Quoteনহারোলশিং থৱায় য়াওনা লৈবাক শেমগৎপা শরুক য়াবা মতমদা, লৈবাক অসি চাউখৎপা য়াংখৎলি অমসুং মালেমগী থাক্ত ইকায়খুম্নবা ফংই: প্রধান মন্ত্রী
Quoteঙসিদি, ঐখোয়না ফংলিবা মখোয়গী কৎথোকপা অমসুং ইন্নোবেসন অমসুং তৌবা ঙম্বা কয়াগী খুৎথাংদা মালেমদা ভারতকী নহারোলশিং মশক তাক্লে: প্রধান মন্ত্রী
Quote‘মেক ইন ইন্দিয়া’ য়োকখৎনবা অমসুং মালেম থাক্কী পোৎথোকশিং পুথোক্নবা ভারতকী নহারোলশিংদা খুদোংচাবা পীনবা পান্দম অমগা লোয়ননা চহি অসিগী বজেত্ত সরকারনা মেনুফেকচরিং মিসন লাউথোক্লে: প্রধান মন্ত্রী
Quoteমেনুফেকচরিং মিসন্না লৈবাক শীনবা থুংবগী এম.এস.এম.ই অমসুং অপীকপা ওন্ত্রেপ্রেন্যুর মিল্লিয়ন কয়া শৌগৎপা খক নত্তনা, লৈবাক শীনবা থুংনা অনৌবা থবক ফংনবগী খুদোংচাবশিং পীগনি: প্রধান মন্ত্রী
Quoteমুম্বাইনা ৱার্ল্দ ওদিও ভিজুএল এন্দ ইন্তরতেনমেন্ত সম্মিৎ (ৱেবস) ২০২৫ য়ুম্বু ওইরগনি অমসুং থৌরম অসিদা ভারতকী নহারোলশিং মরুওইনা লৌরি, অহানবা ওইনা নহা ওইরিবা ক্রিয়েতরশিংদা অসিগুম্বা মফম অমা পীরি: প্রধান মন্ত্রী
Quoteমেদিয়া, গেমিং অমসুং ইন্তরতেনমেন্তদা অনৌবা থবক পাংথোকপশিংগীদমক, ৱেবস অসি মখোয়গী হৈথোই-শিংথোইবা উৎনবা মমাঙদা অমুক্ত ফংখিদ্রিবা খুদোংচাবা অমনি: প্রধান
Quoteনহারোলশিং অসিনা কৎথোকপগা লোয়ননা মখোয়গী থৌদাংশিং পাংথোক্কনি হায়বগী থাজবা থম্লি

খুরুমজরি।

ঙসি কেন্দ্র সরকারগী তোঙান তোঙানবা দিপার্তমেন্তশিংদা নহা 51000 হেনবদা পর্মিনেন্ত ওইবা সরকারগী থবকশিংগী লেত্তরশিং পীখ্রে। ঙসি ভারত সরকারগী তোঙান তোঙানবা দিপার্তমেন্তশিংদা নহারোলশিংগীদমক অনৌবা থৌদাংশিং লৌবা হৌরে। লৈবাক অসিগী ইকনোমিক সিস্তেম মপাঙ্গল কনখৎহনবা, লৈবাক অসিগী ইন্তর্নেল সেক্যুরিতী মপাঙ্গল কনখৎহনবা, লৈবাক অসিদা মোদর্ন ইনফ্রাস্ত্রকচর শেমগৎপা, শিন্মীশিংগী পুন্সিদা অহোংবা পুরকপা অসি অদোমগী থৌদাংনি। অদোম্না অদোমগী থবকশিং অদু অচুম্বা মওংদা মপুং ফাহল্লকপা মতমদা, চাউখৎলবা ভারতকী খোঙচৎতা হেন্না অফবা শাফু অমা উবা ফংলগনি। অদোম্না অদোমগী থৌদাংশিং অসি মপুং ফানা নিংথিনা পাংথোক্কনি হায়না ঐহাক্না থাজবা থম্লি।

মরুপশিং,

লৈবাক অমা হেক্তগী চাউখৎপা অমসুং মাই পাকপগী য়ুম্ফমদি মাগী নহাশিংনি। নহারোলশিংনা লৈবাক শেমগৎপদা শরুক য়াবা মতমদা, লৈবাক অসি খোঙজেল য়াংনা চাউখৎলি অমসুং মালেমদা মশক তাক্লি। ঙসিদি, ভারতকী নহারোলশিংনা মখোয়গী কন্না হোৎনজবা অমসুং ইন্নোবেসনগী খুত্থাংদা মালেমদা ঐখোয়না কয়া য়াম্না পোতেন্সিএল লৈবগে হায়বদু উৎলি। ঐখোয়গী সরকারনা লৈবাক অসিগী নহারোলশিংদা থবক ফংহন্নবা অমসুং মশানা থবক পীজনবা খুদোংচাবশিং হেনগৎহন্নবা খোঙথাং খুদিংদা হোৎনরি। স্কিল ইন্দিয়া, স্তার্ত-অপ ইন্দিয়া, দিজিতেল ইন্দিয়াগুম্বা কেম্পেন কয়ানা নহারোলশিংগীদমক অনৌবা খুদোংচাবশিং শেমগৎলি। কেম্পেনশিং অসিগী খুত্থাংদা, ঐখোয়না ভারতকী নহাশিংদা মখোয়গী হৈশিংবা উৎনবগীদমক্তা ওপন প্লেৎফোর্ম অমা পীরি। মসিগী মহৈ ওইনা, চহি তরা অসিদা ঐখোয়গী নহারোলশিংনা ভারতপু তেক্নোলোজী, দেতা অমসুং ইন্নোবেসনগী লমদা মালেমদা মাংলোমদা পুখৎলে। ঙসিদি, UPI, ONDC, অমসুং GeM গভর্নমেন্ত ই-মার্কেৎ প্লেসকুম্বা দিজিতেল প্লেৎফোর্মশিংগী মাইপাকপা অসিনা ঐখোয়গী নহাশিংনা দিজিতেল ইকোনোমীদা অহোংবা পুরকপদা করম্না লমজিংলিবা অদু উৎলি। ঙসিদি, ভারতনা খ্বাইদগী য়াম্বা রিএল তাইম দিজিতেল ত্রাঞ্জেক্সনশিং পাংথোক্লি, অমসুং মসিগী অচৌবা ক্রেদিৎ অসি ঐখোয়গী নহারোলশিংদা পীরি।

 

|

মরুপশিং,

হন্দক্কী বজেৎ অসিদা সরকারনা মেন্যুফেকচরিং মিসন লাউথোকখ্রে। মসিগী পান্দমদি মেক ইন ইন্দিয়া প্রমোৎ তৌবা অমসুং ভারতকী নহারোলশিংদা মালেমগী থাক্কী পোত্থোক পুথোকপগী খুদোংচাবা পীবনি। মসিনা MSMEশিং, ঐখোয়গী অপীকপা ওন্তপ্রিন্যুওর লাখ কয়াদা পুক্নিং থৌগৎপতা নত্তনা লৈবাক শিনবা থুংনা অনৌবা থবক ফংহন্নবা খুদোংচাবা কয়া অমসু ফংহল্লগনি। ঙসি অসি ভারতকী নহারোলশিংগীদমক্তা মমাংদা অমুক্তা ওইখিদ্রিবা খুদোংচাবশিংগী মতম্নি। ইকুই কুইদ্রিঙৈদা, IMFনা হায়খি মদুদি ভারত অসি মালেমদা খ্বাইদগী য়াংনা চাউখৎলক্লিবা ইকোনোমী ওইদুনা লৈহৌরগনি। মসিগী থাজবা অসি, মসিগী চাউখৎপা অসি মখল কয়া অমা লৈ। অমসুং খ্বাইদগী চাউবা ৱাফমদি লাক্কদৌরিবা নুমিৎশিং অসিদা সেক্তর খুদিংমক্তা থবক ফংবগী চাং হেনগৎলগনি। হৌখিবা মতমদা, ঐখোয়গী পোত্থোক পুথোকপা অমসুং এক্সপোর্ত তৌবনা ওতোমোবাইল অমসুং ফুতুয়েল ইন্দস্ত্রীদা অনৌবা রেকোর্দশিং শেমখ্রে। অসিগুম্বা সেক্তরশিং অসিনা নহারোল কয়া অমা থবক পীরি। অহানবা ওইনা খাদি অমসুং ভিলেজ ইন্দস্ত্রীজগী পোত্থোকশিংনা লুপা করোর লাখ 1.70গী চাংদা য়ৌরে। চাউরাক্না লুপা করোর লাখ 1.75 ওইগনি। মসিনা মরুওইনা খুঙ্গংগী মফমশিংদা অনৌবা থবক লাখ কয়া অমা পুথোক্লে। নুমিৎ খরনিগী মমাংদা, লৈবাক অসিনা ইনলেন্দ ৱাতর ত্রান্সপোর্তকী লমদা অতোপ্পা মাইপাকপা অমা উবা ফংলে। 2014গী মমাংদা, ঐখোয়গী লৈবাক অসিদা চহি অমদা ইনলেন্দ ৱাতর ত্রান্সপোর্তকী খুত্থাংদা কার্গো তোন মিলিয়ন 18 খক্তমক পুথোক-পুশিন তৌখি। অদুগা চহি অসিদা ইনলেন্দ ৱাতর ত্রান্সপোর্তকী খুত্থাংদা কার্গো ত্রান্সপোর্ত তৌবা অসি তন মিলিয়ন 18দগী তন মিলিয়ন 145 হেনখ্রে। ভারতনা মসিগী মাই পাকপা অসি ভারতনা মসিগী মাইকৈ অসিদা লেপ্পা লৈতনা পোলিসীশিং শেম্বা অমসুং ৱারেপ লৌবনা ফংলে। মমাংদা, লৈবাক অসিদা নেস্নেল ৱাতরৱেজ মশিং অসিসু মঙাখক ওইরম্মি। হৌজিক ভারত্তা নেস্নেল ৱাতরৱেজ মশিং অসি 5দগী 110দা হেনখ্রে। মমাংদা, হায়রিবা ঈশিংগী লম্বীশিং অসিগী ওপরেস্নেল ওইবা অশাংবা অসি কিলোমীতর 2700 রোম ওইরম্মি। মদুদি, কিলোমিতর লিশিং অনি অমসুং মঙা হেন্না খরা। হৌজিক মসিসু চাউরাক্না কিলোমিতর লিশিং মঙাদা হেনগৎলে। অসিগুম্বা এচিবমেন্ত পুম্নমক্না মরম ওইদুনা, লৈবাক অসিদা নহারোলশিংগীদমক অনৌবা খুদোংচাবা কয়া শেমগৎলি।

মরুপশিং,

ৱার্ল্দ ওদিও ভিজুএল এন্দ এন্তর্তেনমেন্ত সম্মিৎ হায়বদি WAVES 2025 অসি নুমিৎ খরনিগী মতুংদা মুম্বাইদা পাংথোক্কনি। লৈবাক অসিগী নহাশিং অসিসু থৌরম অসিগী সেন্তরদা লৈরি। অহানবা ওইনা, লৈবাক অসিগী নহা ওইরিবা ক্রিএতরশিংনা অসিগুম্বা প্লেৎফোর্ম অমা ফংলি। মীদিয়া, গেমিং অমসুং এন্তর্তেনমেন্তকী লমদা ইন্নোবেতরশিংনা মখোয়গী হৈশিংবা উৎনবা মসি মমাংদা অমুক্তা ওইখিদ্রিবা খুদোংচাবা অমনি। মসিনা এন্তর্তেনমেন্তকা মরী লৈনবা স্তার্ত-অপশিংনা ইনভেস্তরশিং অমসুং ইন্দস্ত্রীগী মকোক থোংবশিংগা শম্নবগী খুদোংচাবা ফংনবগী প্লেৎফোর্ম অমা ওইরগনি। মসিনা মালেমগী মমাংদা মখোয়গী ৱাখল্লোনশিং উৎনবগী খ্বাইদগী চাউবা প্লেৎফোর্ম অমা ওইরগনি। নহারোলশিংনা AI, X-R অমসুং ইমর্সিভ মেদিয়া খঙনবা অমসুং খঙনবা খুদোংচাবা ফংলগনি। মসিগীদমক্তা তোঙান তোঙানবা ৱার্কশোপ কয়া অমা শীনগনি। WAVESনা ভারতকী দিজিতেল কন্তেন্তগী তুংলমচৎতা অনৌবা ইনর্জী পীগনি।

 

|

মরুপশিং,

ঙসি ভারতকী নহারোলশিংগী মাইপাকপগী খ্বাইদগী থাগৎনিংঙাই ওইবা ৱাফমদি মখোয়গী ইনক্লুসিবনেসনি। ঙসি ভারতনা শেম্লিবা রেকোর্দ অসিদা সেক্সন খুদিংমক্কী শরুক য়াবগী চাং হেনগৎলক্লি! অমসুং ঐখোয়গী মচানুপীশিংনা হৌজিক্তি খোংথাং অনি খোংজেল য়াংনা মাংলোমদা চংশিল্লি। নুমিৎ খরনিগী মমাংদা UPSC গী ফল লাকখ্রে। মদুদসু, মকোকথোংবা মফম অনি অসি নুপীমচাশিংনা ফংখি। মকোকথোংবা মঙাগী মনুংদা অহুমদি নুপীমচাশিংনি। ঐখোয়গী নারী শক্তিনা বিয়ুরোক্রেসি, স্পেস অমসুং সাইন্সকী লমদা অনৌবা অৱাংবা থাক্তা চঙশিল্লি। সরকার অসিনা খুঙ্গংগী নুপীশিংদা শক্তি পীনবগীদমক অখন্নবা মীৎয়েং থম্লি। সেল্ফ হেল্প গ্রুপ, বিমা সাখি, বেঙ্ক সাখি অমসুং কৃশি সাখিগুম্বা ইনিসিয়েতিবশিংনা খুঙ্গংগী নুপীশিংগীদমক অনৌবা খুদোংচাবশিং শেমগৎলে। ঙসিদি, লৈবাক অসিদা নুপী লিশিং কয়ানা দ্রোন দিদী ওইদুনা মখোয়গী ইমুং-মনুং অমসুং খুঙ্গংশিং চাউখৎহন্নবা হোৎনরি। ঙসিদি, লৈবাক অসিদা সেল্ফ হেল্প গ্রুপ লাখ 90 হেন্না শেমখ্রে, অমসুং নুপী করোর 10 হেনবনা মখোয়গা লোয়ননা থবক তৌরি। সেল্ফ হেল্প গ্রুপশিং অসিগী কেপাসিতী হেনগৎহন্নবা ঐখোয়গী সরকারনা মখোয়গী বজেৎ অসি শরুক মঙা হেনগৎহনখ্রে। কাংলুপশিং অসিদা গরেন্তী য়াওদনা লুপা লাখ 20 ফাওবগী লোন পীনবগী থৌরাং তৌখ্রে। মুদ্রা স্কিমদসু বেনিফিসরী অয়াম্বদি নুপীশিংনি। ঙসি লৈবাক অসিদা স্তার্ত-অপ লিশিং 50 হেনবদা নুপীশিংনা দাইরেক্তর ওইনা থবক তৌরি। সেক্তর খুদিংমক্তা অসিগুম্বা অহোংবশিং অসিনা চাউখৎলবা ভারত অমগী ৱারেপ অদু মপাঙ্গল কনখৎহল্লি অমসুং থবক পীবগী অমসুং মশানা থবক পীজবগী খুদোংচাবশিং হেনগৎহল্লি।

 

|

মরুপশিং,

অদোম পুম্নমক্না মসিগী থাক অসি অদোম্না কন্না হোৎনদুনা ফংলে। হৌজিক অসি অদোমগী পুন্সিগী মথংগী তাঙ্কক অদু অদোমগীদমক্তা নত্তনা লৈবাক অসিগীদমক্তসু কত্থোক্কদৌরিবা মতমনি। পব্লিক সর্ভিসকী স্পিরিৎ অসি খ্বাইদগী মরু ওইগদবনি। অদোম্না অদোমগী সেবাবু খ্বাইদগী হেন্না মরু ওই হায়না লৌদুনা থবক তৌরবদি, অদোমগী থবকশিং অসিনা লৈবাক অসিদা অনৌবা মায়কৈ অমা পীরগনি। ভারতকী নাগরিক খুদিংমক্কী পুন্সি অসি অদোমগী থৌদাং, অদোমগী ইন্নোবেসন অমসুং অদোমগী লোয়ালিতিগী খুত্থাংদা হেন্না ফগৎলগনি।

মরুপশিং,

করিগুম্বা নহাক্না থৌদাং লৈবা মফম অমদা লৈরক্লবদি, নাগরিক অমা ওইনা নহাক্কী মথৌ অমসুং থৌদাং অসি হেন্না মরুওইরকই। অদোম পুম্নমক্না মসিগী মাইকৈ অসি খঙগদবনি। অমসুং ঐখোয়সু নাগরিকশিং ওইনা শরুক য়াবা লেপ্পোইদবনি। হৌজিক, ঐহাক্না অদোমদা খুদম অমা পীগে, হৌজিক লৈবাক অসিদা 'এক পের মা কে নাম'গী অচৌবা কেম্পেন অমা চত্থরি। ঙসি নহাক্না ফংলিবা মফম অসিদা, নহাক্না পুন্সিগী অনৌবা হৌরকফম অসিদা, নহাক্কী ইমা অদুনা খ্বাইদগী চাউবা থৌদাং লৌগনি। নহাকসু নহাক্কী ইমাগী মিংদা পাম্বী অমা থাবা তাই, মহৌশাগী সেবা তৌদুনা নহাক্কী তৌবিমল খঙবা ফোংদোকপা তাই। নহাক্না থবক তৌরিবা ওফিস অদুদা, য়ারিবমখৈ মীওই কয়া অমা কেম্পেন অসিদা শরুক য়াহল্লু। অদোমগী সর্ভিস পেরিয়দকী হৌরকপদা, জুন থাদা, ইন্তর্নেস্নেল যোগ নুমিৎসু লাক্কদৌরি। মসি য়াম্না চাউরবা থৌরম অমনি। অসিগুম্বা অচৌবা থৌরম অমদা, মায় পাকপা পুন্সি অমা হৌবগা লোয়ননা, য়োগগী খুত্থাংদা হকচাং ফনা পুন্সি অমা হৌবা। অদোমগী হকশেল অসি অদোমগীদমক্তা মরু ওইবতা নত্তনা, অদোমগী থবক তৌবা ঙম্বগী মতিক অমসুং লৈবাক অসিগী পোত্থোক পুথোকপা ঙম্বগী মতিকসু মরু ওই। অদোমগী তৌবা ঙম্বশিং হেনগৎহন্নবা, মিসন কর্মযোগীগী মপুং ফানা মতেং লৌদুনা লৈয়ু। নহাক্কী থবক অসি পোস্ত অমা ফংনবগীদমক্তা নত্তে। অদোমগী পোস্ত অসি ভারতকী নাগরিক খুদিংমক্তা সেবা তৌনবা অমসুং লৈবাক অসিগী চাউখৎ থৌরাংদা শরুক য়াবনি।  নুমিৎ খরনিগী মমাংদা, সিভিল সর্বিসেস দেদা, ঐহাক্না মন্ত্র অমা পীখি অমসুং ঐহাক্না হায়খি মদুদি সরকারদা লৈরিবা মীপুম খুদিংমক্না ঐখোয়গীদমক্তা খ্বাইদগী মরুওইবা মন্ত্র অমখক্তমক লৈগদবনি, অমসুং মন্ত্র অদুদি - নাগরিক দেবো ভব: নাগরিক দেবো ভব: । নাগরিকশিংবু সেবা তৌবসি অদোমগীদমক, ঐখোয় পুম্নমক্কীদমক ঈশ্বরবু সেবা তৌবগা চপ মান্নৈ। মসিগী মন্ত্র অসি মতম পুম্নমক্তা নীংশিংগদবনি। ঐহাক্না থাজবা থম্লি মদুদি ঐখোয়গী তৌবা ঙম্বশিং অমসুং অচুম্বা মওংদা, ঐখোয়না চাউখৎপা অমসুং নুংঙাই য়াইফবা ভারত অমা শেম্লগনি।

 

 

|

ঐহাক্না অদোম অমসুং অদোমগী ইমুং-মনুংগীদমক য়াইফ-পাউজেল পীজরি। অদোমগী মংলানশিং লৈবগুম্না লৈবাক অসিগী মীওই করোর 140গীসু মংলানশিং লৈ। অদোম্না অদোমগী মঙলানশিং মপুং ফাহন্নবা খুদোংচাবা অমা ফংবগুম্না, হৌজিক মসিগী খুদোংচাবা অসি শিজিন্নবনা লৈবাক অসিগী মীওই করোর 140গী মঙলানশিং মপুং ফাহন্নবগীদমক অদোমগী মরুওইবা থৌদাংগা মরী লৈনরে। অদোম্না পোস্ত অসি ফজনা পাংথোক্কনি, লৈবাক মীয়ামগী ইকাই খুম্নবা হেনগৎহনগনি অমসুং অদোমগী মতম অমসুং থৌনা অসি অদোমগী পুন্সিদা মঙাল পীবা ওইহন্নবা শিজিন্নগনি হায়না ঐনা থাজবা থম্লি। য়াইফ-পাউজেলশিং অসিগা লোয়ননা, অদোম পুম্নমকপু হন্না-হন্না নুংঙাইবা ফোংদোকচরি।

 

  • Jitendra Kumar July 01, 2025

    ❤️🇮🇳
  • Anup Dutta June 29, 2025

    joy Shree Ram
  • Virudthan May 31, 2025

    🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴 🔴🔴🔴🔴🔴भारत माता की जय🇮🇳🔴🔴🔴🔴🔴🔴🔴🔴 🔴🔴🔴🔴🔴🔴#OperationSindoor🔴🔴🔴🔴🔴🔴🔴JAI JAI MAHADEV 🔴JAI JAI MAHADEV🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴 🔴🔴🔴🔴🔴भारत माता की जय🇮🇳🔴🔴🔴🔴🔴🔴🔴 🔴🔴🔴🔴🔴#OperationSindoor🔴🔴🔴🔴🔴🔴🔴🔴JAI HIND 🔴JAI HIND 🔴JAI HIND🔴🔴🔴🔴🔴
  • Virudthan May 31, 2025

    ஓம் முருகா🙏ஓம் முருகா🙏 🍁🔴🍑🌹🌹🌹🌹🍎🍅🌺🍁🎄🥝🍏🥦🥒🫒🍍🍪🥞🍊🍒🥑🌽🚩🍉🥮 🔴🔴🔴🔴Vande Matram🚩 Jai Shri Ram🙏🔴🔴ஓம் முருகா🙏ஓம் முருகா🙏 🍁🔴🍑🌹🌹🌹🌹🍎🍅🌺🍁🎄🥝🍏🥦🥒🫒🍍🍪🥞🍊🍒🥑🥬🌽🚩🍉🧀🍠🥮
  • ram Sagar pandey May 29, 2025

    🌹🙏🏻🌹जय श्रीराम🙏💐🌹🌹🌹🙏🙏🌹🌹🌹🙏🏻🌹जय श्रीराम🙏💐🌹🌹🌹🙏🙏🌹🌹जय माँ विन्ध्यवासिनी👏🌹💐ॐनमः शिवाय 🙏🌹🙏जय कामतानाथ की 🙏🌹🙏🌹🌹🙏🙏🌹🌹🌹🙏🏻🌹जय श्रीराम🙏💐🌹जय माता दी 🚩🙏🙏
  • shailesh dubey May 26, 2025

    वंदे मातरम्
  • Jitendra Kumar May 25, 2025

    🇮🇳🇮🇳
  • Gaurav munday May 24, 2025

    😘
  • SATISH KUMAR SINGH May 22, 2025

    जय हो
  • Himanshu Sahu May 19, 2025

    🙏🙏🙏
Explore More
২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল

Popular Speeches

২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল
India gets an 'F35' stealth war machine, but it's not a plane and here’s what makes it special

Media Coverage

India gets an 'F35' stealth war machine, but it's not a plane and here’s what makes it special
NM on the go

Nm on the go

Always be the first to hear from the PM. Get the App Now!
...
Prime Minister condoles the loss of lives in an accident in Sambhal, Uttar Pradesh
July 05, 2025
QuotePM announces ex-gratia from PMNRF

Prime Minister Shri Narendra Modi today condoled the loss of lives in an accident in Sambhal, Uttar Pradesh. He announced an ex-gratia of Rs. 2 lakh from PMNRF for the next of kin of each deceased and Rs. 50,000 to the injured.

The PMO India handle in post on X said:

“Deeply saddened by the loss of lives in an accident in Sambhal, Uttar Pradesh. Condolences to those who have lost their loved ones in the mishap. May the injured recover soon.

An ex-gratia of Rs. 2 lakh from PMNRF would be given to the next of kin of each deceased. The injured would be given Rs. 50,000: PM @narendramodi”