Share
 
Comments
“কুশিনগর ইন্তর্নেস্নেল এয়রপোর্ত অসি মালেম শিনবা থুংনা লৈরিবা বুদ্ধীস্ত সোসাইতীগী অপাম্ববু ইকাই খুম্নবা অমনি”
“হেন্না ফবা লম্বী-থোং ফাওনহনবা অমসুং ভক্তশিংগী খুদোংচাবা শেমগৎতুনা লোর্দ বুদ্ধাগা মরী লৈনবা মফমশিংদা চাউখৎ থৌরাংগী অখন্নবা মিৎয়েং অমসু থম্লি”
“য়ু.দি.এ.এন. স্কীমগী মখাদা অনৌবা লম্বী ৯০০ হেন্না অয়াবা পীখ্রে, লম্বী ৩৫০ হান্ননা চৎনবা হৌখ্রে। অনৌবা এয়রপোর্ত ৫০ হেন্না অমদি হান্ননা মথৌ তৌদ্রবশিং থবক হৌহনখ্রে”
“উত্তর প্রদেশতা, কুশিনগর এয়রপোর্ত্তগী হান্না মাংওইননা এয়রপোর্ত ৮ থবক হৌখ্রে। লখনৌ, বরানাসি অমসুং কুশিনগরগী মতুংদা জিৱর ইন্তর্নেস্নেল এয়রপোর্ত্তা থবক তৌরি। মদুগী মথক্তা, অয়োধ্যা, অলিগর, অজমগর, তিত্রকুত, মোরাদাবাদ অমসুং শ্রাবস্তিদা এয়রপোর্ত প্রোজেক্তশিং চৎথরি”
“এয়র ইন্দিয়াগী মফমশিংদা ৱারেপ লৌবনা ভারতকী এবিএসন সেক্তরদা অনৌবা শক্তি পীরগনি”
“হন্দক্তা দ্রোন পোলিসী হৌদোকখিবা অসিনা লৌউ-শিংউবদগী হকশেল ফাওবদগীনা দিজাস্তর মেনেজমেন্তদগী দিফেন্স ফাওবগী লমদা পুন্সি-হোংবা য়াবা অওনবা অমা পুরক্লগনি”

উত্তর প্রদেশকী রাজ্যপাল, শ্রীমতি অনন্দিবেন পতেলজী, মুখ্য মন্ত্রী শ্রী অদিত্যনাথজী, কেন্দ্রগী মন্ত্রী-মন্দলদা ঐহাক্কা থৌ পুমিন্নরিবা শ্রী জ্যোতিরাদিত্য সিন্ধিয়াজী, শ্রী কিরেন রিজিজু, শ্রী জি. কিশন রেদ্দীজী, জেনরেল ভি.কে. সিংহজী, শ্রী অর্জুন রাম মেঘাৱলজী, শ্রী শ্রিপাদ নাইকজী, শ্রীমতি মীনাক্ষি লেখিজী, য়ু.পি. সরকারগী মন্ত্রী, শ্রী নন্দ গোপাল নন্দিজী, পার্লিয়ামেন্তদা ঐহাক্কা থৌ পুমিন্নরিবা শ্রী বিজয় কুমার দুবেজী, এম.এল.এ. শ্রী রজনিকান্ত মনি ত্রিপাথিজী, তোঙান-তোঙানবা লৈবাকশিংগী এম্বেসেদরশিং অমসুং দিপ্লোমেতশিং অমদি অতৈ মীয়ামগী মীহুৎশিং,

ইচিল-ইনাওশিং!

ভারত অসি মালেম শিনবা থুংবগী ওইনা বুদ্ধিস্ত খুন্নাইগী লাইনীং, থাজবা অমসুং ইথিলগী হৌরকফম ওইরি। ঙসি, কুশিনগর ইন্তর্নেস্নেল এয়রপোর্ত শঙ্গাবা অসি মাইকৈ অমরোমদা মখোয়গী লাইনীংবু ইকাই খুম্নবা উৎপনি। ভগ্বান বুদ্ধনা মঙাল ফংখিবদগী মহাপরিনির্ভানা ফাওবগী খোঙচৎ অসি উবা ফংখিবা লমদম অসিনা ঙসি মালেমগী হকথেংননা শম্নহন্নবা থৌরাং তৌরি। কুশিনগরদা শ্রী লঙ্কান এয়রলাইন্স ফ্লাইত অমা থুংখিবা অসি শেংলবা লাইফম অসিদা ইকাই খুম্নবা উৎপা অমনি। কুশিনগরনা ঙসি ফ্লাইত অসিদা লাকখিবা শ্রী লঙ্কাগী ইকাই খুম্ননীংঙাই ওইরবা দেলিগেসন অমসুং অতৈ দিগ্নিতরীশিংবু ইকাই খুম্নবগা লোয়ননা তরাম্না ওকখি। নুংঙাইরিবদি ঙসি মহার্শি বালমিকিগী মপোক কুমওনগা তামিন্নবা অসিনি। ভগ্বান মহার্শি বালমিকিজীনা পীবা ইথিলগা লোয়ননা লৈবাক অসিনা সবকা সাথ অমসুং সবকা প্রয়াসকী মতেংগা লোয়ননা সবকা বিকাসকী লম্বীদা চংশিল্লি।

মরুপশিং,

কুশিনগরগী ইন্তর্নেস্নেল এয়রপোর্ত অসি চহি কয়াগী থাজবা অমসুং অনিবশিংগী মহৈনি। ঐহাক্না নুংঙাইবা অসি ঙসিদা শরুক অনি হেনগৎলে। লাইনীংগী ওইবা খোঙচৎ ইনক্যুজিতর অমা ওইনা ৱাখল্দা অপেনবা পোকই অমসুং মসি পুর্ভঞ্চল লমদমগী মীহুৎ অমা ওইনা ৱাশক অমা থুংহনবা ঙম্বগী থৌরম অমসু ওইরি। কুশিনগর ইন্তর্নেস্নেল এয়রপোর্ত শাবা অসিদা কুশিনগর, য়.পি., ভারতকী নোংপোক থংবা শরুক – পুর্ভঞ্চলগী মীয়ামদা অমসুং মালেমদা লৈরিবা ভগ্বান বুদ্ধগী তুং ইল্লিবশিংদা হন্না-হন্না নুংঙাইবা ফোঙদোকচরি।

মরুপশিং,

ভক্তাশিংগীদমক্তা অফবা কনেক্তিবিতী অমসুং খুদোংচাবশিং শেমগৎপগী খুত্থাংদা ভগ্বান বুদ্ধগা মরী লৈনবা মফমশিংদা অখন্নবা মীৎয়েং থম্লি। কুশিনগর শেমগৎপা হায়বা অসি য়ু.পি. সরকার অমসুং কেন্দ্র সরকারগ খ্বাইদগী মরুওইবশিংগী মনুংদা অমনি। ভগ্বান বুদ্ধগী পোক্নফম ওইরিবা লুম্বিনি অসি মফম অসিদগী পংলপ লাপত্রে। জ্যোতিরাদিত্যনা মসি হৌজিক কুপ্না হায়বীখ্রে অদুবু ঐখোয়না লম অসি লৈবাক অসিগী সেন্তর পোইন্ত ওইরি হায়বা অসি হেন্না লাইনা খঙবা ঙম্নবা ঐহাক্না অমুক হন্না থমজগে। কপিলভস্তুসু মফম অসিগী নক্লে। ভগ্বান বুদ্ধনা অহানবা ৱা ঙাংখিবা মফম সর্নাথ অসিসু কিমোমিতর ১০০-১২৫গী মনুংদা লৈরি। বুদ্ধনা মঙাল ফংখিবা মফম বোধ গায়া অসি পুং খরা চৎলগা লৈ। মরম অসিনা লমদম অসি ভারতকী বুদ্ধিস্তকী তুং ইল্লিবশিংতগী নত্তনা শ্রী লঙ্কা, থাইলেন্দ, সিঙ্গাপুর, লাওস, কম্বোদিয়া, জপান, কোরিয়া অসিনচিংবগী লাইনীং  অমসুং ফজবগী হৌরকফম অমা ওইরি।

ইচিল-ইনাওশিং,

কুশিনগর ইন্তর্নেস্নেল এয়রপোর্ত অসি এয়র কন্নেক্তিবিতীগী পাম্বৈ অমা ওইবতা নত্তনা মসিনা মফম অসিগী লৌমীশিং, শা-শন য়োক্লিবশিং, দুকানদারশিং, শিন্মী অমসুং ওন্তপ্রিনোরশিংদা হকথেংননা কান্নবা পীরগনি। মফম অসিদা বিজিনেস অমসুং লালোন-ইতিক্কী মপুং ফাবা ইকোসিস্তেম অমা লৈরগনি। তুরিজম, তেক্সি থৌরিবশিং, হোতেল অমদি রেস্তোরেন্তশিংদা অপীকপা বিজিনেস তৌরিবা মীওইশিংদা চাউনা কান্নবা ফংহল্লগনি। মসিনা লমদম অসিগী নহারোলশিংদা অনীবা থবক্কী খুদোংচাবশিং পীরগনি।

ইচিল-ইনাওশিং,

লাইনীং নত্ত্রগা নুংঙাইবগী ওইরবসু তুরিজমদা মতমগা চুনবা ইনফ্রাস্ত্রকচর অসি মখল পুম্বদা য়াম্না মরু ওই। ইনফ্রাস্ত্রকচর অসি মখোয়গী হান্না মতৌ তাবা অদুনি। রেল, লম্বী-থোং, এয়রৱেজ, ৱাতরৱেজ, হোতেলশিং, হোস্পিতালশিং, ইন্তর্নেত কন্নেক্তিবিতী, লুনানবা, সিৱেজ ত্রীৎমেন্ত অসিনা মতমগা চুনবা ইনফ্রাস্ত্রকচর মপুং ফাহল্লিবা অসিগা অফবা অকোইবগী ফীভম অমা ওইহল্লিবা রিন্যুএবল ইনর্জী অসি অমগা অমগী মরক্তা মরী লৈনৈ অমসুং পুম্নমক অসি মতম অমতদা থবক ওইনা ওন্থোকপা মরু ওই। ঙসিগী ২১শুবা চহিচাগী ভারত অসিনা এপ্রোচ অসিতংগা লোয়ননা মাংদা চংশিল্লি। হৌজিক্তি তুরিজমদা অনৌবা হীরম অমসু হাপচিনখ্রে হায়বদি ভারতকী খোঙজেল য়াংনা চংশিল্লিবা ভেক্সিনেসন অসিনি। মসিনা মপালদগী লাকপা লমকোইবশিংদা ভারত অসি পাকশন্না ভেক্সিনেতেদ ওইরে হায়না থাজবা ফাওহনগনু অমসুং ভারত্তা লমকোইবা অমা ওইনা নত্ত্রগা থবক অমা হেক্তগী চৎপা অসি খুদোংথিনীংঙাই ওইদে পোকহল্লগনি। মখোয়গী ওইনসু মসি মশাদা থাজবা পোকহন্নবা অমা ওইরি। হৌখিবা চহি খরা অসিদা লমদম অসিদা অমদি মসিগী মঙলান ফাওবা মঙদবা মীওইশিংদা এয়র কন্নেক্তিবিতী ফংহন্নবা মীৎয়েং থমখি।

পান্দম অসিগী হৌদোকখিবা উরান স্কীম অসি চহি মরি শুরক্কদৌরে। উরান য়োজনাগী মখাদা, হৌখিবা চহি খরদগী অহেনবা লম্বী ৯০০গী অয়াবা পীখ্রে অমসুং মসিগী মনুংদগী ৩৫০ হেনবদা এয়র সর্ভিসসু হৌখ্রবনি। অনৌবা এয়রপোর্ত নত্ত্রগা থবক হৌদনা লৈরম্বা ৫০ হেনবসু মথৌ তৌবা হৌখ্রবনি। মথংগী চহি অহুম-মরি অসিদা এয়রপোর্ত, হেলিপোর্ত অমসুং সীপ্লেন ২০০ হেনবগী নেতৱর্ক অমা শেম্নবা থৌরাংশিং তৌবা হৌখ্রে। খুদোংচাবশিং অসি হেনগৎলকপগা লোয়ননা ভারতকী মীচপ প্রজাশিং অসি এয়রপোর্তশিংদা হেন্না উবা ফংলকপা অসি ঐহাক অমসুং অদোম্না উবা ফংলে। মিদল ক্লাস ইমুংগী মীওই কয়া-কয়ানা হৌজিক এয়র সর্ভিসকী খুদোংচাবা অসি লৌরি। উরান স্কীমগী মখাদা উত্তর প্রদেশতা এয়র কন্নেক্তিবিতী অসি লেপ্তনা চাউখৎলক্লি। য়ু.পি.গী এয়রপোর্ত নিপানদগী ফ্লাইতশিং পাইবা হৌখ্রে। লখনৌ, বরানাসি অমসুং কুশিনগরগী মথংদা জেৱার ইন্তর্নেস্নেল এয়রপোর্ত শাবগী থবক খোঙজেল য়াংনা পাইখৎলক্লি। মসিগী মথক্তা অয়োধ্যা, অলিগর, অজামগর, চিত্রাকুত, মোরাদবাদ অমসুং শ্রবাস্তিদা এয়রপোর্ত প্রোজেক্তশিং পাইখৎলি। অতোপ্পা ৱাহৈদা হায়রগনি য়ু.পি.গী তোঙান-তোঙানবা মফমশিংদা অথুবদা এয়র কন্নেক্তিবিতীনা মপাঙ্গল কনখৎহল্লগনি। মথংগী চয়োল খরা অসিদা দিল্লী অমসুং কুশিনগরগী মরক্তা স্পাইসজেতকী দাইরেক্ত ফ্লাইতশিং পাইবা হৌরগনি হায়না ঐঙোন্দা খঙহনবীরকখি। জ্যোতিরাদিত্যজীনা অহেনবা মফম খরসু পনখি অমদি মসিনা দোমেস্তিক ত্রেবেলরশিং অমসুং ভক্তাশিংদা চাউনা খুদোংচাবা ফংহল্লগনি।

মরুপশিং,

লৈবাক অসিগী এভিএসন সেক্তর অসি প্রোফেস্নেল ওইনা মথৌ পাংথোকপা ঙম্নবা অমসুং খুদোংচাবা অমসুং শাফবনা মাংজিল থাহন্নবা ইকুই কুইদনা লৈবাক অসিনা এয়র ইন্দিয়াগা মরী লৈননা মরুওইবা খোঙথাং অমা লৌখৎখ্রে। মসিগী খোঙথাং অসিনা ভারতকী এভিএসন সেক্তরদা অনৌবা পাঙ্গল অমা হাপ্লগনি। অসিগুম্বা অচৌবা অওনবা অমগী মনুংদা চল্লিবা অদুদি মীয়ামগীদমক শিজিন্ননবা দিফেন্স এয়রস্পেস হাংদোকপনি। মসিগী ৱারেপ অসিনা এয়র রুত কয়ামরুমদা এয়র ত্রাভেলগী অরাপ্পা হন্থরগনি অমসুং মতমসু হন্থরগনি। ভারতকী নহাশিংগীদমক অফবা মখলগী ত্রেনিং ফংহন্নবা লৈবাক অসিগী এয়রপোর্ত ৫দা ফ্লাইং একাদেমী ৮ লিংখৎনবা থবক পাইখৎপা হৌখ্রে। ত্রেনিংগী এয়রপোর্তশিং শিজিন্নবগা মরী লৈনবা রুলশিংসু শেমদোকখ্রে।  ভারতকী হন্দক্তা পুথোকখিবা দ্রোন পোলিসী অসিনা লৌউ-শিংউদগী হৌরগা হকশেল ফাওবা অমসুং দিজাস্তর মেনেজমেন্তদগী হৌরগা ঙাকশেল ফাওবগী লমশিংদা লাইফ-চেঞ্জিং ত্রান্সফোর্মেসন অমা পুরক্লগনি। দ্রোনশিং শাবদগী ত্রেন তৌরবা মেনপাৱরশিং শেমগৎপা ফাওবা য়াওনা ভারত্তা মপুংফাবা ইকোসিস্তেম অমা শেমগৎলি। মসিগী প্রোজেক্তশিং অমসুং থৌরাংশিং অসি খোঙজেল য়াংনা চংশিন্নবা অমসুং অপনবা অমত্তা লৈতনবা ইকুই কুইদনা পি.এম. গতীশক্তি নেস্নেল মাস্তর প্লানসু হৌদোকখ্রে। মসিনা লৈঙাক পথাপ ফগৎহনবতা নত্তনা লম্বী, রেল, এয়রনচিংবা ত্রান্সপোর্তকী পাম্বৈ খুদিংমক অমগা অমগা মতেং পাংনদুনা অমসুং অমগা অমগগী কেপাসিতী হেনগৎহনবা ঙমহল্লগনি। মসিগী লেপ্পা লৈত্রবা অওনবশিং অসিগী ফলনা ভারতকী সিভিল এভিএসন সেক্তরদা অনৌবা এয়রক্রাফ ১,০০০ হাপচিল্লগনি হায়না পানরি।

মরুপশিং,

নীংখা তম্বগী শেংলবা মতম অসিদা ভারতকী এভিএসন সেক্তরনা লৈবাক অসিগী খুমাং চাউশিনবগী খুদম অমা ওইরগনি অমদি মসিদা উত্তর প্রদেশকী ইনর্জীনসু শরুক তম্লগনি। য়াইফ-পাউজেল অসিগা লোয়ননা ঐহাক্না পুম্নমকপু অমদু মালেমদা লৈরিবা বুদ্ধিস্ত লাইনীং চৎপা মীওইশিংবু ইন্তর্নেস্নেল এয়রপোর্ত অসিগীদমক থাগৎপা ফোঙদোকচরি। মসিদগী ঐহাক্না মফম অসিদগী লৈবাক অসিগী অমদি মালেমগী বুদ্ধিস্ত লম্বোইবশিংদগী থৌজাল নীজগনি মসিগী মতুংদা ঐহাক্না য়ু.পি.গী ইনফ্রাস্ত্রকচর প্রোজেক্ত কয়াগী উরেপ-উয়ুং তম্বগী খুদোংচাবা লৌজগনি।

অমুক্কা হন্না ময়াম্বু হন্না-হন্না থাগৎচরি!

 

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
21 Exclusive Photos of PM Modi from 2021
Explore More
পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল

Popular Speeches

পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল
Construction equipment industry grew 47% in Q2 FY22

Media Coverage

Construction equipment industry grew 47% in Q2 FY22
...

Nm on the go

Always be the first to hear from the PM. Get the App Now!
...
PM Modi, PM Jugnauth to jointly inaugurate India-assisted Social Housing Units project in Mauritius
January 19, 2022
Share
 
Comments

Prime Minister Narendra Modi and Prime Minister of Mauritius Pravind Kumar Jugnauth will jointly inaugurate the India-assisted Social Housing Units project in Mauritius virtually on 20 January, 2022 at around 4:30 PM. The two dignitaries will also launch the Civil Service College and 8MW Solar PV Farm projects in Mauritius that are being undertaken under India’s development support.

An Agreement on extending a US$ 190 mn Line of Credit (LoC) from India to Mauritius for the Metro Express Project and other infrastructure projects; and MoU on the implementation of Small Development Projects will also be exchanged.