ঐহাক্কী নুংশিজরবা মরূপশিং!
মহাত্মা গান্ধীগী লমদম গান্ধীনগরদা মাইগ্রেতরী স্পেসিসতা ১৩শুবা কনফরেন্স ওফ পার্তীজ কনভেন্সন্দা ময়াম পুম্নমকপু তরাম্না ওকচরবদা ঐহাক নুংঙাইজৈ।
ভারত অসি মালেমগী খ্বাইদগী দাইবর্স ওইবা লৈবাকশিংগী মনুংদা অমনি। মালেমগী লৈকংগী লমদমগী শরুক চাদা ২.৪গা লোয়ননা ভারতনা খঙনরবা গ্লোবেল দাইবর্সিতীগী চাদা ৮ কন্ত্রিব্যুত তৌরি। ভারত অসি দাইবর্স ইকোলোজিকেল হেবিতেতশিং অমসুং বাইওদাইবর্সিতী হোত স্পোৎ মরিনসু থৌজানবীরি। মখোয়শিং অদুদি – দি ইস্তর্ন হিমালায়াস, ৱেস্তর্ন ঘাৎস, ইন্দো ম্যানমার লেন্দস্কেপ অমসুং অন্দমান অমসুং নিকোবার ইথৎশিংনি। মসিগী মথক্তা ভারত অসি মালেমগী মফম কয়াদগী লাকপা মাইগ্রেতরী উচেকশিংগী স্পেসিস ৫০০মুক্কী য়ুমসুনি।
মরূপশিং,
চহী কয়াদগী ৱাইল্দলাইফ অমসুং হেবিতেতশিং ঙাক্তুনা থম্বা অসি ভারতকী কলচরেল ইথোসকী শরুক ওইরক্লি, মদুনা নুংশিবিবা অমসুং কো-এক্সিসতেন্স পুক্নিং থৌগৎলি। ঐখোয়গী বেদশিংদা শা-শনশিং ঙাক শেন্নবা হায়রি। নিংথৌরেল অশোকনা উমংশিংবু মাংহনবদগী কন্নবা অমসুং শাশিং হাৎতনবা অকনবা ৱাফম থম্বিরম্মি। গান্ধীজীদা ইন্সপায়র ওইরদুনা অহিংসা অমদি শাশিং অমসুং নেচরবু ঙাক শেনবা অসি ভারতকী সংবিধানদা অৱাংবা থাক্তা লৈরি অমদি লো অমসুং লেজিস্লেসন কয়াদা মমি তারি।
চহী কয়া চংনা হোৎনরকপশিং অদুগী পুক্নিং থৌগৎনীংঙাই ওইরবা মহৈশিং ফংলে। প্রোতেক্তেদ এরিয়াগী মশিং ২০১৪দা ৭৪৫ ওইরম্বদগী ২০১৯দা ৮৭০দা হেঙ্গৎপগা লোয়ননা চাউরাক্না স্ক্ব্যার কিলোমীতর লাখ অমা লিশিং হুম্ফুতরা গী এরিয়া কোন্সিল্লে।
ভারতকী ফোরেস্ত কোভর চাং নাইনা হেঙ্গৎলক্লি। হৌজিক লৈরিবা এসেসমেন্তনসু তাক্লি মদুদি অপুনবা উমংনা কোন্সিল্লিবা অসি লৈবাক্কী অপুনবা জিওগ্রাফিকেল এরিয়াগী চাদা ২১.৬৭নি।
ভারতনা কঞ্জারবেসন, সস্তেনেবল লাইফস্তাইল অমসুং গ্রীন দিবেলপমেন্ত মোদেলগী থোংদা ক্লাইমেত এক্সনগী সমস্যা থেংননবা মায়কৈদা মাংজিল থানা থবক তৌরি। ঐখোয়গী অনৌবা খোংথাংশিংগী রেঞ্জতা রিন্যুয়েবল ইনর্জীদা মেগাৱাত ৪৫০গী পান্দম য়াওরি, ইলেক্ত্রিক ভেহিকলশিং, স্মার্ত সিতীশিং অমসুং ঈশিং য়োক্তুনা থম্বগী মায়কৈদা ইনোৎ পীরি।
ইন্তরনেস্নেল সোলর এলাইন্স, দিজাস্তর রেসিলিয়েন্ত ইনফ্রাস্ত্রকচরগীদমক পুন্সিনবা, অমসুং স্বিদেনগা লোয়ননা ইন্দস্ত্রীজ ত্রাঞ্জিসন লিদরশিপনা লৈবাকশিংগী পাক চাউরবা পরিংদগী শরুক য়াবদা পুক্নিং থৌগৎপা উবা ফংলি। তেম্পরেচর হেঙ্গৎলকপবু সেলসিয়স দিগ্রী ২ হন্থহন্নবা পেরিস এগ্রীমেন্তকী পান্দম অদুদা থবক তৌরিবা অদুগুম্লবা লৈবাক খরগী মনুংদা ভারত অমনি।
মরূপশিং,
ভারতনা স্পেসিস কঞ্জার্বেসন প্রোজেক্তশিং/প্রোগ্রামশিংদা মিৎয়েং থম্বা হৌরে। মসিনা অচৌবা মহৈশিং উৎলে। তাইগর রিজার্বকী মশিং হৌরকপদা ৯ ওইরম্বা অদু হৌজিক ৫০দা হেঙ্গৎলে। হৌজিক ভারতকী কৈগী মশিং অসি ২৯৭০ ওইরে। ভারতনা লেপ্নখিবা তারিক ২০২২গী চহী অনিগী মমাংদা কৈগী মশিং শরুক অনি ওইহনবগী পান্দম অদু ফংবা ঙম্লে।
মালেমগী এসিয়াগী শামুগী মশিংগী চাদা ৬০দি ভারত্তা লৈরি। ঐখোয়গী রাজ্যশিংনা শামুগী রিজার্ব ৩০ মশক খঙদোক্লে। ভারতনা এসিয়াগী শামুশিংগী কঞ্জার্বেসনগীদমক অনৌবা খোংথাং কয়া অমসু লৌখৎলে অমসুং স্তেন্দর্দ সেৎ তৌরে।
ঐখোয়না অপ্পর হিমালায়াদা স্নো লিওপার্দ অমসুং মসিগী হেবিতেত ঙাক্তুনা থম্নবা প্রোজেক্ত স্নো লিওপার্দ হৌদোক্লে। ভারতনা হন্দক্তা লৈবাক ১২গী গ্লোবেল স্নো লিওপার্দ ইকোসিস্তেম প্রোগ্রাম (জি.এস.এল.ই.পি.)গী স্তীরিং কম্মিতী হোস্ত তৌখি।
মরূপশিং,
গুজরাতকী গির লমদম অসি এসিয়াগী নোংশাগী অমত্তা ঙাইরবা ময়ুম্নি অমসুং লৈবাক অসিগী প্রাইদনি। ঐখোয়না এসিয়াগী নোংশা ঙাক্তুনা থম্নবগীদমক ২০১৯গী জনুৱারীদগী এসিয়াতিক লাইয়ন কঞ্জার্বেসন প্রোজেক্ত পায়খৎলি। ঐহাক্না ফোংদোকপদা নুংঙাইবা ফাওই মদুদি এসিয়াগী নোংশাগী মশিং অসি ৫২৩ য়ৌরে।
ভারত্তা মচি অমা পানবা শামুগন্দা অসি রাজ্য অহুম অসম, উত্তর প্রদেশ অমসুং ৱেস্ত বেঙ্গোলদা ফংই। ভারত সরকারনা চহী ২০১৯দা ভারতকী মচি অমা পানবা শামুগন্দাশিংগীদমক নেস্নেল কঞ্জার্বেসন স্ত্রেতেজী হৌদোকখ্রে।
মুৎশিল্লক্লবা উচেক গ্রেৎ ইন্দিয়ান বস্তার্দকী কঞ্জার্বেসনগীদমকসু হোৎনবা য়াবা হোৎনরি। কেপতিব ব্রিদিং প্রোগ্রামগী শরুক অমা ওইনা উচেক অসিগী মরুম ৯ মায় পাক্না মচা ওলহনখ্রে। মসি ইন্তর্নেস্নেল ফন্দ ফোর হৌবারা কঞ্জার্বেসন, অবু ধাবিগী তেক্নিকেলগী মতেংগা লোয়ননা ভারতকী সাইন্তিস্তশিং অমসুং ফোরেস্ত দিপার্তমেন্তনা ফংবা ঙমখি।
ঐখোয়না মতৌ অসুম্না গ্রেত ইন্দিয়ান বস্তার্দপু ইকায় খুম্নবা উৎতুনা ‘জি.আই.বি.আই.-দি গ্রেত’কী মেস্কোৎ শেমখি।
মরূপশিং,
গান্ধীনগরদা ১৩শুবা কনফরেন্স ওফ পার্তীজ তু দি কনভেন্সন ওন মাইগ্রেতরী স্পেসিস হোস্ত তৌনবা ভারতপু ইকায় খুম্নবা পীনবিরি।
অদোম্না উবা ফংবিরম্লগনি সি.এম.এস. সি.ও.পি. ১৩ লোগো অসি খা ভারত্তগী ত্রেদিস্নেল ‘কোলম’দগী ইন্সপায়র ওইরি, মদুনা নেচরগা লোয়ননা মত তিন্ননা লৈমিন্নবগা মরুওইনা মরী লৈনরি।
মরূপশিং,
“অতিথি দেবো ভবা”গী মন্ত্র অসি সি.এম.এস. সি.ও.পি. ১৩গী থিম “মাইগ্রেতরী স্পেসিস কনেক্ত দি প্লানেৎ এন্দ তুগেদর ৱি ৱেলকম দেম হোম”দা মমি তারি। মসিগী স্পেসিসশিং অসিনা পাসপোর্ত নত্রগা ভিজা অমত্তা য়াওদনা লৈবাকশিংগী মরক্তা চত্থোক চৎশিন তৌরি। অদুবু মখোয় অসি শান্তি অমসুং চাউখৎপগী মেসেঞ্জরশিংনি অমদি মখোয়বু ঙাক্তুনা থম্বা অসি ঐখোয়গী ইথৌদাংনি।
মরূপশিং,
লাক্কদৌরিবা চহী অহুমগীদমক ভারতনা কনভেন্সন অসিগী প্রসিদেন্সী পায়রগনি। মসিগী প্রসিদেন্সী মনুংদা ভারতনা মখাগী লমশিং অসিদা খোংজেল য়াংনা থবক তৌগনি:
ভারত অসি মাইগ্রেতরী উচেকশিংগীদমক সেন্ত্রেল এসিয়ান ফ্লাইৱেগী শরুক অমনি। সেন্ত্রেল এসিয়ান ফ্লাইৱেগা লোয়ননা উচেকশিং অমসুং মখোয়গী হেবিতেতশিং কঞ্জার্ব তৌনবা মিৎয়েং অমগা লোয়ননা ভারতনা সেন্ত্রেল এসিয়ান ফ্লাইৱেগা মাইগ্রেতরী উচেকশিং কঞ্জার্ব তৌনবগীদমক নেস্নেল এক্সন প্লান অমা শেম শারে।
মরূপশিং,
ভারতকী সমুদ্র খোংবাল অসি কিলোমীতর ৭৫০০ শাংই অমসুং মশিং থিঙমদ্রবা স্পেসিসশিংগা লোইননা ভারতকী শমুদ্র ঈশিং অসি বাইওদাইবরসিতীদা ইনাক খুল্লি। ভারতনা আসিয়ান লৈবাকশিং অমসুং ইস্ত এসিয়া সমিত লৈবাকশিংগা লোয়ননা মসিগী তেংবাং পীনবা হেঙ্গৎহনিংবগী অপাম্বা থম্লি। মসি ইন্দো পেসিফিক ওসিন ইনিসিয়েতিব (আই.পি.ও.আই.)গা লোয়ননা চত্থগনি মদুদা ভারতনা লিদরশিপকী থৌদাং লৌগনি। ভারতনা ২০২০ ফাওবদা ভারতনা মসিগী মেরিন তর্তল পোলিসী অমসুং মেরিন স্তেন্দিং মেনেজমেন্ত পোলিসী হৌদোক্লগনি। মসিনা মাইক্রো প্লাস্তিকশিংনা থোকহল্লিবা পোলুসনসু থেংনবা ঙমহল্লগনি।
মরূপশিং,
ভারত্তা প্রোতেক্তেদ এরিয়া কয়া য়ুমলোন্নবা লৈবাকশিংগী প্রোতেক্তেদ এরিয়াগা লোয়ননা ঙমখৈ শেয়র তৌরি। ‘ত্রান্স বাউন্দরী প্রোতেক্তেদ এরিয়া’ শেমগৎপগী থোংদা ৱাইল্দলাইফকী কঞ্জার্বেসন্দা তেংবাং পীনবা কানবা মওংদা হেঙ্গৎলগনি।
মরূপশিং,
ঐহাক্কী সরকারনা সস্তেনেবল দিবেলপমেন্তকী লম্বীদা অচেৎপা থাজবা থম্লি। অকোয়বগী ফিভমদা মাংহনবা তৌদনা দিবেলপমেন্ত পুরক্নবা ঐখোয়না থাজবা পীরি। ঐখোয়না ইকোলোজিকেল কায়গনবা লমদমশিংদা দিবেলপমেন্ত পুরক্নবা লিনিয়র ইনফ্রাস্ত্রকচর পোলিসী গাইদলাইন রিলিজ তৌরে।
তুংগী মীরোলশিংগীদমক নেচরেল রিসোর্সশিং প্রিজার্ব তৌবগী থবক্তা প্রজাশিংনা মরুওইবা স্তেক-হোল্দর ওইরি। ঐহাক্কী করকারনা “সবকা সাথ, সবকা বিকাস, সবকা বিশ্বস”কী স্লোগানগা লোয়ননা মাংলোমদা চংশিল্লি। লৈবাক অসিদা উমং লমদমগী মনাক নকপদা লৈরিবা মীওই লাখ কয়াবু জোইন্ত ফোরেস্ত্রী মেনেজমেন্ত কম্মিতী অমসুং ইকো দিবেলপমেন্ত কম্মিতীগী মওংদা পুন্সিল্লে।
মরূপশিং,
কনফরেন্স অসিনা স্পেসিস অমসুং হেবিতেত কঞ্জার্বেসনগী লমদা এক্সপরিয়েন্স শেয়র তৌবা অমসুং কেপাসিতী বিলদিংগীদমক খ্বাইদগী ফবা প্লেৎফোর্ম অমা পীগনি হায়বা ঐহা থাজৈ। ভারতকী হোস্পিতালিতী অমসুং ইনাক খুল্লবা দাইবর্সিতী এক্সপরিয়েন্স তৌনবা অদোম্না মতম ফংগনি হায়নসু ঐহাক্না আশা তৌরি।
থাগৎচরি।
অদোম্বু হন্না-হন্না থাগৎচরি।
