebration of Modi hai toh Mumkin hai – A journey towards Viksit Bharat